സ്വാഗതഗാനം 2015

അക്ഷരമാല 
അക്ഷരമാല കോരുക്കാം 
അറിവിന്നക്ഷര ദീപമൊരുക്കാം 
അറിവിന്നക്ഷര ദീപപ്രഭയിൽ 
ഒത്തിരി നേരമിരിക്കാം..
നമ്മൾക്കൊത്തിരി  നേരമിരിക്കാം (2)

അറിവുകൾ നേടി നിറവുകൾ നേടി 
ചിറകടിച്ചാകാശേ  പാറാം.
കാലിടറി വീഴുന്നൊരനുജന്റെനേരേ 
അലിവിന്റെയാകാശമാകാം നമ്മുക്ക-
ലിവിന്റെയാകാശമാകാം (2)

അക്ഷരമാല.......

മനസ്സിൽ നിറയെ നന്മകൾ പൂക്കും 
മണ്ണിൽ വിരിയും മരമാകാം 
മാലോകർക്കൊരു തണലാകാം 
മാനം മുട്ടെ വളർന്നീടാം (2)

അക്ഷരമാല.....

അറിവിന്നഗ്നിജ്വാലകളേന്താൻ അറിയാപൊരുളുകൾ തേടാൻ 
അണിയണിയണിയായ് വരുന്നു ഞങ്ങൾ 
അറിവിൻ മധുരം നുകരാൻ 
അറിവിൻ മധുരം നുകരാൻ (2)

അക്ഷരമാല.....

ഈ പോസ്റ്റ്‌ നിങ്ങൾക്ക് ഇഷ്ടപ്പെട്ടോ ? എങ്കിൽ കിളിചെപ്പിന്റെ ഏറ്റവും പുതിയ പോസ്റ്റുകൾ സൗജന്യമായി  നിങ്ങളുടെ ഈമെയിലിൽ എത്തുന്നതിനായി താഴെ കൊടുത്തിരിക്കുന്ന ബോക്സ്‌സിൽ നിങ്ങളുടെ ഇമെയിൽ വിലാസം നൽകൂ... തുടർന്ന് വരുന്ന പോസ്റ്റുകൾ നിങ്ങളുടെ ഇ-മെയിലിൽ വരുന്നതായിരിക്കും.