കൊച്ചമ്മിണിയുടെ ക്വിസ്

അമ്മുമ്മയ്ക്കിത് പറയാമോ?
രോഹിണിയെന്നാലെന്തെന്ന്?

അഷ്ടമി....രോഹിണി.... അറിയില്ലേ...
കഷ്ടം, രോഹിണി നക്ഷത്രം!

അമ്മേ! അമ്മയ്ക്കറിയാമോ?
രോഹിണിയെന്നാലെന്തെന്ന്?

"രോഹിണി നമ്മുടെ കാലിക്കൂട്ടിൽ 
നില്ക്കും പാണ്ടിപ്പയ്യല്ലേ

കൊച്ചമ്മിണിയുടെ ചോദ്യം പിന്നീ-
ടച്ഛന്നരികത്തായപ്പോൾ 
ഉത്തരമിങ്ങനെ : അറിയും രോഹിണി-
യുത്തമമായൊരു നെൽവിത്ത്!

അച്ഛനറിയില്ലമ്മയ്ക്കറിയി-
ല്ലൊന്നും; കൊച്ചമ്മിണി തുള്ളി!
നോക്കൂ രോഹിണി നമ്മളയച്ചോ 
രൂക്കനുപഗ്രഹമാണല്ലോ!  

ഈ പോസ്റ്റ്‌ നിങ്ങൾക്ക് ഇഷ്ടപ്പെട്ടോ ? എങ്കിൽ കിളിചെപ്പിന്റെ ഏറ്റവും പുതിയ പോസ്റ്റുകൾ സൗജന്യമായി  നിങ്ങളുടെ ഈമെയിലിൽ എത്തുന്നതിനായി താഴെ കൊടുത്തിരിക്കുന്ന ബോക്സ്‌സിൽ നിങ്ങളുടെ ഇമെയിൽ വിലാസം നൽകൂ... തുടർന്ന് വരുന്ന പോസ്റ്റുകൾ നിങ്ങളുടെ ഇ-മെയിലിൽ വരുന്നതായിരിക്കും.