സൈക്കിൾ ചക്രത്തിന് നല്ല ബ്രേക്കിംങ്ങ് കിട്ടാൻ വേണ്ടി വലിപ്പം കൂടിയ ബ്രേക്ക് ഘടിപ്പിക്കാത്തതെന്തുകൊണ്ട്?

ബ്രേക്കിന്റെ  വലിപ്പത്തിനനുസരിച്ച് ഫലം കൂടുമോ?  ഇല്ല എന്നതാണ് വാസ്തവം.ബ്രേക്കിന്റെ പ്രവർത്തനത്തെ നിയന്ത്രിക്കുന്ന ഘർഷണബലം(Frictional Force) സമ്പർക്ക പ്രതലത്തിന്റെ വിസ്തീർണ്ണത്തിന് ആനുപാതികമല്ല. പ്രതലത്തിനു ലംബമായി ചെലുത്തുന്ന ബലത്തിനനുസരിച്ചാണ് ഘർഷണത്തിന്റെ ബലം. ബ്രേക്ക് പ്രവർത്തിക്കുന്ന പ്രതലം എത്ര തന്നെയായിരുന്നാലും ബ്രേക്ക് പിടിക്കാനുപയോഗിക്കുന്ന ബലം തുല്യമാണെങ്കിൽ അതിന്റെ പ്രഭാവത്തിൽ വ്യത്യാസമുണ്ടാവില്ല. പിന്നെ ബ്രേക്ക് വലുതാക്കിയിട്ട്  ഗുണമൊന്നുമില്ലല്ലോ. അതുകൊണ്ടാണ് സൈക്കിളിൽ വലിപ്പം കൂടിയ ബ്രേക്ക് കട്ട പിടിപ്പിക്കാത്തത്.