ചെകുത്താൻ പാനീയം

ഒരിക്കൽ മുല്ലാ നാസറുദ്ദീൻ ഒരു മദ്യശാലയിൽ നിന്ന് പുറത്തേക്ക് വരുന്നത് അവരുടെ മതപുരോഹിതൻ കാണുന്നു. പുരോഹിതൻ അദ്ദേഹത്തെ വിളിച്ചു ചോദിക്കുകകയാണ്  നസ്രുദീൻ നിങ്ങൾ ഒരു തികഞ്ഞ വിശ്വാസിയല്ലേ മദ്യം  എന്ന് പറയുന്നത് ചെകുത്താന്റെ പാനീയം അല്ലേ ചെകുത്താൻ ക്ഷണിക്കുമ്പോൾ നിങ്ങൾ എന്താ അത് നിരസിക്കാത്തത്. അപ്പോൾ മുല്ലാ നാസറുദ്ദീൻ സരസമായി മറുപടി പറയുകയാണ് എനിക്ക് നിരസിക്കണം  എന്നുണ്ട് പക്ഷെ പിന്നീട് ചെകുത്താൻ എന്നെ ക്ഷണിച്ചില്ലെങ്കിലോ  എന്നോർത്തിട്ടാണ്

പലപ്പോഴും അറിവില്ലായ്മയോ വേണ്ടത്ര ബോധ്യമില്ലായ്മയോ  അല്ല പല തെറ്റുകളുടെയും കാരണം തെറ്റ് തെറ്റാണെന്ന് അറിഞ്ഞിട്ടു തന്നെയാണ് പലപ്പോഴും നാം അത് ചെയ്യുന്നതും അതിൽതന്നെ തുടരുന്നതും തെറ്റിന്റെ സുഖം അറിഞ്ഞാൽ പിന്നെ നാം പലപ്പോഴും അതിൽ തന്നെ തുടരാനാണ് ഇഷ്ടപ്പെടുക പലപ്പോഴും നാം അതിനെ ന്യായീകരിക്കാനും ശ്രമിക്കും. തെറ്റിന്റെ സുഖങ്ങളെ വല്ലാതെ ഇഷ്ടപ്പെട്ടു തുടങ്ങിയാൽ പിന്നെ നമുക്ക് ഒരിക്കലും നന്മയുടെ സംതൃപ്തി അനുഭവിക്കാൻ സാധിച്ചെന്നുവരില്ല. നാം എന്നും  അനുഭവിച്ചുകൊണ്ടിരിക്കുന്ന സുഖകരമായ ചില കാര്യങ്ങളെ നിരസിക്കാൻ നമ്മുടെ മനസ്സ് തയ്യാറായാൽ നമ്മുടെ ദുശ്ശീലങ്ങൾ ഒക്കെ താനെ നിൽക്കും. വേണ്ടാത്തത് ആണ് എന്ന് നല്ല ബോധ്യമുണ്ടെങ്കിലും ചില ശീലങ്ങളെ ഉപേക്ഷിക്കാൻ തയ്യാറാകുന്നില്ല എന്നതാണ് വാസ്തവം പ്രിയമുള്ളവരേ ദുശ്ശീലങ്ങളെ ഉപേക്ഷിക്കുവാൻ ദുരനുഭവങ്ങളോ ദുരന്തങ്ങളോ ഉണ്ടാകുന്നത് വരെ നാം ഒരിക്കലും കാത്തിരിക്കരുത്.