ദാഹിച്ചു വലഞ്ഞ കാക്ക

Share it:
വേനലിലെ നല്ല ചൂടുള്ള ഒരു ദിവസം ... ദാഹിച്ചുവലഞ്ഞ ഒരു കാക്ക കുറച്ചു വെള്ളത്തിനായി എല്ലായിടത്തും നോക്കി ....കുറെ നേരമായിട്ട് കാക്ക കുടിക്കാനുള്ള കുറച്ചു വെള്ളവും അന്വേഷിച്ചു പറക്കുകയാണ്.. പക്ഷെ എവിടെനിന്നും കാക്കക് വെള്ളം കിട്ടിയില്ല ..
അങ്ങനെ , വളരെ ക്ഷീണിച്ചവശനായി , ദാഹിച്ചു വലഞ്ഞ കാക്ക താഴേക്കും നോക്കി പറന്നു പോകുമ്പോൾ , പെട്ടെന്ന് ഒരു കാഴ്ച കണ്ടു .. താഴെ ഒരു പാത്രം ..! വളരെയേറെ സന്തോഷത്തോടുകൂടി കാക്ക ആ പാത്രം ലക്ഷ്യമാക്കി പറന്നു .. വളരെ പ്രതീക്ഷയോടുകൂടി പാത്രത്തിനകത്തെക്ക് നോക്കി .. അടിവശത്ത് കുറച്ചു വെള്ളം ഉണ്ട് .. തല അകത്തെക്കിട്ട് വെള്ളം കുടിക്കാൻ ശ്രമിച്ചു .. പക്ഷെ ആ പാത്രത്തിന്റെ മുകൾ വശം വളരെ ഇടുങ്ങിയതായതായിരുന്നു .. കാക്കക് തന്റെ തല അകത്തെക്കിടാൻ സാധിച്ചില്ല ..
പാത്രം ചെരിചിട്ട് വെള്ളം കിട്ടുമോ എന്ന് നോക്കി .. അതിനും കഴിഞ്ഞില്ല .. കാരണം മണ്ണുകൊണ്ട് നിർമ്മിച്ച ആ പാത്രത്തിനു നല്ല കനം ഉണ്ടായിരുന്നു , കാക്കയുടെ ചെറിയ ശക്തി ഉപയോഗിച്ചു അത് മറിക്കാൻ കഴിയില്ല ...

പാവം കാക്ക .. ഇനിയെന്ത് ചെയ്യും.. ?? എന്തെങ്കിലും ചെയ്യാൻ കഴിയുമോ എന്ന് നോക്കി ചുറ്റുമൊന്നു കണ്ണോടിച്ചപ്പോൾ കുറെ ചെറിയ കല്ലുകൾ കണ്ടു .. ബുദ്ധിമതിയായ കാക്കക് പെട്ടെന്ന് ഒരുപായം തോന്നി ..

കല്ലുകൾ ഒരോന്നായി കൊത്തിയെടുത്ത് കാക്ക പതുക്കെ ആ പാത്രത്തിലേക്ക് ഇടാൻ തുടങ്ങി .. പാത്രം കല്ലുകൾ കൊണ്ട് നിറയുന്നതിനനുസരിച്ചു , വെള്ളം മുകളിലേക്ക് പൊങ്ങി വന്നു.. അങ്ങനെ കാക്ക തന്റെ ആവശ്യത്തിനു വെള്ളവും കുടിച്ചു , സന്തോഷത്തോടു കൂടി , എവിടെക്കോ പറന്നു പോയി.

എത്ര ബുദ്ധിമുട്ടുള്ള പ്രശ്നങ്ങൾക്കും , ശരിയായി ചിന്തിക്കുകയും അദ്ധ്വാനിക്കുകയും ചെയ്‌താൽ , പരിഹാരം കിട്ടുമെന്ന് മനസ്സിലായോ ഈൗ കഥയിൽ നിന്നും ..!!
Share it:

Post A Comment:

0 comments: