കിളിച്ചെപ്പ്

കാര്‍ട്ടൂണ്‍ കുലപതി

2012-01-13T03:12:00.001-08:00

കാര്‍ട്ടൂണിസ്റ്റ് ശങ്കര്‍ എന്ന പേരില്‍ ലോകപ്രശസ്തനായ കേശവ ശങ്കരപ്പിള്ള 1902 ജൂലൈ 31ന് കായംകുളത്ത് ജനിച്ചു. സ്വാതന്ത്ര്യത്തിനു മുമ്പും ശേഷവും ഇന്ത്യ കണ്ട ഏറ്റവും മികച്ച കാര്‍ട്ടൂണിസ്റ്റാണ് ശങ്കര്‍. 1927ല്‍ തിരുവനന്തപുരം മഹാരാജാസ് കോളജില്‍നിന്ന് ബിരുദമെടുത്തശേഷം, അദ്ദേഹം ബോംബെയില്‍ പോയി നിയമപഠനത്തിന് ചേര്‍ന്നുവെങ്കിലും പഠനം തുടര്‍ന്നില്ല. ബോംബെയില്‍ വിദ്യാര്‍ഥിയായിരിക്കുമ്പോള്‍തന്നെ നേരമ്പോക്കിനുവേണ്ടി അദ്ദേഹം കാര്‍ട്ടൂണ്‍ വരക്കുമായിരുന്നു. രാഷ്ട്രീയ നേതാക്കളെയും ദേശീയ പ്രശ്നങ്ങളെയും വിഷയമാക്കിയുള്ള അദ്ദേഹത്തിന്‍െറ കാര്‍ട്ടൂണുകള്‍ വര്‍ത്തമാനപത്രങ്ങളെയും പൊതുജനങ്ങളെയും വളരെയധികം ആകര്‍ഷിച്ചിരുന്നു. അധികം താമസിയാതെ ശങ്കര്‍ 'ഹിന്ദുസ്ഥാന്‍ ടൈംസ്' എന്ന പത്രത്തില്‍ സ്റ്റാഫ് കാര്‍ട്ടൂണിസ്റ്റായി ജോലിയില്‍ പ്രവേശിക്കുകയും 1932 മുതല്‍ 1946 വരെ ആ പദവിയില്‍ തുടരുകയും ചെയ്തു. സ്വാതന്ത്ര്യസമരകാലത്ത് അദ്ദേഹം നല്‍കിയ വിലപ്പെട്ട സംഭാവനകള്‍ ഇന്ത്യന്‍ പത്രലോകത്ത് എക്കാലവും ഓര്‍മിക്കപ്പെടേണ്ടവയാണ്. 1948ലാണ് അദ്ദേഹം 'ശങ്കേഴ്സ് വീക്കിലി' തുടങ്ങിയത്. ക്രിയാത്മകമായ വിമര്‍ശവും തിളക്കമാര്‍ന്ന ഹാസ്യവുമായിരുന്നു ശങ്കറിന്‍െറ കാര്‍ട്ടൂണുകളുടെ സവിശേഷത. 1975 ആഗസ്റ്റില്‍ 'ശങ്കേഴ്സ് വീക്കിലി'യുടെ പ്രസിദ്ധീകരണം ശങ്കര്‍ എന്നെന്നേക്കുമായി അവസാനിപ്പിച്ചു. പിന്നീട് അദ്ദേഹം 'ചില്‍ഡ്രന്‍സ് ബുക് ട്രസ്റ്റി'ന്‍െറ വിവിധ പ്രവര്‍ത്തനങ്ങളില്‍ ശ്രദ്ധകേന്ദ്രീകരിച്ചു. 1957ല്‍ ശങ്കര്‍ സ്ഥാപിച്ചതാണ് 'ചില്‍ഡ്രന്‍സ് ബുക് ട്രസ്റ്റ്.'
1956ല്‍ പത്മശ്രീ, 1966ല്‍ പത്മഭൂഷണ്‍, 1976ല്‍ പത്മവിഭൂഷണ്‍, 1977ല്‍ പോളണ്ടിലെ കുട്ടികളുടെ കമ്മിറ്റി നല്‍കുന്ന ബഹുമതിയായ ഓര്‍ഡര്‍ ഓഫ് സ്മൈല്‍, 1979ല്‍ കനേഡിയന്‍ പുരസ്കാരം, 1980ല്‍ ഹംഗറിയില്‍നിന്നുള്ള പുരസ്കാരം, ഫെഡറല്‍ റിപ്പബ്ളിക് ഓഫ് ജര്‍മനിയില്‍ നിന്നുള്ള പുരസ്കാരം (എഫ്.ആര്‍.ജി എന്ന ചുരുക്കപ്പേരില്‍ അറിയപ്പെട്ടിരുന്ന ഈ രാജ്യം ഇപ്പോള്‍ ഇല്ല. ജി.ഡി.ആര്‍ എന്ന പേരില്‍ അറിയപ്പെട്ടിരുന്ന ജര്‍മന്‍ ഡെമോക്രാറ്റിക് റിപ്പബ്ളിക്കുമായി ചേര്‍ന്ന് ഒറ്റ ജര്‍മനിയായി), ഇന്‍ഡോ-ചെക് ഫ്രന്‍ഡ്ഷിപ്പിന്‍െറ പേരില്‍ ചെക്കോസ്ലവാക്യയില്‍നിന്ന് സ്വര്‍ണമെഡല്‍ (ഈ രാജ്യം ഇപ്പോള്‍ രണ്ടായി) എന്നിങ്ങനെ ദേശീയവും അന്തര്‍ദേശീയവുമായ ഒട്ടേറെ ബഹുമതികള്‍ അദ്ദേഹത്തെ തേടിയെത്തിയിട്ടുണ്ടായിരുന്നു. കുട്ടികള്‍ക്കുവേണ്ടി സമര്‍പ്പിച്ച സേവനത്തിന് ലഭിച്ചതാണ് അന്താരാഷ്ട്ര ബഹുമതികളെല്ലാം.
ഇന്ത്യയുടെ പ്രഥമ പ്രധാനമന്ത്രി ജവഹര്‍ലാല്‍ നെഹ്റു ശങ്കറിന്‍െറ ആത്മമിത്രമായിരുന്നു. മറ്റാരോടും തോന്നാത്ത ആരാധനയും സ്നേഹവും ബഹുമാനവും ശങ്കറിന് നെഹ്റുവിനോടുണ്ടായിരുന്നു. എന്നാല്‍, നെഹ്റുവിന്‍െറ കടുത്ത വിമര്‍ശകന്‍ ശങ്കറായിരുന്നു! ശങ്കര്‍ വരച്ച ആയിരക്കണക്കിന് കാര്‍ട്ടൂണുകളില്‍ ഭൂരിഭാഗവും നെഹ്റുവിനെ കഠിനമായി വിമര്‍ശിച്ചുകൊണ്ടുള്ളതായിരുന്നു. വിശാലമനസ്കനായിരുന്ന നെഹ്റു ആ കാര്‍ട്ടൂണുകള്‍ ആസ്വദിച്ചിരുന്നു എന്നു മാത്രമല്ല, ശങ്കറിനെ അഭിനന്ദിക്കുകയും 'ശങ്കര്‍, താങ്കള്‍ എന്നെ ഒരിക്കലും വിടരുത്' എന്നു പറയുകയും ചെയ്തിരുന്നു! ശങ്കര്‍ അവശനായി രോഗശയ്യയില്‍ കിടന്നിരുന്ന അവസരത്തില്‍ അദ്ദേഹത്തെ കാണാന്‍ ചെന്ന നിരവധി കുട്ടികള്‍ക്ക്, കിടന്നകിടപ്പില്‍ അദ്ദേഹം ഒരേ ചിത്രമേ വരച്ചുകൊടുത്തിട്ടുള്ളൂ, നെഹ്റുവിന്‍െറ! ദല്‍ഹി സര്‍വകലാശാല ഡി-ലിറ്റ് നല്‍കി ബഹുമാനിച്ച, ഇന്ത്യന്‍ കാര്‍ട്ടൂണ്‍ കലയുടെ കുലപതിയായ ശങ്കര്‍ 1989 ഡിസംബര്‍ 26ന് അന്തരിച്ചു.

കാര്‍ട്ടൂണ്‍
കടലാസ് എന്നര്‍ഥമുള്ള 'കാര്‍ട്ടോണ്‍' എന്ന ഇറ്റാലിയന്‍ പദത്തില്‍നിന്നാണ് ഹാസ്യചിത്രം എന്നര്‍ഥം വരുന്ന 'കാര്‍ട്ടൂണ്‍' എന്ന ഇംഗ്ളീഷ് പദമുണ്ടായത്. 1841ല്‍ 'പഞ്ച്'എന്ന മാസികയുടെ പ്രസിദ്ധീകരണം മുതല്‍ക്കാണ് കാര്‍ട്ടൂണിന് ഇന്നുള്ള പ്രാമുഖ്യമുണ്ടായത്. ഹാസ്യചിത്രം എന്ന പദത്തേക്കാളേറെ 'കാര്‍ട്ടൂണ്‍' എന്ന ഇംഗ്ളീഷ് പദത്തിനാണ് മലയാള ഭാഷയിലും പത്രപ്രവര്‍ത്തനരംഗത്തും പ്രചാരമുള്ളത്.
ചിത്രകലയില്‍നിന്ന് വ്യത്യസ്തമായി കാര്‍ട്ടൂണില്‍ സാങ്കേതികത്വത്തിനല്ല പ്രാധാന്യം, മറിച്ച്, ആശയത്തിനും ഉദ്ദേശ്യത്തിനുമാണ്. പ്രതീകാത്മകമായ സൂചനകളില്‍കൂടി വ്യക്തികളെയോ സംഭവങ്ങളെയോ ആക്ഷേപിക്കുകയാണ് കാര്‍ട്ടൂണിസ്റ്റ് ചെയ്യുന്നത്. അതിശയോക്തി കലര്‍ത്തി വരക്കുന്ന ഒരു ചിത്രം കാര്‍ട്ടൂണാവുകയില്ല. വെറുതെ ചിരിക്കാന്‍ വേണ്ടി വരക്കപ്പെടുന്നതുമല്ല കാര്‍ട്ടൂണ്‍. ചിത്രകാരന്‍ തന്‍െറ കാഴ്ചപ്പാടിലൂടെ ജീവിതത്തെ കണ്ട് അത് വരകളിലൂടെ ആവിഷ്കരിക്കുകയാണ് കാര്‍ട്ടൂണില്‍. വായനക്കാരെ പൊട്ടിച്ചിരിപ്പിക്കാന്‍ കഴിയുന്നതിനേക്കാളേറെ അവരുടെ ബുദ്ധിയെ പ്രകോപിപ്പിക്കാന്‍ കഴിയുന്നതിലാണ് കാര്‍ട്ടൂണിസ്റ്റിന്‍െറ സര്‍ഗപ്രതിഭ വ്യക്തമാകുന്നത്. ഇതിന് സമൂഹം, രാഷ്ട്രീയം, സമകാലിക പ്രശ്നങ്ങള്‍ എന്നിവയെക്കുറിച്ച് ആഴത്തിലുള്ള അറിവും ഉള്‍ക്കാഴ്ചയും കൂടിയേ കഴിയൂ. കാര്‍ട്ടൂണിസ്റ്റിന്‍െറ രചനയുടെ പശ്ചാത്തലം മിക്കപ്പോഴും നഴ്സറിഗാനങ്ങള്‍, പുരാണ കഥാഭാഗങ്ങള്‍, ലളിതമായ ഉപമകള്‍ തുടങ്ങിയവയായിരിക്കും. ഈ പശ്ചാത്തലത്തില്‍ രചിക്കപ്പെടുന്ന കാര്‍ട്ടൂണുകളില്‍ നിഗൂഢമായിരിക്കുന്ന ആക്ഷേപഹാസ്യം ശക്തമായ സാമൂഹിക വിമര്‍ശത്തിനുള്ള ഉപാധിയായി മാറുന്നു. കാര്‍ട്ടൂണുകളെ മധുരം പുരട്ടിയ കയ്പ് ഗുളികകളോടുപമിക്കാം. കാര്‍ട്ടൂണില്‍ ഒളിഞ്ഞിരിക്കുന്ന കയ്പുള്ള ഭാഗം ആരെ ഉദ്ദേശിച്ചാണോ പ്രയോഗിച്ചത് അവര്‍ക്ക് മനസ്സിലാക്കാന്‍ കഴിഞ്ഞാലേ കാര്‍ട്ടൂണിന്‍െറ ലക്ഷ്യം വിജയിക്കുകയുള്ളൂ.

ദേശീയതലത്തില്‍ അറിയപ്പെടുന്നവര്‍
ഇന്ത്യന്‍ പത്രപ്രവര്‍ത്തനരംഗത്ത് രാഷ്ട്രീയ ഹാസ്യ ചിത്രരചനക്ക് തീരെ പ്രചാരമില്ലാതിരുന്ന കാലത്ത് അതിനു തുടക്കംകുറിച്ചത് മലയാളിയായ ശങ്കര്‍ ആയിരുന്നു. 1948ല്‍ അദ്ദേഹം ആരംഭിച്ച 'ശങ്കേഴ്സ് വീക്കിലി'യുടെ പ്രസിദ്ധീകരണത്തോടെയാണ് ഇന്ത്യയില്‍ കാര്‍ട്ടൂണ്‍ കലാരൂപത്തിന്‍െറ വളര്‍ച്ച ആരംഭിക്കുന്നത്. ദേശീയവും അന്താരാഷ്ട്രീയവുമായ വിഷയങ്ങളെ അടിസ്ഥാനപ്പെടുത്തി രചിച്ച കാര്‍ട്ടൂണുകളാണ് അദ്ദേഹത്തെ ഇന്ത്യയിലെ 'രാഷ്ട്രീയ കാര്‍ട്ടൂണ്‍ പ്രസ്ഥാനത്തിന്‍െറ പിതാവ്' എന്ന പദവിക്കര്‍ഹനാക്കിയത്. കാര്‍ട്ടൂണ്‍ കലാരൂപത്തിന്‍െറ വളര്‍ച്ചക്ക് പ്രേരണ നല്‍കിയ 'ശങ്കേഴ്സ് വീക്കിലി'യിലൂടെയാണ് ഇന്ത്യയിലെ മിക്ക കാര്‍ട്ടൂണിസ്റ്റുകളും പ്രശസ്തരായത്. ശങ്കറിന്‍െറ പണിപ്പുരയില്‍ ശിക്ഷണം നേടിയവരാണ് അബു എബ്രഹാം, കുട്ടി, ഒ.വി. വിജയന്‍, രാജീന്ദര്‍ പുരി, സാമുവല്‍, യേശുദാസന്‍, ബി.എം. ഗഫൂര്‍ തുടങ്ങിയവര്‍. പ്രശസ്ത കാര്‍ട്ടൂണിസ്റ്റ് ആര്‍.കെ. ലക്ഷ്മണിന് ഇന്ത്യന്‍ കാര്‍ട്ടൂണിസ്റ്റുകളുടെ മുന്‍നിരയിലാണ് സ്ഥാനം. ഇന്ത്യയില്‍ പോക്കറ്റ് കാര്‍ട്ടൂണ്‍ സമ്പ്രദായം ആദ്യമായി അവതരിപ്പിച്ചത് കേരളീയനായ സാമുവല്‍ ആണ്. മറിയോ എന്ന പേരിലറിയപ്പെടുന്ന മറിയോ ജോവോ റൊസാരിയോ, ഡിബ്രിട്ടോ മിറാന്‍ഡ, 'കെവി' എന്ന തൂലിക നാമത്തിലൂടെ പ്രശസ്തനായ കേരളവര്‍മ, വെങ്കിട ഗിരി രാമമൂര്‍ത്തി, സുധീര്‍ ധര്‍, വാസു, പ്രകാശ്, റാത്ത്, ജോംടണ്‍, ഉണ്ണി, ചാറ്റര്‍ജി, വിഷ്ണു, വിക്കി പട്ടേല്‍ തുടങ്ങിയ കാര്‍ട്ടൂണിസ്റ്റുകള്‍ ദേശീയ പ്രശസ്തിയാര്‍ജിച്ചവരാണ്.

കാര്‍ട്ടൂണ്‍ രംഗത്തെ ലോകപ്രശസ്തര്‍

കാര്‍ട്ടൂണ്‍ കലാരൂപത്തിന് തുടക്കം കുറിച്ചത് ഫ്ളാന്‍ഡേഴ്സിലെ പീറ്റര്‍ ബ്രൂഗെല്‍ ദ എല്‍ഡര്‍ (1520-69) ആണ്. മതനവീകരണ-നവോത്ഥാന പ്രസ്ഥാനങ്ങളുടെ കാലത്ത് ബ്രൂഗെലിന്‍െറ കാര്‍ട്ടൂണുകള്‍ക്ക് വലിയ പ്രശസ്തിയുണ്ടായിരുന്നു. അദ്ദേഹത്തെ പിന്തുടര്‍ന്ന് പല കലാകാരന്മാരും കാര്‍ട്ടൂണ്‍ രംഗത്തേക്ക് കടന്നുവരുകയുണ്ടായി. എന്നാല്‍, ഭരണാധികാരികളെ അധിക്ഷേപിച്ചുകൊണ്ടുള്ള ലേഖനങ്ങളും ചിത്രങ്ങളും പ്രസിദ്ധീകരിക്കുന്നത് 17ാം നൂറ്റാണ്ടോടെ നിഷിദ്ധമായിത്തീര്‍ന്നു. 17ാം നൂറ്റാണ്ടിന്‍െറ അവസാനത്തോടെ ഈ സ്ഥിതിക്ക് വലിയ മാറ്റമുണ്ടായി. ഡെച്ച് ഹാസ്യ ചിത്രകാരന്മാരില്‍ പ്രമുഖനായിരുന്ന റൊമെയ്ന്‍ ഡെ ഹുഗെ (1645-1708) കാര്‍ട്ടൂണിസ്റ്റ് എന്ന നിലയില്‍ പ്രസിദ്ധനായി.
ഇംഗ്ളണ്ടിലെ വില്യം ഹോഗാര്‍ത്ത് (1697-1764), ജെയിംസ് ഗില്‍റേ (1757-1815), തോമസ് റൗലന്‍സ് സണ്‍ (1756-1827) എന്നിവരാണ് കാര്‍ട്ടൂണ്‍ കലാരൂപത്തിന് ഉണര്‍വ് നല്‍കിയ ആദ്യകാല ഇംഗ്ളീഷ് ചിത്രകാരന്മാര്‍. ജോര്‍ജ് ക്രൂയിഷാങ്ക്, 'എച്ച്ബി' എന്ന തൂലികാ നാമത്തില്‍ വരച്ചിരുന്ന ജോണ്‍ ഡോയില്‍ (1798-1868) എന്നിവരും മികച്ച ഇംഗ്ളീഷ് കാര്‍ട്ടൂണിസ്റ്റുകളായിരുന്നു. അക്കാലത്തെ പ്രമുഖ ഫ്രഞ്ച് കാര്‍ട്ടൂണിസ്റ്റുകള്‍ ഡാമിയേ, ഗ്രാന്‍വില്‍, ചാള്‍സ് ജോസഫ്, ട്രവീദേ വില്ളെ എന്നിവരായിരുന്നു. ഭരണകൂടങ്ങളുടെ തകര്‍ച്ചക്കുപോലും കാര്‍ട്ടൂണുകള്‍ കാരണമായിട്ടുണ്ട്. ഫ്രാന്‍സിലെ ഫിലിപ്പോണ്‍ ആരംഭിച്ച 'ലെ കാരിക്കേച്ചര്‍', 'ലെചാരിവാരി' എന്നീ പ്രസിദ്ധീകരണങ്ങളിലൂടെ പുറത്തുവന്ന കാര്‍ട്ടൂണുകളാണ് ലൂയിഫിലിപ്പ് രാജാവിന്‍െറ പതനത്തിനു വഴിതെളിച്ചത്. ഒലാഫ് ഗുല്‍ ബ്രാന്‍സണ്‍, ബ്രൂണോ പാര്‍ക്ക്, തോമസ് തിയൊ ഡോര്‍ ഹൈനെ എന്നിവര്‍ ജര്‍മനിയിലെ പ്രശസ്ത കാര്‍ട്ടൂണിസ്റ്റുകളാണ്.

കേരളത്തിലെ പ്രമുഖര്‍

മലയാള പ്രസിദ്ധീകരണങ്ങളില്‍ കാര്‍ട്ടൂണുകള്‍ക്ക് വളരെക്കാലം മുമ്പേ പ്രചാരമുണ്ടായിരുന്നു. ഹാസ്യത്തെപ്പറ്റിയും ഹാസ്യചിത്രരചനയുടെ സങ്കേതങ്ങളെക്കുറിച്ചും അഗാധജ്ഞാനമുണ്ടായിരുന്ന സഞ്ജയനാണ് അതിന് മുന്‍കൈ എടുത്തത്.
എം.ആര്‍. നായര്‍ എന്ന ചുരുക്കപ്പേരിലറിയപ്പെടുന്ന മാണിക്കോത്ത് രാമുണ്ണി നായരുടെ തൂലികാനാമമാണ് സഞ്ജയന്‍. സഞ്ജയന്‍െറ പത്രാധിപത്യത്തില്‍ ഇറങ്ങിയിരുന്ന 'സഞ്ജയന്‍', 'വിശ്വരൂപം' എന്നീ ആനുകാലിക പ്രസിദ്ധീകരണങ്ങളിലൂടെയാണ് മലയാളത്തിലെ ആദ്യകാല കാര്‍ട്ടൂണുകള്‍ പുറത്തുവന്നത്. സഞ്ജയന്‍െറ ശിക്ഷണത്തിലൂടെയാണ് കുട്ടിയിലെ കാര്‍ട്ടൂണ്‍ പ്രതിഭ വെളിച്ചം കണ്ടത്.
കേരളത്തില്‍ ആദ്യകാലത്ത് കാര്‍ട്ടൂണ്‍ രചനയില്‍ പേരെടുത്ത ഒരാളാണ് വത്സന്‍. 'സഞ്ജയന്‍', 'വിശ്വരൂപം' എന്നിവയിലെ കാര്‍ട്ടൂണിസ്റ്റുകളില്‍ ഒരാളായിരുന്നു എം. ഭാസ്കരന്‍. 'ബോബനും മോളിയും' എന്ന കാര്‍ട്ടൂണ്‍ പരമ്പരയിലൂടെ പ്രശസ്തനായ ടോംസ്, 'ചെറിയ മനുഷ്യരും വലിയ ലോകവും' എന്ന കാര്‍ട്ടൂണ്‍ പരമ്പരയിലൂടെ പ്രശസ്തനായ അരവിന്ദന്‍, ആര്‍ട്ടിസ്റ്റ് രാഘവന്‍ നായര്‍, തോമസ്, കെ.എസ്. പിള്ള, പി.കെ. മന്ത്രി, ശിവറാം, മലയാറ്റൂര്‍ രാമകൃഷ്ണന്‍, ബി.എം. ഗഫൂര്‍, സോമനാഥന്‍, വേണു, ഗോപീകൃഷ്ണന്‍, ഉണ്ണികൃഷ്ണന്‍, ദേവപ്രകാശ്, സഗീര്‍, ഇ. സുരേഷ്, പീറ്റര്‍, ഹരികുമാര്‍, പി.വി. കൃഷ്ണന്‍, രജീന്ദ്രകുമാര്‍, ഋഷി തുടങ്ങിയവര്‍ മലയാളത്തിലെ പ്രശസ്ത കാര്‍ട്ടൂണിസ്റ്റുകളാണ്.

ശ്രദ്ധിക്കണേ... നമ്മുടെ കുട്ടികളെ

2012-01-13T03:10:00.001-08:00

സ്നേഹത്തോടെയുള്ള ഒരു നോട്ടം, ഒരു തലോടല്‍, ഒരു പുഞ്ചിരി, കുറച്ച് നല്ല വാക്കുകള്‍ ഇതാണ് ഓരോ കുട്ടിക്കും ആവശ്യമുള്ള കാര്യങ്ങള്‍. എന്നാല്‍, ഇവ കിട്ടേണ്ടുന്ന കുടുംബത്തില്‍നിന്നും സ്കൂളില്‍നിന്നും ലഭിക്കാതായാല്‍ അത് കടുത്ത മാനസിക പിരിമുറുക്കവും പഠന പിന്നാക്കാവസ്ഥയും ഉണ്ടാക്കുന്നുണ്ടെന്നതാണ് നിരവധി പഠനങ്ങള്‍ തെളിയിക്കുന്നത്. കുട്ടിക്ക് തന്‍െറ ഏതു പ്രയാസവും തുറന്നുപറയാന്‍ സാധിക്കുന്ന, പറഞ്ഞാല്‍ അവക്കുള്ള പരിഹാരം കിട്ടുമെന്നുറപ്പുള്ള കൂട്ടുകാരായി മാറാന്‍ മാതാപിതാക്കള്‍ക്കും അധ്യാപകര്‍ക്കും കഴിയണം. പഠനകാലയളവില്‍ കുട്ടികള്‍ അനുഭവിക്കുന്ന പ്രശ്നങ്ങള്‍ നമുക്ക് കണ്ടെത്താം...

വിഷാദരോഗം (Depression)
ഇന്ന് പല കുട്ടികളിലും വ്യാപകമായി കണ്ടുവരുന്ന പഠനരോഗങ്ങളില്‍ ഒന്നാണ് വിഷാദം. ദുഃഖമാണ് പലപ്പോഴും കുട്ടികളെ ഈ അവസ്ഥയിലേക്ക് കൊണ്ടുചെന്നെത്തിക്കുന്നത്. തന്‍െറ കാര്യങ്ങള്‍ പറയാന്‍ ആരോരുമില്ലാതാവുകയും തന്നെ കേള്‍ക്കാന്‍ ഒരാളെപ്പോലും കിട്ടാതെ വരുകയും ചെയ്യുമ്പോഴാണ് വിഷാദം പടികടന്നെത്തുക. ഉത്സാഹിയായ ഒരാള്‍ പെട്ടെന്ന് അസ്വസ്ഥനായി കഴിയുന്നതാണ് വിഷാദത്തിന്‍െറ പ്രധാന ലക്ഷണം. പഠനകാര്യങ്ങള്‍ ഉത്തരവാദിത്തത്തോടെ നിറവേറ്റാന്‍ വിഷാദരോഗത്തിനടിപ്പെട്ടവര്‍ക്ക് കഴിയില്ല. അതിനാല്‍, വിഷാദകാരണം കണ്ടെത്തി ഇല്ലാതാക്കേണ്ടത് രക്ഷിതാക്കളുടെയും അധ്യാപകരുടെയും കര്‍ത്തവ്യമാണ്.

വിഷാദരോഗ ലക്ഷണങ്ങള്‍

താല്‍പര്യമില്ലായ്മ
ക്ഷീണം, ഉന്മേഷമില്ലായ്മ
ഒറ്റക്കിരിക്കാനുള്ള താല്‍പര്യം
കളികള്‍, ടി.വി, സിനിമ എന്നിവയിലൊന്നും ശ്രദ്ധകേന്ദ്രീകരിക്കാന്‍ കഴിയാത്ത അവസ്ഥ
കോപം വരുക
അമിതമായ ചിന്ത
ചുമതലകളില്‍നിന്ന് ഒഴിഞ്ഞുമാറല്‍
ഉറക്കക്കുറവ്
ഭക്ഷണം കഴിക്കുന്നത് കുറയുക
പ്രതികരണശേഷി കുറയല്‍
ശ്രദ്ധക്കുറവ്

പലതരം വിഷാദങ്ങള്‍
വിഷാദരോഗങ്ങള്‍ പലതരത്തില്‍ ഉണ്ടാകാം. അവ ഏതെല്ലാമെന്ന് താഴെ കൊടുക്കുന്നു. ഇവയുടെ കാരണം കണ്ടെത്തി ഇല്ലാതാക്കാന്‍ ശ്രമിക്കുകയാണ് നാം ചെയ്യേണ്ടത്.

ചെറിയ രീതിയിലുള്ള വിഷാദരോഗം
ഉന്മാദം കലര്‍ന്ന വിഷാദം
കാലാവസ്ഥക്ക് അനുസരിച്ചുള്ള വിഷാദം
ഹോര്‍മോണിന്‍െറ ഏറ്റക്കുറച്ചിലുകള്‍ മൂലമുണ്ടാകുന്ന വിഷാദം
ഉറക്കവും വിശപ്പും കൂടുതലായാലുള്ള വിഷാദം

പഠനവൈകല്യം
വിഷാദംപോലെ ഇന്ന് കുട്ടികളില്‍ കൂടുതലായിക്കൊണ്ടിരിക്കുന്ന തകരാറാണ് പഠനവൈകല്യം എന്നത്. ഓരോ ക്ളാസ്മുറിക്കകത്തും മൂന്നോ നാലോ പേര്‍ ഇത്തരം പഠനവൈകല്യമുള്ളവരാകാം. ബുദ്ധിപരമായ കഴിവുകള്‍ ശരിയായ രീതിയില്‍ പ്രകടിപ്പിക്കുമെങ്കിലും ചില വിഷയങ്ങളിലോ വിഷയങ്ങളിലെതന്നെ പ്രത്യേക മേഖലകളിലോ ബുദ്ധിമുട്ടുണ്ടാക്കുന്ന അവസ്ഥയാണ് പഠനവൈകല്യമെന്നത്. ലേണിങ് ഡിസെബിലിറ്റി (എല്‍.ഡി) എന്നാണ് പൊതുവെ ഇത് അറിയപ്പെടുന്നത്. ഡിസ്ലെക്സിയ, ഡിസ്ഗ്രാഫിയ, ഡിസ്കാല്‍ക്കുലിയ, ഡിസ്പ്രാക്സിസ്, ശ്രവണക്കുറവ് തുടങ്ങിയവയാണ് പ്രധാന പഠനവൈകല്യങ്ങള്‍. എന്നാല്‍, ശരിയായ രീതിയില്‍ കൃത്യമായ ശ്രദ്ധ കുട്ടികള്‍ക്ക് നല്‍കിയാല്‍ പഠനപുരോഗതിയിലേക്ക് എത്തിക്കാന്‍ അധ്യാപകര്‍ക്കും രക്ഷിതാക്കള്‍ക്കും സാധിക്കും.

ഡിസ്ലെക്സിയ
വായനയുമായി ബന്ധപ്പെട്ടുണ്ടാകുന്ന പിന്നാക്കാവസ്ഥയാണ് ഡിസ്ലെക്സിയ. വായിക്കുമ്പോള്‍ ചിഹ്നങ്ങള്‍ ശ്രദ്ധിക്കാതിരിക്കുക, പദങ്ങള്‍ വിട്ടുപോവുക, വരികള്‍ വിടുക, വരികളില്‍ ഇല്ലാത്ത വാക്കുകള്‍ ഉണ്ടെന്നു തോന്നുക എന്നിവയെല്ലാം ഈ വൈകല്യത്തില്‍പെടുന്നു.
ഡിസ്ഗ്രാഫിയ
എഴുതുമ്പോള്‍ ഉണ്ടാകുന്ന തെറ്റുകളാണ് ഡിസ്ഗ്രാഫിയ. പ്രൈമറി ക്ളാസുകളില്‍ ഈ തകരാറുള്ളവര്‍ കൂടുതലായിരിക്കും. ചിഹ്നങ്ങള്‍ മാറുക, അക്ഷരങ്ങള്‍ തലതിരിച്ചെഴുതുക, അക്ഷരങ്ങള്‍ മാറ്റിയെഴുതുക, വാക്യങ്ങളില്‍ നിറയെ തെറ്റുണ്ടാവുക എന്നിവയെല്ലാം ഈ പഠനവൈകല്യത്തില്‍പെടുന്നു.

ഡിസ്കാല്‍ക്കുലിയ
ഗണിതം പൊതുവെ പ്രശ്നമുള്ള ഒരു വിഷയമാണ് കുട്ടികള്‍ക്ക്. ഭാഷയും സയന്‍സുംപോലെ എളുപ്പമല്ല ഗണിതമെന്നത്. ഗണിതപ്രശ്നത്തില്‍ തെറ്റുകള്‍ എത്ര തിരുത്തി മനസ്സിലാക്കിക്കൊടുത്താലും വീണ്ടും തെറ്റുകള്‍ ആവര്‍ത്തിക്കുന്ന വൈകല്യമാണ് ഡിസ്കാല്‍ക്കുലിയ.

ഡിസ്പ്രാക്സിസ്
തലച്ചോറിലെ പ്രധാനഭാഗമായ സെറിബല്ലവുമായി ബന്ധപ്പെട്ട് കുട്ടികളില്‍ കാണുന്ന പഠനവെകല്യമാണ് ഡിസ്പ്രാക്സിസ്. സൂക്ഷ്മപേശികളുടെ ചലനത്തിലുണ്ടാകുന്ന പ്രയാസമാണിത്. കൈകാലുകള്‍, കണ്ണ് എന്നിവയുടെ ഏകോപനവും നിയന്ത്രണവും അസാധ്യമാകുന്ന തകരാറാണിത്.
കൂടാതെ കേള്‍വിക്കുറവ്, കണ്ട വസ്തുക്കള്‍ വ്യക്തമായി പറയാന്‍കഴിയാതിരിക്കുക, ചാര്‍ട്ടുകള്‍ വായിച്ച് സൂചനകളിലെത്താന്‍ സാധിക്കാതിരിക്കുക തുടങ്ങിയവയെല്ലാം പഠനവൈകല്യത്തില്‍പെടുന്നു.ഇത്തരം പഠനവൈകല്യങ്ങള്‍ മറികടക്കാന്‍ കുട്ടികളെ ശ്രദ്ധിക്കേണ്ടതും അധ്യാപകര്‍തന്നെയാണ്.

കേള്‍വിത്തകരാര്‍
പൂര്‍ണമായും കേള്‍ക്കാതിരിക്കുന്ന അവസ്ഥയാണിത്. ഇതുമൂലം കൃത്യമായ പ്രതികരണശേഷി അസാധ്യമാകുന്നു. പല കാരണങ്ങള്‍കൊണ്ട് ഈ വൈകല്യം ഉണ്ടാകാം.

തുടര്‍ച്ചയായ ജലദോഷം
ചെറിയ ശബ്ദം കേള്‍ക്കാതിരിക്കല്‍.
ഇടക്കിടെ ചെവിവേദന
ചെവിയില്‍ പഴുപ്പ്, നീരൊലിപ്പ്

ലക്ഷണങ്ങള്‍

മറ്റുള്ളവര്‍ പറയുമ്പോള്‍ ചെവി വട്ടംപിടിക്കല്‍.
പറഞ്ഞവ വീണ്ടും പറയാന്‍ അധ്യാപകനോട് ആവശ്യപ്പെടുക.
ആശയവിനിമയത്തിനിടെ ആംഗ്യഭാഷകൂടി ഉപയോഗിക്കുക.

പരിഹാരങ്ങള്‍

കേള്‍വിശക്തി പരിശോധന നടത്തുക.
വൈദ്യസഹായം തേടുക.
ശ്രവണോപകരണങ്ങള്‍ ഉപയോഗിക്കുക.
കേള്‍വി പരിശീലനം നല്‍കുക.

ഓട്ടിസം
തന്‍െറ ലോകത്ത് സ്വയംമുഴുകി പരിസരവുമായി ഒരു ബന്ധവുമില്ലാതെ കഴിയുന്ന അവസ്ഥയാണ് ഓട്ടിസം. പുതിയ പാഠ്യപദ്ധതിമൂലം ഈ രോഗം വളരെ കുറഞ്ഞിട്ടുണ്ടെങ്കിലും കുട്ടികളില്‍ ചെറിയ വിഭാഗം ഇതിന്‍െറ പിടിയിലാണെന്ന് പഠനങ്ങള്‍ സാക്ഷ്യപ്പെടുത്തുന്നു.
കാരണമില്ലാതെ ചിരിക്കുക, കരയുക, വീണാല്‍ വേദനയറിയാതിരിക്കുക, സംസാരിക്കുമ്പോള്‍ അവ്യക്തത, മുഖത്തുനോക്കി സംസാരിക്കാതിരിക്കല്‍, ചില വസ്തുക്കളോട് മാത്രം അമിത താല്‍പര്യം, ശബ്ദം, സ്പര്‍ശം എന്നിവയോട് പ്രതികരിക്കാതിരിക്കല്‍ തുടങ്ങിയവയെല്ലാം ഈ രോഗത്തിന്‍െറ പ്രാഥമിക ലക്ഷണങ്ങളായിത്തീരാം.
ചികിത്സ അന്യമായ ഒരു പ്രശ്നവും പഠനപ്രവര്‍ത്തനങ്ങള്‍ക്കിടയില്‍ കുട്ടികള്‍ക്കുണ്ടാവില്ല. എന്നാല്‍, അവരുടെ പ്രശ്നങ്ങള്‍ എന്തെന്ന് കണ്ടെത്താതിരിക്കുമ്പോഴാണ് പഠനവൈകല്യങ്ങള്‍ പിന്നീട് ഗുരുതരമായ രോഗത്തിന് കാരണമാവുക. അധ്യാപകരും രക്ഷിതാക്കളും ഒന്നിച്ചുചേര്‍ന്ന് പ്രവര്‍ത്തിച്ചാല്‍ എന്തു വൈകല്യങ്ങളും നിമിഷങ്ങള്‍ക്കുള്ളില്‍ നമ്മുടെ കുട്ടികള്‍ക്കില്ലാതാക്കുവാന്‍ സാധിക്കും. സര്‍വശിക്ഷാ അഭിയാനും കേരള മഹിളാ സമഖ്യയുമെല്ലാം ഇതിനായുള്ള പദ്ധതികളുമായി മുന്നോട്ടുപോകുമ്പോള്‍ നമ്മുടെ കുട്ടികളെ രാജ്യത്തിന്‍െറ നല്ല ഭാവിക്കുതകുന്ന വ്യക്തിത്വങ്ങളാക്കാന്‍ നമുക്കും കൈകോര്‍ക്കാം.

മറികടക്കാം വൈകല്യങ്ങള്‍

എല്ലാ വിഭാഗക്കാരെയും പരിഗണിക്കുന്നവിധത്തില്‍ ബോധനരീതിയും തന്ത്രങ്ങളും ക്രമീകരിക്കുക.
****
കുട്ടികള്‍ക്കാവശ്യമായ അന്തരീക്ഷം വീട്ടിലും വിദ്യാലയത്തിലും ഒരുക്കുക.
****
തന്നെ കൃത്യമായി ശ്രദ്ധിക്കുന്നുവെന്ന തോന്നലുളവാക്കും വിധത്തില്‍ അധ്യാപകര്‍ പെരുമാറുക.
****
എളുപ്പത്തില്‍ കാര്യങ്ങള്‍ മനസ്സിലേക്കെത്തിക്കാനാവശ്യമായ തന്ത്രങ്ങള്‍ പ്രയോഗിക്കുക.
****
ഓരോ കുട്ടിക്കും അവരുടെ പരമാവധി കഴിവുകള്‍ പ്രദര്‍ശിപ്പിക്കാനുള്ള അവസരം സൃഷ്ടിക്കുക.

വിഷാദരോഗം മാറ്റാന്‍
കുട്ടികളെ നല്ലതുപോലെ ശ്രദ്ധിച്ചാല്‍ വിഷാദരോഗത്തില്‍നിന്ന് മോചിതരാക്കാന്‍ നമുക്ക് കഴിയും.
അതിനായി നാം ചെയ്യേണ്ടത്;

അവര്‍ക്ക് സന്തോഷം ഉണ്ടാകുന്ന സാഹചര്യം പരമാവധി സൃഷ്ടിക്കുക.
ഒറ്റക്കിരുത്താന്‍ അനുവദിക്കരുത്
സ്കൂളുകളില്‍ സംഘപ്രവര്‍ത്തനങ്ങളില്‍ ബോധപൂര്‍വം പങ്കാളികളാക്കുക
ഇഷ്ടമുള്ള പ്രവര്‍ത്തനങ്ങളിലേര്‍പ്പെടാന്‍ അവസരം നല്‍കുക
ചിന്തിക്കുമ്പോള്‍ പഠനകാര്യങ്ങള്‍ക്ക് മുന്‍ഗണന നല്‍കാനുള്ള സാഹചര്യം ഒരുക്കുക.
കളികളില്‍ കുട്ടികളെ പങ്കെടുപ്പിക്കുക
ഇഷ്ടമുള്ള കാര്യങ്ങള്‍ എഴുതാനും വരക്കാനും അവസരം നല്‍കുക. കഥകള്‍, പാട്ടുകള്‍, അനുഭവങ്ങള്‍, ഓര്‍മകള്‍ എന്നിവ പങ്കുവെക്കുക.

കാഴ്ചത്തകരാര്‍

ജനിക്കുമ്പോള്‍ കാഴ്ചക്കുറവില്ലാത്ത പല കുട്ടികള്‍ക്കും അവരുടെ ജീവിതശൈലിയുടെ പ്രത്യേകതകള്‍മൂലം കാഴ്ചത്തകരാറുകള്‍ സംഭവിക്കുന്നുവെന്നതാണ് പുതിയ കണ്ടെത്തലുകള്‍. കാഴ്ചക്കുറവ്, മങ്ങല്‍, ഭാഗികമായ കാഴ്ച എന്നിവ അനുഭവിക്കുന്നവരെയാണ് കാഴ്ചവൈകല്യമുള്ളവരുടെ ഗണത്തില്‍ പെടുത്തുന്നത്. ടി.വി, കമ്പ്യൂട്ടര്‍, ലാപ്ടോപ്, മൊബൈല്‍ എന്നിവ ദീര്‍ഘനേരം ദിവസേന ഉപയോഗിക്കുന്ന കുട്ടികളാണ് കാഴ്ചവൈകല്യത്തിന്‍െറ കൂട്ടത്തിലേക്ക് ഇപ്പോള്‍ വ്യാപകമായി കടന്നുചെല്ലുന്നത്.

കാഴ്ചത്തകരാര്‍ കണ്ടെത്താം
പല കുട്ടികളുടെയും കാഴ്ചയിലെ വൈകല്യം കണ്ടെത്തുന്ന ഡോക്ടര്‍മാര്‍ അധ്യാപകര്‍ തന്നെയാണ്. തകരാറുള്ളവരെ എളുപ്പം കണ്ടെത്താം.

അക്ഷരങ്ങള്‍,വാക്കുകള്‍ വായിക്കാന്‍ ബുദ്ധിമുട്ട്.
ചെറിയ അക്ഷരങ്ങള്‍ ഏതെന്ന് അധ്യാപകനോട് ഇടക്കിടെ ചോദിക്കല്‍.
ബോര്‍ഡിലെഴുതിയവ കാണാതിരിക്കുക.
എഴുതുവാന്‍ ബോര്‍ഡിനടുത്തേക്ക് ഓടിവരുക.
കണ്ണിന്‍െറ അടുത്തുപിടിച്ച് പുസ്തകങ്ങള്‍ വായിക്കുക.

ചെയ്യേണ്ടത്

രക്ഷിതാക്കളെ അറിയിക്കുക.
ചികിത്സ നടത്തുക.
ആവശ്യമെങ്കില്‍ കണ്ണട ലഭ്യമാക്കുക

അണക്കെട്ടുകളും ഭൂകമ്പവും

2011-12-09T19:04:00.001-08:00

അണക്കെട്ടുകളുടെ നിര്‍മാണവും സാന്നിധ്യവും ഭൂകമ്പം പോലുള്ള പ്രകൃതി ദുരന്തങ്ങള്‍ക്ക് വഴിവെക്കുമോ? ഇപ്പോള്‍ മുല്ലപ്പെരിയാര്‍ അണക്കെട്ടിനടുത്തുണ്ടായ ചെറു ഭൂചലനങ്ങള്‍ക്ക് ശേഷം ഏറ്റവും കൂടുതലായി ഉന്നയിക്കപ്പെടുന്ന സംശയമാണിത്.

നമ്മുടെ രാജ്യത്ത് ഈ വിഷയം ഏറ്റവുമാദ്യം ചര്‍ച്ചചെയ്യപ്പെട്ടത് 1967ല്‍ മഹാരാഷ്ട്രയിലെ കൊയ്നാനഗറില്‍ ഭൂചലനമുണ്ടായപ്പോഴാണ്. അവിടെ കൊയ്ന അണക്കെട്ടിന് സമീപമായിരുന്നു റിക്ടര്‍ സ്കെയിലില്‍ 6.5 രേഖപ്പെടുത്തിയ ഭൂചലനത്തിന്‍െറ പ്രഭവകേന്ദ്രം. അന്ന് അവിടെ 180 പേര്‍ കൊല്ലപ്പെട്ടു. പ്രദേശത്തെ മിക്കവാറും വീടുകള്‍ തകര്‍ന്നു. 1900ത്തില്‍ കോയമ്പത്തൂരില്‍ ഉണ്ടായ ഭൂകമ്പത്തിന് ശേഷമുണ്ടായ ഇന്ത്യയിലെ ഏറ്റവും വലിയ ഭൂചലനം കൂടിയായിരുന്നു അത്. കൊയ്നാനഗറിലുണ്ടായ ദുരന്തത്തിന്‍െറ കാരണം അവിടത്തെ കൂറ്റന്‍ അണക്കെട്ടാണെന്ന് (നൂറ് മീറ്റര്‍ ഉയരവും 800 മീറ്റര്‍ നീളവും) ഒരു വിഭാഗം ശാസ്ത്രജ്ഞര്‍ വാദിച്ചതോടെയാണ് നമ്മുടെ രാജ്യത്ത് ഈ വിഷയം ആദ്യമായി ചര്‍ച്ചചെയ്യപ്പെട്ടത്. സ്വാഭാവികമായും ഈ വാദത്തിനെതിരെയും ആളുകള്‍ രംഗത്തെത്തി.
രാജ്യത്തെ പ്രമുഖ എന്‍ജിനീയറായിരുന്ന ഡോ. കെ.എല്‍. റാവുവിനെ പോലുള്ളവര്‍ ഭൂകമ്പവും അണക്കെട്ടും തമ്മില്‍ ഒരു ബന്ധവുമില്ളെന്ന അഭിപ്രായക്കാരായിരുന്നു. ഇക്കാര്യത്തില്‍ അദ്ദേഹത്തിന്‍െറ വിശദീകരണം വളരെ രസാവഹമായിരുന്നു. അണക്കെട്ടിനെ ഈച്ചയോടും ഭൂമിയെ ആനയോടും ഉപമിച്ച അദ്ദേഹം ഈച്ചയുടെ അനക്കം ആനയെ ഒരു തരത്തിലും ബാധിക്കില്ളെന്ന് വാദിച്ചു. ഏതായാലും കൊയ്നാ നഗര്‍ ഭൂകമ്പത്തിന്‍െറ കാരണങ്ങളെക്കുറിച്ച് ശാസ്ത്രീയമായ പഠനങ്ങളൊന്നും നടക്കാതിരുന്നത് ഇതു സംബന്ധിച്ച ചര്‍ച്ച വഴിയിലുപേക്ഷിക്കുന്നതിന് കാരണമായി.
യഥാര്‍ഥത്തില്‍, കൊയ്നാനഗര്‍ സംഭവത്തിന് മുമ്പുതന്നെ ശാസ്ത്രലോകത്ത് ഇത് വലിയ ചര്‍ച്ചകള്‍ക്ക് തിരികൊളുത്തിയിട്ടുണ്ട്. പ്രകൃതിയില്‍ മനുഷ്യന്‍െറ കൈകടത്തലുകള്‍ ഭൂകമ്പം പോലുള്ള ദുരന്തങ്ങള്‍ക്ക് കാരണമാകുമോ എന്നായിരുന്നു ആ അന്വേഷണങ്ങളുടെ കാതല്‍. പ്രേരിത ഭൂചലനം(ഇന്‍ഡ്യൂസ്ഡ് സീസ്മിസിറ്റി) എന്നാണ് ഇത്തരം ഭൂചലനങ്ങള്‍ അറിയപ്പെടുന്നത്. മനുഷ്യന്‍െറ പ്രവൃത്തികള്‍മൂലം ഭൂമിയുടെ അകക്കാമ്പിലുണ്ടാകുന്ന മര്‍ദവ്യതിയാനം ഭൂചലനത്തിന് ഇടയാക്കുമെന്നാണ് ഇന്‍ഡ്യൂസ്ഡ് സീസ്മിസിറ്റിയുടെ മര്‍മം.
ഖനനം, അണക്കെട്ടുകള്‍, താപനിലയങ്ങള്‍, ആണവ നിലയങ്ങള്‍ തുടങ്ങിയവയെല്ലാം ഇത്തരം ഭൂകമ്പങ്ങള്‍ക്ക് കാരണമാകാം. 1932ലാണ് അണക്കെട്ടിന്‍െറ സാന്നിധ്യം മൂലം ഒരു ഭൂകമ്പം ഉണ്ടായതായി ആദ്യമായി രേഖപ്പെടുത്തിയത്. അല്‍ജീരിയയിലെ ഒയൂദ് ഫോദ അണക്കെട്ടിന് സമീപമുണ്ടായ ചെറു ചലനമായിരുന്നു അത്. ഇറ്റലിയിലെ വാജോന്‍റ് ഡാമിന്‍െറ നിര്‍മാണവേളയിലും അവിടെ ചെറു ചലനങ്ങള്‍ ഉണ്ടായതായി റിപ്പോര്‍ട്ടുണ്ടായിരുന്നു. എന്നാല്‍, അവിടെ വന്‍ ദുരന്തം ഉണ്ടായത് പിന്നീടാണ്. 1963ല്‍ ഉണ്ടായ മലയിടിച്ചിലില്‍ നിറഞ്ഞുനിന്നിരുന്ന അണക്കെട്ട് തകര്‍ന്ന് 2000 ആളുകള്‍ കൊല്ലപ്പെട്ടു.
ഇതിനകം 30ഓളം അണക്കെട്ടുകളെങ്കിലും ഇത്തരത്തില്‍ പ്രേരിത ഭൂകമ്പങ്ങള്‍ക്ക് കാരണമായിട്ടുള്ളതായി പറയപ്പെടുന്നു. എന്നാല്‍, ഇവിടെയെല്ലാം ചെറു ചലനങ്ങളാണ് കൂടുതലായും അനുഭവപ്പെട്ടത്. ചിലയിടങ്ങളില്‍ മാപിനിയില്‍ ആറില്‍ കൂടുതല്‍ രേഖപ്പെടുത്തിയവയും ഉണ്ട്. ഉദാഹരണത്തിന്, 1975ല്‍ കാലിഫോര്‍ണിയയിലെ ഒരോവില അണക്കെട്ടിന് സമീപത്തുണ്ടായ ഭൂചലനം 6.1 തീവ്രതയുള്ളതായിരുന്നു.
എന്നാല്‍, ഇന്‍ഡ്യൂസ്ഡ് സീസ്മിസിറ്റിയെ ചോദ്യംചെയ്തും പല പഠനങ്ങളും പുറത്തിറങ്ങിയിട്ടുണ്ട്. ഭൂചലനം ഉണ്ടാകുന്നത് പ്രധാനമായും ഭൂമിയുടെ ടെക്ടോണിക ഫാള്‍ട്ട് ലൈനുകളിലാണ് (ഭ്രംശ രേഖ). ഇവിടെത്തന്നെ ഭൂകമ്പം സംഭവിക്കുന്നത് നിശ്ചിത കാലയളവിലുമാണ്. അഥവാ, ഒരു ഫാള്‍ട്ട് ലൈനില്‍ ഒരിക്കല്‍ ഭൂചലനുമുണ്ടായാല്‍ അവിടെ കുറെ കാലത്തേക്ക് അതേ തീവ്രതയില്‍ മറ്റൊരു ചലനമുണ്ടാകാന്‍ സാധ്യതയില്ല. ചിലപ്പോള്‍ ഒരു നൂറ് വര്‍ഷമെങ്കിലും കഴിഞ്ഞാവും മറ്റൊരു ചലനമുണ്ടാവുക. എന്നാല്‍, നാലില്‍ താഴെ തീവ്രതയുള്ള ചെറു ചലനങ്ങള്‍ ഉണ്ടാകാം. അത് അത്രതന്നെ അപകടകരമല്ല. ഇക്കാലയളവിനുള്ളില്‍ രേഖപ്പെടുത്തിയിട്ടുള്ള പ്രേരിത ഭൂചലനങ്ങളുടെ ശരാശരി തീവ്രത നാലില്‍ താഴെ മാത്രമാണ്.

മുല്ലപ്പെരിയാര്‍ അണക്കെട്ട്

ഇടുക്കി ജില്ലയില്‍ പെരിയാര്‍ നദിക്ക് കുറുകെയാണ് മുല്ലപ്പെരിയാര്‍ അണക്കെട്ട് നിര്‍മിച്ചിട്ടുള്ളത്. ചുണ്ണാമ്പ് മിശ്രിതം ഉപയോഗിച്ച് നിര്‍മ്മിച്ചിട്ടുള്ളവയില്‍ ഇന്ന് നിലവിലുള്ള ഏക അണക്കെട്ടാണിത്. മുല്ലയാര്‍, പെരിയാര്‍ എന്നീ നദികളിലെ ജലമാണ് ഈ അണക്കെട്ടില്‍ സംഭരിക്കുന്നത്. അതുകൊണ്ടാണ് അണക്കെട്ടിന് മുല്ലപ്പെരിയാര്‍ എന്ന് നാമകരണം ചെയ്തിരിക്കുന്നത്.
തമിഴ്നാട്ടിലെ മധുര, തേനി തുടങ്ങിയ സ്ഥലങ്ങളിലേക്ക് ജലസേചനം നടത്തുന്നതിനാണ് ഡാം നിര്‍മിച്ചത്. 1895ലാണ് നിര്‍മാണം പൂര്‍ത്തിയാക്കിയത്.
മുല്ലപ്പെരിയാര്‍ അണക്കെട്ടിന്‍െറ നിര്‍മാണവും പിന്നീട് തിരുവിതാംകൂര്‍ രാജാവുമായുണ്ടാക്കിയ പാട്ടക്കരാറുമൊക്കെയായി ബന്ധപ്പെട്ട് വലിയ ചരിത്രം തന്നെയുണ്ട്. 1800കളുടെ തുടക്കത്തിലാണ് തമിഴ്നാട്ടിലെ രാമനാഥപുരം ഉള്‍പ്പടെയുള്ള ഭാഗങ്ങള്‍ ബ്രിട്ടീഷുകാരുടെ നിയന്ത്രണത്തിലായത്. അവിടെ മുത്തുലിംഗ സേതുപതി രാജാവിനെ യുദ്ധത്തില്‍ പരാജയപ്പെടുത്തിയാണ് ബ്രിട്ടീഷുകാര്‍ പ്രദേശത്തിന്‍െറ അധികാരം പിടിച്ചെടുത്തത്. അക്കാലത്ത് രൂക്ഷമായ വരള്‍ച്ചയാണ് അവിടത്തുകാര്‍ അനുഭവിച്ചിരുന്നത്. പ്രധാന ജല സ്രോതസ്സായ വൈഗ നദി വറ്റിവരണ്ടിരുന്നു. എന്നാല്‍, ഇങ്ങ് തിരുവിതാംകൂറിലാകട്ടെ, പ്രളയവുമായിരുന്നു. വൈഗയിലേക്ക് കേരളത്തിലെ പ്രളയ ബാധിത പെരിയാര്‍ നദിയില്‍ നിന്ന് ജലമെത്തിക്കുക എന്നതായിരുന്നു തമിഴ്നാട്ടിലെ വരള്‍ച്ചക്ക് പരിഹാരമായി ബ്രിട്ടീഷുകാര്‍ കണ്ട മാര്‍ഗം. ഇതിനെ കുറിച്ച് പഠനം നടത്തുന്നതിനായി അവര്‍ പല എന്‍ജിനീയറിങ് വിദഗ്ധരുമായും കൂടിക്കാഴ്ച നടത്തി. ജെയിംസ് കാഡ്വെല്ലിനെപ്പോലുള്ള സാങ്കേതിക വിദഗ്ധര്‍ പദ്ധതി പ്രായോഗികമല്ളെന്ന അഭിപ്രായം മുന്നോട്ടുവെച്ചിട്ടും ബ്രിട്ടീഷുകാര്‍ പദ്ധതി ചര്‍ച്ചയുമായി മന്നോട്ടു പോവുകയായിരുന്നു. പിന്നീട്,1850ല്‍ ക്യാപ്റ്റന്‍ ഫാബറിന്‍െറ നിര്‍ദേശപ്രകാരം പെരിയാറില്‍ ചെറിയ തടയണ കെട്ടി വെള്ളം തിരിച്ചുവിടാന്‍ ശ്രമം നടത്തിയെങ്കിലും വിജയിച്ചില്ല. 15 വര്‍ഷങ്ങള്‍ക്ക് ശേഷമാണ് ഇന്നുള്ള അണക്കെട്ട് നിര്‍മിക്കുന്നതിനെക്കുറിച്ച് ആദ്യ നിര്‍ദേശം വന്നത്. മേജര്‍ റീവ്സ ആണ് പ്രസ്തുത പദ്ധതി മുന്നോട്ടവെച്ചത്. 162 അടി ഉയരമുള്ള കൂറ്റന്‍ അണകെട്ടി വൈഗയുടെ കൈവഴികളിലേക്ക് വെള്ളം തിരിച്ചുവിടുകയായിരുന്നു അത്. എന്നാല്‍, അണകെട്ടാനുള്ള സാങ്കേതിക ബുദ്ധിമുട്ട് കാരണം ആദ്യഘട്ടത്തില്‍ പദ്ധതി ഉപേക്ഷിച്ചെങ്കിലും പിന്നീട് ജനറല്‍ വാക്കറുടെ നിര്‍ദേശപ്രകാരം പദ്ധതി തുടരുകയായിരുന്നു. അങ്ങനെ 1887ല്‍ അണക്കെട്ടിന്‍െറ നിര്‍മാണം ആരംഭിച്ചു. പത്ത് സ്പില്‍വേകളടങ്ങുന്നതായിരുന്നു അണക്കെട്ട്. 65 ലക്ഷം രൂപ മുടക്കി നിര്‍മിച്ച അണക്കെട്ടിന് ബ്രിട്ടീഷ് എന്‍ജിനീയര്‍ കല്‍പിച്ച ആയുസ്സ് കേവലം 50 വര്‍ഷം.

പാട്ടക്കരാര്‍ വിവാദം

ബ്രിട്ടീഷുകാരുടെ കാലത്ത് ഉണ്ടാക്കിയ കരാര്‍ സ്വാതന്ത്ര്യാനന്തരവും തുടരുകയായിരുന്നു. ഇതിനിടെ ഈ ജലം ഉപയോഗിച്ച് തമിഴ്നാട് വൈദ്യുതി ഉല്‍പാദിപ്പിക്കാനും തുടങ്ങി. മാത്രമല്ല, തമിഴ്നാട് കൂടുതല്‍ ജലം കേരളത്തോട് ആവശ്യപ്പെടുകയും ചെയ്തു. ഇതിനിടയിലും, 1976ല്‍ കരാര്‍ ഒരു ഭേദഗതിയും കൂടാതെ പുതുക്കി.
പിന്നീട് അവിടെ ഉണ്ടായ ചെറു ചലനങ്ങളാണ് ഡാമിന്‍െറ സുരക്ഷയെ സംബന്ധിച്ച ആശങ്ക ഉടലെടുക്കുന്നതിനും ഈ വിഷയത്തില്‍ കേരളത്തെ മാറ്റിച്ചിന്തിപ്പിക്കുന്നതിനും പ്രേരിപ്പിച്ചത്. കരാറില്‍നിന്ന് പിന്‍മാറാനുള്ള കേരളത്തിന്‍െറ ശ്രമത്തെ തമിഴ്നാട് സുപ്രീംകോടതിയില്‍ ചോദ്യം ചെയ്തു. തമിഴ്നാടിന് കൂടുതല്‍ ജലം നല്‍കണമെന്നായിരുന്നു ഇതു സംബന്ധിച്ച് കോടതി വിധി. ഇതിനെതിരെ കേരള നിയമസഭയില്‍ പ്രമേയം പാസാക്കിയെങ്കിലും നിയമപ്രശ്നം ചൂണ്ടിക്കാണിച്ച് അത് തള്ളുകയായിരുന്നു.

പുതിയ വിവാദം

അണക്കെട്ടിന്‍െറ സുരക്ഷയെക്കുറിച്ച ഭീതിയാണ് ഇപ്പോഴത്തെ വിവാദങ്ങള്‍ക്ക് കാരണം. 50 വര്‍ഷത്തെ ആയുസ്സുള്ള അണക്കെട്ട് ഇപ്പോള്‍ നൂറിലേറെ വര്‍ഷമായി പ്രവര്‍ത്തിക്കുന്നുണ്ട്. ബേബി ഡാമുള്‍പ്പെടെയുള്ളവയുടെ സുരക്ഷയെ സംബന്ധിച്ചും ഭീഷണിയുയര്‍ന്നിട്ടുണ്ട്. കൂടാതെ, അടുത്തിടെ ഇവിടെയുണ്ടായ ചെറിയ ഭൂചലനങ്ങള്‍ വലിയ അപകടത്തിന്‍െറ സൂചനയാണ് നല്‍കുന്നത്. ചില ഭൂമിശാസ്ത്രജ്ഞരുടെ പഠനങ്ങളില്‍ ഇതൊരു ഭ്രംശമേഖലയാണെന്ന നിഗമനവും ഉണ്ട്. അതുകൊണ്ടുതന്നെ, ഏതെങ്കിലും തരത്തിലുള്ള അപകടം സംഭവിച്ചാല്‍ അത് കേരളത്തിലെ അഞ്ച് ജില്ലയെയെങ്കിലും ബാധിക്കും. അതിനാലാണ് പുതിയ കരാറിനു വേണ്ടി കേരളം വാദിക്കുന്നത്.

സൗത് ഫോര്‍ക്ക് അണക്കെട്ട് ദുരന്തം

കേരളത്തില്‍ മുല്ലപ്പെരിയാര്‍ ഡാം നിര്‍മിച്ചുകൊണ്ടിരിക്കെ, അങ്ങ് അമേരിക്കയിലുണ്ടായ ഒരു അണക്കെട്ട് ദുരന്തത്തെക്കുറിച്ച് പറയാം. 1889 മേയ് 31നാണ് സംഭവം. പെന്‍സില്‍വാനിയയിലെ കോണ്‍മോവ് തടാകത്തിന് കുറുകെ സ്ഥാപിച്ചിരുന്ന സൗത് ഫോര്‍ക്ക് അണക്കെട്ട് കനത്ത മഴയെത്തുടര്‍ന്ന് തകര്‍ന്നു.1853ല്‍ ജലസേചനാവശ്യാര്‍ഥം നിര്‍മിച്ചതായിരുന്നു ഈ അണക്കെട്ട്. അണക്കെട്ട് തകര്‍ന്നതോടെ അതില്‍ സംഭരിക്കപ്പെട്ടിരുന്ന മുഴുവന്‍ ജലവും തൊട്ടടുത്ത ജോണ്‍സ് ടൗണിലേക്ക് ഒഴുകുകയും പ്രദേശത്ത് വന്‍ പ്രളയം സൃഷ്ടിക്കുകയും ചെയ്തു. ജോണ്‍സ് ടൗണ്‍ പ്രളയം എന്നാണ് ഈ ദുരന്തം അറിയപ്പെടുന്നത്. ദുരന്തത്തില്‍ 2200 ആളുകള്‍ കൊല്ലപ്പെടുകയും മേഖലയിലെ ഏതാണ്ട് മുഴുവന്‍ വീടുകളും കെട്ടിടങ്ങളും തകരുകയും ചെയ്തു.

ദുരന്തം ഇതു മാത്രമോ?

അണക്കെട്ടുകള്‍ തകരുന്നതും അവിടെ ഭൂകമ്പങ്ങള്‍ ഉണ്ടാകുന്നതും മാത്രമാണോ ദുരന്തങ്ങള്‍? ഈജിപ്തിലെ പ്രസിദ്ധമായ അസ്വാന്‍ അണക്കെട്ടിന്‍െറ കാര്യമെടുക്കുക. അവിടെ ഡാമിന് കേടുപാടുകള്‍ സംഭവിച്ചതായോ ഭൂചലനമുണ്ടായതായോ കേട്ടുകേള്‍വിയില്ല. എങ്കിലും അസ്വാനും ഒരു ദുരന്തമായിട്ടാണ് ഇപ്പോള്‍ പരിഗണിക്കപ്പെടുന്നത്. നൈല്‍ നദിയിലെ ഏകദേശം 11 ശതമാനം വെള്ളവും തടഞ്ഞുനിര്‍ത്തപ്പെട്ടത് കാരണം ബാഷ്പീകരിച്ചു പോവുകയാണ്. എക്കല്‍ സമ്പുഷ്ടമാണ് നൈല്‍ നദി. അസ്വാന്‍ ഈ എക്കലിനെയും തടഞ്ഞുനിര്‍ത്തുന്നുണ്ട്. ഇത് കാരണം നൈലിന്‍െറ മറ്റു ഭാഗങ്ങളിലേക്ക് എക്കല്‍ എത്തുന്നില്ല. ഇത് അവിടുത്തെ കൃഷിയെ കാര്യമായി ബാധിക്കുന്നുണ്ട്. മറ്റൊരു തരത്തില്‍ പറഞ്ഞാല്‍ ഇവിടുത്തെ മണ്ണിന്‍െറ ഫലഭൂവിഷ്ടത ഇല്ലാതായിക്കൊണ്ടിരിക്കുകയാണ്. ഭാവിയില്‍ വന്‍ പാരിസ്ഥിതിക പ്രത്യാഘാതങ്ങള്‍ക്ക് ഇത് വഴിവെക്കും. തീരമേഖലയില്‍ മണ്ണൊലിപ്പ് കൂടുന്നതിനും ജലത്തിലെ ലവണാംശം വര്‍ധിക്കുന്നതിനുമൊക്കെ അസ്വാന്‍ അണക്കെട്ട് കാരണമാകുന്നുണ്ട്.
അപ്പോള്‍, അണക്കെട്ടുമായി ബന്ധപ്പെട്ട ദുരന്തങ്ങളും അപകടങ്ങളുമെല്ലാം പതിയിരിക്കുന്നത് നാം പ്രതീക്ഷിക്കുന്നതിലും അപ്പുറത്തായിരിക്കും. നേരിട്ടുള്ള ദുരന്തങ്ങളാണ് സാധാരണ പരാമര്‍ശിക്കപ്പെടാറുള്ളത്. എന്നാല്‍, ഇത്തരം പാരിസ്ഥിതിക പ്രത്യാഘാതങ്ങള്‍ പലപ്പോഴും ആരും ശ്രദ്ധിക്കാറില്ല. നമ്മുടെ സംസ്ഥാനത്തെ അണക്കെട്ടുകളിലും ഭീമന്‍ ജലസംഭരണികളിലുമെല്ലാം ഈ അപകടം പതിയിരിക്കുന്നുവെന്ന് മനസ്സിലാക്കുക. ഒരു അണക്കെട്ട് നിര്‍മിക്കുമ്പോള്‍ ഒരായിരം ആവാസവ്യവസ്ഥകള്‍ അവിടെ തകര്‍ക്കപ്പെടുന്നുണ്ട്. അതുകൊണ്ടാണ് കേരളത്തിലെ അതിരപ്പിള്ളി, സൈലന്‍റ്വാലി തുടങ്ങിയ ജലവൈദ്യുത പദ്ധതികളെ പരിസ്ഥിതി സ്നേഹികള്‍ എതിര്‍ക്കുന്നത്.

പുതിയ അണക്കെട്ട് പരിഹാരമോ?

മുല്ലപ്പെരിയാര്‍ പ്രശ്നത്തില്‍ ഉന്നയിക്കപ്പെടുന്ന പ്രധാന പരിഹാര നിര്‍ദേശങ്ങള്‍ രണ്ടാണ്: തമിഴ്നാടുമായുള്ള കാലഹരണപ്പെട്ട കരാര്‍ പുതുക്കുക, പുതിയ അണക്കെട്ട് നിര്‍മിക്കുക. തമിഴ്നാടിന് തുടര്‍ന്നും ജലം നല്‍കുമെന്ന് കേരളം പ്രഖ്യാപിച്ചിട്ടുണ്ട് . അതിനാല്‍, പുതിയ കരാര്‍ ആവശ്യമാണ്. എന്നാല്‍, പുതിയ അണക്കെട്ട് എത്രത്തോളം പരിഹാരമാണ്? ഇപ്പോഴുണ്ടായ ഭൂചലനം തുടര്‍ന്നും അവിടെ സംഭവിച്ചാല്‍ പുതിയ അണക്കെട്ടും ഭീഷണിയാവില്ളേ? അതൊരു ഭ്രംശ മേഖലയാണെന്ന് ചില ശാസ്ത്രജ്ഞര്‍ അഭിപ്രായപ്പെടുകയും ചെയ്തിട്ടുണ്ടല്ളോ.
ഇവിടെ കൂടുതലായി ചര്‍ച്ച ചെയ്യപ്പെടാത്ത മറ്റൊരു കാര്യം കൂടിയുണ്ട്. മുല്ലപ്പെരിയാറിലെ ജലനിരപ്പ് 136 അടി കവിഞ്ഞുവെന്ന് നാം മാധ്യമങ്ങളിലൂടെ അറിഞ്ഞുവല്ളോ. ഇത്രയും അളവിലുള്ള ജലത്തെ താങ്ങിനിര്‍ത്തുന്നത് അണക്കെട്ട് മാത്രമല്ല. ചുറ്റുമുള്ള മല നിരകളും കൂടിയാണ്. അപ്പോള്‍, വലിയ അളവിലുള്ള ജലമര്‍ദത്തെ താങ്ങാനുള്ള ശേഷി ഈ മലനിരകള്‍ക്കും ഉണ്ടോ എന്ന് പരിശോധിക്കേണ്ടതുണ്ട്. ഭൂമിശാസ്ത്രപരമായി ഈ മലനിരകളെല്ലാം നന്നേ ചെറുപ്പമാണത്രെ. അങ്ങനെയെങ്കില്‍ വലിയ അളവിലുള്ള ജലം ഈ 'കുഞ്ഞുമലകള്‍'ക്ക് ഉള്‍ക്കൊള്ളാനാവില്ളെന്ന് അനുമാനിക്കേണ്ടിവരും. ഇവിടെ സംഭവിക്കാവുന്ന അപകടത്തെക്കുറിച്ചുകൂടി പറയാം. താങ്ങാവുന്നതിലുമപ്പുറം ജലം ഇവിടെയെത്തുമ്പോള്‍, മലനിരകള്‍ അവയെ വലിച്ചെടുക്കുകയും ബലക്ഷയം സംഭവിക്കുകയും ചെയ്യും. ഇതിനെ ടണല്‍ ഇറോഷന്‍ എന്നാണ് പറയുക. ഇത് വന്‍ തോതിലുള്ള മണ്ണിടിച്ചിലിനും മറ്റും കാരണമാകും. കഴിഞ്ഞ വര്‍ഷം ഇവിടെ ചെറിയ തോതില്‍ ടണല്‍ ഇറോഷനുണ്ടായത്രെ.
അപ്പോള്‍ ഭൂകമ്പത്തിനും ടണല്‍ ഇറോഷനും ഒരുപോലെ സാധ്യതയുള്ള ഒരു മേഖലയില്‍ ഇനി പുതിയ ഒരു അണക്കെട്ട് അഭികാമ്യമാണോ? ഈ അപകടം കണക്കിലെടുത്ത്, ലോക രാജ്യങ്ങള്‍ കൂറ്റന്‍ അണക്കെട്ടുകള്‍ നിര്‍മിച്ച് ജലവൈദ്യുത പദ്ധതികള്‍ നടപ്പാക്കുന്നതില്‍ വലിയ താല്‍പര്യം കാണിക്കാറില്ല. ചെറിയ ജലവൈദ്യുത പദ്ധതികള്‍ക്കാണ് അവര്‍ പ്രാമുഖ്യം നല്‍കുന്നത്. ഒരേസമയം അപകടമുക്തവും പ്രകൃതിക്ക് ഇണങ്ങുന്നതുമാണ് ഇത്തരം പദ്ധതികള്‍. നമുക്കും ആ വഴിയില്‍ ചിന്തിക്കുകയല്ളേ നല്ലത്.

മുല്ലപ്പെരിയാര്‍ വിഷയത്തിലും ഞങ്ങളുടെ ആലപ്പുഴ അശ്രദ്ധമായിത്തന്നെ

നാട് മുഴുവന്‍ ഇടുക്കിയിലെ സമരങ്ങളില്‍ ശ്രദ്ധ കേന്ദ്രീകരിച്ചിരിക്കുന്നു. മുല്ലപ്പെരിയാര്‍ ഡാമുമായി ബന്ധപ്പെട്ട സമര-ദുരന്ത നിവാരണ പ്രവര്‍ത്തനങ്ങള്‍ മുഴുവന്‍ ഇടുക്കി ജില്ലയിലാണ്. അണക്കെട്ട് ഇടുക്കിയിലാണെന്ന ഒറ്റക്കാരണത്താലാണത്. എന്നാല്‍, ആരും ശ്രദ്ധിക്കാതെ കിടക്കുന്ന ഒരു ജില്ലയുണ്ട്, ആലപ്പുഴ. മുല്ലപ്പെരിയാര്‍ അണക്കെട്ട് പൊട്ടിയാല്‍ പൂര്‍ണമായും നശിക്കാവുന്ന ജില്ല. ഒരുപക്ഷേ, ഇടുക്കി ജില്ലയെക്കാളും നാശനഷ്ടം ആലപ്പുഴയില്‍ ഉണ്ടായേക്കാം. പൂര്‍ണമായി ജലാശയങ്ങളാല്‍ ചുറ്റപ്പെട്ടുകിടക്കുന്ന മനുഷ്യരും സമുദ്രനിരപ്പില്‍നിന്ന് താഴെയുള്ള ഭൂപ്രകൃതിയും ആലപ്പുഴയുടെ ഉന്മൂലനത്തില്‍ പങ്കാളികളാവും. സമുദ്രനിരപ്പില്‍നിന്ന് താഴെയുള്ള സ്ഥലമായതിനാല്‍ മലമ്പ്രദേശത്തുള്ള ജലം ഇങ്ങോട്ടാണ് ഒഴികിയെത്തുക. കിഴക്കുനിന്ന് വെള്ളം വന്നാല്‍, പടിഞ്ഞാറ് അറബിക്കടലും ചുറ്റുമുള്ള കായലും ആലപ്പുഴക്കാരന്‍െറ രക്ഷപ്പെടലിന് തടസ്സമാവുന്നു.
കഴിഞ്ഞദിവസമുണ്ടായ ഹര്‍ത്താല്‍ ഒഴിച്ചാല്‍ മുല്ലപ്പെരിയാര്‍ വിഷയത്തില്‍ ആലപ്പുഴ ജില്ലയില്‍ കാര്യമായ സമരങ്ങളോ ദുരന്തനിവാരണ സജ്ജീകരണങ്ങളോ ഉണ്ടായിട്ടില്ല.
2004ലുണ്ടായ സൂനാമിയുടെയും പിന്നീടുണ്ടായിട്ടുള്ള കടലാക്രമണങ്ങളുടെയും ദുരിതത്തില്‍നിന്ന് ഇതുവരെ മുക്തമാവാത്ത പ്രദേശങ്ങള്‍ അനവധിയാണ്. ജില്ലയിലെ ആറാട്ടുപുഴ, തൃക്കുന്നപുഴ, വലിയഴീക്കല്‍, തോട്ടപ്പള്ളി, പുന്നപ്ര, പാനൂര്‍, പല്ലന തുടങ്ങിയ സ്ഥലങ്ങളില്‍ സൂനാമി വിതച്ച വിപത്തില്‍നിന്ന് മോചിതരാകാത്ത ആളുകളും കെട്ടിടങ്ങളും ധാരാളമാണ്.
മറ്റൊരു ജലദുരന്തം കാത്തിരിക്കുന്ന ആലപ്പുഴക്ക് അധികൃതരും ജനസേവകരും അര്‍ഹമായ പരിഗണന നല്‍കാന്‍ മറക്കരുതേ.

എന്‍െറ പേടി നിങ്ങള്‍ക്ക് മനസ്സിലാകുമോ?

എനിക്കു ഭയമാകുന്നു. ശക്തിയായ മഴപെയ്താല്‍ ആ മഴവെള്ളം ഡാമില്‍ എത്തുമല്ളോ എന്നോര്‍ത്ത് കൂടുതല്‍ ഭയപ്പെടുന്നു ഞാന്‍. ഈ ദിവസങ്ങളില്‍ ഭൂകമ്പങ്ങള്‍ ജില്ലയുടെ വിവിധ സ്ഥാനങ്ങളില്‍ ഉള്ളതായി ഞാന്‍ പത്രത്തില്‍ വായിച്ചു. ഈ വലിയ ഭൂകമ്പമുണ്ടായാല്‍ ഡാം പൊട്ടുമെന്നും വായിച്ചു. അതുകൊണ്ട് ഞാന്‍ എല്ലാ ദിവസവും പ്രാര്‍ഥിക്കാറുണ്ട്. ഡാം തകര്‍ന്നാല്‍ നാലുജില്ലകള്‍ -ഇടുക്കി, എറണാകുളം, കോട്ടയം, ആലപ്പുഴ എല്ലാം ഇല്ലാതാകുമെന്ന് പറയുന്നു. ഒപ്പം ലക്ഷക്കണക്കിന് ജനങ്ങള്‍ക്ക് ജീവന്‍ നഷ്ടപ്പെടും. വളരെനാളുകളായി നമ്മള്‍ നിര്‍മിച്ച കെട്ടിടങ്ങളും സ്മാരകങ്ങളും നശിക്കും. എന്നെപ്പോലുള്ള കുട്ടികളും ധാരാളം മരിക്കും.
ഇങ്ങനെ മരിക്കുന്നത് നമ്മുടെ സഹോദരങ്ങളല്ളേ... അതുണ്ടാവരുതേ എന്നാണെന്‍െറ പ്രാര്‍ഥന.
മഴപെയ്യുമ്പോഴുണ്ടാകുന്ന ജലം മുഴുവന്‍ നമ്മുടെ പറമ്പില്‍ തങ്ങാന്‍ അനുവദിച്ചാലോ.. ചെറിയ കുഴികളുണ്ടാക്കി മഴവെള്ളം മുഴുവന്‍ നമ്മുടെ പറമ്പില്‍തന്നെ താഴ്ന്നുപോകാന്‍ കുഴികളുണ്ടാക്കിയാല്‍ മുല്ലപ്പെരിയാറിലേക്ക് അധികം വെള്ളം ചെന്നുചേരില്ല. വെള്ളത്തിന്‍െറ വലിയ ശക്തിയുണ്ടെങ്കിലേ ഡാമിന് എന്തെങ്കിലും സംഭവിക്കൂ. നമ്മുടെ തോടുങ്ങളും ചെറുപുഴകളും വെട്ടി വഴിതിരിച്ചുവിട്ടാലും മതി. ഡാമിലേക്ക് ഇനി ഒത്തിരി വെള്ളം എത്തിച്ചേരേണ്ട. കാരണം, ഇടുക്കി ജില്ലയില്‍ താമസിക്കുന്ന എനിക്കറിയാം. പേടിതന്നെ. ഇതുവായിക്കുന്ന നിങ്ങള്‍ക്ക് അതുമനസ്സിലാകുമോ, എനിക്കറിയില്ല.

കടപ്പാട് : മാധ്യമം വെളിച്ചം

മുല്ലാ നാസറുദ്ദീന്‍ കഥകള്‍

2011-11-11T06:21:00.000-08:00

എല്ലാവര്‍ക്കും പങ്കെടുക്കാവുന്ന കുതിരപ്പന്തയം നടക്കുന്ന സ്ഥലത്തേക്ക് വളരെ സാവകാശം നടക്കുന്ന ഒരു കാളയുടെ പുറത്തുകയറി മുല്ല വന്നെത്തി. എല്ലാവരും ചിരിച്ചു: 'കാളയ്ക്ക് ഓടാനാവില്ല.'
'പക്ഷേ, ഞാനതു കണ്ടിട്ടുണ്ട്. ഒരു കൊച്ചുകുട്ടിയായിരിക്കുമ്പോള്‍ ഇത് കുതിരയേക്കാള്‍ വേഗത്തില്‍ ഓടിയിരുന്നു.'- മുല്ല പറഞ്ഞു. 'ഇപ്പോള്‍ കൂടുതല്‍ വളര്‍ന്ന സ്ഥിതിക്ക് കൂടുതല്‍ വേഗതയില്‍ ഓടാന്‍ കഴിയേണ്ടതല്ലേ?'

വളര്‍ച്ച

നിയമത്തിന്റെ അക്ഷരങ്ങള്‍

നാസറുദ്ദീന് തെരുവില്‍നിന്ന് വളരെ വിലപിടിച്ച ഒരു മോതിരംകിട്ടി. അത് സ്വന്തമാക്കണമെന്ന് കലശലായ മോഹം. പക്ഷേ, അങ്ങനെ വല്ലതും കണ്ടുകിട്ടുന്ന ആരും ചന്തസ്ഥലത്തുചെന്ന് അക്കാര്യം മൂന്നുതവണ വിളിച്ചുപറയണമെന്നാണ് നിയമം. എന്നിട്ടും കണ്ടുകിട്ടിയില്ലെങ്കില്‍ അത് കിട്ടിയവനെടുക്കാം.
മുല്ല പുലര്‍ച്ചയ്ക്ക് മൂന്നു മണിക്ക് അങ്ങാടിയില്‍ചെന്ന് തനിക്കു മോതിരം കിട്ടിയകാര്യം വിളിച്ചുപറഞ്ഞു.
മൂന്നാമത്തെ വിളിയോടെ ഉണര്‍ന്നെണീറ്റ ആളുകള്‍ തെരുവുകളിലേക്ക് കുതിച്ചെത്തി. അവര്‍ക്ക് കാര്യമെന്താണെന്ന് വ്യക്തമായില്ല.
'എന്താണ് മുല്ലാ സംഗതി?'- അവര്‍ ചോദിച്ചു.
നാസറുദ്ദീന്‍ പറഞ്ഞു: 'മൂന്നുതവണ ആവര്‍ത്തിക്കാനേ നിയമം അനുശാസിക്കുന്നുള്ളൂ. നാലാംതവണ ആവര്‍ത്തിക്കുന്നത് നിയമവിരുദ്ധമാണ്. പക്ഷേ, ഞാന്‍ നിങ്ങളോട് വേറൊരു കാര്യം പറയാം -ഞാനിപ്പോള്‍ ഒരു രത്‌നമോതിരത്തിന്റെ ഉടമയാണ്.'

ആഴം

ചന്തയിലെത്തിയ മുല്ല പക്ഷികളെ വില്പനയ്ക്ക് വെച്ചിരിക്കുന്നതു കണ്ടു. ഓരോ പക്ഷിക്കും അഞ്ഞൂറു റിയാലാണ് വില. മുല്ല വിചാരിച്ചു -എന്റെ പക്ഷി ഇതിനേക്കാള്‍ വലുതാണ്. അതിന് ഇതിനേക്കാള്‍ അധികം വിലകിട്ടണം.
പിറ്റേന്ന് തന്റെ പ്രിയപ്പെട്ട പിടക്കോഴിയേയുംകൊണ്ട് ചന്തയിലെത്തി. പക്ഷേ, ആരും അതിന് അമ്പതു റിയാലില്‍ കൂടുതല്‍ വില പറഞ്ഞില്ല. മുല്ല തൊള്ളയിടാന്‍ തുടങ്ങി:
'ജനങ്ങളേ, ഇതെന്തൊരു മര്യാദകേടാണ്? ഇന്നലെ ഇതിന്റെ പകുതി വലിപ്പമുള്ള പക്ഷികളെ നിങ്ങള്‍ ഇതിന്റെ പത്തിരട്ടി വിലയ്ക്കാണല്ലോ വാങ്ങിയത്.'
ആരോ വിശദീകരിച്ചുകൊടുത്തു. 'നാസറുദ്ദീന്‍, അതൊക്കെ തത്തകളായിരുന്നു. അവയ്ക്ക് കൂടുതല്‍ വിലകിട്ടും. അവ സംസാരിക്കും.'
'വിഡ്ഢീ' -നാസറുദ്ദീന്‍ ഒച്ചവെച്ചു: അവയ്ക്കു സംസാരിക്കാന്‍ കഴിയും എന്നതുകൊണ്ട് നീ അവയെ കൂടുതല്‍ വിലമതിക്കുന്നു. ഈ പക്ഷി അദ്ഭുതകരമായ ചിന്തകളുള്ളപ്പോഴും ചിലച്ച് മറ്റുള്ളവരെ ശല്യപ്പെടുത്തുന്നില്ല. എന്നിട്ട് നീ അതിനെ തള്ളിപ്പറയുന്നു!'

രക്ഷിക്കുന്നതിന്റെ തത്ത്വം
ആ രണ്ടു പെണ്‍കുട്ടികളില്‍ ആരെ കല്യാണം കഴിക്കണം എന്ന കാര്യത്തെപ്പറ്റി ഒരു തീരുമാനത്തിലെത്താന്‍ മുല്ലയ്ക്കു കഴിഞ്ഞില്ല. ഒരിക്കല്‍ അവര്‍ രണ്ടുപേരുംകൂടി ഒന്നിച്ചുവന്നു മുല്ലയോടു ചോദിച്ചു: 'കൂട്ടത്തില്‍ ആരെയാണ് നിങ്ങള്‍ കൂടുതല്‍ സ്‌നേഹിക്കുന്നത്?'
മുല്ല പറഞ്ഞു: 'ഈ ചോദ്യം ഒരു പ്രായോഗിക സന്ദര്‍ഭത്തെ മുന്‍നിര്‍ത്തി ചോദിക്കൂ.'
'ഞങ്ങള്‍ രണ്ടിലൊരാള്‍ പുഴയില്‍ വീണാല്‍ നിങ്ങള്‍ ആരെയാണ് രക്ഷിക്കുക?'- ചെറുപ്പക്കാരിയും സുന്ദരിയുമായ പെണ്ണ് ചോദിച്ചു.
തടിച്ചി എങ്കിലും പണക്കാരിയായ മറ്റേ പെണ്ണിനെ നോക്കി മുല്ല ചോദിച്ചു: 'ഓമനേ, നിനക്കു നീന്താനറിയാം, ഇല്ലേ?'

ചേരായ്മ
നാസറുദ്ദീന്‍ ചന്തയില്‍വെച്ച് ഒരു ചുമട്ടുകാരനോടു പറഞ്ഞു: 'ഈ ചാക്കെടുത്ത് എന്റെ വീട്ടിലെത്തിക്കൂ.'
അയാള്‍ വിനയത്തോടെ പറഞ്ഞു: 'താങ്കള്‍ പറയുന്നതെന്തും ഞാന്‍ ചെയ്യാം. എവിടെയാണ് താങ്കളുടെ വീട്?'
നാസറുദ്ദീന്‍ അമ്പരന്ന് അയാളെ നോക്കി. 'നീ ഒരു വകതിരിവുകെട്ട തെമ്മാടിയും കൊള്ളക്കാരനുമാണെന്നു തോന്നുന്നു. എന്റെ വീട് എവിടെയാണെന്ന് എപ്പോഴെങ്കിലും ഞാന്‍ നിന്നോടു പറയുമെന്ന് നീ വിചാരിക്കുന്നുണ്ടോ?'

ദൈവകാരുണ്യം
അര്‍ധരാത്രി.നാട്ടുവെളിച്ചം മാത്രമേയുള്ളൂ. തോട്ടത്തില്‍ വെളുത്ത എന്തോ ഒന്നു കണ്ടു. നാസറുദ്ദീന്‍ അമ്പും വില്ലും എടുത്തുചെന്ന് ആ വസ്തുവിനെ എയ്തു. അതുകഴിഞ്ഞ് അതെന്താണെന്നു നോക്കാന്‍ പുറമേക്കു പോയി. ഏതാണ്ട് തകര്‍ന്ന മട്ടിലാണ് മടങ്ങിവന്നത്. അദ്ദേഹം ഭാര്യയോടു പറഞ്ഞു:
'അതൊരു നേര്‍ത്ത പ്രയോഗമായിരുന്നു. എങ്കിലും ഒന്നാലോചിച്ചുനോക്കൂ. അവിടെ ഉണങ്ങാനിട്ട എന്റെ വെള്ളക്കുപ്പായത്തിനകത്ത് ഞാനുണ്ടായിരുന്നെങ്കില്‍, എന്താ കഥ? നേരെ ഹൃദയം തുളച്ചാണ് ആ അമ്പ് പോയത്.'

പിതാവിന്റെ കാല്പാടുകള്‍
നാസറുദ്ദീന്റെ കുഞ്ഞുങ്ങള്‍ വീട്ടുമുറ്റത്തിരുന്ന് കളിക്കുകയായിരുന്നു. അതില്‍ ഏറ്റവും ഇളയ കുഞ്ഞിനോട് ആരോ ചോദിച്ചു.
'എന്താണ് വഴുതിനങ്ങ?'
ആ കുട്ടി ഉടനെ മറുപടി പറഞ്ഞു: 'ഇനിയും കണ്ണുതുറന്നിട്ടില്ലാത്ത കന്നുകുട്ടി.'
ആനന്ദോന്മത്തനായിത്തീര്‍ന്ന മുല്ല അവനെ വാരിയെടുത്ത് ഉമ്മ വെച്ചു.
'ഇതു കേട്ടോ നിങ്ങള്‍? അവന്റെ പിതാവിനെപ്പോലെത്തന്നെ. ഞാന്‍ ഇക്കാര്യം ഒരിക്കലും അവനോടു പറഞ്ഞിട്ടില്ല. അതവന്‍ സ്വന്തമായി ഉണ്ടാക്കിയതാണ്.'

ഒടുവുനാള്‍
നാസറുദ്ദീന്റെ കൊഴുത്ത ആട്ടിന്‍കുട്ടിയെ കണ്ട് അയല്‍വാസികള്‍ക്ക് കൊതിയൂറി. അതിനെ കൊന്ന് വിരുന്നൊരുക്കാന്‍ അവര്‍ പലതവണ മുല്ലയെ പ്രേരിപ്പിച്ചു. അതിനൊന്നും അദ്ദേഹം വഴങ്ങിയില്ല. എല്ലാ പദ്ധതികളും പരാജയപ്പെട്ടപ്പോള്‍ അടുത്ത 24 മണിക്കൂറിനകം ലോകാവസാനമാണെന്ന് അവര്‍ മുല്ലയെ ബോധ്യപ്പെടുത്തി.
'ശരി, നമുക്ക് അതിനെ തിന്നുകളയാം.'
അങ്ങനെ, ആടിനെ ശരിപ്പെടുത്തി. കേമമായ വിരുന്നു നടന്നു.
തീറ്റി കഴിഞ്ഞ ഉടനെ കുപ്പായങ്ങളൊക്കെ ഊരിവെച്ച് അവര്‍ വിശ്രമിക്കാന്‍ കിടന്നു. ആ തളര്‍ച്ചയില്‍ അവരെല്ലാം മയങ്ങിപ്പോയി. അവര്‍ ഉണര്‍ന്നുനോക്കിയപ്പോള്‍ എല്ലാവരുടെയും കുപ്പായങ്ങള്‍ മുല്ല തീയിട്ടു കഴിഞ്ഞിരുന്നു.
എല്ലാവരുംകൂടി ഒച്ചവെച്ചു.
മുല്ല അവരോടു സമാധാനമായി ചോദിച്ചു:
'സഹോദരന്മാരേ, നാളെ ലോകാവസാനമല്ലേ? അപ്പോള്‍പ്പിന്നെ എന്തിനാണ് നമുക്കൊക്കെ കുപ്പായം?'

ഒട്ടകങ്ങളെ ശല്യപ്പെടുത്തരുത്
നാസറുദ്ദീന്‍ ഒരു ശ്മശാനത്തില്‍ അലഞ്ഞുനടക്കുകയായിരുന്നു. അദ്ദേഹം കാലുതെറ്റി ഒരു പഴയ ശവക്കുഴിയിലേക്കു വീണു. താന്‍ മരിച്ചിരുന്നുവെങ്കില്‍ എന്തു സംഭവിക്കുമായിരുന്നു എന്ന് മുല്ല ആലോചിച്ചുതുടങ്ങുമ്പോഴേക്ക് ഒരു ശബ്ദം കേട്ടു. മരണാനന്തരം ശവക്കുഴിയില്‍വെച്ച് കണക്കു ചോദ്യത്തിനു വരുന്ന മുന്‍കര്‍-നകീര്‍ മലക്കുകള്‍ തന്റെ നേരെ വരികയാണ് എന്നു മുല്ല വിചാരിച്ചു. അത് ഒട്ടകസംഘം കടന്നുപോകുന്നതിന്റെ ശബ്ദമായിരുന്നു.
മുല്ല കുഴിയില്‍നിന്ന് പുറത്തേക്ക് ചാടി ഒരു മതിലിന്മേല്‍ ചെന്നു വീണു. ഈ ബഹളത്തില്‍ ഒട്ടകങ്ങള്‍ വെകളിയെടുത്തോടി. ശുണ്ഠിപിടിച്ച ഒട്ടകയാത്രക്കാര്‍ മുല്ലയെ കണക്കിന് പ്രഹരിച്ചു.
അസഹ്യമായ വേദനയോടെ മുല്ല വീട്ടിലേക്കോടി. വീട്ടിലെത്തിയപാടെ ഭാര്യ ചോദിച്ചു:
'എന്താണ് വല്ലാതിരിക്കുന്നത് ? വൈകാന്‍ കാരണമെന്ത്?'
'ഞാന്‍ മരിച്ചുപോയിരുന്നു' -മുല്ല പറഞ്ഞു.
സകലതും മറന്ന് അദ്ദേഹത്തിന്റെ ഭാര്യ 'അതെങ്ങനെയുണ്ട് ' എന്നു ചോദിച്ചു.
'ഒട്ടും മോശമല്ല. ഒട്ടകങ്ങളെ ഉപദ്രവിക്കരുത് എന്നു മാത്രം. ഉപദ്രവിച്ചാല്‍ അവര്‍ നിങ്ങളെ തല്ലും.'

സന്തോഷം ഉണ്ടാക്കുവാനുള്ള വഴി
ഒരു സഞ്ചാരി വളരെ നിരാശനായി വഴിയരികില്‍ ഇരിക്കുന്നത് മുല്ല കണ്ടു. എന്താണ് പ്രശ്‌നം എന്നദ്ദേഹം അന്വേഷിച്ചു.
'സഹോദരാ, എനിക്ക് ജീവിതത്തില്‍ ഒന്നിനും താല്‍പ്പര്യമില്ല '- അയാള്‍ പറഞ്ഞുതുടങ്ങി: 'എനിക്ക് അളവില്ലാത്ത സമ്പത്തുണ്ട്. സൗകര്യങ്ങള്‍ എനിക്കു മടുത്തു. വീട്ടില്‍ ഞാന്‍ അനുഭവിക്കുന്ന ജീവിതത്തെക്കാളും കൗതുകകരമായി വല്ലതും കണ്ടുകിട്ടുമോ എന്ന് അന്വേഷിച്ചിറങ്ങിയതാണ് ഞാന്‍. ഇതുവരെയും ഒരു സന്തോഷവും കണ്ടെത്തിയില്ല.'
മറ്റെന്തെങ്കിലും പറയുംമുമ്പ് നാസറുദ്ദീന്‍ പൊടുന്നനെ അയാളുടെ പണക്കിഴി കടന്നെടുത്ത് ഓടിക്കളഞ്ഞു. ആ പ്രദേശം മുല്ലയ്ക്കു നല്ല പരിചയമുണ്ടായിരുന്നതിനാല്‍ വളഞ്ഞുതിരിഞ്ഞ വഴിയിലൂടെ ഓടി വളരെ വേഗം സഞ്ചാരിയുടെ കണ്ണില്‍നിന്ന് മറഞ്ഞു. മറ്റൊരു വളഞ്ഞവഴിക്ക് അദ്ദേഹം നേരത്തേ സഞ്ചാരി ഇരുന്ന സ്ഥലത്ത് തന്നെ എത്തി. അപ്പോഴും അയാള്‍ മുല്ല പോയ വഴി പിന്തുടര്‍ന്ന് ഓടുകയായിരുന്നു.
നാസറുദ്ദീന്‍ പണക്കിഴി, നേരത്തേ സഞ്ചാരി ഇരുന്ന സ്ഥലത്ത് വെച്ച് ഒരു മരത്തിന്റെ മറവില്‍ ഒളിച്ചിരുന്നു.
കുറച്ച് കഴിഞ്ഞപ്പോള്‍ പണക്കിഴി നഷ്ടപ്പെട്ടതിന്റെ വ്യസനവും ഓട്ടത്തിന്റെ ക്ഷീണവും ഒക്കെയായി സഞ്ചാരി നേരത്തേ ഇരുന്ന സ്ഥലത്ത് തിരിച്ചെത്തി. അവിടെ തന്റെ സഞ്ചി കണ്ടപ്പോള്‍ അയാള്‍ ആഹ്ലാദാരവത്തോടെ അത് ചാടിപ്പിടിച്ചു.
അത് കണ്ട് മുല്ലാ നാസറുദ്ദീന്‍ സ്വയം പറഞ്ഞു: 'സന്തോഷം ഉണ്ടാക്കുവാനുള്ള ഒരു വഴിയാണിത്.'

നേരത്തേ പറയാത്തതെന്ത്?
നാസറുദ്ദീനും ശിഷ്യനുംകൂടി യാത്രപോവുകയായിരുന്നു. വഴിവക്കിലുള്ള വലിയ വീടുകളുടെ പടിവാതില്‍ക്കല്‍ അവര്‍ ചെന്നു മുട്ടും. ഊരു തെണ്ടുന്ന ഭിക്ഷുക്കളായ 'ദര്‍വീശു'കളുടെ രൂപഭാവങ്ങളുള്ള രണ്ടുപേര്‍ക്കും വീട്ടുകാര്‍ വേണ്ടത്ര ഭക്ഷണവും വെള്ളവും കൊടുത്തു.
അപ്പോഴൊക്കെ നാസറുദ്ദീന്‍ ആവുന്നത്ര ഭക്ഷണം കഴിച്ച് കിടന്നുറങ്ങും. ശിഷ്യന്‍ ഒരു പ്രത്യേക രീതിയിലാണ് ഭക്ഷണം കഴിക്കുന്നത്. അല്പം ഭക്ഷണം കഴിക്കും, പിന്നെ ലേശം വെള്ളം കുടിക്കും, അതുകഴിഞ്ഞ് അല്പമൊന്ന് നടക്കും, പിന്നെയും വന്നിരുന്ന് അല്പം ഭക്ഷണം കഴിക്കും, വീണ്ടും ലേശം വെള്ളം കുടിക്കും, അത് കഴിഞ്ഞ് നടക്കും.
പലേടത്തും ഈ ഭക്ഷണരീതി ആവര്‍ത്തിച്ചു കണ്ടപ്പോള്‍ ഒരു ദിവസം മുല്ല 'എന്താണിങ്ങനെ' എന്നു ചോദിച്ചു.
'ഉസ്താദ്, ഞാന്‍ ആദ്യം അല്പം ഭക്ഷണം കഴിക്കും. അത് വയറ്റില്‍ അമര്‍ന്നുകിട്ടുന്നതിനുവേണ്ടി ലേശം വെള്ളം കുടിക്കും. അതെല്ലാം ഒന്ന് ശരിയായിക്കിട്ടാന്‍ അല്പം നടക്കും-അങ്ങനെയാവുമ്പോള്‍ ധാരാളം ഭക്ഷണം ചെല്ലും.'
ഇതുകേട്ട് ശുണ്ഠിവന്ന നാസറുദ്ദീന്‍ തന്റെ മെതിയടി ഊരി ശിഷ്യന്റെ തലയ്ക്കു ചുട്ട ഒരടി വെച്ചുകൊടുത്തു:
'ദുഷ്ടാ, ഇത്രയും വിലപിടിച്ച ഒരു രഹസ്യജ്ഞാനം എന്നില്‍ നിന്ന് മറച്ചുവെയ്ക്കുവാന്‍ നിനക്കെങ്ങനെ ധൈര്യംവന്നു? അതുകൊണ്ട് മാത്രം എനിക്കെത്ര ഭക്ഷണം നഷ്ടപ്പെട്ടുപോയി?'

ദൗര്‍ലഭ്യം
നാസറുദ്ദീന്‍ നോക്കിനടത്തുന്ന നാട്ടിന്‍പുറത്തെ ചായപ്പീടികയിലേക്ക് നായാട്ടിനു പോകുന്ന വഴിയില്‍ അവിചാരിതമായി മഹാരാജാവ് നായാട്ടു സംഘത്തോടൊപ്പം എഴുന്നള്ളി. അവര്‍ മുട്ടപൊരിച്ചതു വേണമെന്ന് ആവശ്യപ്പെട്ടു.
മുല്ലയെ പരിചയമുണ്ടായിരുന്ന മഹാരാജാവ് ചോദിച്ചു: 'ഞങ്ങളുടെ ഭക്ഷണത്തിന് എത്ര പൈസ തരണം, മുല്ലാ? '
'തിരുമേനീ, ആയിരം പൊന്ന്.'
മഹാരാജാവ് പുരികക്കൊടി ഉയര്‍ത്തിക്കൊണ്ടു ചോദിച്ചു:
'എന്താ, ഈ ഭാഗത്ത് മുട്ടയ്ക്ക് വില വളരെ കൂടുതലാണോ? മുട്ട ഇവിടെ അത്ര ദുര്‍ല്ലഭമാണോ? '
'ഇവിടെ ദുര്‍ല്ലഭമായിട്ടുള്ളത് മുട്ടയല്ല, രാജസന്ദര്‍ശനങ്ങളാണ്.'

ആത്മനിയന്ത്രണം
ഒരു ചങ്ങാതിയോടൊപ്പം നാസറുദ്ദീന്‍ ചായപ്പീടികയിലെത്തി. പണം ലാഭിക്കുവാന്‍ വേണ്ടി അവര്‍ ഒരു പാത്രം വഴുതിനങ്ങ പകുത്തു കഴിക്കാന്‍ തീരുമാനിച്ചു. വഴുതിനങ്ങ വെറുതെ പുഴുങ്ങിയതു വേണോ, മസാലചേര്‍ത്തതു വേണോ എന്നതിനെപ്പറ്റി അവര്‍ തമ്മില്‍ തര്‍ക്കമായി. തര്‍ക്കം ഒരുപാടുനേരം നീണ്ടുനിന്നു.
വിശപ്പുകൊണ്ടും ക്ഷീണംകൊണ്ടും വലഞ്ഞ നാസറുദ്ദീന്‍ അവസാനം വഴങ്ങി. അദ്ദേഹം മസാല ചേര്‍ക്കാതെ വെറുതെ പുഴുങ്ങിയ വഴുതിനങ്ങ കൊണ്ടുവരാന്‍ ആവശ്യപ്പെട്ടു.
ചങ്ങാതി അപ്പോഴേക്കും ക്ഷീണംമൂലം തലകറങ്ങി വീണു. നാസറുദ്ദീന്‍ ചാടിയെണീറ്റു.
'മുല്ലാ, നിങ്ങള്‍ വൈദ്യനെ വിളിക്കാന്‍ പോവുകയാണോ?' -അടുത്തിരുന്ന ഒരാള്‍ വിളിച്ചുചോദിച്ചു.
'വിഡ്ഢീ! ഞാന്‍ അടുക്കളയിലേക്കാണ്. വഴുതിനങ്ങ മസാല ചേര്‍ത്തതു മതി എന്നുപറയാന്‍.'

ആകെ ആവശ്യമുള്ളത്
വിഡ്ഢിയും ക്രൂരനുമായ രാജാവ് നാസറുദ്ദീനോടു കല്പിച്ചു: 'ഒരു സൂഫിയാണെന്ന് തെളിയിച്ചില്ലെങ്കില്‍ നിങ്ങളെ ഞാന്‍ തൂക്കിക്കൊല്ലും.'
'ഞാന്‍ വിചിത്രമായ കാഴ്ചകള്‍ കാണുന്നു'-പൊടുന്നനെ മുല്ല പറഞ്ഞു: 'അതാ ആകാശത്തില്‍ ഒരു സ്വര്‍ണപ്പക്ഷി, ഭൂമിക്കടിയില്‍ ഭൂതങ്ങള്‍.'
'എങ്ങനെയാണ് നിങ്ങള്‍ ഖരവസ്തുക്കള്‍ക്കുള്ളിലൂടെ കാണുക? എങ്ങനെ ആകാശവിദൂരതയിലേക്ക് നോക്കാന്‍ കഴിയും? '
'അതിനാകെ ആവശ്യമുള്ളത് അല്പം ഭയമാണ്.'

കുതിരപുരാണം
നാസറുദ്ദീന്‍ പറഞ്ഞു: 'ഒരു ദിവസം ഞാന്‍ രാജധാനിയില്‍ ഇരിക്കുമ്പോള്‍ ഒരാള്‍ ഗംഭീരനായ ഒരു കുതിരയെ കൊണ്ടുവന്ന് രാജകുമാരന് കാഴ്ചവെച്ചു. അത് അത്രമാത്രം ഉയരവും ഊക്കുമുള്ള കുതിരയായിരുന്നു. ആര്‍ക്കും അതിന്റെ പുറത്തുകയറി സഞ്ചരിക്കാനായില്ല. പെട്ടെന്ന് ആവേശത്തോടെ ഞാന്‍ വിളിച്ചുപറഞ്ഞു: ഈ കൂറ്റന്‍ കുതിരയുടെ പുറത്തുകയറി സഞ്ചരിക്കാന്‍ നിങ്ങള്‍ക്കാര്‍ക്കും ധൈര്യമുണ്ടാവില്ല. നിങ്ങള്‍ക്കാര്‍ക്കും അതിന്റെ മുതുകില്‍ ഇരിക്കാന്‍പോലും കഴിയില്ല. അതും പറഞ്ഞ് ഞാന്‍ മുന്നോട്ടുപോയി...'
ആരോ ചോദിച്ചു: 'എന്നിട്ടെന്തു സംഭവിച്ചു?'
മുല്ല പറഞ്ഞു: 'എനിക്കും അതു സാധിച്ചില്ല.'

വീഴ്ച
എന്തോ വീഴുന്ന ശബ്ദം കേട്ട് മുല്ലയുടെ ഭാര്യ ഓടിച്ചെന്നു.
'എന്താ, എന്തു പറ്റി? '
'ഓ. ബേജാറാകാനൊന്നുമില്ല. എന്റെ കുപ്പായം മുകളിലെ ജനാലയില്‍നിന്ന് താഴേക്ക് വീണതാണ് '-മുല്ല സമാധാനിപ്പിച്ചു.
'അതിനിത്ര ശബ്ദമോ? '
'ങ്ആ... കുപ്പായത്തിനകത്ത് അപ്പോള്‍ ഞാനും ഉണ്ടായിരുന്നു.'

Subscribe to കിളിചെപ്പ് by Email

കൃഷ്ണമൃഗം

2011-11-07T17:40:00.000-08:00

ആന്ദ്രപ്രദേശ് , ഹരിയാന,പഞ്ചാബ്‌ എന്നിവിടങ്ങളിലെ സംസ്ഥാന മൃഗമാണ്‌ കൃഷ്ണമൃഗം . വിവിധ ഏഷ്യന്‍ രാജ്യങ്ങളില്‍ കണ്ടുവരുന്ന ഈ മാന്‍ ഇന്ത്യയിലെ പല ഭാഗങ്ങളില്‍ ഉണ്ട്. എങ്കിലും തെക്കേ ഇന്ത്യയില്‍ ഇവ വളരെ കുറച്ചേ കാണപ്പെടുന്നുള്ളൂ.

ആഫ്രിക്കയില്‍ ഇരുപത്തി നാലോളം ഇനം കൃഷ്ണമൃഗങ്ങള്‍ ഉണ്ട്. എന്നാല്‍, ഇന്ത്യയില്‍ ഒന്നോ രണ്ടോ ഇനം മാത്രമേ ഉള്ളു.. ഇതില്‍ പ്രധാനം 'ആന്റി ലോപ് സെര്‍വികാപ്ര' എന്നാ ശാസ്ത്രിയ നാമത്തില്‍ അറിയപ്പെടുന്ന കൃഷ്ണമൃഗമാണ് . ഇവയെ 'കരിമാന്‍' അഥവാ 'കാലാ ഹിരന്‍' എന്നും വിളിക്കാറുണ്ട്. പുള്ളിമാന്‍ കഴിഞ്ഞാല്‍ ഏറ്റവും ആകര്‍ഷകമായ മാനാണ് കൃഷ്ണമൃഗം . ബോവിടെ ജന്തു കുടുംബത്തിലെ ഉപ വിഭാഗമായ ആന്റിറിലോപ്പിനെയില്‍ ഉള്പ്പെട്ടവയാണ് ഇവ.

നേര്‍ത്ത ചെമ്പ് നിറവും വെള്ളയും ചേര്‍ന്ന ഉടലും ശാഖകള്‍ ഇല്ലാത്ത പിരിയാന്‍ കൊമ്പുകളാണ് കൃഷ്ണമൃഗത്തിന്റെ എടുത്തുപറയേണ്ട സവിശേഷത . കൊമ്പിന് രണ്ടടിയോളം നീട്ടം വയ്ക്കാറുണ്ട്. ഇവയുടെ കൊമ്പ് ഒരിക്കലും പൊഴിഞ്ഞു പോകാറില്ല.

കരിമാണ് രണ്ടടിയോളം ഉയരവും ഏതാണ്ട് കിലോ ഭാരവും ഉണ്ടാകും.പുര്‍ണമായും സസ്യഭുക്കായ കരിമാന്റെ പ്രധാന ഭക്ഷണം പുല്ലും ഇലയും കായും പഴാങ്ങളുമാണ്. പകലാണ്‌ ഇവയുടെ സഞ്ചാരം . മറ്റു മാനുകളെപ്പോലെ കുട്ടത്തോടെ കസിയനാണ് ഇവക്കും ഇഷ്ടം . എന്നാല്‍ കരിമാനുകളുടെ എണ്ണം വല്ലാതെ കുറഞ്ഞുവരികയാണ്. വംശനാശത്തിന്റെ വക്കിലായതുകൊണ്ട് കാടുകളില്‍ ഇവയെ കണ്ടെത്താന്‍ ഏറെ ബുദ്ധിമുട്ടാണ് .

Subscribe to കിളിചെപ്പ് by Email

ബക്രീദ് ആശംസകള്‍

2011-11-06T02:37:00.001-08:00

എല്ലാ വായനക്കാര്‍ക്കും പി.എസ്.സി.ഹെല്പരിന്റെ ഹൃദയം നിറഞ്ഞ ബക്രീദ് ആശംസകള്‍ .....

പാഠം ഒന്ന് അടി

2011-11-04T10:26:00.001-07:00

ബാലസാഹിത്യ ഇന്സ്ടിടുടിന്റെ തളിര് മാസികയില്‍ വന്ന ഒരു ഫീച്ചര്‍ ഞാന്‍ എന്റെ ബ്ലോഗില്‍ ഉള്പെടുതുകയാണ് .എല്ലാവരും വായിക്കു... അഭിപ്രായങ്ങള്‍ രുപികരിക്ക് ചര്‍ച്ച ചെയ്യു....

സര്‍ക്കസ് റിങ്ങിലെ മൃഗങ്ങളാണോ കുട്ടികള്‍? ചൂരലുമായി അനുസരണ പഠിപ്പിക്കുന്ന മൃഗശിക്ഷകരാണോ അദ്ധ്യാപകരും രക്ഷിതാക്കളും?

രാവിലെ ഉണരുന്നത് ഒരു വഴക്കിലേക്കാണെങ്കില്‍,സ്കൂളിലെത്തിയാല്‍ ഏതെങ്കിലും കാരണത്താല്‍ ഒരു അടിയോടെയാണ് എതിരേല്‍ക്കപ്പെടുന്നതെങ്കില്‍ എന്തു സങ്കടമാകും ഇല്ലേ? ചങ്ങലയ്ക്കിട്ടും തടിപിടിപ്പിച്ചും കഷ്ടം സഹിക്കുന്ന ആനകളുടെ കഥ വായിച്ചപ്പോഴും കൂട്ടിലിട്ട് വളര്‍ത്തുന്ന പക്ഷി/മൃഗക്കഥകള്‍ വായിച്ചപ്പോഴും നിങ്ങള്‍ക്ക് സങ്കടം വന്നില്ലേ? എത്ര തളിര്‍ ക്കൂട്ടുകാരാണ് കത്തയച്ച് സങ്കടം പങ്കുവച്ചത്. ആ സ്ഥാ നത്ത് നിങ്ങളോ,കൂട്ടുകാരോ, നിങ്ങളെപ്പോലുള്ള മറ്റു കൂട്ടുകാരോ ആണെങ്കില്‍ എന്ന് സങ്കല്പിച്ചു നോക്കിയിട്ടു ണ്ടോ? എന്താവും അവസ്ഥ അല്ലേ? തളിര് ചര്‍ച്ച ചെയ്യു ന്നത് ഈ ലക്കത്തില്‍ ആ വിഷയമാണ്. കുട്ടികള്‍ക്കെ തിരെ സ്കൂളിലും വീട്ടിലും നടക്കുന്ന പീഡനങ്ങള്‍. ഈ ചര്‍ച്ച നിങ്ങള്‍ക്കുമാത്രം വായി ക്കാനുള്ളതല്ല. സ്കൂളില്‍, വീട്ടില്‍, മുതിര്‍ന്നവര്‍ ഈ വിഷയം ചര്‍ച്ച ചെയ്യണം. അതി ലൂടെ ഉണ്ടാകും ചില പ്രശ്ന പരിഹാരങ്ങള്‍.

കഴിഞ്ഞ കുറെ ദിവസങ്ങളിലായി പത്രത്തില്‍ ഇത്തരം കണ്ണീര്‍ക്കഥകള്‍ വരുകയാണ്. ഏറ്റവും ഒടുവിലത്തേതാണ് കണ്ണൂരിലെ ചെറുപുഴയിലെ സജിത്തിന്റേത്. ഒരു ടി വി വാങ്ങിക്കണമെന്ന ആഗ്രഹ ത്തോടെ സ്കൂളിലെ പഠന ത്തിനൊപ്പം ചെറുജോലികള്‍ ചെയ്തു കാശുണ്ടാക്കുകയായിരുന്നു ആ മിടുക്കന്‍. പൈസ കളയാതെ സൂക്ഷിക്കുക മാത്രമല്ല വീട്ടിലെ ചെലവുകളും ആ കൊച്ചുമിടുക്കന്‍ ചെയ്തിരുന്നു. എന്നാല്‍ മദ്യപനായ അച്ഛന്‍ മദ്യത്തിനു കാശുകൊടുക്കാത്തതിന്റെ പേരില്‍ ആ കൊച്ചുകുഞ്ഞിനെ തലയ്ക്കടിച്ചുകൊന്നു. കൊല്ലണമെന്ന ഉദ്ദേശമുണ്ടായിരുന്നിരിക്കില്ല. എന്നാല്‍ അത്രയും മാരകമായി ആ അച്ഛന്‍ ആ പാവം കുഞ്ഞിനെ തല്ലി.
ശിക്ഷയിലൂടെ ഒരു കുട്ടിയുടെ സ്വഭാവത്തില്‍ മാറ്റങ്ങള്‍ വരുത്താന്‍ സാധിക്കും എന്ന പഴയ പഠനതത്വങ്ങളുടെ അടിസ്ഥാനത്തിലാണ് ഇന്നും പ്രാകൃതമായ ശിക്ഷാരീതികള്‍ നിലനില്‍ക്കുന്നത്. പ്രാകൃതമായ ആ തത്വങ്ങളെല്ലാം കാലഹരണപ്പെട്ടിട്ടും ശിക്ഷാരീതികള്‍ മാത്രം മാറ്റുവാന്‍ നാം തയ്യാറാവുന്നില്ല എന്നാണ് നമ്മുടെ ചുറ്റുവട്ടത്തു നടക്കുന്ന സംഭവങ്ങള്‍ കാണിക്കുന്നത്. പലപ്പോഴും കാര്യങ്ങളെക്കുറിച്ചുള്ള അറിവില്ലായ്മയാണ് ഇതിനു കാരണമാകുന്നത്. മൂന്നരവയസ്സുള്ള കുട്ടിയെ സംബന്ധിച്ചിടത്തോളം അക്ഷരങ്ങള്‍ സ്വയം എഴുതുക എന്നത് വളരെയേറെ ബുദ്ധിമുട്ടേറിയ ഒരു കാര്യമാണ്. കൈകൊണ്ട് സൂഷ്മമായ കാര്യങ്ങള്‍ ചെയ്യുവാനുള്ള നൈപുണി ലഭിച്ചിട്ടില്ലാത്ത പ്രായമാണത്. ഒരു ചിത്രം വരയ്ക്കുന്ന പോലെ തന്നെയാണ് അവര്‍ ആ സമയത്ത് അക്ഷരങ്ങളും എഴുതുന്നത്. കളികള്‍ തന്നെയാണ് ആ പ്രായത്തിലെ കുട്ടികളുടെ വളര്‍ച്ചയെ ക്രിയാത്മകമായി സ്വാധീനിക്കുന്ന ഘടകം. സമൂഹത്തിന്റെ ഒരുപരിച്ഛേദം തന്നെയാണ് കൂട്ടുകാരുമായുള്ള സഹവര്‍ത്തിത്വത്തിലൂടെ കുട്ടികള്‍ക്ക് ലഭിക്കുന്നത്.
ഓരോ പ്രായത്തിനനുസരിച്ചും കുട്ടികള്‍ക്കായി ഏതെല്ലാം തരം പഠനസമ്പ്രദായങ്ങള്‍ ആവിഷ്കരിക്കണമെന്നത് മനശാസ്ത്രജ്ഞര്‍ നിരന്തരമായ പരീക്ഷണങ്ങളിലൂടെ കണ്ടെത്തിയിട്ടുണ്ട്. ആധുനികതത്വങ്ങളുടെ അടിസ്ഥാനത്തിലായി രിക്കണം കുട്ടികള്‍ പഠനത്തെ സമീപിക്കേണ്ടത്. രക്ഷകര്‍ത്താക്കള്‍ക്ക് ഇതിനായുള്ള ബോധവ്ത്കരണം കുട്ടികളുടെ ചെറുപ്രായത്തില്‍ തന്നെ നല്‍കേണ്ടതുണ്ട്. സര്‍ക്കസ്സില്‍ മൃഗങ്ങളെ പരിശീലിപ്പിക്കുന്ന രീതിയിലൂടെ കുട്ടിയെ പരിശീലിപ്പിക്കാന്‍ ശ്രമിച്ചാലുണ്ടാകുന്ന ഭവിഷ്യത്തുകളെക്കുറിച്ച് അച്ഛനമ്മമാര്‍ക്കും അധ്യാപകര്‍ക്കും അറിവുണ്ടാകണം. അധ്യാപകരാകാന്‍ വേണ്ടിയുള്ള ടി ടി സി , ബി. എഡ് തുടങ്ങിയ കോഴ്സുകളിലെല്ലാം തന്നെ വിദ്യാഭ്യാസ മനശാസ്ത്രത്തിന് ഊന്നല്‍ നല്‍കുന്നുണ്ട്. എന്നിട്ടും അതിനു വിരുദ്ധമായി അധ്യാപകര്‍ തന്നെ പ്രവര്‍ത്തിക്കുന്നു. ഇതിന്റെ കാരണങ്ങള്‍ കണ്ടെത്തി പരിഹരിക്കേണ്ടതുണ്ട്. അധ്യാപന അഭിരുചിയുള്ളവര്‍ മാത്രം അധ്യാപകരാകുന്ന തരത്തില്‍ അധ്യാപനപരിശീലന കോഴ്സുകള്‍ പുനര്‍വിഭാവനം ചെയ്യണം. നമ്മുടെ പുതിയ കരിക്കുലവും വിദ്യാഭ്യാസ അവകാശ നിയമവും പരമ്പരാഗത അദ്ധ്യാപകരീതിയില്‍ നിന്നുള്ള വഴിപിരിയല്‍ ഒന്നുകൂടി അടിവരയിടുന്നു. വളര്‍ന്നുവരുന്ന ചുറ്റുപാടുകളില്‍ നിന്ന് ഒരു കുട്ടി ആര്‍ജ്ജിക്കുന്ന ഒട്ടേറെ അറിവുകളുണ്ട്. ഔപചാരികമായ വിദ്യാഭ്യാസത്തിലൂടെ നേടുന്ന അറിവുകളുടെ എത്രയോ മടങ്ങാണ് ഈ അറിവുകള്‍. എന്നിട്ടും ഔപചാരികമായ ലഭിക്കുന്ന പാഠത്തില്‍ ഒരു ചെറിയ കാര്യം മനസ്സിലാക്കാന്‍ സമയമെടുക്കുന്നു എന്നപേരില്‍ ഒരു കുട്ടി ആക്രമിക്കപ്പെടുന്നത് മന:ശാസ്ത്രപരമായിത്തന്നെ ചര്‍ച്ച ചെയ്യപ്പെടേണ്ട ഒന്നാണ്. നാം പറയുന്നതെല്ലാം അനുസരിക്കാനുള്ളതാണ് കുട്ടികള്‍ എന്ന ചിന്തയും ഇത്തരം പ്രവൃത്തികള്‍ക്ക് പ്രേരണയാകുന്നുണ്ട്. ഇത് യഥാര്‍ത്ഥത്തില്‍ കുട്ടിയെ അടിമയായി കാണുന്നതിനു തുല്യം തന്നെയാണ്. മുതിര്‍ന്നവരുടെ അധികാരങ്ങള്‍ അവരില്‍ അടിച്ചേല്‍പ്പിക്കാനുള്ള ശ് രമവും അറിയാതെയാണെങ്കിലും ഇതിന്റെ പുറകിലുണ്ട്.
കുട്ടികളുടെ മൌലികാവകാശമാ ണു സ്നേഹിക്കപ്പെടുക എന്നത്. അത് ലംഘിക്കുന്നവര്‍ ആരായാലും കുറ്റവാളികള്‍തന്നെ. 18 വയസ്സിന് താഴെ പ്രായമുള്ള ഏതൊരു കുട്ടിക്കുംമേല്‍ നടത്തുന്ന ഏതു തരത്തിലുള്ള സ്നേഹരഹിത പെരുമാറ്റങ്ങളും - അതു ഗാര്‍ഹികമാകാം, സ്കൂളില്‍ നിന്നാകാം - കുറ്റകരമാണ്. ലോകാരോഗ്യസംഘടന കുട്ടികള്‍ക്കുനേരെയുള്ള പീഡനങ്ങളെ തരംതിരിച്ചിട്ടുണ്ട്. അതില്‍ ശരീരഭാഗങ്ങള്‍ പൊള്ളിക്കുക, അടിക്കുക, ഇടിക്കുക, കുത്തു ക, പിടിച്ചുകുലുക്കുക, തൊഴി ക്കുക, ക്രൂരമായി മര്‍ദ്ദിക്കുക, തള്ളിയിടുക എന്നിങ്ങനെ ഏതുതരത്തിലുള്ള പീഡ നവും ശാരീരിക പീഡന ത്തിന്റെ പരിധിയില്‍ വരും. കുട്ടിയെ ബോധപൂര്‍വ്വം ഉപദ്രവിക്കണമെന്നുകരുതി ചെയ്യുന്നതല്ലെങ്കില്‍പ്പോലും അതു ശിക്ഷാര്‍ഹമത്രെ. കുട്ടിയുടെ പ്രായത്തിന് അനുസൃത മല്ലാത്ത ശിക്ഷാവിധികള്‍ ഒരുപക്ഷേ അച്ചടക്കം നടപ്പിലാക്കാനോ അനുസരണശീലം വളര്‍ത്താനോ ആകാം. എന്നാലും അടി വേണ്ട. ഇരുട്ടുമുറിയില്‍ പൂട്ടിയിടുക, ഭീഷണിപ്പെടുത്തുക, കെട്ടിയിടുക എന്നിങ്ങനെ യുള്ള ശിക്ഷാനടപടികള്‍ കുട്ടികളില്‍ മാനസികാഘാതം ഉണ്ടാക്കുന്നുവെന്നാണ് ലോകാരോഗ്യ സംഘടന പറയു ന്നത്. കുട്ടിയോടു പരുഷവാ ക്കുകളില്‍ സംസാരിക്കുക, അശ്ളീലപദങ്ങള്‍ പ്രയോഗിക്കുക, കഠിനമായി ശകാരി ക്കുകയെന്നതും മാനസിക വൈഷമ്യത്തിന് കാരണമാകാം. ശരിയായ സമയത്ത് ഭക്ഷണം നല്‍കാതിരിക്കല്‍, പോഷകമൂല്യമുള്ള ഭക്ഷണം നല്‍കാതിരിക്കല്‍, ആവശ്യത്തിന് വസ്ത്രം നല്‍കാതിരിക്കല്‍, വേണ്ട സമയത്ത് ചികിത്സ ലഭ്യമാക്കാതിരിക്കല്‍ എന്നിവ കുട്ടിയെ അവഗണിക്കുന്നതിനുതുല്യമാണെന്നാണ് ലോകാരോഗ്യസംഘടന പറയുന്നത്. കുട്ടിയെ യഥാസമയം സ്കൂളില്‍ അയക്കാതിരിക്കല്‍, ശരിയായ വിദ്യാഭ്യാസം നല്‍കാതിരിക്കല്‍, കുട്ടികള്‍ പറയുന്നത് ശ്രദ്ധാപൂര്‍വ്വം കേള്‍ക്കാതിരിക്കല്‍ എന്നിവയും അവഗണനപ്പട്ടികയില്‍ വരും. ചുരുക്കത്തില്‍ അച്ഛന്റെയും അമ്മയുടെയും അദ്ധ്യാപകരുടെയും മുതിര്‍ന്നവരുടെയും ശ്രദ്ധയും കരുതലും സ്നേഹവും ലാളനയും വാത്സല്യവും അനുഭവിക്കേണ്ട പ്രായമാണ് കുട്ടികളുടേത്. അവിടെ ചൂരലിന്റെ ആവശ്യം വരില്ല. നന്നായി വളര്‍ത്തുന്ന നല്ല വെള്ളവും വളവും ആവശ്യത്തിന് സൂര്യപ്രകാശവും ലഭിക്കുന്ന ചെടി നല്ലതുപോലെ പുഷ്പിക്കുകയും കായ്ക്കുകയും ചെയ്യും.
നിങ്ങളുടെ കുട്ടികള്‍ക്ക് സ്നേഹത്തിന്റെയും വാത്സല്യത്തിന്റെയും വെള്ളവും വളവും നല്‍കിനോക്കൂ. അവര്‍ ഉത്തമപൌരരാകും. തീര്‍ച്ച. നമുക്കു ചൂരല്‍ വടികള്‍ ദൂരെയെറിയാന്‍ സമയമായി.

തെത്സുഗോ കുറോയാനഗി എഴുതിയ 'ടോട്ടോ ചാന്‍, ജനാലക്കരികിലെ വികൃതിക്കുട്ടി' എന്നൊരു പുസ്തകമുണ്ട്. ഒരു ജീവിതകഥ കൂടിയാണത്. മാതാപിതാക്കളും അധ്യാപകരും തീര്‍ച്ചയായും വായിച്ചിരിക്കേണ്ട ഒന്ന്. വികൃതിയായ ഒരു പെണ്‍കുട്ടിയാണ് അതിലെ കഥാപാത്രം. അതി ലെ ടോമോ എന്ന സ്കൂള്‍ നല്‍കുന്ന പാഠം ഉള്‍ക്കൊള്ളാ ന്‍ നമുക്കാവണം. അടിയെ പേടിക്കാതെ, കുത്തുവാക്കുകളെ പേടിക്കാതെ, അപകര്‍ഷതാബോധങ്ങളില്ലാതെ, സമത്വഭാവനയോടെ ഏതൊരു കുട്ടിക്കും തന്റെയുള്ളിലെ സര്‍ഗ്ഗവാസനകളെ പൂര്‍ണ്ണമായും പുറത്തു കൊണ്ടു വരാന്‍ കഴിയുന്ന അന്തരീക്ഷം. അവിടെ പഠനമെന്നത് നിര്‍ബന്ധിതമായി നടക്കുന്ന ഒന്നല്ല. തികച്ചും വ്യത്യസ്തങ്ങളായ ശേഷികളും അഭിരുചികളും ഉള്ള കുട്ടികളെ അധികാരപ്രയോഗങ്ങളുടെ അകമ്പടിയില്ലാതെ മികച്ച പൌ രരായി വാര്‍ത്തെടുക്കുന്നതെങ്ങിനെയെന്നു ഈ പുസ്തകം പറഞ്ഞു തരും. കൂട്ടുകാരും ടോട്ടോ ചാന്‍ വായിക്കൂ , അമ്മയോടും അച്ഛനോടും വായിക്കാന്‍ പറയൂ. ഒരു പുതിയ വെളിച്ചമായി അതു മാറിയേക്കാം...
രക്ഷകര്‍ത്താക്കളാണ് അച്ഛനമ്മമാര്‍. ജനിച്ച നിമിഷം മുതല്‍ തിരിച്ചറിവാകുന്ന നിമിഷം വരെ എല് ലാത്തരം ആപത്തുകളില്‍ നിന്നും രക്ഷിച്ചു പരിപാലിച്ച് വളര്‍ത്തുന്നവര്‍ക്കാണ് ആ പദം ഇണങ്ങുക. ഗുരുശബ്ദത്തിന് അജ്ഞതയകറ്റുന്നയാള്‍ എന്നര്‍ത്ഥം. രക്ഷിതാവും ഗുരുവും ആ വാക്കുപോലെ തന്നെ പവിത്രമായ കാര്യങ്ങള്‍ ചെയ്യേണ്ടവരാണ്. അജ്ഞാനമില്ലാതാക്കി വെളിച്ചം പകര്‍ന്ന്, രക്ഷിച്ച് പരിപാലിക്കേണ്ടവര്‍ ആ അര്‍ത്ഥവും പവിത്രതയും മറക്കുകയാണോ? ഓമനിച്ചുവളര്‍ത്തേണ്ട പ്രായത്തില്‍ പൊന്നോമനകളെ പീഡിപ്പിക്കുന്നവര്‍ എപ്പോഴെങ്കിലും മാമ്പൂമണമുള്ള സ്വന്തം ബാല്യകാലം ഓര്‍ത്തുനോക്കിയിട്ടുണ്ടോ?

കിളിചെപ്പിന്റെ നന്ദി........ രാധിക സി നായര്‍ ,നവനീത് കൃഷ്ണന്‍ എസ്

മലയാളക്കര

2011-11-01T18:32:00.000-07:00

"ഭുവിലില്ലിതിന്‍ മിതെയായൊരു

ഭുവിഭാഗവും കാണുവാന്‍

വാനിലമ്പിളിപോലെയുണ്ടൊരു

തെനുലാവിന ഭാഷയും "

കേരളം-പാലാ നാരായണന്‍ നായര്‍

മലയാളക്കരയുടെ മഹത്വവും മലയാളം എന്ന മധുര ഭാഷയുടെ ഔനിത്യവും വെളിവാക്കുന്ന ഈ വരികള്‍ ഇന്ന് ഒരു ഓര്മ പെടുത്തല്‍ ആണ്. ഉചി വച്ച കൈ കൊണ്ടുതന്നെ 'മലയാളിത്തത്തിന്റെ ' ഉദകക്രിയ ചെയ്യാന്‍ ഒരിമ്പിടുന്ന ഹേ, മലയാളി .....അറിയുക , നീ ജീവിക്കുനത് ദൈവത്തിന്റെ സ്വന്തം നാട്ടിലാണ്. ജന്മസിദ്ധമായി നിനക്ക് ലഭിച്ച ഈ പൈതൃക സമ്പത്തിനെ ഒരു വരദാനമായി കരുതി കാത്തുകൊള്ളുക. കേരളപ്പിറവിയുടെ ഓര്‍മകളുമായി എത്തുന്ന നവംബറിലെ നാളുകള്‍ അതിനു പ്രചോദനം ആകട്ടെ....

നവംബര്‍ ഒന്ന് - കേരളപ്പിറവി

ഭാരത ഭുമിയുടെ തെക്ക് പടിഞ്ഞാറു , ആരെയും ആകര്‍ഷിക്കുന്ന വശ്യ സൌന്ദര്യത്തിന്റെ പച്ചത്തുരുത്തു - ദൈവത്തിന്റെ സ്വന്തം നാട് - കേരളം. ഇവിടെ മണ്ണും മനുഷ്യനും ഭാഷയും സംസ്കാരവും കാലാവസ്ഥയും ഒക്കെ ഇതര സംസ്ഥാനങ്ങളില്‍ നിന്നും കേരളത്തെ വത്യസ്തം ആക്കുന്നു. തിരുവിതാംകൂര്‍,കൊച്ചി,മലബാര്‍ എന്നിങ്ങനെ മുന് പ്രദേശങ്ങളായി വേറിട്ട്‌ കിടന്നിരുന്ന ഈ ഭുവിഭാഗം കേരള സംസ്ഥാനമായി രുപപെട്ടത്‌ 1956 നവംബര്‍ ഒന്നിനാണ് .കേരളപ്പിറവിയുടെ ആ സുദിനം മലയാളിക്ക് മലയാള ദിനം കുടിയാണ്.

ചരിത്ര വഴിയിലെ കെടാവിളക്കുകള്‍

പുരാതന കേരളത്തിന്റെ ചരിത്ര പുനര്‍ നിര്മാണത്തെ സഹായിച്ചിട്ടുള്ളത് പുരാവസ്തു ഖനന അവശിഷ്ടങ്ങള്‍, ശാസനങ്ങള്‍ , നാണയങ്ങള്‍, വിദേശവിവരണങ്ങള്‍, സ്മാരകങ്ങള്‍, സാഹിത്യ കൃതികള്‍ തുടങ്ങിയവയാണ്.

ശാസനങ്ങള്‍

വഴാപ്പള്ളി ശാസനം :- കേരള ചരിത്രത്തിലേക്ക് കണ്ടുകിട്ടിയിട്ടുള്ളതില്‍ വച്ച് ഏറ്റവും പഴക്കമുള്ള ലിഖിത ശാസനം.റോമന്‍ നാണയമായ ദിനാറിനെ കുറിച്ച് ഇതില്‍ സുചന ഉണ്ട്.

തരിസാപ്പള്ളി ശാസനം :- കൊല്ലത്ത് മരുവാന്‍ സ്പിര്‍ ഈശോ പണി കഴിച്ച തരിസാപ്പിള്ളിക്ക് ഭുമിയും പള്ളിക്കാര്‍ക്ക് അവകാശങ്ങളും നല്‍കുന്നതായി പറയുന്നു.

അശോക ശാസനം :- അശോകന്റെ രണ്ടാം ശില ശാസനത്തില്‍ 'കേരളപുത്ര' എന്ന പരാമര്‍ശം .

മട്ടാഞ്ചേരി ജൂത പള്ളിയില്‍ കാണുന്ന ശാസനം.കരുനണ്ടാകടന്റെ ഹജൂര്‍ ശാസനം, വിക്രമാദിത്യ വരഗുനന്റെ പാലിയം ശാസനം, സ്ഥാനു രവിവര്‍മന്റെയും കോതരരവിവര്‍മന്റെയും മറ്റു ശാസനങ്ങള്‍.

സാഹിത്യ കേരളം

രാമായണത്തിലും മഹാഭാരതത്തിലും കേരള പരാമര്‍ശം ഉണ്ട്. ചില പുരാണങ്ങളിലും കൌടില്യന്റെ അര്ഥശാസ്ത്രം, കാളിദാസന്റെ രഘുവംശം , ശങ്കരാചാര്യരുടെ ശിവനാന്തലഹരി ,അതുലന്റെ മുഷകവംശം തുടങ്ങിയ കൃതികളിലും വിലപ്പെട്ട സുചനകള്‍ കണ്ടെത്താന്‍ സാധിക്കും.

എ.ഡി.ഒന്ന് മുതല്‍ അഞ്ചു വരെയുള്ള സംഘകാലത്തെ ചേര സാമ്രാജ്യ വര്‍ണനകള്‍ സംഘം കൃതികളില്‍ കാണാം . അകന്നാനുരു, പുരനാന്നുരു, പതിറ്റുപ്പത്, ചിലപ്പതികാരം തുടങ്ങിയ കൃതികള്‍ ഉദാഹരണങ്ങള്‍ ആണ്. പത്തു ചേര രാജാക്കന്മാരെ കുറിച്ച് പത്തു കവികള്‍ എഴുതിയ പാട്ടാണ് പത്തു പാട്ടുകള്‍ വിതമുള്ള പത്തു ഭാഗങ്ങളുടെ സമാഹാരമായ 'പതിറ്റുപ്പത്'. കേരളോല്പത്തി (സംസ്കൃതം), ഉണ്ണുനീലി സന്ദേശം , ഉണ്ണിയാടി ചരിതം, ഉണ്ണിചിരുതേവി ചരിതം , രാമചരിതം (ഭാഷ കൃതികള്‍), വസന്തോത്സവം , ചന്ദ്രോത്സവം (മണിപ്രവാളം) സുലൈമാന്റെയും ഇബന്‍ ബത്തുത്തയുടെയും മാര്‍ക്കോപോളോയുടെയും സഞ്ചര കുറിപ്പുകള്‍ തുടങ്ങിയവയില്‍ കേരള വര്‍ണനകള്‍ ധാരാളമുണ്ട്.

Subscribe to കിളിചെപ്പ് by Email

കേരളപ്പിറവി

2011-10-31T20:50:00.001-07:00

കേരളപ്പിറവിയുടെ ഈ ദിനത്തില്‍ എല്ലാ വായനക്കാര്‍ക്കും എന്റെ ഹൃദയം നിറഞ്ഞ ആശംസകള്‍.

ദീപാവലി ആശംസകള്‍

2011-10-25T06:54:00.001-07:00

എല്ലാ വായനക്കാര്‍ക്കും എന്റെ ഹൃദയം നിറഞ്ഞ ദീപാവലി ആശംസകള്‍.

ഒച്ചിനു എത്ര കാല്‍ ഉണ്ട്?

2011-10-22T17:36:00.000-07:00

ഒച്ചിനു ഒരു കാലാണ് ഉള്ളത്.ഒച്ചുകള്‍ക്ക് പ്രധാനമായും തല,ഉടല്‍ (visceral mass),കാല്‍പാദം എന്നിവ ചേര്‍ന്ന ശരീരമാണ് ഉള്ളത്. ഇവ മോളസ്ക എന്ന ജന്തുവിഭാഗത്തില്‍ പെടുന്നു. കടല്‍,കര,ശുദ്ധ ജലം എന്നിവിടങ്ങളില്‍ ഒച്ചുകള്‍ വസിക്കുന്നു. ഒച്ചുകള്‍ക്ക് കേള്‍വി ശക്തി ഇല്ല. ഇവക്കു സ്പര്‍ശന ശക്തി കുടുതല്‍ ആണ്. ഘ്രാണ ശക്തിയും ഉണ്ട്. സാധാരണ കരയോച്ചു മുന് മിനിട്ട് കൊണ്ട് രണ്ടു അടി സഞ്ചരിക്കുന്നു.ആഫ്രിക്കന്‍ കര ഒച്ചുകള്‍ ആണ് വലിപ്പത്തില്‍ ഒന്നാം സ്ഥാനത്ത്.

ഒച്ചിനെ കുറിച്ച് കുടുതല്‍ അറിയാന്‍ ഇവിടെ ക്ലിക്ക് ചെയ്യു

Subscribe to കിളിചെപ്പ് by Email

കാലം മറന്ന ഓണപൂക്കള്‍

2011-09-07T08:29:00.001-07:00

ഓണം സമൃദ്ധിയുടെയും ഐശ്വര്യത്തിന്റെയും ഉത്സവമാണ്. ഓണം വന്നു ചേര്‍ന്നതിന്റെ അടയാളമാണ് പുക്കാള്‍. പണ്ടുകാലത്ത് പുക്കളം ഒരുക്കുനത് പാടത്തും പറമ്പിലും തൊടികളിലും ഒക്കെ സുലഭമായിരുന്ന കണ്ണാന്തളിയും കദളിയും മുക്കുറ്റിയും തുമ്പയും തനി നടന്‍ പൂക്കളും കൊണ്ടായിരുന്നു. മാറി വന്ന ജീവിത സാഹചര്യവും ജനസംഘ്യ വര്‍ധനവും പരിസ്ഥിതി മലിനീകരണവും മുലം ഈ പൂക്കളൊക്കെ വെറും കേട്ടറിവുകള്‍ മാത്രമായി മാറി. അവയുടെ സ്ഥാനം നമ്മുക്ക് ഓണം ഉണ്ണാന്‍ അറിയും പച്ചക്കറിയും എത്തിക്കുന്ന അന്യ സംസ്ഥാനങ്ങളിലെ തന്നെ ജമന്തിയും വടമാള്ളിയും ഒക്കെ കയ്യടക്കി. ശേഷിക്കുന്ന സ്ഥാനം വര്നപ്പോടികള്‍ കൊണ്ട് കോടിയുടുത്ത കറിയുപ്പും അറക്കപൊടിയും ചകിരിചോറും വഴിമാറി. പൂവില്ലാതെ അങ്ങനെ പൂകാലം ഒരുക്കാന്‍ നമ്മള്‍ പഠിച്ചു.എങ്കിലും ഇന്നിയും മറിഞ്ഞിട്ടില്ലാത്ത നടന്‍ പൂക്കള്‍ ഏറെ ഉണ്ട് നമ്മുടെ നാട്ടില്‍....അവയെ പരിചയപ്പെടാം.

ആമ്പല്‍
Common Water Lily - Nymphaea pubescens
Family :- Nymphaeaceae

'പൂകളുടെ റാണി' എന്ന് ആമ്പല്‍ പൂവിനെ വിളിക്കാം.മഴാക്കാലത്ത് നിറയുന്ന നമ്മുടെ നാട്ടിലെ മിക്ക കുളങ്ങളിലും തടാകങ്ങളിലും ഓണക്കാലത്ത് ധാരാളം ആമ്പല്‍ പൂക്കള്‍ ഉണ്ടാകും. വൈകുന്നേരം വിരിയുന്ന പൂക്കള്‍ പിറ്റേന്ന് ഉച്ചയോടെ വാടിത്തുടങ്ങും.ഈ പൂ ഒരു ഔഷധം കുടിയാണ്. പൂകള്‍ക്ക് മുതല്‍ വരെ വ്യാസം ഉണ്ടാകും.

ചുവന്ന ആമ്പല്‍

ആമ്ബലുകളില്‍ ഏറ്റവും ഭംഗിയേറിയതാണ് സിന്ദൂര നിറത്തിലുള്ള പൂകളോട് കുടിയ ഈ ആമ്പല്‍ . ഏറെ പ്രചാരമുള്ള ഉദ്യാന സസ്യമാണ് ഇത്. സാദാരണ ആമ്ബലിനെ അപേക്ഷിച്ച് ഇത് വളരെ കുറച്ചു സ്ടലങ്ങളിലെ കാണുന്നുള്ളൂ. കുളങ്ങളും തടാകങ്ങളും മറ്റും ഇല്ലാതായിക്കൊണ്ടിരിക്കുന്ന ഇന്ന് ആബലുകളുടെ നിലനില്‍പ്പ്‌ അപകടത്തിലാണ്.

തൊട്ടാവാടി
Touch-me-not-Mimosa pudica
Family :- Mimosaceae

നമ്മുടെ നാട്ടില്‍ വളരെ സാധാരണമായി കാണുന്ന സസ്യമാണ് തൊട്ടാവാടി. പൂകള്‍ക്ക് വരെ വ്യാസമുണ്ടാകും. ജൂലൈ മുതല്‍ സെപ്റ്റംബര്‍ വരെയുള്ള മാസങ്ങളിലാണ് പൂകള്‍ ധാരാളമായി കാണപ്പെടുന്നത്. ഔഷധ സസ്യമാണ് തൊട്ടാവാടി. ഇലയും വേരുമാണ് പ്രധാനമായും ഔഷധ ആവശ്യത്തിനു ഉപയോഗിക്കുനത്.

മുക്കുറ്റി
Little Tree Plant - Biophytum sensitivum
Family :- Oxalidaceae

ഒരു കുഞ്ഞുമരം പോലെ നില്‍ക്കുന്ന മുക്കുറ്റി ദശപുഷ്പങ്ങളില്‍ ഒന്നാണ്. കുഞ്ഞു മഞ്ഞ പൂക്കള്‍ നീണ്ട തണ്ടുകളുടെ അറ്റത് ഉയര്‍ന്നു നില്‍ക്കുന്നു.മഞ്ഞ പൂക്കള്‍ക്ക് നേര്‍ത്ത ഒരഞ്ചു നിറമുള്ളത് സുക്ഷിച്ചു നോക്കിയാല്‍ കാണാന്‍ കഴിയും.പൂകള്‍ക്ക് മില്ലിമീറ്റര്‍ വരെ വ്യാസം ഉണ്ടാകും.തണലും ഈര്‍പ്പവും ഉള്ള സ്ഥലങ്ങളിലാണ്‌ മുക്കുറ്റി നന്നായി വളരുന്നത്‌. മഴ കഴിഞ്ഞുള്ള മാസങ്ങളിലാണ് കുടുതലായി കനപ്പെടര്. ഔഷധ സസ്യമായ മുക്കുറ്റി അതേപടി തന്നെ ഉപയോഗിക്കാം.

തെച്ചി/ചെത്തി
Jungle Flame - Ixora coccinea
Family :- Rubiaceae

വിവിദ തരം തെചികള്‍ ഉടുഅനങ്ങളില്‍ നാട്ടു വളര്തരുന്ടെങ്ങിലും നടന്‍ തെച്ചി കട്ട് സസ്യമാണ്. ചെത്തിപൂവ് പൂജാപുഷ്പം ആണ്.ചെത്തിപൂവും വീറും ഔഷധമായി ഉപയോഗിക്കുന്നു. ജനുവരി ഡിസംബര്‍ മാസങ്ങളിലാണ് പ്രദാന പൂക്കാലം

ഒരു വിദ്യാര്‍ഥി എങ്ങനെയായിരിക്കണം - കുഞ്ഞുണ്ണി മാഷിന്റെ 10 കല്പനകള്‍

2011-09-06T06:07:00.000-07:00

1. മോഡറേഷന്‍ പാസും കടന്ന്, തൊഴിലില്ലായ്മാവേതനവും സ്വപ്‌നം കണ്ട്, ഭാവിയില്‍ ഒണക്ക പര്‍പ്പടകപ്പുല്ല് താടിയുംവെച്ച് നടക്കുന്നവനാകുന്നതിനു പകരം ഹൈസ്‌കൂള്‍ വിദ്യാര്‍ഥി എല്ലാ വിഷയങ്ങള്‍ക്കും നൂറു ശതമാനം മാര്‍ക്ക് ലക്ഷ്യമാക്കി അധ്വാനിച്ച് ഉത്സാഹിച്ച് സശ്രദ്ധം പഠിക്കുന്നവനാകണം.

2. സമരമെന്തെന്നറിയുന്നവനും ഒരാവശ്യത്തിന് സമരം തുടങ്ങിയാല്‍ അത് നേടുന്നതുവരെ സമരം ചെയ്യുന്നവനും വേണ്ടാത്ത സമരത്തിന് ഇറങ്ങാത്തവനുമാകണം.

3. സ്‌കൂള്‍ പഠിപ്പിനോടൊപ്പം പെണ്‍കുട്ടികളെപ്പോലെ വീട്ടുപണിയും അറിയുന്നവനാകണം.

4. വൃത്താന്തപത്രവും സ്‌കൂള്‍ ലൈബ്രറിയില്‍നിന്നും അടുത്ത ഗ്രന്ഥാലയത്തില്‍നിന്നും എടുക്കുന്ന പുസ്തകങ്ങളും വായിക്കുന്നവനാകണം.

5. നാട്ടിലെ പ്രധാന സമ്മേളനങ്ങള്‍ക്കും ഉത്സവങ്ങള്‍ക്കും രക്ഷിതാക്കളുടെ സമ്മതം വാങ്ങി പങ്കുകൊള്ളണം.

6. വീട്ടിലെ വൃദ്ധജനങ്ങളെ ശുശ്രൂഷിക്കുകയും ആവശ്യം വന്നാല്‍ അയല്‍വീട്ടുകാര്‍ക്ക് സേവനം ചെയ്യുകയും സമപ്രായക്കാരോടൊപ്പം കുറച്ചുനേരം കളിക്കുകയും വേണം.

7. വീട്ടില്‍നിന്ന് വിദ്യാലയത്തിലേക്ക് മൂന്നു കിലോമീറ്ററിലധികമുണ്ടെങ്കിലേ ബസ്സില്‍ കേറാവൂ. അതും അങ്ങോട്ടുമാത്രം. മൂന്നിലധികം പേരുണ്ടെങ്കില്‍ ക്യൂ നിന്നുവേണം ബസ്സില്‍ കേറാന്‍. അച്ചടക്കം വേണം. മടക്കം കൂട്ടുകാരുമൊത്ത് നടന്നുകൊണ്ടാവണം.

8. ഉച്ചയൂണിന് വീട്ടില്‍ വരാന്‍ വയ്യാത്തവര്‍ രാവിലെ ഊണു കഴിച്ച് പോകണം. ഉച്ചയ്ക്ക് കഴിക്കാന്‍ അവിലോ പഴമോ റൊട്ടിയോ മൂന്നു മണിക്കൂറിരുന്നാല്‍ ചീത്തയാകാത്ത മറ്റെന്തെങ്കിലും പലഹാരമോ പാത്രത്തിലാക്കി കൊണ്ടുപോകണം. ഉച്ചയ്ക്ക് ഡപ്പച്ചോറുണ്ണരുത്.

9. എപ്പോഴും സ്വന്തം സ്വഭാവം നന്നാക്കിക്കൊണ്ടിരിക്കണം, മനസ്സ് നല്ല കാര്യത്തിലായിരിക്കണം.

10. പത്താംക്ലാസ് കഴിയുമ്പോഴേക്കും അതിനുശേഷം പഠിക്കേണ്ടതെന്ത് എന്നുറപ്പിക്കുകയും ജീവിതം മുഴുവന്‍ ആ വിഷയത്തിന് സമര്‍പ്പിക്കാന്‍ തയ്യാറാവുകയും വേണം. ഒപ്പം കല, സാഹിത്യം, കരകൗശലം, കൃഷി, കച്ചവടം, കൈത്തൊഴില്‍ എന്നിവയിലേതിലാണെന്ന് വാസനയറിഞ്ഞ് അതിനുവേണ്ട പഠിപ്പും അഭ്യാസവും നേടണം.

കടപ്പാട് : മാത്രുഭൂമി വെബ്‌ സൈറ്റ്

Subscribe to കിളിചെപ്പ് by Email

അന്താരാഷ്ട്ര രസവര്‍ഷം-2011

2011-08-28T20:25:00.000-07:00

രസതന്ത്രലോകത്തിന് ഓര്‍മ പുതുക്കലിന്‍െറ വര്‍ഷമാണ് 2011. ഐക്യരാഷ്ട്ര സംഘടന അന്താരാഷ്ട്ര രസതന്ത്രവര്‍ഷമായിട്ടാണ് 2011നെ പ്രഖ്യാപിക്കുന്നത്. നൂറ്റാണ്ടുകളിലൂടെ രസതന്ത്രം കൈവരിച്ച നേട്ടങ്ങളെയും മനുഷ്യരാശിക്ക് അതുനല്‍കിയ മഹത്തായ സംഭാവനകളെയും ഓര്‍ക്കാനായി ഒരു വര്‍ഷം. അതാണ് 2011. ഐക്യരാഷ്ട്ര സംഘടനകളുടെ വിദ്യാഭ്യാസ-സാംസ്കാരിക വിഭാഗമായ യുനെസ്കോയും ഇന്‍റര്‍നാഷനല്‍ യൂനിയന്‍ ഓഫ് പ്യൂവര്‍ ആന്‍ഡ് അപൈ്ളഡ് കെമിസ്ട്രിയും ചേര്‍ന്നാണ് രസതന്ത്രവര്‍ഷാചരണത്തിന് നേതൃത്വം നല്‍കുന്നത്. എന്തൊക്കെയാണ് രസതന്ത്രവര്‍ഷത്തിന്‍െറ വിശേഷങ്ങളെന്നു കേട്ടോളൂ...

ജീവിതവും ഭാവിയുമാകുന്ന രസതന്ത്രം

‘രസതന്ത്രം-നമ്മുടെ ജീവിതം, നമ്മുടെ ഭാവി’ ഇതാണ് രസതന്ത്രവര്‍ഷത്തിന്‍െറ സന്ദേശം. പ്രപഞ്ചത്തിലെ സകലകോണുകളിലും എത്തിനോക്കിയ ശാസ്ത്രമാണ് രസതന്ത്രം. ഉറക്കമുണര്‍ന്ന് പല്ലുതേക്കുമ്പോള്‍ മുതല്‍ രാത്രി കിടക്കയിലേക്ക് വീഴുമ്പോള്‍വരെ നാം ചെയ്യുന്ന എല്ലാ പ്രവര്‍ത്തനങ്ങളിലും രസതന്ത്രത്തിന്‍െറ അദൃശ്യ സാന്നിധ്യമുണ്ട്. നിത്യജീവിതത്തില്‍ രസതന്ത്രത്തിന്‍െറ പ്രാധാന്യം തിരിച്ചറിയുന്നതിനും, ഭൂമിയെ വേദനിപ്പിക്കാതെയുള്ള വികസന മാര്‍ഗങ്ങള്‍ നേടുന്നതിനുമുള്ള ഗവേഷണങ്ങളാണ് രസതന്ത്രലോകം ഈ വര്‍ഷം ലക്ഷ്യമിടുന്നത്.യുവജനങ്ങളെ രസതന്ത്രത്തിന്‍െറ അദ്ഭുതലോകത്തേക്ക് ആകര്‍ഷിക്കുക, വനിതകളുടെ ഗവേഷണ താല്‍പര്യത്തെ പ്രോത്സാഹിപ്പിക്കുക തുടങ്ങി ഒട്ടേറെ ലക്ഷ്യങ്ങളാണ് ഈ വര്‍ഷാചരണത്തിനുള്ളത്. രസതന്ത്രത്തിന്‍െറ മായിക ലോകത്തേക്ക് എത്തിനോക്കാനും അതിന്‍െറ മഹത്തായചരിത്രം പഠിക്കാനും നമുക്കും ഈ വര്‍ഷം പ്രയോജനപ്പെടുത്താം.

എന്തുകൊണ്ട് 2011

രസതന്ത്രത്തെ സംബന്ധിച്ചിടത്തോളം പ്രധാനപ്പെട്ട ഒരു വര്‍ഷമാണ് 2011. രസതന്ത്രചരിത്രത്തിലെ രണ്ടുമഹത്തായ സംഭവങ്ങളുടെ നൂറാം വാര്‍ഷികമാണിത്. മേരിക്യൂറിക്ക് രസതന്ത്ര നൊബേല്‍ സമ്മാനം ലഭിച്ചതാണ് ഇതില്‍ ആദ്യത്തെ സംഭവം. 1911ല്‍ നൊബേല്‍ സമ്മാനം ഏറ്റുവാങ്ങുമ്പോള്‍ രസതന്ത്ര ചരിത്രത്തിലെ ഒരു നാഴികക്കല്ലാവുകയായിരുന്നു ആ സംഭവം.1911ല്‍ പാരിസില്‍ ഇന്‍റര്‍നാഷനല്‍ അസോസിയേഷന്‍ ഓഫ് കെമിക്കല്‍ സൊസൈറ്റീസ് സ്ഥാപിതമായതാണ് രണ്ടാമത്തെ സംഭവം. രസതന്ത്ര ഗവേഷണങ്ങള്‍ക്കുമേല്‍നോട്ടം വഹിക്കുന്നതിനും രസതന്ത്രഗവേഷകര്‍ക്കിടയില്‍ സഹകരണം വളര്‍ത്തുന്നതിനുമൊക്കെ വേണ്ടി സ്ഥാപിച്ചതായിരുന്നു ഈ സൊസൈറ്റി.

ആഘോഷങ്ങള്‍ തീരുന്നില്ല...രസതന്ത്രവര്‍ഷാചരണം വന്‍വിജയമാക്കണമെന്ന ലക്ഷ്യത്തോടെ വന്‍പരിപാടികളാണ് സംഘടനകള്‍ ആസൂത്രണം ചെയ്തിരിക്കുന്നത്. ഇതിന്‍െറ ഭാഗമായി തുറന്ന വെബ്സൈറ്റിലൂടെ താല്‍പര്യമുള്ള ആര്‍ക്കും ഈ മഹത്തായ പരിപാടിയില്‍ പങ്കുചേരാം. വെബ്സൈറ്റില്‍ രജിസ്റ്റര്‍ ചെയ്താല്‍ അന്താരാഷ്ട്ര കെമിസ്ട്രി വര്‍ഷാചരണത്തിന്‍െറ പരിപാടികളെ കുറിച്ച് അറിയിപ്പു ലഭിക്കും. നമുക്കും നമ്മുടെ ആശയങ്ങള്‍ ലോകമെമ്പാടുമുള്ള രസതന്ത്രപ്രേമികളുമായി പങ്കുവെക്കുകയും ചെയ്യാം.
ഒട്ടേറെ വൈവിധ്യമാര്‍ന്ന പരിപാടികളാണ് പല രാജ്യങ്ങളും ആസൂത്രണം ചെയ്തിട്ടുള്ളത്. സമ്മേളനങ്ങള്‍, സെമിനാറുകള്‍, വിവിധ പ്രോജക്ടുകള്‍ എന്നിവയൊക്കെ ഇതിന്‍െറ ഭാഗമായി നടക്കുന്നുണ്ട്. അന്താരാഷ്ട്ര രസതന്ത്രവര്‍ഷത്തിന്‍െറ ഓര്‍മക്കായി കഴിഞ്ഞ ഫെബ്രുവരിയില്‍ രസതന്ത്ര സ്റ്റാമ്പ് പുറത്തിറക്കിയാണ് സ്വിറ്റ്സര്‍ലന്‍ഡ് ഈ ആഘോഷത്തില്‍ പങ്കുചേരുന്നത്. വിറ്റാമിന്‍ സിയുടെ ഘടന ചിത്രീകരിച്ചിരിക്കുന്ന സ്റ്റാമ്പാണ് അവര്‍ ഇറക്കിയത്. 1933ല്‍ സ്വിറ്റ്സര്‍ലന്‍ഡുകാരനായ ടെഡ്യൂസ് റിച്ച്സ്റ്റീന്‍ (Tadeus Reichstein) ആണ് ആദ്യമായി വിറ്റാമിന്‍ തിരിച്ചറിഞ്ഞത്.

നമുക്കും കെമിസ്ട്രി വര്‍ഷം ആഘോഷിക്കേണ്ടേ... എന്തൊക്കെ പരിപാടികള്‍ വേണമെന്ന് ആലോചിക്കൂ. ഏതായാലും ഇത്തവണ കെമിസ്ട്രിയുടെ അല്‍പം ചരിത്രം കേട്ടോളൂ...

രസമുള്ള രസതന്ത്രത്തിന്‍െറ രസിപ്പിക്കുന്ന ചരിത്രത്തിലേക്ക് ഒരു രസികന്‍ യാത്ര നടത്തിയാലോ? ശരി, തുടങ്ങാം. കാലചക്രം പിന്നോട്ട് കറക്കിക്കോളൂ.
നമ്മളിപ്പോള്‍ നില്‍ക്കുന്നത് ബി.സി 10,000നും 1,00,000നും അപ്പുറത്തുള്ള ഏതോ നൂറ്റാണ്ടിലാണ്. രസതന്ത്രത്തിന്‍െറ ചരിത്രം നമുക്ക് ഇവിടെനിന്നുതുടങ്ങാം. നമ്മുടെ പൂര്‍വികരായ ഇരുകാലികള്‍ കാട്ടില്‍ കഴിയുന്ന കാലം. നമ്മുടെ പൂര്‍വികരിലൊരാള്‍ കല്ലുരച്ച് തീയുണ്ടാക്കാമെന്ന് കണ്ടെത്തിയതോടെ മനുഷ്യന്‍െറ ശാസ്ത്രവളര്‍ച്ച ആരംഭിച്ചു. ഈ ‘തീ സൃഷ്ടിക്കല്‍’ ആയിരുന്നു മനുഷ്യന്‍ ആദ്യം നടത്തിയ വിജയകരമായ പരീക്ഷണം. പിന്നീടവന്‍െറ വളര്‍ച്ച പെട്ടെന്നായിരുന്നു. പ്രകൃതിയില്‍നിന്ന് ഒട്ടേറെ അറിവുകള്‍ നേടി. ഒട്ടേറെ വസ്തുക്കള്‍ ഉണ്ടാക്കാന്‍ അവന്‍ പഠിച്ചു. കാലം കടന്നുപോയി...
ബി.സി 1000: ഇക്കാലമൊക്കെ ആയപ്പോഴേക്കും പലപല സംസ്കാരങ്ങളും രസതന്ത്രത്തിന്‍െറ വഴികള്‍ അറിയാതെ ഉപയോഗിക്കാന്‍ തുടങ്ങിയിരുന്നു. ചിലര്‍ മണ്ണില്‍നിന്ന് ലോഹങ്ങള്‍ കുഴിച്ചെടുത്തു. മറ്റു ചില സംസ്കാരങ്ങളുടെ ഭാഗമായി കളിമണ്‍പാത്രങ്ങളും സ്ഫടികം കൊണ്ടുള്ള വസ്തുക്കളുമൊക്കെ ഉണ്ടാക്കാന്‍ തുടങ്ങി. ചിലരാകട്ടെ കണ്ടുപിടിത്തങ്ങളുടെയും നേട്ടങ്ങളുടെയുമൊക്കെ കൂടെ ചില ഗവേഷണങ്ങളും തുടങ്ങി. വസ്തുക്കളെ വര്‍ഗീകരിക്കാനുള്ള ശ്രമങ്ങള്‍. അങ്ങനെ.. അങ്ങനെ...
അണുസങ്കല്‍പം വരുന്നു
ബി.സി അഞ്ചാം നൂറ്റാണ്ട്. രസതന്ത്രത്തിനുകൂടുതല്‍ അടുക്കും ചിട്ടയുമൊക്കെ വന്നുതുടങ്ങി. പദാര്‍ഥങ്ങളെ വിഭജിച്ചുകൊണ്ടേയിരുന്നാല്‍ അവസാനം വിഭജിക്കാനാവാത്ത അണു അഥവാ ആറ്റമാണ് കിട്ടുക എന്ന ആശയം ഈ കാലഘട്ടത്തിലാണ് ആദ്യമായി ഉയര്‍ന്നത്. ഇതു പറഞ്ഞതാകട്ടെ, ഭാരതത്തില്‍ ജീവിച്ചിരുന്ന കണാദ മുനിയും. കണാദന്‍െറ ‘വൈശേഷികാസൂത്ര’ത്തില്‍ അണുവിനെക്കുറിച്ച് പരാമര്‍ശമുണ്ട്. ഇതേ കാലഘട്ടത്തില്‍തന്നെ ഗ്രീസിലും റോമിലുമൊക്കെ ആറ്റം എന്ന സങ്കല്‍പം രൂപംകൊണ്ടു. ഡെമോക്രീഷ്യസ്, ലൂസിപ്പസ്, ലൂക്രീഷ്യസ് തുടങ്ങിയവരായിരുന്നു ഇതിനുപിന്നില്‍. തെളിവുകളൊന്നുമില്ലാതെ മുമ്പോട്ടുവന്ന ഈ ആശയത്തെ എതിര്‍ക്കുകയാണ് പ്രശസ്ത തത്ത്വചിന്തകനായ അരിസ്റ്റോട്ടില്‍ ചെയ്തത്.
ഇതേ കാലഘട്ടത്തില്‍തന്നെ പദാര്‍ഥങ്ങളെ ശുദ്ധീകരിക്കാനുള്ള വിവിധ മാര്‍ഗങ്ങള്‍ മനുഷ്യന്‍ കണ്ടെത്തി ധാതുക്കളെക്കുറിച്ചുള്ള സൂക്ഷ്മ പഠനത്തിനും അവന്‍ തയാറായി.
ലോഹങ്ങളുടെ ലോകം
മനുഷ്യരാശിയുടെ പുരോഗതിക്ക് വേഗതകൂട്ടിയ ഒന്നായിരുന്നു ലോഹങ്ങളുടെ കണ്ടെത്തല്‍. പുരാതന ഈജിപ്തുകാര്‍ക്കും ഇന്ത്യക്കാര്‍ക്കുമൊക്കെ ലോഹ ഖനനത്തെക്കുറിച്ച് അറിവുണ്ടായിരുന്നു. 2600 ബി.സിയില്‍ ഈജിപ്തുകാര്‍ സ്വര്‍ണം ഉപയോഗിച്ചിരുന്നതായി കണ്ടെത്തിയിട്ടുണ്ട്. ചെമ്പ്, ഇരുമ്പ് തുടങ്ങിയ ലോഹങ്ങള്‍കൊണ്ട് പാത്രങ്ങളും ആയുധങ്ങളുമൊക്കെ ഉണ്ടാക്കിത്തുടങ്ങിയതോടെ ലോഹയുഗം ആരംഭിച്ചു. ലോഹ നിര്‍മാണത്തില്‍ ഏറെ മുന്‍പന്തിയിലുണ്ടായിരുന്ന രാജ്യമായിരുന്നു ഇന്ത്യ.
ആല്‍ക്കെമിസ്റ്റുകളുടെ വരവ്
‘ഏതുലോഹത്തെയും സ്വര്‍ണമാക്കി കൊടുക്കപ്പെടും’ ഇങ്ങനെ ഒരു പരസ്യം ഏതെങ്കിലും കടയുടെ മുന്നില്‍ കണ്ടാല്‍ തീര്‍ച്ച, അവിടെ ആളുകളുടെ തള്ളിക്കയറ്റമായിരിക്കും. പരസ്യം കൊടുത്തയാള്‍ക്ക് കോളടിച്ചതുതന്നെ. എന്നാല്‍, ഇങ്ങനെ ഒരു ബോര്‍ഡും തൂക്കി ഇരിക്കാന്‍ ആഗ്രഹിച്ച ഒരു കൂട്ടരുണ്ടായിരുന്നു പണ്ട്. ആല്‍ക്കെമിസ്റ്റുകള്‍ എന്നാണ് അവരെ വിളിച്ചിരുന്നത്. ഇന്നത്തെ രസതന്ത്രശാസ്ത്രജ്ഞന്മാരുടെയെല്ലാം മുതുമുത്തച്ഛന്മാരായിരുന്നു ഈ ആല്‍ക്കെമിസ്റ്റുകള്‍. ആധുനിക രസതന്ത്രത്തിന് അടിത്തറ പാകിയ മഹാന്മാരായിരുന്നു ഇവര്‍.
ഏതൊരു ലോഹത്തെയും പരീക്ഷണത്തിലൂടെ സ്വര്‍ണമാക്കി മാറ്റാം എന്നായിരുന്നു ആല്‍ക്കെമിസ്റ്റുകള്‍ കരുതിയിരുന്നത്. ഫിലോസഫേര്‍സ് സ്റ്റോണ്‍ അഥവാ തത്ത്വചിന്തകന്മാരുടെ കല്ല് എന്നൊരു അദ്ഭുതവസ്തുവിന് മറ്റുലോഹങ്ങളെ സ്വര്‍ണമാക്കാനുള്ള കഴിവുണ്ടെന്നായിരുന്നു ഇവരുടെ വിശ്വാസം. നിത്യയൗവനവും മരണമില്ലായ്മയും നല്‍കാന്‍ കഴിയുന്ന ഒരു അദ്ഭുത ജലം. ഇതും ആല്‍ക്കെമിസ്റ്റുകള്‍ അന്വേഷിച്ചു കൊണ്ടിരുന്ന ഒന്നാണ്. എന്തായാലും ഇതുവരെ കണ്ടിട്ടില്ലാത്ത അദ്ഭുത വസ്തുക്കളെ തേടിയുള്ള അവരുടെ പരീക്ഷണങ്ങള്‍ ഒട്ടേറെ പുതിയ കണ്ടുപിടിത്തങ്ങള്‍ക്ക് വഴിവെച്ചു.
ബി.സി അവസാന നൂറ്റാണ്ടുകളിലും എ.ഡി ആദ്യകാലഘട്ടങ്ങളിലുമായിരുന്നു ആല്‍ക്കെമിസ്റ്റുകളുടെ പ്രതാപകാലം. 1900 ബി.സിയില്‍ ജീവിച്ചിരുന്ന ഹെല്‍മസ് ട്രിസ്മെജിസ്റ്റസ് എന്ന ഈജിപ്ഷ്യന്‍ രാജാവിനെയാണ് ആല്‍ക്കെമിയുടെ പിതാവ് എന്ന്് പറയപ്പെടുന്നത്. എ.ഡി 815ല്‍ ജീവിച്ചിരുന്ന ജാബിര്‍ ഇബ്ന്‍ ഹയ്യാര്‍ പ്രശസ്തനായ ഒരു പേര്‍ഷ്യന്‍ ആല്‍ക്കെമിസ്റ്റായിരുന്നു. ഗെബര്‍ എന്ന പേരില്‍ പ്രശസ്തനായ ഇദ്ദേഹത്തെയാണ് രസതന്ത്രത്തിന്‍െറ പിതാവെന്ന് പുരാതനകാലം മുതലേ വിളിച്ചുപോരുന്നത്. ഈജിപ്ത്, ഗ്രീസ്, പേര്‍ഷ്യ, ഇന്ത്യ തുടങ്ങിയ രാജ്യങ്ങളിലെല്ലാം ആല്‍ക്കെമിസ്റ്റുകളുടെ സാന്നിധ്യമുണ്ടായിരുന്നു.
ജാഫര്‍ അല്‍ സാദിഖ്, അന്‍ക്കിന്‍ഡസ്, അബുഅല്‍-റെയ്മാന്‍, അല്‍ബിറൂനി എന്നിവരൊക്കെ ആല്‍ക്കെമിസ്റ്റുകളുടെ കൂട്ടത്തില്‍ പ്രശസ്തരായവരാണ്.
ധാരാളം പുതിയ മരുന്നുകളും രാസപദാര്‍ഥങ്ങളും പരീക്ഷണോപകരണങ്ങളുമൊക്കെ സംഭാവന ചെയ്തവരാണീ ആല്‍ക്കെമിസ്റ്റുകള്‍.
ആല്‍ക്കെമിയില്‍നിന്ന്
കെമിസ്ട്രിയിലേക്ക്
ആല്‍ക്കെമിയില്‍നിന്ന് യഥാര്‍ഥ കെമിസ്ട്രിയിലേക്ക് രസതന്ത്രം വളരാന്‍ അധികം താമസമുണ്ടായില്ല. ലോകത്തിന്‍െറ പലഭാഗങ്ങളിലും കണ്ടുപിടിത്തങ്ങളുടെ ഘോഷയാത്ര തന്നെയുണ്ടായി. 15-16 നൂറ്റാണ്ടുകളൊക്കെ ആയപ്പോഴേക്കും കുറേയേറെ പുസ്തകങ്ങളും രസതന്ത്രത്തില്‍ ജന്മമെടുത്തു. ഇവയോരോന്നിന്‍െറയും ചുവടുപിടിച്ച് കെമിസ്ട്രി പതുക്കെ ശക്തി പ്രാപിക്കുകയായിരുന്നു. 1530ല്‍ പാരാസെല്‍സസ് എന്ന ശാസ്ത്രജ്ഞന്‍ ആല്‍ക്കെമിയില്‍നിന്ന് വ്യത്യസ്തമായ ഒരു രസതന്ത്രരീതി തുടങ്ങി. ഇന്നത്തെ ഫാര്‍മസ്യൂട്ടിക്കല്‍ കെമിസ്ട്രിയുടെ വിത്തുകളായിരുന്നു ആ പഠനങ്ങള്‍. അദ്ദേഹമാണ് ‘കെമിസ്ട്രി’ എന്ന വാക്ക് ആദ്യമായി ഉപയോഗിച്ചതെന്ന് കരുതപ്പെടുന്നു.
കാലം കടന്നുപോയി. പുതിയ പുതിയ മൂലകങ്ങളും മറ്റും വരാന്‍ തുടങ്ങി. ജോസഫ് ബ്ളാക് കാര്‍ബണ്‍ഡൈ ഓക്സൈഡ് കണ്ടെത്തി. ബോയ്ല്‍സ് നിയമം വന്നു. ഹൈഡ്രജനെ തിരിച്ചറിഞ്ഞു. ഓക്സിജന്‍െറ രഹസ്യവും വെളിവായി. ആന്‍റണ്‍ ലാവോയ്സിയര്‍ എന്ന ശാസ്ത്രജ്ഞന്‍ പുതിയ പേരിടല്‍ രീതികളുമായി രംഗത്തുവന്നു. ലാവോയ്സിയറെ പിന്നീട് ആധുനിക രസതന്ത്രത്തിന്‍െറ പിതാവായി കണക്കാക്കി. അങ്ങനെ രസതന്ത്രം 19ാം നൂറ്റാണ്ടിലേക്ക് കടന്നു.
ഓര്‍ഗാനിക് കെമിസ്ട്രിയുടെയും
ആവര്‍ത്തനപ്പട്ടികയുടെയും നൂറ്റാണ്ട്
19ാം നൂറ്റാണ്ടില്‍ വിപ്ളവകരമായ മാറ്റങ്ങള്‍ക്കാണ് രസതന്ത്രലോകം സാക്ഷ്യംവഹിച്ചത്. ജോണ്‍ഡാള്‍ട്ടണ്‍, അവഗാഡോ തുടങ്ങിയ മിടുക്കന്മാരില്‍ തുടങ്ങി റൂഥര്‍ ഫോര്‍ഡിലും മേരിക്യൂറിയിലും ചെന്നെത്തിയ നൂറ്റാണ്ടായിരുന്നു ഇത്. കെമിസ്ട്രിയിലെ ഏറ്റവും പ്രധാനപ്പെട്ട ശാഖയുടെ പിറവിയും അതിന്‍െറ വളര്‍ച്ചയും കണ്ട നൂറ്റാണ്ട്. ഓര്‍ഗാനിക് കെമിസ്ട്രി അഥവാ കാര്‍ബണിക രസതന്ത്രമായിരുന്നു അത്. 1828ല്‍ ഫ്രെഡറിക് വൂളര്‍ എന്ന ശാസ്ത്രജ്ഞന്‍ യൂറിയ കൃത്രിമമായി നിര്‍മിച്ചു. ഇതോടെയാണ് ഓര്‍ഗാനിക് കെമിസ്ട്രിയുടെ വളര്‍ച്ച തുടങ്ങിയത്. കെല്‍വിന്‍ സ്കെയില്‍ തുടങ്ങിയതും ഈ നൂറ്റാണ്ടില്‍തന്നെ.
രസതന്ത്ര ചരിത്രത്തിലെ നാഴികകല്ലായ ആവര്‍ത്തനപ്പട്ടികയുടെ ജനനമാണ് മറ്റൊരു പ്രധാന സംഭവം. അന്നോളം കണ്ടെത്തിയ മൂലകങ്ങളെയൊക്കെ ഒരു പട്ടികയില്‍ ക്രമീകരിക്കണമെന്ന ആഗ്രഹവുമായി ഒട്ടേറെപേര്‍ ശ്രമം തുടങ്ങി. അവരില്‍ പ്രധാനികളായിരുന്നു ജോണ്‍ ന്യൂലാന്‍ഡ്, ലോതര്‍ മേയര്‍, ഡോബര്‍ണിയര്‍ എന്നിവര്‍. ഇവരൊക്കെ ആവര്‍ത്തനപ്പട്ടികയുടെ ഓരോരോ രൂപങ്ങളുണ്ടാക്കി. എന്നാല്‍, ഇന്നുകാണുന്ന തരത്തിലുള്ള വിശദവും സമഗ്രവുമായ ആവര്‍ത്തനപ്പട്ടികയുമായി 1869ല്‍ ഒരാള്‍ രംഗത്തെത്തി. ദിമിത്രി മെന്‍റലിയേവ് എന്ന ശാസ്ത്രജ്ഞനായിരുന്നു അത്. അന്നുവരെ കണ്ടെത്തിയ മൂലകങ്ങളെ ആറ്റോമിക വിഭാഗത്തിന്‍െറ അടിസ്ഥാനത്തില്‍ ഭംഗിയായി ക്രമീകരിച്ച മെന്‍റലിയേവ്, ഇനി കണ്ടെത്താനുള്ള ചില മൂലകങ്ങളെക്കുറിച്ച് പ്രവചനവും നടത്തി. ആ പ്രവചനങ്ങള്‍ പിന്നീട് സത്യമാകുന്നതും ശാസ്ത്രലോകം കണ്ടു. ഇന്ന് ആവര്‍ത്തനപ്പട്ടികയില്‍ 118 മൂലകങ്ങളുണ്ട്.
എക്സ്റേയുടെ കണ്ടുപിടിത്തം, ഇലക്ട്രോണിന്‍െറ പിറവി, റേഡിയോ ആക്ടിവിറ്റിയുടെ വരവ് തുടങ്ങിയവയൊക്കെ സാക്ഷ്യംവഹിച്ച നൂറ്റാണ്ടായിരുന്നു ഇത്.

WEBSITE

Subscribe to കിളിചെപ്പ് by Email

മാവേലി നാടുവാണീടും കാലം ....

2011-08-27T19:45:00.000-07:00

മാവേലി നാടുവാണീടും കാലം
മാനുഷരെല്ലാരും ഒന്നുപോലെ
ആമോദത്തോടെ വസിക്കും കാലം
ആപത്തങ്ങാര്‍ക്കുമൊട്ടില്ലതാനും
ആധികള്‍ വ്യാധികളൊന്നുമില്ല
ബാലമരണങ്ങള്‍ കേള്‍ക്കാനില്ല
പത്തായിരമാണ്ടിരിപ്പുമുണ്ട്
പത്തായമെല്ലാം നിറവതുണ്ട്
എല്ലാ കൃഷികളുമൊന്നുപോലെ
നെല്ലിനു നൂറുവിളവതുണ്ട്
ദുഷ്ടരെ കണ്‍കൊണ്ടുകാണാനില്ല
നല്ലവരെല്ലാതെയില്ല പാരില്‍
ഭൂലോകമൊക്കെയുമൊന്നുപോലെ
ആലയമൊക്കെയുമൊന്നുപോലെ
നല്ല കനകം കൊണ്ടെല്ലാവരും
നല്ലാഭരണങ്ങളണിഞ്ഞുകൊണ്ട്്
നാരിമാര്‍ ബാലന്മാര്‍ മറ്റുളേളാരും
നീതിയോടെങ്ങും വസിച്ചകാലം
കളളവുമില്ല ചതിയുമില്ല
എളേളാളമില്ല പൊളിവചനം
വെളളിക്കോലാദികള്‍ നാഴികളും
എല്ലാം കണക്കിനു തുല്യമായി
കളളപ്പറയും ചെറുനാഴിയും
കളളത്തരങ്ങള്‍ മറ്റൊന്നുമില്ല
നല്ലമഴപെയ്യും വേണ്ടും നേരം
നല്ലപോലെല്ലാവിളവും ചേരും
മാനംവളച്ച വളപ്പകത്ത്
നല്ല കനകം കൊണ്ടെല്ലാവരും
നെല്ലുമരിയും പലതരത്തില്‍
വേണ്ടുന്നവാണിഭമെന്നപ്പോലെ
ആനകുതിരകളാടുമാടും
കൂടിവരുന്നതിനന്തമില്ല
ശീലത്തരങ്ങളും വേണ്ടുവോളം
നീലക്കവണികള്‍ വേണ്ടുവോളം
നല്ലോണം ഘോഷിപ്പാന്‍നല്ലെഴുത്തന്‍
കായങ്കുളം ചോല പോര്‍ക്കളത്തില്‍
ചീനത്തെമുണ്ടുകള്‍ വേണ്ടപോലെ
ജീരകം നല്ല കുരുമുളക്
ശര്‍ക്കര,തേനൊടു പഞ്ചസാര
എണ്ണമില്ലാതോളമെന്നേവേണ്ടൂ
കണ്ടവര്‍ കൊണ്ടും കൊടുത്തും വാങ്ങി
വേണ്ടുന്നതൊക്കെയും വേണ്ടപോലെ
മാവേലി പോകുന്ന നേരത്തപ്പോള്‍
നിന്നുകരയുന്ന മാനുഷ്യരും
ഖേദിക്കവേണ്ടെന്റെ മാനുഷരെ
ഓണത്തിനെന്നും വരുന്നതുണ്ട്
ഒരുകൊല്ലം തികയുമ്പോള്‍ വരുന്നതുണ്ട്
തിരുവോണത്തുന്നാള്‍ വരുന്നതുണ്ട്
എന്നതു കേട്ടോരു മാനുഷരും
നന്നായ് തെളിഞ്ഞു മനസ്സുകൊണ്ട്
വല്‍സരമൊന്നാകും ചിങ്ങമാസം
ഉല്‍സവമാകും തിരുവോണത്തിന്
മാനുഷരെല്ലാരുമൊന്നു പോലെ
ഉല്ലാസത്തോടങ്ങനുഗ്രഹിച്ചു
ഉച്ചമലരിയും പിച്ചകപ്പൂവും
വാടാത്ത മല്ലിയും റോസാപ്പൂവും
ഇങ്ങനെയുളേളാരു പൂക്കളൊക്കെ
നങ്ങേലിയും കൊച്ചുപങ്കജാക്ഷീം
കൊച്ചുകല്യാണിയും എാെരുത്തി
ഇങ്ങനെ മൂന്നാലു പെണ്ണുങ്ങള്‍ കൂടി
അത്തപ്പൂവിട്ട് കുരവയിട്ടു
മാനുഷരെല്ലാരുമൊന്നുപ്പോലെ
മനസ്സു തെളിഞ്ഞങ്ങുല്ലസിച്ചു
Subscribe to കിളിചെപ്പ് by Email

ഓണക്കാലം

2011-08-27T19:42:00.001-07:00

ബാലപംക്തിയില്‍ കുട്ടേട്ടന്‍ എന്ന പേരില്‍ കുഞ്ഞുണ്ണി മാഷ് എഴുതിയ കുറിപ്പ്.

പ്രിയപ്പെട്ട കൂട്ടുകാരേ,

ഒരു കൂട്ടുകാരന്‍ കുട്ടേട്ടനെഴുതിയ എഴുത്തില്‍ ആശിച്ചതുപോലെ വഞ്ചി കര്‍ക്കടകക്കടവില്‍നിന്ന് കാറ്റിലും കോളിലും പെട്ട് കുറേയൊക്കെ നട്ടംതിരിഞ്ഞിട്ടാണെങ്കിലും മുങ്ങുകയോ മറിയുകയോ ചെയ്യാതെ ഒരു തരത്തില്‍ ചിങ്ങത്തുരുത്തിലെത്തിച്ചേര്‍ന്നു. ഇക്കൊല്ലത്തെ മഴക്കാലത്തിന് നീളവും വീതിയും കണക്കിലധികമുണ്ടായിരുന്നു, പെയ്ത മഴയിലൊക്കെ വെള്ളവും കൂടുതലായിരുന്നു, അല്ലേ കൂട്ടുകാരേ?

എങ്കിലും മഴയൊഴിഞ്ഞു കിട്ടിയ ഇത്തിരി സമയംകൊണ്ട് ഓണം ഓടിക്കിതച്ച് കൃത്യസമയത്തുതന്നെ എത്തിച്ചേര്‍ന്നല്ലോ. അതില്‍ സന്തോഷിക്കുക. മഴയിലൊഴുകിപ്പോയത് കഴിച്ച് ബാക്കിയായതു കൊണ്ടെല്ലാം നമുക്ക് ഓണത്തപ്പനെ സല്‍ക്കരിക്കാം. ഉള്ളതുകൊണ്ട് ഓണംപോലെ എന്ന പഴഞ്ചൊല്ല് ഇക്കൊല്ലം നമുക്കിങ്ങനെ മാറ്റിപ്പറയാം. 'ഉള്ളതുകൊണ്ടോണം' പോര, ഒന്നുകൂടി നന്നാക്കിപ്പറയാം: 'ഉള്ളതുകൊണ്ട് നല്ലോണം'.

പൂക്കളൊന്നും പതിവുപോലെ വേണ്ടത്രയില്ല എന്ന് ചില കൂട്ടുകാര്‍ കുട്ടേട്ടനോട് പരാതി പറയുകയുണ്ടായി. 'എന്തു ചെയ്യാം, തുമ്പയും മുക്കുറ്റിയുമൊക്കെ മുളച്ചുവളര്‍ന്ന് പൂക്കാനിട കിട്ടണ്ടേ? പോട്ടെ, സാരമില്ല, ഓണത്തിന് പൂവിടണമെന്നല്ലാതെ ഇത്ര പൂവിടണമെന്നില്ലല്ലോ. ഒരു പൂവെങ്കിലൊരു പൂവ്! ഒരായിരം പൂവെങ്കില്‍ ഒരായിരം പൂവ്! ഉള്ളതിട്ട് ഓണം കൊള്ളുക. നമുക്കൊരു കാര്യം ചെയ്യാം, പൂക്കള്‍ കുറഞ്ഞതിന് പൂവിളി കൂട്ടുക! ഓണത്തപ്പന്
പൂവെന്നപോലെ പൂപ്പാട്ടും പെരുത്തിഷ്ടമാണ്. അതിനാല്‍ പൂപ്പാട്ടു പാടല്‍ കേമമാക്കിക്കോളിന്‍.' കുട്ടേട്ടന്‍ ആ കൂട്ടുകാരെ സമാധാനിപ്പിച്ചതിങ്ങനെയാണ്.
പൂവ് കുറവാണെങ്കിലും പഴം കുറവാണെങ്കിലും ഇക്കൊല്ലത്തെ ഓണം കുട്ടേട്ടന് പതിവിലും കവിഞ്ഞ സന്തോഷം നല്‍കി.

എന്താണെന്നല്ലേ കാരണം. കൂട്ടുകാരുടെ ഒരു പറ നെല്ല്! ഓണത്തിനൊരുപറ നെല്ല്! അല്ല, ഒരുലക്ഷം പറ നെല്ല്. അതായിരുന്നുവല്ലോ കുറച്ചു മാസങ്ങളായി നമ്മുടെ കൂട്ടുകാരുടെ മുദ്രാവാക്യം. മുഴുവന്‍ സാധിച്ചിട്ടുണ്ടാവുമോ ഇല്ലയോ എന്ന ചോദ്യമില്ല. ഈ ആശയം തന്നെ കുട്ടേട്ടന് വലിയ ആശയ്ക്കു വക നല്‍കുന്നുണ്ട്. നല്ല ആശയങ്ങള്‍ ഇന്നല്ലെങ്കില്‍ നാളെയല്ലെങ്കില്‍ മറ്റെന്നാളെങ്കിലും പൂക്കാതിരിക്കില്ല, ഫലിക്കാതിരിക്കില്ല.

ഇക്കൊല്ലം തന്നെ നിങ്ങള്‍ കുറേയെല്ലാം ഉണ്ടാക്കിയല്ലോ. വരുന്ന കൊല്ലം കുറേക്കൂടിയുണ്ടാക്കാന്‍ കഴിയും. കാലേക്കൂട്ടി ഒരുങ്ങിയിറങ്ങണമെന്നു മാത്രം.
'വരുന്ന കൊല്ലത്തെ ഓണത്തിന് ഒരുപറ നെല്ലിന്റെ കൂടെ ഒരു കുല കായകൂടിയുണ്ട്; കുട്ടേട്ടാ, ഞങ്ങളുടെ വക' ചില കൂട്ടുകാര്‍ കുട്ടേട്ടനോട് പറയുകയുണ്ടായി. സാധിക്കും, നിങ്ങള്‍ക്കതു നിഷ്പ്രയാസം സാധിക്കും. കാരണം ഒരു പറ നെല്ലുണ്ടാക്കാനുള്ളത്ര വിഷമം ഒരു വാഴവെച്ച് കുല വെട്ടിയെടുക്കാനില്ല. സ്ഥലവും കുറച്ചു മതി. തൊടിയിലൊഴിവില്ലെങ്കില്‍ മുറ്റത്തും വെക്കാവുന്നതാണ് വാഴ. അതിനാല്‍ നിങ്ങളുടെ ഈ പുതിയ തീരുമാനം എളുപ്പത്തില്‍ നടപ്പില്‍ വരുത്താം. ഫലത്തിലെത്തിക്കാം.

ഓണം ആഘോഷിക്കാനുള്ളതാണ്, ആഹ്ലാദിക്കാനുള്ളതാണ്. ഓണാശംസകള്‍...!
- കുട്ടേട്ടന്‍
(മാതൃഭൂമി ആഴ്ചപ്പതിപ്പ്, 1968 സപ്തംബര്‍ 8)
Subscribe to കിളിചെപ്പ് by Email

തെക്കന്‍ സുഡാന്‍

2011-07-14T08:36:00.000-07:00

ലോക രാജ്യങ്ങള്‍ക്ക് ഒരു കുഞ്ഞനിയത്തി കൂടി പിറന്നിരിക്കുന്നു. തെക്കന്‍ സുഡാന്‍ . ഐക്യരാഷ്ട്ര സംഘടന അംഗീകരിച്ച രാജ്യങ്ങളുടെ പട്ടികയിലെ 193 ാമത്തെ രാജ്യവും ആഫ്രിക്കയിലെ 54 ാമത്തെ അംഗ രാജ്യവുമാണ് തെക്കന്‍ സുഡാന്‍ . പുതിയ തലസ്ഥാനമായ ജുബയില്‍ ആഘോഷങ്ങള്‍ ശനിയാഴ്ച വെളുക്കുവോളം നീണ്ടു. ഔദ്യോഗിക പ്രഖ്യാപനങ്ങള്‍ക്കൊന്നും കാത്തു നില്‍ക്കാതെ ജനങ്ങള്‍ ആഘോഷം തുടങ്ങി. തെരുവുളെല്ലാം രാത്രി മുഴുവന്‍ പുതിയ ദേശീയഗാനവും പാടി പുതിയ രാജ്യത്തിന്റെ വരവാഘോഷിച്ചു. തെക്കന്‍ സുഡാന്‍ നിലവില്‍ വന്നതായി വെള്ളിയാഴ്ച സുഡാന്റെ പ്രസിഡന്‍ഷ്യല്‍ അലയന്‍സ് മന്ത്രി ബക്രി ഹസന്‍ സലെയുടെ പ്രഖ്യാപനമുണ്ടായി. ഡ്രമ്മുകളും സംഗീതോപകരണങ്ങളുമായി തെരുവിലേക്കിറങ്ങിയ ജനങ്ങള്‍ക്കൊപ്പം നിയമപാലകരും പട്ടാളക്കാരും വരെ അണിചേര്‍ന്നു.പേപ്പര്‍കൊടികളും വിളക്കുകളുമായി അവര്‍ പുതിയ മണ്ണിന്റെ ഉദയം വിളംബരപ്പെടുത്തി. തെക്കന്‍സുഡാന്റെ രൂപീകരണത്തിനായി മണ്ണില്‍ ചോരചിന്തിവീണവരുടെ അപദാനങ്ങള്‍ വാഴ്ത്തി. വര്‍ഷങ്ങള്‍ നീണ്ട ആഭ്യന്തരയുദ്ധങ്ങള്‍ക്കും കലാപങ്ങള്‍ക്കുമൊടുവില്‍ ഒരു രാജ്യത്തിന്റെ കൂടി പതാക ഇനി സ്ഥാനം പിടിക്കും 1956 വരെ ബ്രിട്ടീഷ് ആധിപത്യത്തിന്റെയും ഈജിപ്തിന്റെയും നുകത്തിന്‍ കീഴിലായിരുന്നു സുഡാന്‍ .

സ്വതന്ത്രമായെങ്കിലും ആഭ്യന്തര കലാപത്തിലേക്കാണ് രാജ്യം നീങ്ങിയത്. ബ്രിട്ടീഷാധിപത്യത്തിന്റെ കെടുതികളില്‍നിന്നും സാങ്കേതികമായി മോചിരായെന്നതൊഴിച്ചാല്‍ കുഴപ്പങ്ങളും കലാപങ്ങളും എന്നും സുഡാനെ കലുഷിതമാക്കിയിരുന്നു. 1960 മുതലാണ് സുഡാനില്‍ ആഭ്യന്തരകുഴപ്പങ്ങള്‍ പൊട്ടിപ്പുറപ്പെട്ടത്. രക്ത രൂക്ഷിതമായിരുന്നു പിന്നീടിങ്ങോട്ടുള്ള നാള്‍വഴികള്‍ . 15 ലക്ഷത്തോളം പേര്‍ കൊല്ലപ്പെട്ടു. ഭരണനേതൃത്വത്തിനെതിരെ തിരിഞ്ഞ ജനങ്ങളില്‍ ഒരുവിഭാഗം തെരുവുകളിലേക്കിറങ്ങി.ആയിരങ്ങളാണ് തെരുവില്‍ മരിച്ചുവീണത്്. 2005 ല്‍ ഇപ്പോള്‍ പ്രസിഡന്റായി തെരഞ്ഞെടുക്കപ്പെട്ട സല്‍വ കിര്‍ മയാര്‍ഡിറ്റിന്റെ കീഴില്‍ സുഡാന്‍ പീപ്പിള്‍സ് ലിബറേഷന്‍ മൂവ്മെന്റ് ആദ്യം സമരവും പിന്നെ കലാപവുമാരംഭിച്ചു. 2005 ലെ ഉടമ്പടിപ്രകാരമാണിപ്പോള്‍ സുഡാന്‍ പുതിയ രാഷ്ട്രമായത്. 2011 ജനുവരിയില്‍ ഒപ്പിട്ട റഫറണ്ടത്തിലാണ് സൗത്ത് സുഡാനെന്ന പുതിയ രാജ്യത്തിനുള്ള തീരുമാനമായത്. ഹിതപരിശോധനയില്‍ ഭൂരിപക്ഷവും പുതിയ രാജ്യത്തിനനുകൂലമായി വിധിയെഴുതി. റിപ്പബ്ലിക് ഓഫ് സൗത്ത് സുഡാന്‍ എന്നാണ് മുഴുവന്‍ പേര്. ജുബായാണ് തലസ്ഥാനം. ഐക്യരാഷ്ട്രസഭയുടെ 2006ലെ കണക്കുപ്രകാരം 7.5-9.5 കോടി ജനസംഖ്യയുണ്ട്. 619,745 ചതുരശ്ര അടിയാണ് ഭൂവിസ്തൃതി. ഇംഗ്ലീഷും അറബിയുമാണ് ഔദ്യോഗികഭാഷകള്‍ . പരമ്പരാഗത ഗോത്രവര്‍ഗ്ഗങ്ങളും ക്രിസ്തുമതവുമാണ് പ്രധാനം.

എണ്ണയും പ്രകൃതിവാതകവും ഈ രാജ്യത്തിന്റെ പ്രധാന സമ്പത്താണ്. ലോകത്തെ അവികസിതരാജ്യങ്ങളിലൊന്നായ സൗത്ത് സുഡാനില്‍ 13 വയസിനു താഴെ വിദ്യാലയത്തില്‍പ്പോകുന്ന കുട്ടികള്‍ കുറവാണ്. 84 ശതമാനം സ്ത്രീകളും നിരക്ഷരര്‍ . ചതുപ്പുനിലവും പുല്‍ത്തകിടിയും നിറഞ്ഞ സൗത്ത് സുഡാന്റെ ഭൂവിഭാഗത്തില്‍ നിത്യഹരിത വനവും വൈറ്റ്നൈലിന്റെ സാന്നിധ്യവുമുണ്ട്. ചോര ചിന്തിയ നാള്‍വഴികളിലൂടെ കടന്നുവന്ന ഈ ജനതക്ക് എന്തും സഹിക്കാനുള്ള കരുത്തുണ്ട്. വെടിയൊച്ചകളും രക്തനദികളും ഇവരെ ഭയപ്പെടുത്തുന്നില്ല. ഇനിയും അസ്തമിച്ചിട്ടില്ലാത്ത ശുഭാപ്തിവിശ്വാസത്തിന്റെ കരുത്തില്‍ ഈ ആഫ്രിക്കന്‍ രാജ്യത്തിന്റെ സ്വപ്നങ്ങള്‍ ചിറകു വിരിക്കട്ടെ നമ്മുടെ ഈ കൊച്ചനിയത്തിയും....

State Symbols

Southern Sudan Flag:

Initially used by the Sudan People’s Liberation Movement/Army during the liberation struggle, the flag was adopted as the national flag of the new Republic of South Sudan by all political parties, the Government of Southern Sudan cabinet and the Southern Sudan Legislative Assembly.

The flag’s colours symbolize the following:

Red: Blood that was shed by the liberation struggle martyrs.
White: Peace attained after many years of the liberation struggle.
Blue: Waters of the Nile River, a source of life for the country.
Green: The countries natural resources.
Black: Black African skin.
Yellow: Star guiding the country and its citizens.

Coat of Arms:

The prominent feature of the coat of arms is the African fish eagle (Haliaeetus vocifer), which is common in most areas of South Sudan. It symbolizes vision, strength, resilience and majesty. The eagle is leaning against a traditional shield and crossed spear and spade which symbolize the people’s resolve to protect the sovereignty of their republic and work hard to feed it.

National Anthem:

In August 2010, South Sudanese were invited to compose a national anthem. After three rounds of competition, the University of Juba students won with their lyrics titled South Sudan Oyee (Hurray). A technical committee rearranged the original lyrics, which were then adopted as the official national anthem. The first stanza expresses gratitude for the abundant natural resources the country is endowed with, the second celebrates peace that the country now enjoys, while the third epitomizes the struggle of South Sudanese.

Oh God
We praise and glorify you
For your grace on South Sudan,
Land of great abundance
Uphold us united in peace and harmony.

Oh motherland
We rise raising flag with the guiding star
And sing songs of freedom with joy,
For justice, liberty and prosperity
Shall forever more reign.

Oh great patriots
Let us stand up in silence and respect,
Saluting our martyrs whose blood
Cemented our national foundation,
We vow to protect our nation

Oh God bless South Sudan.

Subscribe to കിളിചെപ്പ് by Email

ലോകജനസംഖ്യാദിനം

2011-07-10T19:45:00.000-07:00

1989 മുതലാണ് ജൂലൈ 11 ലോകജനസംഖ്യാദിനമായി ആചരിച്ചുവരുന്നത്. 1987 ജൂലായ് 11നാണ് ലോക ജനസംഖ്യ 500കോടി തികഞ്ഞത്. ഐക്യരാഷ്ട്ര സംഘടനയുടെ കീഴിലുള്ള യുനൈറ്റഡ് നേഷന്‍സ് ഡവലപ്പ്മെന്റ് പ്രോഗ്രാമിന്റെ ആഭിമുഖ്യത്തിലാണ് ഈ ദിവസം ജനസംഖ്യാദിനമായി ആചരിക്കുന്നത്. ജനസംഖ്യാ വര്‍ദ്ധനവ് സൃഷ്ടിക്കുന്ന പ്രശ്നങ്ങളെക്കുറിച്ച് ജനങ്ങളെ ബോധവല്‍ക്കരിക്കുകയാണ് ദിനാചരണത്തിന്റെ ലക്ഷ്യം.

ജനക്കണക്ക് തുടങ്ങിയത്

പുരാതന കാലം മുതല്‍ ജനങ്ങളുടെ എണ്ണം സംബന്ധിച്ച കണക്കെടുപ്പ് നടന്നിരുന്നതായി കരുതുന്നു. രാജ്യങ്ങള്‍ തമ്മില്‍ യുദ്ധത്തില്‍ ഏര്‍പ്പെട്ടിരുന്ന പ്രാചീനകാലത്ത് പട്ടാളത്തില്‍ ചേര്‍ക്കാന്‍ പറ്റിയവരുടെ കണക്ക് ഭരണാധികാരികള്‍ക്ക് ആവശ്യമായിരുന്നു. സമൂഹത്തിന്റെ ക്ഷേമം, ജനസംഖ്യ എന്നിവ തമ്മിലുള്ള ബന്ധത്തെക്കുറിച്ച് ചൈനീസ് തത്വചിന്തകനായ കണ്‍ഫ്യൂഷ്യസ് തന്റെ കൃതികളില്‍ പരാമര്‍ശിച്ചിട്ടുണ്ട്. റോബര്‍ട്ട് മാല്‍ത്തസ് ജനസംഖ്യാപഠനങ്ങളുടെ പിതാവായി കരുതപ്പെടുന്നു. 1798ല്‍ "പ്രിന്‍സിപ്പിള്‍സ് ഓഫ് പോപ്പുലേഷന്‍" എന്ന പുസ്തകം അദ്ദേഹത്തെ പ്രശസ്തനാക്കി. 19ാം നൂറ്റാണ്ട് ആയപ്പോയേക്കും പല രാജ്യങ്ങളും ജനസംഖ്യ കണക്കെടുപ്പും ജനനമരണ രജിസ്ട്രേഷനും ആരംഭിച്ചു. ഡെമോഗ്രാഫി (ജനസംഖ്യാ ശാസ്ത്രം) ഒരു ശാസ്ത്രശാഖയായി വളര്‍ന്നു. 1927ല്‍ ജനീവയില്‍ ആദ്യ ലോക ജനസംഖ്യാ സമ്മേളനം നടന്നു. ആധുനിക രീതിയിലുള്ള കാനേഷുമാരി (സെന്‍സസ്) ആദ്യം നടന്നത് 18ാം നൂറ്റാണ്ടില്‍ . സ്വീഡന്‍ (1749), അമേരിക്ക (1790), ഇംഗ്ലണ്ട് (1801) എന്നീ രാജ്യങ്ങളാണ് ആദ്യം തുടങ്ങിയത്.

കാനേഷുമാരി എന്നാല്‍

പേര്‍ഷ്യന്‍ ഭാഷയില്‍ നിന്നാണ് "കാനേഷുമാരി" എന്ന വാക്ക് ഉണ്ടായത്. "വീട്ടുനമ്പര്‍" എന്നു മാത്രമാണ് ഇതിന്റെ അര്‍ത്ഥം. പേര്‍ഷ്യന്‍ ഭാഷയില്‍ "ഖനേ"(സവമിലവ) എന്നാല്‍ "വീട"് എന്നര്‍ത്ഥം. "ഷൊമാരേ" (വെീാമൃലവ)എന്നാല്‍ "എണ്ണം" എന്നും. ഈ രണ്ടു പദങ്ങളും യോജിച്ചാണ് കാനേഷുമാരി ഉണ്ടായത്. ജനസംഖ്യാ കണക്കെടുപ്പിന് മുന്നോടിയായി വീടുകള്‍ക്ക് നമ്പറിടുന്ന പതിവില്‍ നിന്നാകാം ഈ വാക്ക് സെന്‍സസിന്റെ മറ്റൊരു പേരായി മാറിയത്. ഒരു രാജ്യത്തെയോ പ്രദേശത്തെയോ എല്ലാവരില്‍ നിന്നും അവരെക്കുറിച്ചുള്ള വിവരങ്ങള്‍ ഒരേ സമയം ശേഖരിക്കുന്നു എന്നതാണ് കാനേഷുമാരിയുടെ പ്രത്യേകത.

2025ല്‍ ഇന്ത്യ ഒന്നാമതെത്തും.................

ലോകത്ത് ഏറ്റവും കൂടുതല്‍ ജനസംഖ്യയുള്ള രാജ്യം എന്ന സ്ഥാനം 2025-ഓടെ ഇന്ത്യക്ക് ലഭിക്കും. 2050 പിറക്കുമ്പോള്‍ ലോക ജനസംഖ്യ 940 കോടിയോടടുക്കും. 42.3 കോടി ജനങ്ങളുമായി അമേരിക്ക മൂന്നാം സ്ഥാനത്തു തന്നെയായിരിക്കും. അമേരിക്കന്‍ സെന്‍സസ് ബ്യൂറോയാണ് പുതിയ കണക്കുകള്‍ മുന്നോട്ടുവച്ചത്. 134 കോടി ജനങ്ങളുള്ള ചൈനയാണ് ജനസംഖ്യയില്‍ ഇപ്പോള്‍ ഒന്നാംസ്ഥാനത്ത്. ചൈനയുടെ ജനസംഖ്യ കാര്യമായ മാറ്റമില്ലാതെ തുടര്‍ന്നേക്കും. ജപ്പാനും റഷ്യയും നിലവിലുള്ള ഒമ്പത്, പത്ത് സ്ഥാനങ്ങളില്‍നിന്ന് 16, 17 സ്ഥാനങ്ങളിലേക്ക് പിന്തള്ളപ്പെടുമെന്നും പഠനത്തില്‍ പറയുന്നു. ഏറ്റവും കൂടുതല്‍ ജനസംഖ്യാ വര്‍ധനയുണ്ടാവുക നൈജീരിയയിലും എത്യോപ്യയിലുമായിരിക്കും. ഇപ്പോള്‍ 16.6 കോടി പേരുള്ള നൈജീരിയയില്‍ 40.2 കോടിയായിരിക്കും അന്ന് ജനസംഖ്യ. എത്യോപ്യയുടേത് 9.1ല്‍നിന്ന് 27.8 കോടിയുമാകും. 228 രാജ്യങ്ങളിലെ കണക്കുകള്‍ അടിസ്ഥാനമാക്കിയാണ് പഠനം നടത്തിയത്.

സെന്‍സസ് ഇന്ത്യയില്‍

ഇന്ത്യയില്‍ ബ്രിട്ടീഷ് ഭരണത്തിന്റെ ആദ്യകാലത്തുതന്നെ ജനങ്ങളുടെ എണ്ണം തിട്ടപ്പെടുത്താന്‍ ചില പ്രദേശങ്ങളില്‍ ശ്രമം ആരംഭിച്ചിരുന്നു. ചോദ്യാവലിയും പട്ടികയും ഉപയോഗിച്ച് നടന്ന ആദ്യ സെന്‍സസ് 1872ല്‍ ആയിരുന്നു. ഇത് എല്ലായിടത്തും നടന്നില്ല. ഇന്ത്യയൊട്ടാകെ ഒരേ അടിസ്ഥാനത്തില്‍ സെന്‍സസ് നടന്നത് 1881ലാണ്. ഇന്ത്യയില്‍ ഇതുവരെ 15 സെന്‍സസ് നടന്നു. സ്വതന്ത്ര്യ ഇന്ത്യയിലെ ഏഴാമത്തെ സെന്‍സസാണ് 2011-ല്‍ നടന്നത്. 1951-ലായിരുന്നു ആദ്യ സെന്‍സസ്. പത്ത് വര്‍ഷത്തിലൊരിക്കല്‍ സെന്‍സസ്.

2011-ലെ സെന്‍സസ്

എല്ലാവീടുകളും ഉദ്യോഗസ്ഥര്‍ നേരിട്ട് സന്ദര്‍ശിച്ചാണ് സെന്‍സസ് നടത്തുന്നത്. രജിസ്ട്രാര്‍ ജനറലിന്റെയും സെന്‍സസ് കമ്മീഷണറുടെയും ഓഫീസുകളാണ് ഇന്ത്യയില്‍ സെന്‍സസ് നടത്തിപ്പിന്റെ ചുമതലക്കാര്‍ . രണ്ട് ഘട്ടങ്ങളിലായാണ് ഇത്തവണ സെന്‍സസ് നടന്നത്. ആദ്യഘട്ടത്തില്‍ വീടുകള്‍ സംബന്ധിച്ച വിവരങ്ങളും പിന്നെ ജനസംഖ്യാവിവരങ്ങളും ശേഖരിച്ചു.

ഇനി പുതിയ കണക്കുകള്‍

2011 മാര്‍ച്ച് ഒന്നിലെ കണക്ക് പ്രകാരം ഇന്ത്യയിലെ ജനസംഖ്യ 1,21,01,93,422 (ഏതാണ്ട് 121 കോടി രണ്ട് ലക്ഷം). 2001നേക്കാള്‍ 181 മില്യണ്‍ കൂടുതലാണ് ഇത്. ജനസംഖ്യയില്‍ അഞ്ചാംസ്ഥാനത്ത് നില്‍ക്കുന്ന ബ്രസീലിനെക്കാള്‍ അല്‍പം കുറവ്. ഭൂവിസ്തൃതിയുടെ 2.42 ശതമാനം മാത്രമുള്ള ഇന്ത്യയില്‍ ലോക ജനസംഖ്യയുടെ 17.5 ശതമാനവും വസിക്കുന്നു. ലോകത്തെ ആറുപേരില്‍ ഒരാള്‍ ഇന്ത്യക്കാരന്‍ . ലോകത്ത് ജനസംഖ്യയില്‍ രണ്ടാംസ്ഥാനത്താണ് ഇന്ത്യ. ചൈനയാണ് മുന്നില്‍ . കഴിഞ്ഞ പത്ത് വര്‍ഷത്തിനുള്ളില്‍ നമ്മുടെ ജനസംഖ്യ 17.64 ശതമാനം ഉയര്‍ന്നപ്പോള്‍ ചൈനയില്‍ വര്‍ദ്ധനവ് 5.43 ശതമാനം മാത്രം.

ഉത്തര്‍പ്രദേശ് മുന്നില്‍

20 കോടി ജനങ്ങളുള്ള ഉത്തര്‍പ്രദേശാണ് ജനസംഖ്യയില്‍ മുന്നിലുള്ള സംസ്ഥാനം. രണ്ടാംസ്ഥാനത്ത് മഹാരാഷ്ട്രയാണ്. സിക്കിമിലാണ് ഏറ്റവും കുറവ് ജനസംഖ്യ. കേന്ദ്രഭരണ പ്രദേശങ്ങളില്‍ മുമ്പില്‍ ഡല്‍ഹിയും പിന്നില്‍ ലക്ഷദ്വീപുമാണ്.

സാക്ഷരതയില്‍ വീണ്ടും കേരളം

ഇന്ത്യയിലെ സാക്ഷരതാ നിരക്ക് 74.04 ശതമാനം ഉയര്‍ന്നു. 2001-ല്‍ ഇത് 64.83 ആയിരുന്നു. പുരുഷ സാക്ഷരത 75.26-ല്‍ നിന്നും 82.14 ആയും സ്ത്രീ സാക്ഷരത 53.67-ല്‍ നിന്ന് 65.46 ആയും ഉയര്‍ന്നിട്ടുണ്ട്. കേരള(93.91)മാണ് സാക്ഷരതയില്‍ മുന്നില്‍ . ലക്ഷദ്വീപ് (92.28), മിസോറം (91.58) എന്നിവ തൊട്ടുപിറകെ. ബിഹാര്‍ (63.82), അരുണാചല്‍ പ്രദേശ് (66.95), രാജസ്ഥാന്‍ (67.06) എന്നിവ പിറകിലാണ്.

സ്ത്രീപുരുഷ അനുപാതം

2001ല്‍ ആയിരം പുരുഷന്മാര്‍ക്ക് 933 സ്ത്രീകള്‍ എന്നത് 2011ല്‍ 940 ആയി ഉയര്‍ന്നു. ലോകത്ത് ആകെ 1000 പുരുഷന്മാര്‍ക്ക് 984 സ്ത്രീകളാണ്. കേരളത്തിലും പോണ്ടിച്ചേരിയിലും മാത്രമാണ് സ്ത്രീകളുടെ എണ്ണം പുരുഷന്മാരേക്കാള്‍ മുന്നില്‍ .

സ്ത്രീ പുരുഷ അനുപാതം

കേരളത്തിലെ എല്ലാ ജില്ലകളിലും പുരുഷന്മാരുടെ എണ്ണത്തേക്കാള്‍ കൂടുതല്‍ സ്ത്രീകളാണ്. തൃശൂര്‍ (1109), കണ്ണൂര്‍ (1133), ആലപ്പുഴ (1100), പത്തനംതിട്ട (1129), കൊല്ലം (1113) എന്നീ ജില്ലകളാണ് മികച്ച സ്ത്രീപുരുഷ അനുപാതം ദൃശ്യമാകുന്നവ. ഇന്ത്യയിലെ മികച്ച സ്ത്രീ പുരുഷ അനുപാതമുള്ള സംസ്ഥാനം (1084) ഈ സെന്‍സസിലും കേരളം തന്നെ.

ജനസാന്ദ്രത

2001ല്‍ കേരളത്തിലെ ജനസാന്ദ്രത 819 ആയിരുന്നുവെങ്കില്‍ 2011ല്‍ അത് 859ആയി. ജനസാന്ദ്രതയില്‍ തിരുവനന്തപുരം മുന്നിലെത്തി. (1509) ആലപ്പുഴയായിരുന്നു 2001ല്‍ . ആലപ്പുഴയുടേത് ഇപ്പോള്‍ 1501ആണ്. ഏറ്റവും കുറവ് ഇടുക്കിയിലും (254).

സാക്ഷരത

സാക്ഷരതയില്‍ കേരളത്തിനാണ് ഇത്തവണയും ഒന്നാംസ്ഥാനം (93.91). കേരളത്തിലെ മൂന്നുജില്ലകള്‍ 96 ശതമാനത്തിന് മുകളില്‍ സാക്ഷരതാ നിരക്കുള്ളവയാണ്. പത്തനംതിട്ട (96.93), കോട്ടയം (96.40), ആലപ്പുഴ (96.26) എന്നിവയാണ് അവ. കാസര്‍കോട് (89.85), വയനാട് (89.31), പാലക്കാട് (88.49) എന്നിവയാണ് പിന്നില്‍

Subscribe to കിളിചെപ്പ് by Email

അമ്മ അറിയാന്‍

2011-07-10T19:20:00.000-07:00

കുട്ടികളെ പുത്തന്‍ ഉടുപ്പ് ധരിപ്പിച്ച് ബാഗും കുടയുമൊക്കെയായി സ്കൂളിലേക്ക് അയച്ചുകഴിഞ്ഞാല്‍ തങ്ങളടെ ഉത്തരവാദിത്തം പൂര്‍ത്തിയായെന്ന് വിശ്വസിക്കുന്ന അമ്മമാരാണ് നമുക്കിടയില്‍ കൂടുതലും. മക്കളെ പഠന കാര്യത്തില്‍ സഹായിക്കുന്നവര്‍ ചുരുക്കമെന്നര്‍ഥം. ചിലര്‍ നിര്‍ബന്ധപൂര്‍വം അവരുടെ പഠന കാലത്തെ ഓര്‍മ്മവെച്ച് അക്ഷരങ്ങളും വാക്കുകളും കുട്ടികളെ കാണാതെ പഠിപ്പിച്ചെന്നിരിക്കും. മറ്റുചിലരാവട്ടെ അധ്യാപകര്‍ ക്ലാസില്‍ നല്‍കിയ ഹോംവര്‍ക്കുകള്‍ ചെയ്തുകൊടുക്കാനും ശ്രമിക്കുന്നു. ഇത്രയും ചെയ്താല്‍ മതിയോ അമ്മമാര്‍ . മാറിയ പാഠ്യപദ്ധതിയില്‍ രക്ഷിതാക്കള്‍ക്ക് കുട്ടികളുടെ പഠനത്തില്‍ സവിശേഷ സ്ഥാനമുണ്ട്. പാഠപുസ്തകം, പരിസരനിരീക്ഷണം, അധ്യാപകര്‍ , സുഹൃദ്ബന്ധങ്ങള്‍ തുടങ്ങിയവയില്‍നിന്ന് അവര്‍ക്കാവശ്യമായ വിവരശേഖരണം കുട്ടി തയ്യാറാക്കിയെടുക്കുന്നു. രക്ഷിതാക്കള്‍ക്കും ഈ ശ്രേണിയില്‍ വലിയ പങ്ക് വഹിക്കാനുണ്ട്. നല്ല അനുഭവങ്ങള്‍ കുട്ടിക്ക് നല്‍കിയാല്‍ നല്ലൊരു മിടുക്കിയെ നമുക്ക് ലഭിക്കും. അതിന് നമ്മുടെ അമ്മമാര്‍ക്ക് എന്തെല്ലാം ചെയ്യാനാവും.

അടുക്കള ഒരു പരീക്ഷണശാല

വീട്ടില്‍ ഏറ്റവും പ്രധാനമായ ഒരിടം ഏതെന്ന് അറിയാമോ? അടുക്കളതന്നെ. അടുക്കള വൃത്തിയായി സൂക്ഷിക്കുന്ന വീട് വൃത്തിയും വെടിപ്പുമുള്ളതായിരിക്കും. അടുക്കുള്ള അളയാണ് അടുക്കള. ഇവിടെ സാധനങ്ങള്‍ അടുക്കും ചിട്ടയോടും കൂടി ഒതുക്കിവെച്ചിരിക്കും. അടുക്കളയില്‍ ഭക്ഷണം പാകം ചെയ്യുമ്പോള്‍ അനേകം പരീക്ഷണങ്ങള്‍ക്ക് നാം സാക്ഷിയാകുന്നു. ഇത് കുട്ടികള്‍ക്ക് പകര്‍ന്നുകൊടുക്കണം. എന്തുകൊണ്ടാണ് അടുക്കളയിലെ പാത്രങ്ങളൊക്കെ വൃത്താകൃതിയില്‍ നിര്‍മ്മിച്ചിരിക്കുന്നത്? വീട്ടുമുറ്റത്തെ കിണറിന്റെ ആകൃതി നിരീക്ഷിക്കൂ. മണ്ണെണ്ണ, വെളിച്ചെണ്ണ, ജലം തുടങ്ങിയ ദ്രാവകങ്ങളുടെ വ്യത്യസ്ത രൂപത്തിലുള്ളവ അടുക്കളയില്‍ ലഭിക്കും. ഇവ മൂന്നും അല്‍പ്പാല്‍പ്പം ഒരു കുപ്പിയില്‍ ഒന്നിച്ചെടുത്ത് കുലുക്കി നോക്കൂ. ഏറ്റവും അടിഭാഗത്ത് കാണുന്നത് ഏത്? നിരീക്ഷിക്കാന്‍ കുട്ടിക്ക് അവസരം നല്‍കുക. ദ്രാവകങ്ങളുടെ സാന്ദ്രത മനസ്സിലാക്കാനുള്ള പരീക്ഷണമാണിത്. രാസമാറ്റവും ഭൗതികമാറ്റവും അടുക്കളയില്‍ നിരീക്ഷിക്കാമോ? അല്‍പം മരപ്പുളി എടുത്ത് പച്ചവെള്ളത്തില്‍ തിരുമ്മിച്ചേര്‍ത്താല്‍ ടാര്‍ടാറിക് ആസിഡ് റെഡി. അബദ്ധത്തില്‍ അത് തറയിലെ മാര്‍ബിളില്‍ തൂവിപ്പോയാല്‍ അവിടെ ഒരു അടയാളം കാണാം. ആസിഡും ശിലയും അവിടെ രാസപ്രവര്‍ത്തനത്തില്‍ ഏര്‍പ്പെട്ടുവെന്ന് നമുക്ക് മനസ്സിലാക്കാം. അരി തിളച്ച് ചോറായി മാറുന്നതും വെള്ളം തിളച്ച് നീരാവിയാവുന്നതും ഭൗതിക മാറ്റമാണ്. അല്‍പ്പം ജലത്തില്‍ പഞ്ചസാര, ഉപ്പ് എന്നിവ ലയിപ്പിക്കാന്‍ ശ്രമിക്കൂ. അതുപോലെ തക്കാളി, സവാള എന്നിവയും ലയിപ്പിക്കൂ. വെള്ളത്തില്‍ ലയിക്കുന്നവ, ലയിക്കാത്തവ എന്നിവ കുട്ടിക്ക് തിരിച്ചറിയാന്‍ അവസരം ലഭിക്കും.

ഗണിതത്തിലും മുന്നേറാം

ഗണിതത്തില്‍ നമ്മുടെ മക്കള്‍ പിറകിലാണോ? അടുക്കള ഉപകരണങ്ങള്‍ നിരീക്ഷിച്ചതുപോലെ വീട്ടിലെ മുറികളും മേശയും കട്ടിലും നിരീക്ഷിക്കൂ. സമചതുരം, ദീര്‍ഘചതുരം, ചതുരം എന്നീ ഗണിതരൂപങ്ങള്‍ തിരിച്ചറിയാന്‍ കുട്ടിക്ക് സാധിക്കും. പലവ്യഞ്ജനങ്ങളുടെ പാക്കറ്റുകള്‍ കുട്ടികള്‍ക്ക് നല്‍കി അതിന്റെ അളവ്, തൂക്കം തുടങ്ങിയവ ഊഹിച്ച് പറയിക്കാന്‍ ശ്രമിക്കൂ. ധാന്യപാത്രങ്ങള്‍ കുട്ടിക്ക് നിരീക്ഷിക്കാന്‍ നല്‍കുക. ധാന്യങ്ങളുടെ ആകൃതി, നിറം ഇവ തിരിച്ചറിയാന്‍ അവസരം ലഭിക്കുന്നു. മണത്തുനോക്കി സാധനം തിരിച്ചറിയാന്‍ സാധിക്കുമോ എന്നു പരീക്ഷിക്കാം. കടല, ചെറുപയര്‍ , വന്‍പയര്‍ , മുതിര തുടങ്ങിയവ കുറച്ചെടുത്ത് ഒരു പാത്രത്തിലിട്ട് കുട്ടിക്ക് നല്‍കുക. ഓരോന്നും വേര്‍തിരിച്ച് എടുക്കാന്‍ പറയുക. കുറച്ചകാലം ഇത് ആവര്‍ത്തിച്ചാല്‍ കുട്ടിക്ക് കൈ ഒതുക്കം ലഭിക്കുകയും വടിവൊത്ത കൈയക്ഷരം രൂപപ്പെടാന്‍ സഹായിക്കുകയും ചെയ്യും.

മാധ്യമങ്ങളെ ഉപയോഗപ്പെടുത്തുക

പത്രമാധ്യമങ്ങളിലെ വിദ്യാഭ്യാസ പതിപ്പുകള്‍ ശേഖരിച്ച് അവയിലെ വിവരങ്ങള്‍ കുട്ടികള്‍ക്ക് ആവശ്യമുള്ള ഇടങ്ങളില്‍ നല്‍കാന്‍ ശ്രദ്ധിക്കണം. ടിവി പരിപാടികള്‍ കുട്ടികളുടെ പഠനപ്രവര്‍ത്തനങ്ങളെ സഹായിക്കുന്നതാണോ എന്ന് ആലോചിക്കണം. വിദ്യാഭ്യാസ പരിപാടികള്‍ സംപ്രേക്ഷണം ചെയ്യുന്ന വിക്ടേഴ്സ് ചാനല്‍ കാണാന്‍ കുട്ടികളെ നിങ്ങള്‍ ഉപദേശിക്കാറുണ്ടോ? സ്കൂള്‍ പിടിഎ യോഗങ്ങളില്‍ സജീവമായി പങ്കെടുക്കുക. കുട്ടിയുടെ പഠനപുരോഗതി അധ്യാപികയുമായി ചര്‍ച്ചചെയ്യുകയുമാവാം.

പഠിക്കാൊരിടം

വീട്ടില്‍ എവിടെയായാലും പഠിക്കാന്‍ ഒരു സ്ഥലം കുട്ടികള്‍ക്ക് ഒരുക്കണം. പാഠപുസ്തകങ്ങളും ബാഗും ഭംഗിയായി ഒതുക്കിവെക്കാൊരിടം. ഇരുന്ന് പഠിക്കാന്‍ മേശയും കസേരയും. മേശയ്ക്ക് ചുറ്റും ചുമരില്‍ കലണ്ടര്‍ , ലാമിറ്റേ് ചെയ്ത കേരളം, ഇന്ത്യ, ലോകം എന്നിവയുടെ മാപ്പ്, ചിത്രചാര്‍ട്ടുകള്‍ എന്നിവ തൂക്കിയിടാം. എല്‍പിയില്‍ പഠിക്കുന്ന കുട്ടികളാണെങ്കില്‍ അഞ്ച്, പത്ത് എന്നിങ്ങെ ശ്ചിത അളവില്‍ മുറിച്ച് തയ്യാറാക്കിയ ഈര്‍ക്കില്‍ കെട്ടും സൂക്ഷിക്കാം. ഗണിത പഠത്തി് ഇത് സഹായിക്കും. ഒരു പരീക്ഷണ കിറ്റും ല്‍കാം. മഞ്ചാടിക്കുരു, മെഴുകുതിരി, തീപ്പെട്ടി, വളക്കഷണങ്ങള്‍ , ാണയങ്ങള്‍ , പെന്‍സില്‍ , ക്രയോണ്‍സ് തുടങ്ങിയവയൊക്കെ ഈ കിറ്റില്‍ സൂക്ഷിക്കാം

Subscribe to കിളിചെപ്പ് by Email

ഇലയാണോ ചെടിയാണോ ആദ്യമുണ്ടായത്?

2011-07-09T20:05:00.001-07:00

ചെടി തന്നെ. ഭുമിയില്‍ ചെടി ഉണ്ടായിട്ടു ആദ്യത്തെ നാലുകോടി വര്‍ഷത്തോളം കരചെടികള്‍ക്ക് ഇലകളെ ഉണ്ടായിരുന്നില്ല. വെറും പച്ച തണ്ടും ചെറിയ മുള്ള് രൂപത്തിലുള്ള പൊടിപ്പുകളും മാത്രം.അന്നത്തെ ഭുമിയുടെ അന്തരീക്ഷത്തിലെ CO2 അളവില്‍ വന്ന മാറ്റമാണ് ചെടികളില്‍ ഇലകള്‍ പരിണംമിച്ചുണ്ടകാന്‍ കാരണമായതെന്ന് ഷഫീല്‍ഡ് സര്‍വകലാശാല [യു.കെ] ഡേവിഡ് ബിയര്‍ലിംഗ് കണ്ടെത്തിയിട്ടുണ്ട്.

CO2 അളവ് കുറഞ്ഞു ചെടികളില്‍ ഇലകളുണ്ടാവാന്‍ എങ്ങനെ കാരണമായി?

ചെടികളില്‍ വാതക വിനിമയത്തിന് സഹായിക്കുന്ന സുക്ഷ്മരണ്ട്രങ്ങള്‍ അയ സ്റൊമാട്ടയുടെ എന്നാവും അന്തരീക്ഷത്തിലെ CO2 അളവുമായി നേരിട്ട് ബന്ധമുണ്ട്. ചുടില്‍ ജല ബഷ്പികരണത്തിലുടെ ചെടിയെ ഉണക്കിക്കരിയാതെ നോക്കുന്നതും ഈ സുക്ഷ്മരണ്ദ്രങ്ങളാണ്.

ആദ്യകാല ചെടികളില്‍ വളരെക്കുറച്ച് സ്റൊമ്മട്ടകളെ ഉണ്ടായിരുന്നുള്ളു. അന്തരീക്ഷത്തിലെ CO2 അളവ് കുറഞ്ഞപ്പോള്‍ പ്രകാശസംസ്ലെക്ഷണ പ്രക്രിയക്കായി ചെടികളില്‍ കുടുതല്‍ സ്റൊമ്മട്ടകള്‍ ഉണ്ട്ക്കേണ്ടി വന്നു.കുടുതല്‍ വാതകത്തെ ആഗിരണം ചെയ്യുവാനും നേരിട്ട് സുര്യ പ്രകാശം പതിക്കുംബോഴാത്തെ ചുടില്‍ ഉണങ്ങുന്നതു ജല ബാക്ഷ്പികരനതിലുടെ തടയാനും കഴിയും.പച്ച തണ്ട് ചെടികള്‍ കുടുതല്‍ ശാഘകളോടെ വളരാനും ചില്ലകള്‍ കൊണ്ട് പോതിയനും തുടങ്ങി.പിന്നെ കുഉര്‍ത്തു മുള്ളിലകളായി. അതില്‍ നിന്നും പരിണമിച്ച് ഉണ്ടായതാണ് ഇന്നത്തെ ഇലകള്‍.

കടപ്പാട് : നേച്ചര്‍ മാസിക

മുത്തങ്ങ മുറിക്കാതെ കുരു എടുത്തപ്പോള്‍

2011-07-09T19:19:00.000-07:00

ആലപ്പുഴ ജില്ലയിലെ ചേര്‍ത്തല താലൂക്ക് മൂന്ന് നൂറ്റാണ്ടുമുമ്പ് അറിയപ്പെട്ടിരിന്നത് "കരപ്പുറം" എന്നായിരുന്നു. 72 മാടമ്പിമാരുടെ ഭരണത്തിന്‍ കീഴിലായിരുന്നു. അക്കാലത്ത് കരപ്പുറം. മാടമ്പിമാരില്‍ ഒരാള്‍ ക്രിസ്ത്യാനിയും ബാക്കിയുള്ളവര്‍ നായന്മാരുമായിരുന്നു. 1718-ല്‍ കരപ്പുറം കൊച്ചിരാജാവ് കീഴടക്കി. 1754-ല്‍ പുറക്കാട്ടു യുദ്ധത്തെ തുടര്‍ന്ന് കരപ്പുറം മാര്‍ത്താണ്ഡവര്‍മ്മ പിടിച്ചടക്കി തിരുവിതാംകൂറിനോട് ചേര്‍ത്തു. ഡച്ചുകാര്‍ "മുട്ടം" എന്നാണ് കരപ്പുറത്തെ വിളിച്ചത്. കീഴടക്കിയ പ്രദേശം കാണാന്‍ മാര്‍ത്താണ്ഡവര്‍മ്മ ഒരിക്കല്‍ കരപ്പുറത്ത് എത്തി. രാമയ്യന്‍ ദളവയും ഒപ്പമുണ്ട്. തുടര്‍ച്ചയായ യുദ്ധങ്ങള്‍ മൂലം തിരുവിതാംകൂര്‍ ഖജനാവ് ശോഷിച്ചിരുന്നു. കരപ്പുറത്തെ ശരിക്കും നിരീക്ഷിച്ചശേഷം മഹാരാജാവ് ചോദിച്ചു: "രാമയ്യന്‍ , മത്തങ്ങ മുറിക്കാതെ കുരു എടുക്കാന്‍ കഴിയുമോ?" മഹാരാജാവ് മനസ്സില്‍ കണ്ടതെന്തെന്ന് ബുദ്ധിമാനായ ദളവക്ക് പെട്ടെന്ന് മനസ്സിലായി. രാമയ്യന്‍ പറഞ്ഞു: "അടിയന്‍ ശ്രമിച്ചു നോക്കാം." തന്ത്രശാലിയായ ദളവ പിറ്റേന്ന് തന്നെ കരപ്പുറത്തെ നായര്‍ പ്രമാണിമാരെ ചെന്നുകണ്ടു. എന്നിട്ട് ഓരോരുത്തരോടായി ഇപ്രകാരം പറഞ്ഞു. "അറിഞ്ഞില്ലേ, മഹാരാജാവ് നേരിട്ട് നിങ്ങളുടെയടുത്തേക്ക് എഴുന്നള്ളിയിരിക്കുകയല്ലേ. അദ്ദേഹത്തെ ഉചിതമായി മുഖം കാണിച്ച് ബഹുമതികള്‍ നേടിയെടുക്കാന്‍ ഇനി വേറൊരു സന്ദര്‍ഭം കിട്ടുമോ? പൊന്നും പണവുമൊക്കെ വരും പോവും. അതുപോലെയാണോ സ്ഥാനമാനങ്ങള്‍ ...? ചത്തുമണ്ണടിഞ്ഞാലും അവ പരമ്പരാഗതമായി നിലനില്‍ക്കില്ലേ.? രാമയ്യന്റെ കൗശലം ഫലിച്ചു. അടുത്തദിവസം മുതല്‍ പ്രമാണിമാര്‍ ഓരോരുത്തരായി പൊന്നും പണവും മറ്റു കാഴ്ച വസ്തുക്കളുമായി മഹാരാജാവിനെ മുഖം കാട്ടാനെത്തി. വന്നവര്‍ക്കെല്ലാം മഹാരാജാവില്‍നിന്ന് പ്രത്യേകം ബഹുമതികളും നല്‍കപ്പെട്ടു. അങ്ങനെ കരപ്പുറത്ത് പുതിയ പ്രമാണിമാര്‍ ഉദയംകൊണ്ടു- കൈമള്‍ , പണിക്കര്‍ , കുറുപ്പ്, കര്‍ത്താ, ഉണ്ണിത്താന്‍ , വല്യത്താന്‍ ... സംഭവിച്ചത് എന്താണ്? സാധാരണക്കാരെ ബുദ്ധിമുട്ടിക്കാതെയും സമ്പന്നരെ ഉപദ്രവിക്കാതെയും രാജാവും ദളവയും ചേര്‍ന്ന് ഖജനാവ് നിറച്ചു. ചുരുക്കത്തില്‍ മത്തങ്ങ മുറിക്കാതെ അതിന്റെ കുരു എടുത്തു.

മുത്തങ്ങ മുറിക്കാതെ കുരു എടുത്തപ്പോള്‍
വി രാധാകൃഷ്ണന്‍
കടപ്പാട്: ദേശാഭിമാനി
Subscribe to കിളിചെപ്പ് by Email

വ്യാജ സര്‍വകലാശാലകളെ കരുതിയിരിക്കുക

2011-07-09T19:02:00.000-07:00

നൂറുകണക്കിനു സര്‍വകലാശാലകള്‍ക്കും കോഴ്സുകള്‍ക്കുമിടയില്‍ അംഗീകാരമുള്ളവ തിരിച്ചറിയാനെളുപ്പമല്ല. അന്യസംസ്ഥാന സര്‍വ്വകലാശാലകളെക്കുറിച്ച് പലപ്പോഴും കൃത്യമായി അന്വേഷിക്കാതെയാവും തിരക്കിട്ട് പ്രൊഫഷണല്‍ കോഴ്സുകള്‍ക്കുചേരുക. മോഹിപ്പിക്കുന്ന പരസ്യങ്ങളില്‍പെട്ട് വഞ്ചിതരാകുന്നവര്‍ പിന്നീടാണ് തങ്ങള്‍ക്കു കിട്ടിയ സര്‍ട്ടിഫിക്കറ്റിന് കടലാസുവില പോലുമില്ലെന്നറിയുക. സാങ്കേതികകോഴ്സുകള്‍ക്കും മറ്റും എന്‍സിവിടി അംഗീകാരമില്ലാത്ത സ്ഥാപനങ്ങളില്‍ പഠിച്ചിറങ്ങിയ ശേഷമാവും ബുദ്ധിമുട്ട് തിരിച്ചറിയുക. ജോലിക്കായി സര്‍ട്ടിഫിക്കറ്റുകള്‍ ഹാജരാക്കുമ്പോഴാണ് വിദ്യാര്‍ഥികള്‍ക്ക് ഇതു മനസിലാവുക. യുജിസി തന്നെ ഇന്ത്യയിലെ അംഗീകാരമില്ലാത്ത കോഴ്സുകളെയും സര്‍വകലാശാലകളെയും കുറിച്ചുള്ള അറിയിപ്പുകള്‍ നല്‍കാറുണ്ട്. താല്‍കാലികമായി കോഴ്സുകള്‍ക്കു മാത്രം നല്‍കുന്ന അംഗീകാരങ്ങളെ സര്‍വകലാശാലക്കുള്ള അംഗീകാരമായി പരസ്യപ്പെടുത്തി അഡ്മിഷന്‍ സ്ഥാപനങ്ങള്‍ നടത്താറുണ്ട്. രാജ്യവ്യാപകമായി 22 സര്‍വകലാശാലകള്‍ക്ക് അംഗീകാരമില്ലെന്ന് യുജിസി തന്നെ വ്യക്തമാക്കിയിട്ടുണ്ട്. ഒന്‍പതെണ്ണവുമായി മുന്നില്‍ നില്‍ക്കുന്നത് ഉത്തര്‍പ്രദേശാണ്. രാജ്യതലസ്ഥാനമായ ഡല്‍ഹി കേന്ദ്രീകരിച്ച് പ്രവര്‍ത്തിക്കുന്നത് ആറുവ്യാജസര്‍വകലാശാലകളാണ്. ബീഹാറിലും കര്‍ണാടകത്തിലും മധ്യപ്രദേശ്, മഹാരാഷ്ട്ര, തമിഴ്നാട് എന്നീ സംസ്ഥാനങ്ങളിലും വ്യാജന്‍മാരുണ്ട്. കേരളത്തില്‍ സെന്റ് ജോണ്‍സ് എന്നൊരു വ്യാജസര്‍വകലാശാല പ്രവര്‍ത്തിക്കുന്നതായി യുജിസി റിപ്പോര്‍ട്ടിലുണ്ട്. ബിഎഡും എംഎഡും പോലുള്ള കോഴ്സുകള്‍ ഇവിടങ്ങളിലുണ്ട്. ഇവയൊന്നും നിയമപ്രകാരം ആരംഭിച്ചവയല്ല. പലതും സൊസൈറ്റീസ് ആക്ട്പ്രകാരം തുടങ്ങിയതാണ്. വിദ്യാഭ്യാസപരിപാടികളും പരിശീലനവും സംഘടിപ്പിച്ച് ക്രമേണ സര്‍വകലാശാലപദവിയുണ്ടെന്ന് തെറ്റിദ്ധരിപ്പിക്കുകയാണ് ചെയ്യുക. ഏതു കോഴ്സിനു ചേരും മുമ്പും സര്‍വകലാശാലയുടെ അംഗീകാരവും മറ്റു കാര്യങ്ങളും ചോദിച്ചറിയുക
Subscribe to കിളിചെപ്പ് by Email

മണ്ണിനും മാനത്തിനും വേണ്ടി കേരളത്തിലെ കര്‍ഷകര്‍ നടത്തിയ ചെറുത്തുനില്‍പ്പു

2011-07-04T08:13:00.001-07:00

അയ്യങ്കാളി കൊളുത്തിയ പന്തം

കേരളത്തിലെ ആദ്യത്തെ കര്‍ഷകത്തൊഴിലാളി സമരം നടന്നത് 1909-ലാണ്. തിരുവനന്തപുരത്തെ വെങ്ങാനൂരില്‍ അധഃസ്ഥിത വിഭാഗത്തിന്റെ പടത്തലവനായ അയ്യങ്കാളിയാണ് ഇതിന് നേതൃത്വം നല്‍കിയത്. അധഃസ്ഥിതര്‍ക്ക് വിദ്യാലയ പ്രവേശനം അനുവദിക്കണമെന്ന ആവശ്യം 1907-ല്‍ തന്നെ സര്‍ക്കാര്‍ അനുവദിച്ചിരുന്നു. ഈ ഉത്തരവ് ഉയര്‍ന്ന ജാതിക്കാരായ ഉദ്യോഗസ്ഥര്‍ പൂഴ്ത്തിവെച്ചു. ഇതു മനസ്സിലാക്കിയ അയ്യങ്കാളിയും കൂട്ടരും അധികൃതരെ സമീപിച്ച് വിദ്യാലയ പ്രവേശനം ആവശ്യപ്പെട്ടു. കര്‍ഷകത്തൊഴിലാളികള്‍ അയ്യങ്കാളിയുടെ പിന്നില്‍ അണിനിരന്നു. ജന്മികള്‍ മര്‍ദ്ദനമുറകള്‍ ആരംഭിച്ചു. സമരം കൂടുതല്‍ ശക്തിയായി. സമരം ശക്തമായത് നെല്‍കൃഷിയെ ബാധിച്ചു. പുരയിടങ്ങളില്‍ കാടുകയറി. കര്‍ഷകത്തൊഴിലാളികള്‍ പട്ടിണിമാറ്റാന്‍ മറ്റുതൊഴിലുകള്‍ ചെയ്ത് പിടിച്ചുനിന്നു. ഒരുവര്‍ഷം നീണ്ട സമരം ഒടുവില്‍ തൊഴിലാളികളുടെ ആവശ്യങ്ങള്‍ അംഗീകരിക്കാമെന്ന വ്യവസ്ഥയില്‍ ഒത്തുതീര്‍ന്നു.

സമരപുളകങ്ങളുടെ വയലാര്‍

ദിവാന്‍ ഭരണത്തിനും ജന്മിമാരുടെ പീഡനങ്ങള്‍ക്കുമെതിരെ ആലപ്പുഴ ജില്ലയിലെ അമ്പലപ്പുഴ- ചേര്‍ത്തല താലൂക്കുകളില്‍ കമ്യൂണിസ്റ്റ് പാര്‍ടി നേതൃത്വത്തില്‍ 1946-ല്‍ നടന്ന ഉജ്വല സമരമാണ് പുന്നപ്ര- വയലാര്‍ സമരം. കൂലിവര്‍ദ്ധനയോടൊപ്പം ദേശീയനേതാക്കളെ മോചിപ്പിക്കുക, ഉത്തരവാദഭഭരണം അനുവദിക്കുക എന്നീ ആവശ്യങ്ങളും ഉന്നയിച്ചായിരുന്നു സമരം. 1946-ലാണ് ദിവാന്‍ സര്‍ സി പി രാമസ്വാമി അയ്യര്‍ അമേരിക്കന്‍ മോഡല്‍ പ്രഖ്യാപിച്ചത്. ഇതിനെതിരെ സ്റ്റേറ്റ് കോണ്‍ഗ്രസും കമ്യൂണിസ്റ്റ് പാര്‍ടിയും സമരരംഗത്തിറങ്ങി. കയര്‍ തൊഴിലാളി സംഘടനകളും ഒപ്പം ചേര്‍ന്നു. 1946 ഒക്ടോബര്‍ 24ന് പുന്നപ്ര കടപ്പുറത്ത് സായുധ പൊലീസുകാരും തൊഴിലാളികളും ഏറ്റുമുട്ടി. പിന്നീട് മാരാരിക്കുളം, മേനാശേരി, ഒളാതല, വയലാര്‍ എന്നിവിടങ്ങളിലും പൊലീസ് വെടിവെപ്പുണ്ടായി. നൂറിലേറെ സമര വളണ്ടിയര്‍മാര്‍ വെടിയേറ്റു മരിച്ചു.

ആളിപ്പടര്‍ന്ന മലബാര്‍ കലാപം

ഭൂനികുതി പരിഷ്കരണത്തിലൂടെ ഭൂരഹിതരും ചൂഷിതരുമായ കുടിയാന്മാര്‍ സംഘടിച്ച് ബ്രിട്ടീഷുകാര്‍ക്കും ജന്മിമേധാവിത്വത്തിനുമെതിരെ നടത്തിയ കലാപമാണ് മലബാര്‍ കലാപം. ഖിലാഫത്ത് നിസ്സഹകരണ പ്രസ്ഥാന കാലത്ത് 1921 ആഗസ്തില്‍ ആരംഭിച്ച കലാപം 1922 ഫെബ്രുവരി വരെ നീണ്ടു. ബ്രിട്ടീഷ് മലബാറിലെ ഏറനാട്, വള്ളുവനാട് താലൂക്കുകളിലും പൊന്നാനി, കോഴിക്കോട്, പാലക്കാട് താലൂക്കുകളിലുമായിരുന്നു മാപ്പിളമാരായ കുടിയാന്മാരുടെ നേതൃത്വത്തില്‍ കലാപം നടന്നത്. കലാപത്തിന് നേതൃത്വം നല്‍കിയ വാരിയന്‍കുന്നത്ത് കുഞ്ഞഹമ്മദ് ഹാജിയെ വെടിവെച്ചുകൊന്നു. ആലി മുസ്ലിയാര്‍ ഉള്‍പ്പെടെയുള്ളവരെ തൂക്കിക്കൊന്നു. പിടിയിലായവരെ അടച്ചിട്ട ഗുഡ്സ് വാഗണില്‍ കയറ്റി കോയമ്പത്തൂരിലേക്ക് കൊണ്ടുപോകും വഴി 64 പേര്‍ ശ്വാസം മുട്ടി മരിച്ചു. ഈ സംഭവമാണ് വാഗണ്‍ ട്രാജഡി.

മോറാഴയുടെ ഗര്‍ജ്ജനം

ഇന്ത്യക്കാരുടെ പ്രതിഷേധം അവഗണിച്ചാണ് ബ്രിട്ടീഷുകാര്‍ ഇന്ത്യയെയും രണ്ടാം ലോകമഹായുദ്ധത്തില്‍ പങ്കാളിയായി പ്രഖ്യാപിച്ചത്. ഇതില്‍ പ്രതിഷേധിക്കാന്‍ അഖിലേന്ത്യാ കോണ്‍ഗ്രസ് കമ്മിറ്റി ജനങ്ങളോട് അഭ്യര്‍ത്ഥിച്ചു. കേരളത്തില്‍ ഇടതുപക്ഷത്തിന്റെ നിയന്ത്രണത്തിലായിരുന്ന കെപിസിസിയും പ്രതിഷേധത്തിന് ആഹ്വാനം നല്‍കി. കര്‍ഷകസംഘവും പ്രതിഷേധദിനാചരണത്തിന്റെ ഭാഗമായി കണ്ണൂരില്‍ ചിറയ്ക്കല്‍ താലൂക്കിലെ കീച്ചേരിയില്‍ സമ്മേളനം നിശ്ചയിച്ചു. സമ്മേളനത്തിന് 1940 സെപ്തംബര്‍ 15 ന് കര്‍ഷകജാഥകള്‍ കീച്ചേരിയിലെത്തി. എന്നാല്‍ പൊലീസെത്തി നിരോധനാജ്ഞ പ്രഖ്യാപിച്ചു. നിരോധനമില്ലാത്ത അഞ്ചാംപീടികയിലേക്ക് സംഘാടകര്‍ സമ്മേളനം മാറ്റി. അവിടെയും പൊലീസെത്തി നിരോധനാജ്ഞ ഏര്‍പ്പെടുത്തി. പൊലീസുകാര്‍ ലാത്തിച്ചാര്‍ജ്ജ് ആരംഭിച്ചപ്പോള്‍ ജനക്കൂട്ടവും കൈയില്‍ കിട്ടിയതൊക്കെ ഉപയോഗിച്ച് തിരിച്ചടിച്ചു. പൊലീസ് ഇന്‍സ്പെക്ടര്‍ കുട്ടികൃഷ്ണമേനോന്‍ സംഭവസ്ഥലത്തും ഹെഡ്കോണ്‍സ്റ്റബിള്‍ ഗോപാലന്‍ നമ്പ്യാര്‍ ആശുപത്രിയിലും മരിച്ചു. കേസില്‍ കെ പി ആര്‍ ഗോപാലനെ വധശിക്ഷക്ക് വിധിച്ചു. ബഹുജന പ്രക്ഷോഭത്തെ തുടര്‍ന്ന് ശിക്ഷ ഇളവുചെയ്തു. തലശേരിയില്‍ അബു, ചാത്തുക്കുട്ടി എന്നിവര്‍ പൊലീസ് വെടിയേറ്റ് മരിച്ചു.

സഹനസമരത്തിന്റെ അമരാവതി

കര്‍ഷകരെ കുടിയൊഴിപ്പിക്കുന്നതിനെതിരെ 1961-ല്‍ എ കെ ജിയുടെ നേതൃത്വത്തില്‍ അമരാവതിയില്‍ നടത്തിയ നിരാഹാര സമരവും ചരിത്രമാണ്. ഇടുക്കി ജില്ലയിലെ അയ്യപ്പന്‍കോവില്‍ പ്രദേശത്തുനിന്നും കര്‍ഷകരെ കുടിയിറക്കിയതിനെതിരെയായിരുന്നു സമരം. പതിനായിരത്തോളം കര്‍ഷകരെ ബലംപ്രയോഗിച്ച് കുമളിയില്‍നിന്ന് 70 കിലോമീറ്റര്‍ അകലെയുള്ള അമരാവതിയിലേക്ക് മാറ്റുകയായിരുന്നു. ജൂണ്‍ ആറിന് ആരംഭിച്ച സത്യഗ്രഹം 12 ദിവസം നീണ്ടു. കുടിയിറക്കപ്പെട്ട ഓരോ കര്‍ഷകനും മൂന്നേക്കര്‍ ഭൂമി വീതം നല്‍കാമെന്ന് സര്‍ക്കാര്‍ സമ്മതിച്ചതോടെയാണ് സമരം അവസാനിപ്പിച്ചത്.

ചുവന്ന ഗ്രാമങ്ങള്‍

ആധുനിക കേരളത്തെ രൂപപ്പെടുത്തുന്നതില്‍ നിര്‍ണ്ണായക പങ്കു വഹിച്ച ചെറുതും വലുതുമായ എണ്ണമറ്റ പോരാട്ടങ്ങള്‍ക്ക് നമ്മുടെ നാട് സാക്ഷിയായിട്ടുണ്ട്. പഴശി, തില്ലങ്കേരി, പാടിക്കുന്ന്, കോറോം, മുനയന്‍കുന്ന്, കൂത്താളി തുടങ്ങി നിരവധി ഏറ്റുമുട്ടലുകളും സമരങ്ങളും രക്തസാക്ഷിത്വങ്ങളും ഉണ്ടായിട്ടുണ്ട്.

നെഞ്ചൂക്കില്‍ ചുവന്ന ഒഞ്ചിയം

കോഴിക്കോട് ജില്ലയിലെ ഒഞ്ചിയത്ത് കമ്യൂണിസ്റ്റ് പാര്‍ടി നേതൃത്വത്തില്‍ നടത്തിയ ധീരമായ പോരാട്ടം. പൊലീസ് വെടിവെപ്പില്‍ എട്ട് പേര്‍ മരിച്ചു. രണ്ടുപേര്‍ പൊലീസ് മര്‍ദ്ദനത്തിലും മരിച്ചു. ഭക്ഷ്യക്ഷാമം രൂക്ഷമായ 1948ല്‍ പട്ടിണിയും ദുരിതവും ഏറ്റുവാങ്ങിയ കര്‍ഷക ജനത വിമോചനത്തിനായി നടത്തിയ പോരാട്ടമാണ് ഒഞ്ചിയത്തേത്. മണ്ടോടി കണ്ണനെ പോലുള്ള നേതാക്കളാണ് ജന്മിമാരുടെ ചൂഷണത്തിനെതിരെ ജനങ്ങളെ സംഘടിപ്പിച്ചത്. ഒഞ്ചിയത്തു നടന്ന കമ്യൂണിസ്റ്റ് പാര്‍ടിയുടെ കുറുമ്പ്രനാട് താലൂക്ക് കമ്മിറ്റി യോഗത്തിനെത്തിയ നേതാക്കളെ അറസ്റ്റ് ചെയ്യാന്‍ 1948 ഏപ്രില്‍ 30-ന് പൊലീസ് വീടുകള്‍ കയറിയിറങ്ങി. മണ്ടോടി കണ്ണന്റെ വീട്ടിലെത്തിയെങ്കിലും അദ്ദേഹത്തെ കിട്ടിയില്ല. കര്‍ഷക കാരണവരായ ചോയിക്കാരണവരെയും മകന്‍ കണാരനെയും പൊലീസ് അറസ്റ്റ് ചെയ്തു കൊണ്ടുപോയി. ഇവരെ വിട്ടുകിട്ടാന്‍ ജനക്കൂട്ടവും പിറകെ അനുഗമിച്ചു. ജനക്കൂട്ടത്തിനു നേരെ പൊലീസ് നടത്തിയ വെടിവെപ്പിലാണ് എട്ടുപേര്‍ കൊല്ലപ്പെട്ടത്. മണ്ടോടി കണ്ണനും കൊല്ലാച്ചേരി കുമാരനും പൊലീസ് മര്‍ദ്ദനത്തിലും മരിച്ചു.

കാവുമ്പായിക്കുന്നിലെ വെടിമുഴക്കം

ഭക്ഷ്യക്ഷാമത്തിന്റെ പിടിയില്‍ അകപ്പെട്ട ജനങ്ങള്‍ കരക്കാട്ടിടം ജന്മിയോട് പുനം കൊത്താന്‍ അനുമതി ചോദിച്ചു. എന്നാല്‍ ജന്മി ഇത് നിരസിച്ചു. ഇതില്‍ പ്രതിഷേധിച്ച് പുനം കയ്യേറി കൃഷി ചെയ്യാന്‍ കര്‍ഷകര്‍ തീരുമാനിച്ചു. വിവിധ പ്രദേശങ്ങളില്‍ നിന്നുള്ള കര്‍ഷക വളണ്ടിയര്‍മാരും കാവുമ്പായിയില്‍ കേന്ദ്രീകരിച്ചു. കാവുമ്പായിക്കുന്നില്‍ ക്യാമ്പ്ചെയ്ത കര്‍ഷകര്‍ക്കുനേരെ 1946 ഡിസംബര്‍ 30ന് പുലര്‍ച്ചെ പൊലീസ് വെടിയുതിര്‍ത്തു. വെടിവെപ്പില്‍ അഞ്ചുപേര്‍ മരിച്ചു.

തോല്‍ക്കാത്ത കരിവെള്ളൂര്‍

ജന്മിമാരുടെ ദുഷ്ചെയ്തികള്‍ക്കെതിരെ 1946 ഡിസംബര്‍ 20-ന് കണ്ണൂര്‍ ജില്ലയിലെ കരിവെള്ളൂര്‍ കുണിയന്‍ പുഴക്കരയില്‍ നടന്ന സമരം. ബ്രിട്ടീഷ് സാമ്രാജ്യത്വത്തിനും ജന്മിത്തത്തിനുമെതിരെ നടന്ന പോരാട്ടത്തില്‍ രണ്ടുപേര്‍ പൊലീസ് വെടിയേറ്റ് മരിച്ചു.

ശൂരനാടിന്റെ വീരഗാഥ

ജന്മിമാരുടെ കീഴില്‍ അടിമകളെപ്പോലെ പണിയെടുക്കാന്‍ വിധിക്കപ്പെട്ട കര്‍ഷകരും കര്‍ഷകത്തൊഴിലാളികളും ജീവിക്കാന്‍ വേണ്ടി നടത്തിയ പോരാട്ടമാണ് ശൂരനാട് സമരം. കമ്മ്യൂണിസ്റ്റ്പാര്‍ടിയുടെ നേതൃത്വത്തില്‍ നടന്ന സമരത്തില്‍ പൊലീസ് മര്‍ദ്ദനമേറ്റ് നിരവധി പേര്‍ മരിച്ചു. 1950-ലായിരുന്നു സമരം.

തീത്തലപ്പുകൊണ്ടെഴുതിയ ചരിത്രം

ബ്രിട്ടീഷ് ഭരണത്തിനും ജന്മിത്തത്തിന്റെ ക്രൂരതകള്‍ക്കുമെതിരെ കാസര്‍കോട് ജില്ലയിലെ കയ്യൂരില്‍ കര്‍ഷക ജനത നടത്തിയ ഉജ്വലപോരാട്ടമാണ് കയ്യൂര്‍ സമരം. കര്‍ഷകസംഘത്തിന്റെയും കമ്മ്യൂണിസ്റ്റ് പാര്‍ടിയുടെയും നേതൃത്വത്തില്‍ നടന്ന പോരാട്ടം ജന്മിമാരെയും ബ്രിട്ടീഷ് ഭരണാധികാരികളെയും പ്രകോപിപ്പിച്ചു.മര്‍ദ്ദനത്തില്‍ പ്രതിഷേധിച്ച് കര്‍ഷകര്‍ നടത്തിയ ജാഥയുടെ മുമ്പില്‍ മര്‍ദ്ദനത്തിന് നേതൃത്വം നല്‍കിയ സുബ്ബരായന്‍ എന്ന പൊലീസുകാരന്‍ ചെന്നുപെട്ടു. ജനരോഷത്തില്‍നിന്ന് രക്ഷപ്പെടാനായി സമീപത്ത് കാര്യങ്കോട് പുഴയിലേക്ക് ചാടിയ അയാള്‍ മുങ്ങി മരിക്കുകയായിരുന്നു. കേസില്‍ 61 പേര്‍ പ്രതികളായി. 1943 മാര്‍ച്ച് 29 ന് മഠത്തില്‍ അപ്പു, കോയിത്താറ്റില്‍ ചിരുകണ്ഠന്‍ , പൊടോര കുഞ്ഞമ്പു നായര്‍ , പള്ളിക്കാല്‍ അബൂബക്കര്‍ എന്നിവരെ കണ്ണൂര്‍ സെന്‍ട്രല്‍ ജയിലില്‍ തൂക്കിക്കൊന്നു.

വാക്കും പൊരുളും

ജന്മിത്തമെന്നാല്‍

കേരളത്തില്‍ പ്രാചീന കാലത്ത് രൂപപ്പെട്ട ഒരു ഭൂവുടമാ സമ്പ്രദായമാണ് ജന്മിത്തം. "ജന്മം" എന്ന വാക്കിന് ജനനം എന്നാണര്‍ത്ഥം. പാരമ്പര്യമായി ബ്രാഹ്മണര്‍ക്ക് ഭൂമിയില്‍ അവകാശമുണ്ടെന്ന സ്ഥിതി കേരളത്തില്‍ നിലവില്‍ വന്നത് ജാതിസമ്പ്രദായത്തിന്റെ ആവിര്‍ഭാവത്തോടെയാണ്. ഓരോ ജാതിയും ഓരോ തൊഴിലിന്റെ അടിസ്ഥാനത്തിലാണ് രൂപം കൊണ്ടത്. കൃഷിയല്ലാത്ത തൊഴില്‍ ചെയ്യുന്നവര്‍ക്ക് അവര്‍ സമുദായത്തിന് വേണ്ടി ചെയ്യുന്ന തൊഴിലിന് പ്രതിഫലമായി എന്തെങ്കിലും ആദായമാര്‍ഗമുണ്ടാക്കിക്കൊടുക്കുന്നതാവശ്യമായി വന്നു. കൃഷി ചെയ്യാത്തവരും സമുദായത്തില്‍ മേധാവിത്വമുള്ളവരുമായ ഒരു ചെറുവിഭാഗം ജനങ്ങള്‍ക്ക് വിളവിലൊരംശം ക്രമമായി കൊടുക്കുകയെന്ന പതിവു വന്നതോടുകൂടി, വിളവില്‍ നിന്ന് ആ അംശം ആദ്യം തന്നെ നീക്കിവയ്ക്കാന്‍ തുടങ്ങിയതോടുകൂടി ഓരോ നിലത്തിനും കൃഷി ചെയ്യുന്നവരും ചെയ്യാത്തവരുമെന്ന രണ്ടുതരം ഉടമസ്ഥരുമുണ്ടായി. ക്രമേണ നമ്പൂതിരിക്കും നാടുവാഴിക്കും സമൂഹത്തിലുള്ള സ്ഥാനം വലുതാവാന്‍ തുടങ്ങി.അവര്‍ക്കു കിട്ടുന്ന വിളവിന്റെ ഒരു ചെറിയ അംശമേ അവര്‍ക്കു കിട്ടുന്നുള്ളൂവെങ്കിലും അതു കൊടുക്കാതെ കൃഷി ചെയ്യാനോ ജീവിക്കാനോ കൃഷിക്കാര്‍ക്ക് സാധ്യമല്ലായിരുന്നതിനാല്‍ , കൃഷിഭൂമിയുടെയെല്ലാം ഒരു മേല്‍ക്കോയ്മാധികാരം അവര്‍ക്കുണ്ടെന്നുവന്നു. അങ്ങനെ വിളവിന്റെ പ്രധാന അംശം അനുഭവിക്കുന്നവരെങ്കിലും ഭൂമിയുടെ മേല്‍ താണതരം അവകാശമുള്ള ഒരു ഭൂരിപക്ഷവും (കുടിയാന്മാര്‍) വിളവിന്റെ ഒരു ചെറിയ അംശം മാത്രം അനുഭവിക്കുന്നവരെങ്കിലും ഭൂമിയുടെ മേല്‍ കോയ്മാധികാരമുള്ള ന്യൂനപക്ഷവും (ജന്മിമാര്‍) വളര്‍ന്നുവന്നു. (കേരളം മലയാളികളുടെ മാതൃഭൂമി- ഇ എം എസ്/ "ചരിത്രത്തിലേക്ക് ഒരെത്തിനോട്ടം" എന്ന അദ്ധ്യായത്തില്‍ നിന്ന്.) 1895-ലാണ് ജന്മിത്തത്തിനെതിരെ നിയമങ്ങള്‍ രൂപപ്പെട്ടു തുടങ്ങിയത്. കമ്യൂണിസ്റ്റ് പാര്‍ട്ടിയാണ് "കൃഷി ഭൂമി കൃഷിക്കാരന് എന്ന മുദ്രാവാക്യമുയര്‍ത്തിയത്. 1957ല്‍ അധികാരത്തില്‍ വന്ന കമ്യൂണിസ്റ്റ് ഗവണ്‍മെന്റ് അവതരിപ്പിച്ച കാര്‍ഷിക ബന്ധ ബില്‍ ജന്മിത്തത്തിന്റെ അവസാനം കുറിക്കുക എന്ന ഉദ്ദേശ്യത്തോടെയായിരുന്നു. ഈ ബില്‍ രാഷ്ട്രപതി നിര്‍ദ്ദേശിച്ച ഭേദഗതിയോടെ 1960-ല്‍ നിയമസഭ പാസ്സാക്കി. 1961-ല്‍ കേരള കാര്‍ഷിക ബന്ധ നിയമം പ്രാബല്യത്തിലായി. 1963-ല്‍ പുതിയ കേരള ഭൂപരിഷ്കരണ നിയമം കേരള നിയമസഭ പാസ്സാക്കി. ഇതിന് പിന്നീട് നിരവധി ഭേദഗതികളുണ്ടായി.

മരമടി മഹോത്സവം

കര്‍ഷകരുടെ വാശിയേറിയ മത്സരമാണിത്. രണ്ടാം വിളയിറക്കുമ്പോള്‍ വിശാലമായ പാടത്ത് നടത്തുന്ന കാളയോട്ട മത്സരം. ഇതിനായി പ്രത്യേകം കാളകളെയും പോത്തുകളെയും വളര്‍ത്തി പരിശീലിപ്പിക്കും. മരവും നുകവും കൂട്ടിക്കെട്ടിയ ശേഷം അതിവേഗത്തില്‍ ഓടിക്കും. ഓട്ടത്തിന് പ്രത്യേക നിയമങ്ങളുണ്ട്. മറുകണ്ടം ചാടരുത് (ട്രാക്ക് മാറരുത് എന്നര്‍ത്ഥം). ലക്ഷ്യസ്ഥാനത്തെത്തിയിരിക്കണം. എറണാകുളം തിരുമാറാടി കാക്കൂര്‍ കാളവയലിലെ മരമടിയുത്സവം ഇപ്പോള്‍ എറെ പ്രശസ്തമാണ്. മലബാറില്‍ ഇത്തരത്തിലുള്ള ഉത്സവത്തിന് പോത്തോട്ടം എന്നാണ് പറയുക. മഞ്ചേശ്വരം പോത്തോട്ടം പ്രസിദ്ധമാണ്.

കര്‍ക്കടക സംക്രാന്തി

മിഥുനം അവസാനിക്കുമ്പോഴേക്കും വീടും പരിസരവും തേച്ചുകഴുകും. വഴികള്‍ ചെത്തിയൊരുക്കി വൃത്തിയാക്കാന്‍ തുടങ്ങും. സംക്രാന്തി ദിവസം സന്ധ്യയ്ക്ക് ചേട്ടയെ കളയുന്ന ചടങ്ങുണ്ട്. "പൊട്ടിയെ കളയുക" എന്നും പറയും. കേരളീയര്‍ക്ക് ഐശ്വര്യദേവത ശ്രീഭഗവതിയായിരുന്നു. അതുപോലെ ദരിദ്ര ഭഗവതിയായ "ചേട്ടാഭഗവതി"(ജ്യേഷ്ഠാഭഗവതി)യും ഉണ്ട്. ദാരിദ്ര്യവും അശുദ്ധിയുമുള്ളിടത്താണ് "ചേട്ട"യുടെ വാസം. എല്ലായിടവും വൃത്തിയായാല്‍ പിന്നെ ചേട്ടയ്ക്ക് വസിക്കാന്‍ ഇടമില്ല. കര്‍ക്കടകത്തിന്റെ അവസാന ദിവസം സന്ധ്യയ്ക്ക് ഒരു പഴയ കുട്ടയോ ചട്ടിയോ പഴയ മുറമോ അതില്‍ കീറത്തുണിയും കുറ്റിച്ചൂലും ഉടഞ്ഞ കലത്തിന്റെ കഷണങ്ങളും മഞ്ഞളും കൂവവും താളും കറുപ്പും വെളുപ്പും ചുവപ്പും നിറത്തിലുള്ള ഓരോ ഉരുളചോറും എണ്ണയില്‍ കത്തിച്ച മെഴുകുതിരികളുമായി എല്ലാമുറികളിലും മുറ്റത്തും കൊണ്ടുപോകും. മുമ്മൂന്ന് തവണ ഉഴിഞ്ഞ് "അഞ്ചും പിഞ്ചും പുറത്തേപോ, ആവണി അവിട്ടം അകത്തേവാ" എന്നോ "ഫൂ ഫൂ ചേട്ടാ ഭഗവതി പുറത്ത്, ശ്രീഭഗവതി അകത്ത്" എന്നോ ഉച്ചത്തില്‍ വിളിച്ചു പറഞ്ഞ് പറമ്പിന്റെ പുറത്തേ മൂലയ്ക്ക് കളയും. കര്‍ക്കടകം ഒന്ന് മുതല്‍ "ശീപോതിക്കുവെക്കുക" എന്ന ചടങ്ങുണ്ട്..

വെള്ളരിനാടകം

ഉത്തരകേരളത്തില്‍ രണ്ടാം വിളവെടുപ്പ് കഴിഞ്ഞാല്‍ വയലുകളില്‍ ഇടവിളയായി വെള്ളരി നടുക പതിവാണ്. വെള്ളരി, കുറുക്കന്മാരും മറ്റും നശിപ്പിക്കാതിരിക്കാന്‍ ചെറുപ്പക്കാര്‍ കാവലിരിക്കും. നേരം പോകാനായി അവര്‍ നാടക പരിശീലനം നടത്തും. ഒടുവില്‍ വെള്ളരിക്ക പാകമാവുമ്പോഴേക്കും നാടകവും അവതരണത്തിന് പാകമാവും. ഈ നാടകങ്ങള്‍ അത്ര മെച്ചപ്പെട്ടവയാകാറില്ല. ഇത്തരം നാടകങ്ങള്‍ക്ക് വീണ പേരാണ് വെള്ളരി നാടകം. ഇന്ന് ഇതൊരു ശൈലിയായി.

ഇല്ലംനിറ വല്ലംനിറ

ആദ്യത്തെ കതിര്‍ക്കറ്റ കുടുംബനാഥന്‍ തലയിലേറ്റി വീട്ടില്‍ കൊണ്ടുവന്ന് ദശപുഷ്പങ്ങള്‍ വച്ചാരാധിക്കുന്നത് ഒരു കാര്‍ഷികാനുഷ്ഠാനമായിരുന്നു. കുടുംബത്തിലെ കുട്ടികള്‍ "വട്ടിനിറ", "കൊട്ടനിറ", "പത്തായംനിറ" എന്നൊക്കെ വിളിച്ചുപറയും. ചിലയിടങ്ങളില്‍ "ഇല്ലംനിറ"(വീടു നിറയട്ടെ), "വല്ലംനിറ"(കൊട്ട നിറയട്ടെ), "കൊല്ലം നിറ" (വര്‍ഷം മുഴുവന്‍ നിറയട്ടെ) എന്നാണ് പറയുക.

വിഷുക്കണി കണികാണല്‍

മലയാളികള്‍ക്ക് പ്രധാനമാണ്. ദിവസക്കണിയും ആണ്ടുകണിയുമുണ്ട്. മേടം ഒന്നിനുള്ള ആണ്ടുകണിയാണ് വിഷുക്കണി. ഓട്ടുരുളിയില്‍ വെള്ളരിക്ക, നാളികേരം, അഷ്ടമംഗല്യം, വാല്‍ക്കണ്ണാടി, സ്വര്‍ണ്ണം മറ്റ് കൃഷി വിഭവങ്ങള്‍ എന്നിവ വച്ച് വിളക്കുകൊളുത്തി കണി കാണും. ഉറക്കമുണരുമ്പോള്‍ ആദ്യം നല്ല പദാര്‍ത്ഥത്തെയോ വ്യക്തിയെയോ പശു തുടങ്ങിയ ഉത്തമജീവികളെയോ കണികാണുന്നത് ശുഭമാണെന്നാണ് വിശ്വാസം. കാരണവര്‍ കുടുംബാംഗങ്ങള്‍ക്കും കര്‍ഷകതൊഴിലാളികള്‍ക്കും വിഷുക്കൈനീട്ടം നല്‍കും. വിഷുസദ്യയുമുണ്ടാവും. വിഷു, കൃഷിയെ സംബന്ധിച്ച് വളരെ പ്രധാനമാണ്.

ഞാറ്റുവേല കൃഷിയും

കാലാവസ്ഥയും തമ്മിലുള്ള ബന്ധത്തെപ്പറ്റിയുള്ള ധാരണ പ്രാചീനകാലം മുതല്‍ കേരളീയര്‍ക്കുണ്ടായിരുന്നു. സൂര്യന്‍ ഉച്ചത്തില്‍ വരുന്ന മേടമാസത്തിലാണ് നമ്മുടെ കാര്‍ഷിക വര്‍ഷത്തിന്റെ പിറവി. ഇക്കാലത്ത് ചക്കയ്ക്കുപ്പുണ്ടോ കുയില്‍ വിത്തും കൈക്കോട്ടുമെന്ന് പാടി കര്‍ഷകരെ ഉണര്‍ത്തുമെന്നാണ് വിശ്വാസം. സൂര്യന്‍ ഓരോ നക്ഷത്രത്തിലും സ്ഥിതിചെയ്യുന്ന സമയത്തിനാണ് ഞാറ്റുവേല എന്നുപറയുന്നത്. ഞായര്‍ എന്നാല്‍ സൂര്യന്‍ , വേല എന്നാല്‍ വേള അല്ലെങ്കില്‍ സമയം. മിഥുനമാസത്തിലെ തിരുവാതിര ഞാറ്റുവേല കൃഷിയില്‍ പ്രധാനമാണ്. ഓരോ ഞാറ്റുവേലയിലും ചെയ്യേണ്ട കൃഷിപ്പണികളെപ്പറ്റി കര്‍ഷകര്‍ക്ക് വ്യക്തമായ അറിവുണ്ടായിരുന്നു. ഞാറ്റുവേല പഞ്ചാംഗം (കലണ്ടര്‍) നോക്കുക.

ഉച്ചാര

ഉച്ചാരല്‍ , ഉച്ചേര, ഉച്ചാറല്‍ എന്നിങ്ങനെയുള്ള പേരുകളില്‍ അറിയപ്പെടുന്ന കാര്‍ഷിക ഉത്സവം. ഭൂമിദേവി പുഷ്പിണിയായി എന്നുകരുതിയുള്ള ആഘോഷമാണിത്. മകരം 28ാംനാണ് സാധാരണ ഉച്ചാര ആഘോഷിക്കുക. രണ്ടാം വിളവെടുപ്പ് കഴിഞ്ഞ് ചൂടുകാലം ആരംഭിക്കുന്നതിനാല്‍ ഭൂമീദേവി വിശ്രമിക്കുന്നതായും സങ്കല്‍പ്പിക്കുന്നു. ചൊവ്വ ഉച്ചത്തില്‍ വരുന്നത് മകരം 28 മുതലാണ്. ഈ ആചാരത്തിന്റെ മൂന്ന് ദിവസങ്ങളില്‍ നെല്ലെടുക്കാനോ വില്‍ക്കാനോ പാടില്ല. കൃഷിപ്പണിയും പതിവില്ല. വള്ളുവനാട്ടിലെ ചെര്‍പ്പുളശേരിയിലും ഓണാട്ടുകരയിലും ഉച്ചാര മഹോത്സവം പ്രസിദ്ധമാണ്.

--
എല്ലാ ഭാവുകങ്ങളും നേരുന്നു

25 പൈസ

2011-07-03T05:13:00.001-07:00

മടിപിടിച്ചിരിക്കുന്നവരെക്കുറിച്ച് പറയാറുണ്ട് കാല്‍ക്കാശിനു കൊള്ളില്ലെന്ന്. എന്നാല്‍ കാല്‍ക്കാശ് അഥവാ കാലണ ഇനി കൗതുകത്തിനല്ലാതെ ഒന്നിനും കൊള്ളാത്തതാകുന്നു. ജൂലൈ ഒന്നുമുതല്‍ കേന്ദ്രസര്‍ക്കാര്‍ 25 പൈസ പിന്‍വലിക്കുകയാണ്. അങ്ങനെ പുരാവസ്തുക്കളുടെ കൂട്ടത്തില്‍ 25 പൈസയും സ്ഥാനംപിടിക്കും. ഹോബികളുടെ രാജാവ് എന്നറിയപ്പെടുന്നത് സ്റ്റാമ്പ്ശേഖരണം (ഫിലാറ്റലി) ആണെങ്കിലും രാജാക്കന്മാരുടെ ഹോബി എന്നറിയപ്പെടുന്നത് നാണയശേഖരണം(നുമിസ്മാറ്റിക്സ്) തന്നെ. ഇനി 25 പൈസയ്ക്കും നാണയശേഖരത്തില്‍ ഒരിടം കരുതിവയ്ക്കാം. 1478-1545 കാലഘട്ടത്തില്‍ ജീവിച്ചിരുന്ന ഷേര്‍ഷാ സൂരി ചക്രവര്‍ത്തിയാണ് "റുപ്യ" എന്ന നാണയം ഇന്ത്യയില്‍ ആദ്യമായി ഇറക്കിയത്. കേരളത്തിലെ പല രാജാക്കന്മാര്‍ക്കും അവരുടേതായ നാണയങ്ങള്‍ ഉണ്ടായിരുന്നു. വിദേശികളുമായി കച്ചവടബന്ധം സ്ഥാപിച്ചതുമുതലാകണം നാണയങ്ങള്‍ പ്രചരിച്ചത്. പരശുരാമന്‍ രാശി, പൊന്‍പണം തുടങ്ങിയവ കേരളത്തില്‍ പ്രചാരത്തിലുണ്ടായിരുന്നവയാണ്. തിരുവിതാംകൂര്‍ , കൊച്ചി, മലബാര്‍ നാട്ടുരാജ്യങ്ങള്‍ക്ക് വെവ്വേറെ നാണയങ്ങള്‍ ഉണ്ടായിരുന്നു. കാശ്, ചക്രം, വരാഗം തുടങ്ങിയ നാണയങ്ങള്‍ തിരുവിതാംകൂറിലും ഒറ്റപുത്തന്‍ , ഇരട്ടപുത്തന്‍ എന്നിവ കൊച്ചിയിലും സുല്‍ത്താന്‍ , കാശ്, രാശി, ചെമ്പുകാശ് എന്നിവ മലബാറിലും നാണയങ്ങളായിരുന്നു. 1758-98 കാലത്ത് തിരുവിതാംകൂര്‍ ഭരിച്ച ധര്‍മരാജ എന്നറിയപ്പെടുന്ന കാര്‍ത്തിക തിരുനാളാണ് അനന്തരായന്‍ പണം, ചിന്നപണം, ചക്രം എന്നിവ പുറത്തിറക്കിയത്. 1816ല്‍ പാര്‍വതിബായി 16, 8, 4, 2 എന്നിങ്ങനെയുള്ള നാണയങ്ങളും പുറത്തിറക്കി. ഇതിനുശേഷമാണ് പണത്തിനെ കാശ് എന്നു വിളിച്ചുതുടങ്ങിയത്. 16 കാശ് 1 ചക്രം, 4 ചക്രം 1 പണം, 7 പണം അല്ലെങ്കില്‍ 28 ചക്രം 1 രൂപ എന്നിങ്ങനെയായിരുന്നു അന്നത്തെ വിനിമയനിരക്ക്. 1880-85 വരെ ഭരിച്ച വിശാഖം തിരുന്നാളാണ് വരാഗം എന്ന സ്വര്‍ണനാണയം ഇറക്കിയത്. 1906 മുതല്‍ കോയിനേജ് ആക്ട് അനുസരിച്ചാണ് നാണയങ്ങള്‍ അടിക്കുന്നത്. മുംബൈ, കൊല്‍ക്കത്ത, ഹൈദരാബാദ്, നോയിഡ എന്നിവിടങ്ങളിലാണ് കമ്മട്ടങ്ങള്‍ പ്രവര്‍ത്തിക്കുന്നത്. സ്വാതന്ത്ര്യലബ്ധിക്കുശേഷം കാശ്, മുക്കാല്‍ , അണ, അരയണ, ഒരണ, അരക്കാല്‍ രൂപ, കാല്‍ രൂപ, അര രൂപ, ഒരു രൂപ എന്നിവയാണ് ആദ്യം ഇറങ്ങിയ നാണയങ്ങള്‍ . ഇവയില്‍ നടുവില്‍ ദ്വാരമുള്ള ഓട്ടമുക്കാല്‍ എന്ന കൗതുകനാണയവും ഉണ്ടായിരുന്നു. 1956ല്‍ അണസമ്പ്രദായം അവസാനിച്ചപ്പോള്‍ പൈസ നിലവില്‍ വന്നു. 1, 2, 3, 5, 10, 20 തുടങ്ങി എല്ലാ പൈസകളും ഇന്ത്യാ ഗവണ്‍മെന്റ് പുറത്തിറക്കിയിട്ടുണ്ട്. അതിനുമുമ്പ് 25 പൈസയുടെ മൂല്യമുള്ള കാല്‍ അണ വെള്ളിനാണയമാണ് നിലവിലുണ്ടായിരുന്നത്. പിന്നീട് 1957-60ല്‍ നിക്കലില്‍ നിര്‍മിച്ച നാണയങ്ങള്‍ ഇറക്കിയിട്ടുണ്ട്. 1980ല്‍ ഗ്രാമീണ വനിതകളുടെ മുന്നേറ്റം, 1981ലെ ഭക്ഷ്യദിനം, 1982ലെ ഏഷ്യന്‍ ഗെയിംസ്, 1985ലെ വനവല്‍കരണം എന്നീ സന്ദേശങ്ങള്‍ ഉള്‍ക്കൊള്ളിച്ച് വിവിധയിനം 25 പൈസകള്‍ പുറത്തിറക്കി. കാണ്ടാമൃഗത്തിന്റെ ചിത്രമുള്ള 25 പൈസയാണ് ഇക്കൂട്ടത്തില്‍ അവസാനത്തേത്. ഇത് സ്റ്റെയിന്‍ലെസ് സ്റ്റീലിലാണ് നിര്‍മിച്ചിരിക്കുന്നത്. രാജാക്കന്മാരുടെ തലയുടെ ചിത്രമുള്ള നാണയങ്ങള്‍ ധര്‍മരാജയുടെ കാലംമുതലാണ് കേരളത്തില്‍ വന്നുതുടങ്ങിയത്. 1946 മുതല്‍ ദേശീയ നേതാക്കളെയും നവോത്ഥാന നായകരെയും ആദരിച്ച് നാണയങ്ങള്‍ ഇറക്കാന്‍ തുടങ്ങി. ഇതിനകം ഇങ്ങനെ 30 വ്യക്തികളുടെ ചിത്രമുള്ള നാണയങ്ങള്‍ ഇറങ്ങി. മഹാത്മാഗാന്ധി, ജവാഹര്‍ലാല്‍ നെഹ്റു, ഇന്ദിരാഗാന്ധി എന്നിവര്‍ക്കൊപ്പം ശ്രീനാരായണഗുരുവും അല്‍ഫോന്‍സാമ്മയും നാണയങ്ങളില്‍ ആദരിക്കപ്പെട്ടു. 1-20 പൈസയുടെ നാണയങ്ങള്‍ ഔദ്യോഗികമായി നിര്‍ത്തലാക്കിയിട്ടില്ലെങ്കിലും ഇവ പുരാവസ്തുക്കളില്‍ സ്ഥാനംപിടിച്ചത് നാണയത്തിന്റെ വിലയ്ക്ക് ലഭിക്കുന്ന സാധനങ്ങള്‍ ഇല്ലാതാവുകയും ഇതുണ്ടാക്കാന്‍ ഉപയോഗിക്കുന്ന സ്റ്റെയിന്‍ലെസ് സ്റ്റീലിന് നാണയത്തിന്റെ മൂല്യത്തേക്കാള്‍ വിലയാവുകയും ചെയ്തതോടെയാണ്. നിരോധം ഏര്‍പ്പെടുത്തുന്നു എന്ന വാര്‍ത്ത പരന്നതോടെ ബസുകളിലും കടകളിലും 25 പൈസ എടുക്കാതെയായി. ക്രയവിക്രയങ്ങളില്‍ 25 പൈസയ്ക്കു പകരം 50 പൈസയും ഒരുരൂപയുമാണ് ഉപയോഗിക്കുന്നത്. നിര്‍ത്തലാക്കുന്ന പൈസകള്‍ ദേശസാല്‍കൃത ബാങ്കുകളില്‍ മാറ്റി വാങ്ങാന്‍ സര്‍ക്കാര്‍ അവസരം ഒരുക്കിയിരുന്നു. ജൂലൈ ഒന്നുമുതല്‍ ഇവ എവിടെയും സ്വീകരിക്കില്ല.

അതുല്യപ്രതിഭ

2011-07-03T05:08:00.001-07:00

പഠിച്ച് ഉയരങ്ങളിലെത്തണമെന്നായിരുന്നു ബ്രോണിയുടെയും മേരിയയുടെയും ആഗ്രഹം. എന്നാല്‍ കുടുംബത്തിന്റെ സാമ്പത്തിക പരാധീനത ഇതിന് എന്നും തടസ്സമായിരുന്നു. റഷ്യയുടെ അധീനതയിലുള്ള പോളണ്ടിലാണ് ഈ രണ്ടു പെണ്‍കുട്ടികളും ജീവിച്ചത്. ഉപരിപഠനത്തിന് പോളണ്ടില്‍ അവസരമില്ല. പാരീസില്‍ പോകണം. അതിന് പണം വേണം. വൈദ്യശാസ്ത്രം പഠിക്കാനുള്ള അടങ്ങാത്ത ആഗ്രഹമാണ് ബോണിയക്ക്. പണമില്ലാത്തത് ഈ ആഗ്രഹം ഉപേക്ഷിക്കാന്‍ അവളെ പ്രേരിപ്പിക്കുന്നു. എന്തും സഹിച്ച് ചേച്ചിയുടെ ആഗ്രഹം നടത്തണമെന്ന ദൃഢനിശ്ചയത്തില്‍ മേരിയയും." അവള്‍ പറഞ്ഞു: "കൈയിലുള്ള പണവുമായി ചേച്ചി പാരീസിലേക്ക് പോകൂ. നാല് വര്‍ഷം പഠിക്കാനുള്ള പണം ഞാന്‍ അയച്ചുതരാം." സ്വന്തം സഹോദരിയുടെ പഠനത്തിന്റെ ചുമതലകള്‍ ഏറ്റെടുത്ത മേരിയയെ കൂട്ടുകാര്‍ അ റിയും. മേരി ക്യൂറി (മാഡം ക്യൂറി)എന്ന പേരില്‍ പിന്നീട് ലോകമറിയുന്ന ശാസ്ത്രജ്ഞയായി അവര്‍ മാറി. യുനെസ്കോയ്ക്കുവേണ്ടി ന്യൂസയന്റിസ്റ്റ് മാഗസിന്‍ 2009ല്‍ നട ത്തിയ വോട്ടെടുപ്പില്‍ ശാസ്ത്രത്തില്‍ ഏറ്റവും കൂടുതല്‍ ആവേശം കൊള്ളിക്കുന്ന വനിതയായി മേരിക്യൂറി തെരഞ്ഞെടുക്കപ്പെട്ടു. ജൂലായ് നാല് മേരി ക്യൂറിയുടെ ചരമദിനമാണ്. ഐക്യരാഷ്ട്ര സഭ 2011 രസതന്ത്ര വര്‍ഷമായി പ്രഖ്യാപിക്കാനുള്ള കാരണങ്ങളിലൊന്ന് മേരിക്യൂറിക്ക് രസതന്ത്രത്തില്‍ നോബല്‍ സമ്മാനം ലഭിച്ചതിന്റെ നൂറാം വാര്‍ഷികമാണ് എന്നതാണ്. ലോകമെങ്ങുമുള്ള രസതന്ത്രജ്ഞരുടെ സംഘടനയാണ് ഇന്റര്‍നാഷണല്‍ യൂണിയന്‍ ഓഫ് പ്യൂര്‍ ആന്‍ഡ് അപ്ലൈഡ് കെമിസ്ട്രി (കഡജഅഇ) ഈ സംഘടനയുടെ പൂര്‍വരൂപമായ ഇന്റര്‍നാഷണല്‍ അസോസിയേഷന്‍ ഓഫ് കെമിക്കല്‍ സൊസൈറ്റീസ് (കഅഇട) രൂപീകരിച്ചിട്ട് നൂറ് വര്‍ഷം തികഞ്ഞു എന്നത് മറ്റൊന്ന്.

"പരീക്ഷണ"ബാല്യം

അധ്യാപക ദമ്പതികളായ ബ്രോ ണിസ്ലോവയുടെയും വ്ളാഡിസ്ലാ സ്സ്ലോഡോവിസ്കിയുടെയും അഞ്ചാമത്തെ മകളായി 1867 നവംബര്‍ ഏഴിനാണ് മേരി ക്യൂറി ജനിച്ചത്. മേരിക്ക് പന്ത്രണ്ട് വയസ്സുള്ളപ്പോള്‍ അമ്മയും രണ്ട് വര്‍ഷം കഴിഞ്ഞ് മൂത്ത സഹോദരി സോഫിയയും ക്ഷയരോഗം മൂലം മരിച്ചു. തുഛവരുമാനം മാത്രമുള്ള കുടുംബം ജീവിക്കാന്‍ നന്നേ പ്രയാസപ്പെട്ടു. അച്ഛന്റെ കണ്ണാടി അലമാരയിലെ പരീക്ഷണ ഉപകരണങ്ങള്‍ അവളെ സ്വാധീനിച്ചു. അച്ഛനൊപ്പം രാസ പരീക്ഷണങ്ങളിലും പങ്കാളിയായി.

പിയറിയെ കണ്ടുമുട്ടുന്നു

1894-ല്‍ സോര്‍ബോണ്‍ സര്‍വകലാശാലയിലെ പഠന കാലത്താണ് പിയറിയെ പരിചയപ്പെടുന്നത്. പീസോ ഇലക്ട്രിക് പ്രഭാവത്തിന്റെ കണ്ടുപിടുത്തത്തോടെ ശാസ്ത്രലോകത്ത് പ്രശസ്തനായിരുന്നു അദ്ദേഹം. 1895-ല്‍ ഇവര്‍ വിവാഹിതരായി. ഐറിന്‍ , ഈവ് എന്നിവരാണ് മക്കള്‍ . ജീവിതത്തിലും പരീക്ഷണങ്ങളിലും താങ്ങുംതണലുമായിരുന പിയറിയുടെ അപകട മരണം കുടുംബത്തിന് ആഘാതമായി. 1906 ഏപ്രില്‍ 19ന് പാരീസിലെ തിരക്കുപിടിച്ച റോഡിലൂടെ നടന്നവന്ന പിയറിയെ വാഹനം ഇടിച്ചുവീഴ്ത്തുകയായിരുന്നു.

ഒരു വീട്ടില്‍ മൂന്ന് നൊബേല്‍ സമ്മാനം

റേഡിയോ ആക്ടീവതയുടെ കണ്ടുപിടുത്തത്തിന് 1903ല്‍ മേരിക്കും ഭര്‍ത്താവ് പിയറിക്കും ഹെന്‍റി ബെക്കുറലിനൊപ്പം ഭൗതിക ശാസ്ത്രത്തിനുള്ള നൊബേല്‍ സമ്മാനം ലഭിച്ചു. 1911-ല്‍ രസതന്ത്രത്തിലും മേരിയെ തേടി നൊബേല്‍ സമ്മാനമെത്തി. അവരുടെ മൂന്നാമത്തെ മകള്‍ ഐറിനും ഭര്‍ത്താവ് ഫ്രെഡറിക്കിനും പില്‍ക്കാലത്ത് നൊബേല്‍ സമ്മാനം ലഭിക്കുകയുണ്ടായി. നൊബേല്‍ സമ്മാനം ലഭിക്കുന്ന ആദ്യ വനിതയാണ് മേരി ക്യൂറി. രണ്ട് വിഷയത്തില്‍ നൊബേല്‍ സമ്മാനം ലഭിച്ച ഒരേയൊരു വ്യക്തിയും മേരി തന്നെ. പിന്നീട് നിരവധി പുരസ്കാരങ്ങള്‍ മേരിക്ക് ലഭിച്ചു. റേഡിയോ ആക്ടീവതയുടെ യൂണിറ്റിന് "ക്യൂറി" എന്ന പേര് നല്‍കി ശാസ്ത്രലോകം അവരെ ആദരിച്ചു.

കണ്ടുപിടുത്തങ്ങള്‍

ഹെന്‍റി ബെക്കുറല്‍ കണ്ടെത്തിയ റേഡിയോ ആക്ടിവിറ്റി എന്ന പ്രതിഭാസത്തിന് മേല്‍ നിരവധി തുടര്‍പരീക്ഷണങ്ങള്‍ അവര്‍ നടത്തി. "റേഡിയോ ആക്ടിവിറ്റി" എന്ന പേര് നല്‍കിയത് മാഡം ക്യൂറിയാണ്. ഈ പ്രതിഭാസത്തില്‍ നിന്നുണ്ടാകുന്ന വികിരണങ്ങളുടെ തീവ്രത കണ്ടെത്താന്‍ ക്യൂറി ദമ്പതികള്‍ക്ക് സാധിച്ചു. 1902ല്‍ റേഡിയം ക്ലോറൈഡും 1910ല്‍ റേഡിയവും അവര്‍ വേര്‍തിരിച്ചെടുത്തു. റേഡിയോ ആക്ടീവ് വികിരണം ഏറ്റതുമൂലം ബാധിച്ച രക്താര്‍ബുദത്തെത്തുടര്‍ന്ന് 1934 ജൂലൈ നാലിന് അവര്‍ ലോകത്തോട് വിട പറഞ്ഞു

--
എല്ലാ ഭാവുകങ്ങളും നേരുന്നു

നായയുടെ വാല് പന്തിരണ്ടു കൊല്ലം കുഴലിലിട്ടാലും ഇട്ടാലും വളഞ്ഞു ഇരിക്കുന്നത് എന്തുകൊണ്ട്?

2011-06-25T20:01:00.000-07:00

നായയുടെ വാലിലെ അസ്ഥികളുടെ പ്രത്യേകതയാണ് അത് . വല നിര്‍മിച്ചിരിക്കുന്ന കശേരുക്കള്‍ ഒന്നിനൊന്നു ബന്ധിപ്പിക്കുന്ന ലിഗ്മെന്റിന്റെ ഘടന അങ്ങനെയാണ്. സാധാരണഗതിയില്‍ , ഈ ലിഗ്മെന്ടുകള്‍ മുറുകി നില്‍ക്കുമ്പോഴാണ് നായയുടെ വാല്‍ വളഞ്ഞു പോകുന്നത്. കുഴാലിട്ടു കുഴാല്‍ പുറത്തെടുക്കുമ്പോഴും ഈ സ്വഭാവം മാറുന്നില്ല. അതുകൊണ്ട് വീണ്ടും വാല്‍ വളഞ്ഞിരിക്കും.

എന്നാല്‍ ലിഗ്മെന്റിനു ഈതെങ്ങിലും തരത്തില്‍ തളര്‍ച്ച ഉണ്ടായാല്‍ നായയുടെ വാല്‍ അല്പം നിവര്‍ന്നു നില്‍ക്കും. ഉദാഹരണത്തിന് ചികിത്സയുടെ ഭാഗമായി മയക്കു മരുന്ന് കുത്തിവെച്ചാല്‍ , മയക്കുമരുന്നിന്റെ സ്വാദീനഭലമായി ലിഗ്മെന്റിനു തളര്‍ച്ച വരുമ്പോള്‍ വാല്‍ സ്വല്പം നിവര്‍ന്നു നില്‍ക്കും.

അടുത്ത ലക്കം: ഇലയോ ചെടിയോ ആദ്യം ഉണ്ടായതു?

Subscribe to കിളിചെപ്പ് by Email

അള്‍ജീരിയ

2011-06-14T19:19:00.000-07:00

ആഫ്രിക്കന്‍ ഭുഗന്‍ടതിലെ രണ്ടാമത്തെ വലിയ രാജ്യമാണ് അള്‍ജീരിയ . രാജ്യത്തിന്‍റെ വടക്ക് ഭാഗത്ത്‌ മേടിട്ടരെനിയന്‍ കടലാണ്. ടുണിഷ്യ , നൈജര്‍ , ലിബിയ,മോരോകോ,മാലി,മൌരിട്ടനിയ, വെസ്റെര്ന്‍ സഹാറ എന്നിവയാണ് അയല്‍രാജ്യങ്ങള്‍.

സ്വാതന്ദ്ര്യ സമരത്തിലും അതിനു ശേഷമുണ്ടായ ആഭ്യന്ദര കലാപങ്ങളിലുംയി ലക്ഷക്കണക്കിന്‌ പേരാണ് കൊല്ലപ്പെട്ടത്. ഇല്‍ ഫ്രാന്‍‌സില്‍ നിന്നാണ് രാജ്യം സ്വതന്ദ്രം നേടിയത്.

അള്‍ജീരിയയില്‍ അഞ്ചില്‍ നാലുഭാഗവും സഹാറ മരുഭൂമിയാനു . രാജ്യത്തിന്‍റെ വടക്കുഭാഗതാണ് ജനവാസം കുടുതല്‍ ഉള്ളത്. ലോകത്തെ പ്രദാന എണ്ണ ഉത്പാദന രാജ്യങ്ങളില്‍ ഒന്നായ അള്‍ജീരിയയില്‍ കളിലാണ് എണ്ണ കണ്ടെത്തുന്നത്.യുറോപ്യന്‍ രാജ്യങ്ങളിലേക്കാണ് അള്‍ജീരിയയില്‍ നിന്നും പ്രകൃതി വാതക കയറ്റുമതി ചെയ്യുന്നത്‌.

ബെര്‍ബെര്‍ ഗോത്ര വര്‍ഗക്കരയിരുന്നു അള്‍ജീരിയയിലെ ആദിമനിവാസികള്‍. അറബികള്‍ ഈ പ്രദേശം കീഴാടക്കുനത് എഴാം നുറ്റാണ്ടോടെ ആണ്. ഇപോഴും ജനസംഘ്യയുടെ മുപ്പതു ശതമാനത്തോളം ബെര്‍ബെര്‍ വര്‍ഗക്കാരന്.

കളില്‍ അല്ജേറിയ രക്തരുക്ഷിതമായ പോരാട്ടങ്ങള്‍ക്ക് വേദിയായി.

ഔദ്യോഗിക നാമം:- The People's Democratic Republic of Algeria

ജനസംഘ്യ :- 33.9 ദശലക്ഷം

തലസ്ഥാനം:- അല്‍ ജിയെര്സ് [Algiers]

വിസ്തൃതി:- 2.4 ദശലക്ഷം കിലോമീറ്റര്‍

പ്രധാന ഭാഷകള്‍ :- അറബി, ഫ്രഞ്ച്,ബെര്‍ബെര്‍

പ്രധാന മതം:- ഇസ്ലാം

ആയുര്‍ ദിര്ഘ്യം :- 72.5 വയസ്

നാണയം:- ദിനാര്‍

STD Code : +213

Subscribe to കിളിചെപ്പ് by Email

Algeria

കാത്തു സുക്ഷിക്കാം മഴവെള്ളം 2

2011-06-06T18:41:00.000-07:00

മഴയെ വരവേല്‍ക്കാന്‍ ഒരുങ്ങാം

കാലവര്‍ഷം എത്തി കഴിഞ്ഞതോടെ തോടുകളും പുഴാകളും എല്ലാം നിറഞ്ഞു കവിയാന്‍ തുടങ്ങും. കഠിനമായ വേനലിന് ശേഷമുള്ള ഈ മഴ നമ്മെ ഏറെ സന്തോഷിപ്പിക്കുന്നു. മഴ കന്നക്കുന്നതോടെ അത് നമ്മെ കുറേശ്ശെ പേടിപ്പെടുത്തും. നദികള്‍ കര കവിയാന്‍ തുടങ്ങും .വെള്ളപ്പൊക്കം നാടിനെ വിഴുങ്ങും.കടലക്ക്രമണ ക്കെടുതികള്‍....

നാം നിസ്സഹായരായി നോക്കിനില്‍ക്കെ നമ്മുടെ നല്പ്പതിനാല് നദികളിലുടെയും തോടുകളിലുടെയും വെള്ളം ഓടിക്കിതച്ചു കടലിലെത്തും!

വീണ്ടും വേനല്‍ വരുമ്പോഴോ?

കുടിവെള്ളത്തിനായി നാം നാടുനീളെ അലയും.

നമ്മുടെ ഈ നിസ്സഹായതക്ക് എന്താണ് ഒരു പരിഹാരം?

ഇത്തവണ കുട്ടുകാരുടെ ആദ്യ പ്രൊജക്റ്റ്‌ ഇതയിരെക്കട്ടെ.

മഴവെള്ളം സംഭരിക്കാം

കുത്തനെയുള്ള ഭുപ്രക്രിതി കാരണം കേരളത്തില്‍ പെയ്യുന്ന മഴയുടെ ഭുരിഭാഗവും ഉടനെ തന്നെ അറബിക്കടലില്‍ എത്തുന്നു.കോടി ഘന മീറ്റര്‍ വെള്ളമാണ് എല്ലാ നദികളിലും കുടി പ്രതിവര്‍ഷം ഒഴുകി പോകുന്നത്. കുഴല്‍ കിണറുകളും, തുറന്ന കിണറുകളും കുഴിച്ചു ഭുമിക്കടിയിലെ വെള്ളം നാം വന്‍തോതില്‍ പുറത്തെടുക്കുന്നു. കേരളത്തിലെ പദ്ധതി പ്രദേശങ്ങളില്‍ നിന്നെല്ലാം വൈദ്യുതി ഉല്‍പാദാനത്തിനു ശേഷം വെള്ളം പാഴായി പോകുകയാണ്. ഇവ ഫലപ്രദമായി ഉപയോഗിക്കാന്‍ ഇപ്പോള്‍ സംവിധാനം ഒന്നുമില്ല. മഴക്കാലത്ത് മണ്ണിലിറങ്ങി ചെല്ലുന്ന മഴ വെള്ളത്തിന്റെ അളവ് കുറയുന്നതാണ് കിണറുകളിലെ വെള്ളം കുറയുന്നതിനും വേനല്‍ ക്കാലത്ത് ജലക്ഷാമം രുക്ഷമാകുന്നതിനും കാരണം.

ചിത്രം:കടപ്പാട് മിഴിചെപ്പു ബ്ലോഗ്‌

ഭുമിയെ തണുപ്പിക്കാന്‍ വാട്ടര്‍ടാങ്ങുകള്‍

മഴ വെള്ള സംരക്ഷണത്തിന് ഏതെല്ലാം മാര്‍ഗങ്ങള്‍ നമ്മുക്ക് സ്വെകരിക്കാന്‍ കഴിയും?കുട്ടുകാരുടെ പ്രോജക്ടിലെ ഏറ്റവും പ്രടനപ്പെട്ട ഒന്നാണിത്.

മഴവെള്ളം സംഭരിക്കാന്‍ - തുറസ്സായ സ്ഥലങ്ങളില്‍ നീര്‍ക്കുഴികള്‍ നിര്‍മ്മിച്ച്‌ മണ്ണിലേക്ക് വെള്ളം ഇറക്കാം, തട്ടുതട്ടായുള്ള കൃഷിരീതി, കല്ലും മണ്ണും കൊണ്ടുള്ള ബണ്ട് നിര്‍മ്മാണം വിവിധ സസ്യ ആവരണങ്ങള്‍ കൊണ്ടുള്ള മേലാവരണം എന്നിവ നല്‍കി ഉപരിതല നീരൊഴുക്ക് കുറക്കുകയും ജലാഗരണ ശേഷി കുട്ടുകയും ചെയ്യാം. കൊണ്ക്രെറ്റ് ഇട്ട മുറ്റങ്ങളില്‍ വീഴുന്ന വെള്ളം പ്രത്യേക നീര്‍ക്കുഴികള്‍ വഴി മണ്ണിലേക്ക് ഇറക്കിവിട്ടു ജലാഗരണ ശേഷി കുട്ടാം.

തുടരും.....

Subscribe to കിളിചെപ്പ് by Email

കാത്തു സുക്ഷിക്കാം മഴവെള്ളം

2011-06-04T23:26:00.000-07:00

നാല്‍പ്പത്തിനാലു നദികള്‍ ഒഴുകിയിരുന്ന മരുഭൂമി!
അങ്ങനെ ഒന്നുണ്ടോ?
സംശയിക്കേണ്ട, നമ്മുടെ ഈ കൊച്ചു കേരളത്തെ അടുത്ത തലമുറ ഒരു പക്ഷെ അങ്ങനെ വിശേഷിപ്പിചെന്നിരിക്കും! നമ്മുടെ 'ബുദ്ധിയില്ലായിമ' ഈ മാവേലി നാടിനെ ഒരു മരുഭൂമിയാക്കി മാറ്റുന്ന കാലം വിദുരമല്ല....
കുന്നുകളെല്ലാം ഇടിച്ചുനിരത്തി,
വയലുകളെല്ലാം മണ്ണിട്ട്‌ നികത്തി,
കോണ്ക്രീറ്റ് കെട്ടിടങ്ങളാല്‍ നിറയപ്പെട്ട നമ്മുടെ സ്വന്തം നാട് മരുഭൂമിയായി മാറാതിരിക്കാന്‍ നമ്മളോരോരുത്തരും ശ്രദ്ധി ക്കെണ്ടിയിരിക്കുന്നു.

ആരാണി മണ്‍സൂണ്‍?(Monsoon )

നമ്മുടെ നാട്ടിലേക്കു മഴയുമായി എത്തുന്ന ഈ വിരുന്നുകാരന്‍ കാറ്റിനെയാണ് നാം 'മണ്‍സൂണ്‍' എന്ന് വിളിക്കുന്നത്‌. ലോകത്ത് പലഭാഗത്തും മണ്‍സൂണ്‍ ഉണ്ട്. എന്നാല്‍, ഇന്ത്യ ഉപഭുകണ്ടാത്തിലെ മണ്‍സൂണ്‍ ആണ് ഏറ്റവും ശക്തമായത്. വളരെ കൃത്യമായി ഇത് നമ്മുടെ നാട്ടില്‍ എത്തുന്നു.'ഇടവപ്പാതിക്ക് മഴയെത്തുമെന്നു നമ്മുക്ക് പണ്ടേ അറിയാമായിരുന്നു. എന്നാല്‍ ഈ രഹസ്യം കണ്ടെത്തിയത് അറബികളായിരുന്നു. ഒരു നിശ്ചിത കാലത്ത് ഇന്ത്യന്‍ മഹാസമുദ്രത്തില്‍ നിന്ന് ശക്തമായ കാറ്റുവീശുമെന്ന് അവര്‍ കണ്ടെത്തി. 'കാലികമായി ഉണ്ടാകുന്ന കാറ്റു ' എന്നാ അര്‍ത്ഥത്തില്‍ അവരതിന് 'മൌസം ' എന്ന പേരിടുകയും ചെയ്തു . 'മൌസം ' ഇംഗ്ലീഷില്‍ എത്തിയപ്പോള്‍ 'മണ്‍സൂണ്‍' ആയി മാറി. വേനല്‍ക്കാലത്ത് തെക്ക് പടിഞ്ഞാറുനിന്നും ശേഷിച്ച കാലം വടക്ക് കിഴയ്ക്ക് നിന്നും വീശുന്ന കാറ്റാന്‍ മണ്‍സൂണ്‍ . ജൂണ്‍ മുതല്‍ സെപ്റ്റംബര്‍ വരെ നമ്മുക്ക് ലഭിക്കുന്ന മഴ തെക്കുപടിഞ്ഞരന്‍ മണ്‍സൂണ്‍ ആണ്. ജൂണ്‍, ജൂലായ് മാസങ്ങളില്‍ കാലവര്‍ഷം ശക്തി പ്രാപിക്കും .ഈ മഴയാണ് നമ്മുടെ നാടിനെ സമ്പല്‍ സമൃധമക്കുന്നതില്‌ മുഘ്യ പാങ്ങ് വഹിക്കുന്നത്.

തുടരും...

Subscribe to കിളിചെപ്പ് by Email

വെള്ളം വെളുത്തിരിക്കുന്നത് എന്തുകൊണ്ട്?

2011-06-04T11:10:00.001-07:00

വെള്ളം വെളുത്തിരിക്കുന്നു എന്ന് പറയുന്നതിനേക്കാള്‍ സുതാര്യമായതും നിറമില്ലാത്തതുമായ വസ്തു

ആണെന്ന് പറയുന്നതാണ് കുടുതല്‍ ശരി. പ്രകാശം ഒരു വസ്തുവില്‍ പതിക്കുമ്പോള്‍ അതിലെ ചില ഘടകങ്ങള്‍ ആഗിരണം ചെയ്യുകയും പ്രതിഫലിപ്പികുകയും ചെയ്യാറുണ്ട്. ഒരു വസ്തു പ്രകാശത്തിലെ എല്ലാ രശ്മികളെയും പ്രതിഫലിപ്പിച്ചാല്‍ അത് വെള്ള നിറമായി അനുഭവപ്പെടും.

ചില വസ്തുക്കള്‍ പ്രകാശത്തെ ആഗിരണം ചെയ്യുകയോ പ്രതിഫലിപ്പിക്കുകയോ ചെയ്യുന്നതിന് പകരം അവയ്ക്ക് ഉള്ളിലുടെ പ്രകശം കടത്തി വിടുന്നു. വെള്ളം ഇങ്ങനെയുള്ള ഒരു പദാര്‍ത്ഥം ആണ്. വെള്ളത്തില്‍ കുടി പ്രകാശം കടന്നുപോകുമ്പോള്‍ ചെറിയ ഒരു ഭാഗം പ്രതിഫലിക്കുകയും വലിയൊരു ഭാഗം കടന്നുപോകുകയും ചെയ്യുന്നു. അതുകൊണ്ടാണ് വെള്ളം സുതാര്യമായി തോന്നുന്നത്. എന്നാല്‍ വെള്ളം ഉപയോഗിച്ച് സോപ്പ് പതപ്പിക്കുംബോളും കടല്‍ തിരയടിച്ച് പതയുംബോളും വെളുത്ത നിറമായിരിക്കും. സോപ്പ് പത പ്രകാശത്തിന്റെ എല്ലാ രശ്മികളെയും പ്രതിഫലിപ്പിക്കുന്നത് കൊണ്ടാണ് ഇത്. അതി മൃദുവായ പല ദ്രാവക പടലങ്ങളും വായുവും ചേര്‍ന്നാണ് പാതയുടെ ഘടന .

ചില പ്രത്യേക പദാര്‍ത്ഥങ്ങള്‍ വെള്ളത്തില്‍ ലയിക്കുമ്പോള്‍ വെള്ളത്തിന്‌ പല നിറങ്ങള്‍ ഉണ്ടാകാറുണ്ട്. ( മാലിന്യങ്ങള്‍ കലരുമ്പോഴും) . കോപ്പര്‍, നിക്കല്‍, ക്രോമിയം, കൊബാള്‍ട്ട് മുതലായ ലോഹങ്ങളുടെ ലവണങ്ങള്‍ ലയിക്കുമ്പോള്‍ വെള്ളത്തിന്‌ വിവിധ നിറങ്ങള്‍ ലഭിക്കും. ധവള പ്രകാശത്തില്‍ അടങ്ങിയിട്ടുള്ള പ്രത്യേക രശ്മികളെ പ്രതിഫലിപ്പിക്കുകയും മറ്റുള്ള രശ്മികളെ ആഗിരണം ചെയ്യുമ്പോഴും ആണ് ചില പ്രത്യേക നിറം ലഭിക്കുന്നത്.

ചില സ്ടലങ്ങളില്‍ മഴയ്ക്ക് മഞ്ഞ , ചുവപ്പ് തുടങ്ങിയ നിറങ്ങള്‍ കാണുന്നതായി അടുത്ത കാലത്ത് വാര്‍ത്ത‍ വരികയുണ്ടായി. പല കാരണങ്ങള്‍ പറയുന്നുന്ടെങ്ങിലും ജൈവകോശങ്ങളുടെ സാന്നിധ്യം മുലമാണ് നിറവിത്യാസം എന്നാണ് ഒരു നിഗമനം. ചില സുക്ഷ്മ സസ്യങ്ങളുടെ പരാഗങ്ങളില്‍ അടങ്ങിയ ചായങ്ങള്‍ മുലമാണ് വര്‍ണ മഴ ഉണ്ടാകുന്നതെന്ന് മറ്റൊരു നിഗമനവും ഉണ്ട്. മറ്റൊരു നിഗമനം അന്യ ഗ്രഹങ്ങളിലെയോ ഉള്‍ക്കകളുടെയോ പോടിപടലമാവം കാരണമെന്നും പറയുന്നു

Subscribe to കിളിചെപ്പ് by ഇമെയില്‍

എന്തുകൊണ്ട്? - പുതിയതായി ഒരു പംക്തി തുടങ്ങുന്നു.

2011-05-29T05:52:00.000-07:00

സാധാരണയായി , ചെടിയുടെ ഒരു കമ്പ് കുഴിച്ചു വച്ചാല്‍ അതൊരു പൂര്‍ണ ചെടിയായി വളര്‍ന്നുവരുന്നു. ജന്തുക്കളുടെയും മനുഷ്യന്റെയും കാര്യത്തില്‍ ഇത് സംഭവിക്കുന്നില്ല എന്തുകൊണ്ടാണിങ്ങനെ ?

സസ്യകോശങ്ങള്‍ക്ക് ഒരു സംബുര്ന ചെടിയായി വളരാനുള്ള കഴിവുണ്ട്. എന്നാല്‍ ജന്തുക്കളുടെ കോശങ്ങള്‍ക്ക് ഈ കഴിവില്ല. അതുകൊണ്ട് ചെടികളെപോലെ മൃഗങ്ങളിലെ 'ശരീര'ഭാഗങ്ങള്‍ പുനര്‍ജനിച്ചുു പൂര്‍ണ മൃഗമായി വളരാന്‍ കഴിയില്ല

ഒരു കോശത്തിന് ഒരു പൂര്‍ണ ചെടിയായി പരത്യുല്‍പാദിപ്പിക്കാനുള്ള കഴിവിനെ ശാസ്ത്രം വിശേഷിപ്പിക്കുന്നത് ടോട്ടിപൊട്ടന്‍സി[Totipotency ] (സംബുര്ന വളര്‍ച്ച ക്ഷമത) എന്നാണ്. സസ്യ കോശങ്ങള്‍ ടോട്ടിപൊട്ടന്‍സി പ്രദര്‍ശിപ്പിക്കുമ്പോള്‍ ജന്തു കോശങ്ങള്‍ക്ക് അതില്ല. ഇതാണ് ജന്തുകൊശങ്ങളെ സംബന്ധിച്ച് ഇതുവരെ ഉണ്ടായിരുന്ന വിശ്വാസം .

പരീക്ഷണങ്ങളിളുടെ ഉറപ്പിച്ചതുമാണ്. ജന്തുക്കളില്‍ ലൈംഗിക കോശങ്ങളുടെ (ജെം സെല്‍ ) സംഗലനത്തിലുടെ ഒരു ഭുണം ഉണ്ടാകുന്നു , അത് വളര്‍ന്നു അവയവങ്ങളായി മാറിയാലേ പൂര്‍ണ ജന്തുവായി തീരാന്‍ കഴിയു.

എന്നാല്‍ പതിനാല് വര്ഷം മുന്‍പ് , സാധാരണ ശരീര കോശത്തില്‍ നിന്ന് ഒരു പൂര്‍ണ മൃഗത്തെ സൃഷ്ടിക്കാന്‍ കഴിയുമെന്നു (ക്ലോണ്‍ ചെയ്തു ) പരീക്ഷണങ്ങളിലുടെ ശാസ്ത്രജര്‍ തെളിയിച്ചു. അങ്ങനെയാണ് ഇയാന്‍ വില്‍മുട്ട് 'ഡോളി' എന്ന ആടിനെ സൃഷ്ടിച്ചത് . ഇതേ രീതിയില്‍ പരീക്ഷണം നടത്തി പല മൃഗങ്ങളെയും വളര്‍ത്തി എടുത്തിട്ടുണ്ട്.

ഇനി എന്തുകൊണ്ട് സസ്യകോശങ്ങള്‍ക്ക് മാത്രം സ്വതസിദ്ദമായി സംബുര്ന വളര്‍ച്ച ക്ഷമത ഉണ്ടായി എന്ന് ചോദിച്ചാല്‍ ഇതിനു ഇതുവരെ ഉത്തരം കണ്ടെത്താന്‍ കഴിഞ്ഞിട്ടില്ല എന്നെ പറയാന്‍ ആകു. പ്രകൃതിയിലെ ഒരു സമസ്യയണിത്.

ക്ലോണിംഗ് ക്വിസ്

Subscribe to കിളിചെപ്പ് by Email

നീലക്കുരുവി

2011-05-17T20:10:00.001-07:00

പശ്ചിമഘട്ടത്തിലെ നിത്യഹരിത വനങ്ങളില്‍ മാത്രം കണ്ടുവരുന്ന മനോഹരമായ ചെറുപക്ഷിയാണ് നീലക്കുരുവി. അന്ഗാടിക്കുരുവിയുടെ വലുപ്പം,ശരീരത്തിന്റെ ഏറിയഭാഗവും നീലനിറം.ആണ്പക്ഷിയുടെ തൊണ്ടയും നെഞ്ചും ഓറഞ്ചു നിറമാണ്‌.പിടക്കു കഴുത്തിലെ ഓറഞ്ചു നിറം വളരെ കുറവായിരിക്കും. ഇവയുടെ ദേഹത്തിന്റെ അടിഭാഗത്ത്‌ വെള്ള നിറമാണ്‌.
കറുപ്പ് നിറത്തില്‍ ചെറിയ കൊക്കാന് നീലക്കുരുവിക്കു. കൊക്കിനടിയില്‍ കുറ്റിരോമങ്ങള് ഉണ്ട്. ഇര കൊക്കില്‍നിന്നും വഴുതി പോകാതിരിക്കാന്‍ ഈ രോമങ്ങള്‍ സഹായിക്കുന്നു.
ഈറ്റയും കുരിഞ്ഞിയും ധാരാളമുള്ള പൊന്തക്കാടുകളില്‍ ആണ് നീലക്കുരുവിയെ കണ്ടുവരുന്നത്‌. മിക്കവാറും ചിലച്ചു കൊണ്ടായിരിക്കും ഇവയുടെ സന്ജരം. വംശനാശത്തിന്റെ വക്കില്‍ നില്‍ക്കുന്ന ഒരു കാട്ടുപക്ഷിയാണ് ഇത്.

--
എല്ലാ ഭാവുകങ്ങളും നേരുന്നു