കേൾക്കുന്നുണ്ടോ?

ഒരു വസ്തുവിൽ ഏതെങ്കിലും തരത്തിലുള്ള സ്പർശനം കൊണ്ട് ഉണ്ടാവുന്ന കമ്പനം ആണ് ശബ്ദം. കമ്പനത്തിന് കാരണമാകുന്ന വസ്തു ചുറ്റുമുള്ള അന്തരീക്ഷത്തിൽ അതിവേഗത്തിൽ മർദ്ദവ്യത്യാസം ഉണ്ടാകുന്നു. ഈ മർദ്ദവ്യത്യാസം വായുവിലൂടെ സഞ്ചരിച്ച് നമ്മുടെ ചെവിയിലെ കർണപുടത്തിൽ കമ്പനം ഉണ്ടാകുമ്പോഴാണ് ശബ്ദം നമ്മൾ തിരിച്ചറിയുന്നത്.

ശബ്ദത്തിന് സഞ്ചരിക്കാൻ ഒരു മാധ്യമം ആവശ്യമാണ്. ഏതെങ്കിലും മാധ്യമത്തിലൂടെ ശബ്ദം സഞ്ചരിക്കുന്നത് ആ മാധ്യമത്തിലെ തന്മാത്രകൾ ഇരുവശങ്ങളിലേക്കും ചലിക്കുമ്പോഴാണ്. ഇങ്ങനെ ചലിക്കുന്ന കണ്ണികൾ മറ്റൊന്നിനെ ഇടിച്ചശേഷം പഴയ സ്ഥാനത്ത് മടങ്ങിവരുന്നു. ഈ കൂട്ടിയിടിക്കലിൽ ഊർജ്ജം നഷ്ടമാകുന്നതുകൊണ്ടാണ് അകലേക്ക് പോകുന്തോറും ശബ്ദത്തിന്റെ ശബ്ദം കുറഞ്ഞു പോകുന്നത്.

ശബ്ദത്തിൻറെ തീവ്രത അളക്കുന്നത് ഡെസിബൽ, ബെൽ എന്നീ ഏകകങ്ങളിലാണ്. പ്രായോഗിക ആവശ്യങ്ങൾക്ക് ഡെസിബൽ ആണ് സാധാരണയായി ഉപയോഗിക്കാറുള്ളത്. ഡെസിബൽ മീറ്റർ എന്ന ഉപകരണം ഉപയോഗിച്ചാണ് ശബ്ദ തീവ്രത അളക്കുന്നത്.

ശബ്ദ തരംഗത്തിന് എണ്ണത്തെ ആവൃത്തി എന്നാണ് പറയുന്നത്. ഒരു സെക്കൻഡിൽ കമ്പനം ചെയ്യുന്ന ശബ്ദതരംഗങ്ങളുടെ എണ്ണത്തിനനുസരിച്ച് ആവൃത്തി നിശ്ചയിക്കുന്നത്.