ഭക്ഷണം കുറഞ്ഞാൽ കുഴപ്പമില്ല കൂടിയാൽ രോഗിയാവും!

മനുഷ്യർക്ക്, ഭക്ഷണ കുറയുന്നതിനേക്കാൾ കൂടുതൽ അപകടകരമാകുന്നത് അമിതഭക്ഷണം കഴിക്കുമ്പോഴാണെന്ന് ആരോഗ്യ ശാസ്ത്രം മുന്നറിയിപ്പ്  തരുന്നുണ്ട്.ഇത് പരിസ്ഥിതിയെയും പ്രതികൂലമായി ബാധിക്കുന്നു. 150 കോടി ജനങ്ങൾ അമിത വണ്ണവും ഭാരവും കൊണ്ടുള്ള പ്രശ്നങ്ങൾ നേരിടുന്നുണ്ടെന്ന് കണക്കുകൾ സൂചിപ്പിക്കുന്നു. ആഹാര കാര്യത്തിലെ മറെറാരു പ്രധാന പ്രശ്നമാണ് ഭക്ഷണം പാഴാക്കിക്കളയൽ. ലോകാരോഗ്യ സംഘടനയുടെ കണക്കുകൾ പ്രകാരം 130 കോടി ടൺ ഭക്ഷണം പാഴാക്കിക്കളയുന്നുണ്ടത്രെ. 100 കോടി ജനങ്ങൾ പട്ടിണി കിടക്കുമ്പോഴും, ഏതാണ്ട് അത്രയും തന്നെ ജനങ്ങൾ പോഷകാഹാരക്കുറവിനാൽ ദുരിതമനുഭവിക്കുമ്പോഴാണി തെന്നോർക്കണം. ഭക്ഷ്യോത്പാദനം കൂടുന്നതിനാനുപാതികമായി പ്രകൃതി വിഭവങ്ങൾ കുറഞ്ഞു വരികയും ചെയ്യുമല്ലോ.

ഭൂമിയുടെ തുണ്ടുവത്കരണം, മണ്ണൊലിപ്പ്, മണ്ണിന്റെ ഫലഭൂയിഷ്ടതക്കുറവ്, വരൾച്ച, കാലാവസ്ഥാ വ്യതിയാനം, വർധിച്ചതോതിലുള്ള മീൻപിടിത്തം, കടലിലെ പരിസ്ഥിതി പ്രശ്നങ്ങൾ തുടങ്ങിയവയെല്ലാം ഭക്ഷ്യ ഉത്പാദനവും വിതരണവുമായി ബന്ധപ്പെട്ട പ്രകൃതി വിഭവങ്ങളുടെ ശോഷണത്തിനുള്ള കാരണങ്ങളാണ്.. ഭക്ഷ്യമേഖല ഏകദേശം 30 ശതമാനത്തോളം ഊർജം ഉപയോഗിക്കുകയും 22 ശതമാനം ഹരിതഗൃഹ പ്രഭാവത്തിനു കാരണമായ വാതകങ്ങൾ ഉത്സർജിക്കുകയും ചെയ്യുന്നുണ്ടെന്നാണ് കണക്കുകൾ