25 വയസ്സിന് മുമ്പ് വായിച്ചിരിക്കേണ്ട പുസ്തകങ്ങള്‍*

കുട്ടിക്കാലം മുതൽക്കേ വായന ശീലമാക്കണമെന്നാണ് കോഴിക്കോട് ദേവഗിരി കോളജിലെ ഇംഗ്ലീഷ് വിഭാഗം മുൻ അദ്ധ്യാപകനും വിവർത്തകനുമായ പി. ജയേന്ദ്രന്റെ അഭിപ്രായം. എങ്കിൽ മാത്രമേ നിങ്ങൾക്ക് പൂർണ മനുഷ്യനാകാൻ സാധിക്കു. ഈസോപ്പു കഥകളും പഞ്ചതന്ത്രവും പുനരാഖ്യാനം ചെയ്തിട്ടുള്ള രാമായണവും മഹാഭാരതവും ഉൾപ്പെടെയുള്ളവ അഞ്ചു മുതൽ പത്തുവയസുവരെയുള്ള കുട്ടികളുടെ വായനക്ക് നല്ലതാണ്.

മാർക്ക് ട്വയിൻ രചിച്ച ദ അഡ്വഞ്ചേഴ്സ് ഓഫ് ടോം സോയർ, ജൂൾസ് വെർണയുടെ ജേർണി ടു ദ സെന്റർ ഓഫ് ദ എർത്ത്, സോമർസെറ്റ് മോമിന്റെ ചെറുകഥകൾ തുടങ്ങിയവ 10 മുതൽ 15 വരെയുള്ള പ്രായക്കാർക്ക് വായിക്കാൻ നല്ലതാണ്.
മനുഷ്യനും പ്രകൃതിയും തമ്മിലുള്ള ബന്ധം വെളിപ്പെടുത്തുന്ന, മനുഷ്യന് പ്രകൃതിയെ ഒരിക്കലും കീഴ്പ്പെടുത്താനാവില്ലെന്ന സന്ദേശം നൽകുന്ന ഏണസ്റ്റ് ഹെമിങ്വേയുടെ ഓൾഡ് മാൻ ആൻഡ് ദ സീ, ഗ്രേറ്റ് ഡിപ്രഷനെ അടിസഥാനപ്പെടുത്തി ജോൺ സ്റ്റെയിൻബെക്ക് രചിച്ച ദ ഗ്രേപ്സ് ഓഫ് റാഥ്, ടോൾസ്റ്റോയിയുടെ യുദ്ധവും സമാധാനവും തുടങ്ങിയവ 15 മുതൽ 25 വയസുവരെയുള്ള കാലത്തെ വായനക്ക് അനുയോജ്യമാണ്.
ചിത്രകാരൻ വാൻഗോഗിന്റെ കഥ പറയുന്നതാണ് ഇർവിങ് സ്റ്റോണിന്റെ ലസ്റ്റ് ഓഫ് ലൈഫ്. നോവലിന്റെ സാധ്യതകൾക്കൊപ്പം ആധുനിക ചിത്രകലയുടെ ആമുഖമായും ഈ കൃതി വായിക്കാം. ലോകത്തിലെ ഏറ്റവും പ്രശസ്തമായ യുദ്ധനോവലാണ് എറിക് മറിയ റെമാർക്യൂവിന്റെ ഓൾ ക്വയ്റ്റ് ഓൺ ദ വെസ്റ്റേൺ ഫ്രണ്ട്. റെമർക്യുവിന്റെ എഴുത്തിൽ അസ്വസ്ഥനായ അഡോൾഫ് ഹിറ്റ്ലർ നോവലിസ്റ്റിനെ അന്വേഷിച്ച് വീട്ടിലെത്തുകയും എഴുത്തുകാരനെ പിടികൂടാൻ കഴിയാത്തതിൽ കുപിതനായി സഹോദരിയെ വെടിവച്ചു കൊലപ്പെടുത്തിയതും പുസ്തകത്താളിൽ പുരണ്ട ചുകന്ന മഷിയായി അവശേഷിക്കുന്നു. ഹിമാലയയാത്രക്കൊപ്പം ആത്മീയമായ ഔന്നിത്യത്തിലേക്കുമുള്ള യാത്രയാണ് പീറ്റർ മാത്തിസണിന്റെ സ്നോ ലെപ്പേഡ് വായനക്കാരനുമായി പങ്കുവയ്ക്കുന്നത്.

5 മുതൽ പത്തു വയസുവരെയുള്ള കുട്ടികൾക്ക് വായിക്കാൻ പറ്റിയ പുസ്തകങ്ങൾ

* ഈസോപ്പു കഥകൾ

* പഞ്ചതന്ത്ര കഥകൾ

* ആലീസ് ഇൻ വണ്ടർലാൻഡ്

* മഹാഭാരതവും രാമായണവും - പുനരാഖ്യാനം ചെയ്തത്

* ജംഗിൾബുക്ക് - റുഡ്യാർഡ് കിപ്ലിങ്

10 മുതൽ 15 വയസുവരെയുള്ള കുട്ടികൾക്ക് വായിക്കാൻ പറ്റിയ പുസ്തകങ്ങൾ

* ടോം സോയർ - മാർക്ക് ട്വയിൻ

* ഐവാൻ ഹോ - വാൾട്ടർ സ്കോട്ട്

* ഗോര - രബീന്ദ്ര നാഥ ടാഗോർ

* ദ ബാച്ച്ലർ ഓഫ് ആർട്സ് - ആർ.കെ. നാരായണൻ

* ജേർണി ടു ദ സെന്റർ ഓഫ് ദ എർത്ത് - ജൂൾസ് വെർണെ

* ഷെർലക് ഹോംസ് - ആർതർ കൊനാൻ ഡോയൽ

* ഓൾ ക്രീച്ചേഴ്സ് ഗ്രേറ്റ് ആൻഡ് സ്മാൾ - ജെയിംസ് ഹാരിയറ്റ്

* മാൻ ഈറ്റേഴ്സ് ഓഫ് കുമയൂൺ - ജിം കോർബെറ്റ്

* സോമർസെറ്റ് മോമിന്റെ ചെറുകഥകൾ

* ജോനാഥൻ ലിവിങ്സ്റ്റൺ സീഗൾ - റിച്ചാർഡ് ബാക്ക്

15 മുതൽ 25 വരെ പ്രായമുള്ളവർക്ക് വായിക്കാൻ പറ്റിയ പുസ്തകങ്ങൾ

* ദ ഓൾഡ് മാൻ ആൻഡ് ദ സീ - ഏണസ്റ്റ് ഹെമിങ്വേ

* ഗ്രേപ്സ് ഓഫ് റാഥ് - ജോൺ സ്റ്റെയിൻബാക്ക്

* സോർബാ ദ ഗ്രീക്ക് - നിക്കോസ് കസൻദ്സക്കിസ്

* ലസ്റ്റ് ഫോർ ലൈഫ് - ഇർവിങ് സ്റ്റോൺ

* ഓൾ ക്വയറ്റ് ഓൺ ദ വെസ്റ്റേൺ ഫ്രണ്ട്- എറിക്ക് മറിയ റെമാർക്യു

* വാർ ആൻഡ് പീസ് - ടോൾസ്റ്റോയി

* ബ്രദേഴ്സ് ഓഫ് കാരമസോവ് - ദസ്തയേവ്സ്കി

* വൺ ഹൺഡ്രഡ് ഇയർ ഓഫ് സോളിറ്റിയൂഡ് - മാർക്കേസ്

* ഡാവിഞ്ചി കോഡ് -ഡാൻ ബ്രൗൺ

* ദ സ്റ്റോറി ഓഫ് സാൻമിഷേൽ - ആക്സൽ മുൻതേ

* ദ സ്നോ ലെപ്പേഡ് - പീറ്റർ മാത്തിസൺ

* സാധന - രബീന്ദ്ര നാഥ ടാഗോർ

* കൃഷ്ണ - ദ മാൻ ആൻഡ് ഹിസ് ഫിലോസഫി- ഓഷോ

* ഓൾഡ് പാത്ത് വൈറ്റ് ക്ലൗഡ്സ് - തിച്ച് ഞാറ്റ് ഹാൻ

* വെൻ ബ്രീത്ത് ബികം എയർ - പോൾ കലാനിധി

Share:

Read More

Plus One ഏകജാലക പ്രവേശനം സംബന്ധിച്ച്

1. +1 പ്രവേശനത്തിന്റെ ആദ്യ അലോട്ട്മെന്റ്  രാവിലെ മുതൽ നെറ്റിൽ ലഭ്യമാകും. നെറ്റിൽ നിന്ന് അലോട്ട്മെന്റ് ലെറ്റർ പ്രിന്റ് എടുക്കണം
2. പ്രവേശന സമയത്ത് അലോട്ട്മെന്റ് ലെറ്ററിന്റെ ഒന്നാമത്തെ പേജിൽ ഹാജരാക്കുന്ന രേഖകളുടെ വിവരങ്ങളും രണ്ടാം ഭാഷയും രേഖപ്പെടുത്തി വിദ്യാർത്ഥിയും രക്ഷിതാവും ഒപ്പിട്ടിരിക്കണം.
3. യോഗ്യതാ സർട്ടിഫിക്കറ്റ്, വിടുതൽ സർട്ടിഫിക്കറ്റ് (TC) സ്വഭാവ സർട്ടിഫിക്കറ്റ് (CC), ബോണസ് പോയിന്റ്, ടൈബ്രേക്ക് എന്നിവ അവകാശപ്പെട്ട ( ക്ലബ് സർട്ടിഫിക്കറ്റുകൾ) സർട്ടിഫിക്കറ്റ് എന്നിവയുടെ ഒറിജിനൽ ഹാജരാക്കണം.
4. യോഗ്യത സർട്ടിഫിക്കറ്റ് ബന്ധപ്പെട്ട സ്കൂൾ, ബോർഡ് എന്നിവടങ്ങളിൽ നിന്ന് ലഭിക്കാത്ത പക്ഷം പ്രവേശനത്തിനായി വിദ്യാർത്ഥികൾ നെറ്റിൽ നിന്ന് ലഭിക്കുന്ന കോപ്പി സ്വയം സാക്ഷ്യപ്പെടുത്തി നൽകാവുന്നതാണ്.
5. പ്രവേശന സമയത്ത് TC, CC എന്നിവ നിർബന്ധമാണ്.
6. അപേക്ഷകർക്ക് 2019 ജൂൺ 1 ന് 15 വയസ് തികഞ്ഞിരിക്കണം. 20 വയസ് കവിയാൻ പാടില്ല.
7. കേരളത്തിലെ SSLC പാസായവർക്ക് കുറഞ്ഞ പ്രായപരിധിയില്ല. ഉയർന്ന പ്രായപരിധിയിൽ നിന്ന് ആറ് മാസം ഇളവ് ലഭിക്കും.
8. മറ്റു ബോർഡുകളിൽ നിന്ന് പാസായവർക്കു ഉയർന്ന, താഴ്ന്ന പരിധിയിൽ നിന്ന് 6 മാസം ഇളവ് ലഭിക്കും. പട്ടികജാതി/വർഗ്ഗത്തിൽപ്പെട്ടവർക്കു പ്രായപരിധിയിൽ 2 മാസം ഇളവ് ലഭിക്കും.
9. അന്ധരോ ബധിരരോ, ബുദ്ധിപരമായി വെല്ലുവിളികൾ നേരിടുന്നവർക്ക് 25 വയസ്സ് വരെ ഇളവ് ലഭിക്കും.
10. ഭിന്ന ശേഷി വിഭാഗത്തിൽ ( Blind, OH .DEAF, MR) പ്രവേശനം നേടാൻ 40% കുറയാത്ത വൈകല്യമുണ്ടെന്ന് തെളിയിക്കുന്ന ജില്ലാതല കൗൺസ്‌ലിംഗ് സർട്ടിഫിക്കറ്റ് ഹാജരാക്കണം.
11. ഫീസ് ആനുകൂല്യം ലഭിക്കുന്നവർ ഒഴികെ സ്കൂൾ ഫീസ്, പി.ടി.എ. ഫണ്ട് എന്നിവ അടക്കണം.
12. സമുദായ സംവരണത്തിന് SSLC കാർഡിലെ സമുദായം മതിയാകും. SSLC കാർഡിലെ സമുദായം വിഭിന്നമാണെങ്കിൽ ജാതി സർട്ടിഫിക്കറ്റും വരുമാന സർട്ടിഫിക്കറ്റും ഹാജരാക്കണം.
13. പഞ്ചായത്ത്, താലൂക്ക്, ജില്ല എന്നിവയുടെ പേരിൽ ബോണസ് പോയന്റ് ലഭിക്കാർ SSLC ബുക്കിൽ ആ വിവരങ്ങൾ ഉണ്ടങ്കിൽ മതിയാകും. അല്ലാത്തപക്ഷം റേഷൻ കാർഡിന്റെ കോപ്പിയോ, നേറ്റിവിറ്റി സർട്ടിഫിക്കറ്റോ ഹാജരാക്കണം.
14. എൻ.സി.സി.75% ഹാജർ ഉണ്ടായിരിക്കണം - പുരസ്ക്കാർ ലഭിച്ചിട്ടുണ്ടെങ്കിൽ സ്കൗട്ട് വിഭാഗത്തിൽ ബോണസ് പോയന്റ് ഉണ്ടാകും.
16. നീന്തലിൽ 2 പോയന്റ് ലഭിച്ചിട്ടുണ്ടെങ്കിൽ അപേക്ഷകൻ താമസിക്കുന്ന തദ്ദേശ സ്വയംഭരണ സ്ഥാപനത്തിൽ രൂപീകരിച്ചിട്ടുള്ള സ്പോർട്ട്സ് കൗൺസിൽ, ജില്ലാ സ്പോർട്ട്സ് കൗൺസിൽ എന്നിവ നൽകിയീട്ടുള്ള സർട്ടിഫിക്കറ്റ് ഹാജരാക്കണം.
17. S.P.C വിദ്യാർത്ഥികൾ നിർദ്ദിഷ്ട ഓർഡർ പ്രകാരമുള്ള സർട്ടിഫിക്കറ്റ് ഹാജരാക്കണം.
18. NTSE ഒഴികെ ഹാജരാക്കുന്ന എല്ലാ സർട്ടിഫിക്കറ്റുകളും 10ആം ക്ലാസ് പഠിച്ചിരുന്ന സമയത്തായിരിക്കണം.
19. യോഗ്യത സർട്ടിഫിക്കറ്റ് ഹാജരാക്കുന്നതിന് മാത്രമേ അത് ലഭിക്കുന്നത് വരെ സമയം അനുവദിക്കു. മറ്റു സർട്ടിഫിക്കകളുടെ ഒറിജിൽ നിർബന്ധമാണ്.
20. വിദ്യാർത്ഥിക്കു സ്ഥിരമായും താൽകാലികമായും ചേരാം.
21. ഒന്നാം ഓപ്ഷൻ ലഭിച്ചവർ സ്ഥിരമായി ചേരണം. മറ്റ്‌ ഓപ്ഷനുകൾ നിലനിൽക്കുന്നുണ്ടെങ്കിൽ  താൽകാലികമായി ഫീസ് അടക്കാതെ ചേരാവുന്നതാണ്.
21. അടുത്ത അലോട്ട്മെന്റ് ഓപ്ഷൻ മാറ്റി കിട്ടിയില്ലെങ്കിൽ ഇവിടെ തന്നെ സ്ഥിരപ്പെടുന്നതാണ്. സ്ഥിരമായി ചേർന്നാലും അഡ്മിൻ പ്രക്രിയ അവസാനിക്കുന്നതിന് മുമ്പ് സ്കൂൾ കോമ്പിനേഷൻമാറുന്നതിന് അവസരമുണ്ടാകും.
22. അലോട്ട്മെന്റ് ലഭിച്ചിട്ടു ചേർന്നില്ലാ എങ്കിൽ ഏകജാലക പ്രവേശനത്തിൽ നിന്നു പുറത്താകുന്നതാണ്.
23. രണ്ട് മുഖ്യ അലോട്ട്മെൻറും സീറ്റുകൾ ബാക്കി വരുന്ന പ്രകാരം സപ്ലിമെന്റ് അലോട്ട്മെന്റുകളും ഉണ്ടാകുന്നതാണ്.
24. വിദ്യാർത്ഥികൾ ഏതെങ്കിലും സ്കൂളുകളിൽ ചേർന്നതിന് ശേഷം എല്ലാം ആവശ്യങ്ങൾക്കും ആ സ്കൂളിനെ തന്നെ സമീപിക്കേണ്ടതാണ് - (ഓപ്ഷൻ, സ്കൂൾ മാറ്റം)
25. ജൂൺ 3ന് +1 ക്ലാസുകൾ തുടങ്ങുന്നതായിരിക്കും.

Share:

Read More

Plus One Allotment List 2019

പ്ലസ് വൺ  പ്രവേശനം
 (23/05/2019 വൈകിട്ട് 6 23 നു ശേഷം  ഫസ്റ്റ് അലോട്ട്മെന്റ് പ്രസിദ്ധീകരിക്കും)

അലോട്ട്മെന്റ് ലഭിച്ചവർ നിർബന്ധമായും 24, 25, 27 തിയ്യതികളിലായി അലോട്ട്മെൻറ്ലഭിച്ച സ്കൂളിൽ പോയി സ്ഥിരമായോ താത്കാലികമായോ പ്രവേശനം  നേടേണ്ടതാണ്

അഡ്മിഷന്  ആവശ്യമായ രേഖകൾ:

👉. ഫസ്റ്റ് അലോട്ട്മെന്റ് പ്രിന്റ് ഔട്ട്.

👉 SSLC സർട്ടിഫിക്കറ്റ്  / online copy

👉 TC & CC

👉 NCC- Scout-JRC-Club  Swimming.
 (ഉണ്ടെങ്കിൽ)

👉 .Cast, Nativity (CBSE student  നു മാത്രം )

👉. ഫീസ് (അലോട്ട്മെന്റ് ലെറ്ററിൽ കാണിച്ചതു പ്രകാരം )

TC, C C എന്നീ സർട്ടിഫിക്കറ്റുകളുടെ ഒറിജിനൽ ആവശ്യമാണ്. ഇവയില്ലാതെ പ്രവേശനം സാധ്യമല്ല

ശ്രദ്ധിക്കുക

ഒറിജിനലില്ലാതെ ഒരു കാരണവശാലും അഡ്മിഷൻ നടക്കില്ല.ഒറിജിനലാണ് തന്റെ കയ്യിലുള്ളതെന്നു ഉറപ്പു വരുത്തുന്നത് കുട്ടിയുടെയും രക്ഷിതാവിന്റെയും മാനസിക സമ്മർദ്ദം കുറക്കാൻ സഹായിക്കും (ഏകജാലക അപേക്ഷയുടെ കൂടെ ഒർജിനൽ സർട്ടിഫിക്കറ്റുകൾ കൊടുത്തുപോയവർ ഉടൻ തന്നെ തിരിച്ചു വാങ്ങി സൂക്ഷിക്കുക )

അലോട്ട്മെന്റ് കിട്ടിയിട്ട് നിശ്ചിത സമയ പരിധിക്കുള്ളിൽ ചേരാത്തവരെ പിന്നീടുള്ള അലോട്ട്മെന്റ് കൾക്ക് പരിഗണിക്കില്ല.
Official Website Address
http://hscap.kerala.gov.in/

പ്രവേശനം നേടുന്നതിനു മുമ്പ് S.S.L.C യുടെ യും ഇതര സെര്ടിഫിക്കറ്റുകളുടെയും  ഫോട്ടോസ്റ്റാറ്റ് കോപ്പികൾ   എടുത്ത് വെക്കുന്നത് ഭാവിയിൽ  ഉപകാരപ്പെടും

Share:

Read More

സൈക്കിൾ ചക്രത്തിന് നല്ല ബ്രേക്കിംങ്ങ് കിട്ടാൻ വേണ്ടി വലിപ്പം കൂടിയ ബ്രേക്ക് ഘടിപ്പിക്കാത്തതെന്തുകൊണ്ട്?

ബ്രേക്കിന്റെ  വലിപ്പത്തിനനുസരിച്ച് ഫലം കൂടുമോ?  ഇല്ല എന്നതാണ് വാസ്തവം.ബ്രേക്കിന്റെ പ്രവർത്തനത്തെ നിയന്ത്രിക്കുന്ന ഘർഷണബലം(Frictional Force) സമ്പർക്ക പ്രതലത്തിന്റെ വിസ്തീർണ്ണത്തിന് ആനുപാതികമല്ല. പ്രതലത്തിനു ലംബമായി ചെലുത്തുന്ന ബലത്തിനനുസരിച്ചാണ് ഘർഷണത്തിന്റെ ബലം. ബ്രേക്ക് പ്രവർത്തിക്കുന്ന പ്രതലം എത്ര തന്നെയായിരുന്നാലും ബ്രേക്ക് പിടിക്കാനുപയോഗിക്കുന്ന ബലം തുല്യമാണെങ്കിൽ അതിന്റെ പ്രഭാവത്തിൽ വ്യത്യാസമുണ്ടാവില്ല. പിന്നെ ബ്രേക്ക് വലുതാക്കിയിട്ട്  ഗുണമൊന്നുമില്ലല്ലോ. അതുകൊണ്ടാണ് സൈക്കിളിൽ വലിപ്പം കൂടിയ ബ്രേക്ക് കട്ട പിടിപ്പിക്കാത്തത്.

Share:

Read More

മനോബലവും സീസറും

റോമിന്റെ  സേനാനായകനും  രാജ്യതന്ത്രജ്ഞനുമായിരുന്നു  'ജൂലിയസ് സീസർ'. റോമിലെ തന്നെ മറ്റൊരു സേനാനായകനായിരുന്നു 'പോംബി' അദ്ദേഹം ജൂലിയസ് സീസറിൻറെ എതിരാളിയായിരുന്നു. റോമിന്റെ അധികാരം പിടിച്ചെടുക്കാനുള്ള ശ്രമത്തിനിടയിൽ ജൂലിയസ് സീസറും പോംബിയും പലപ്രാവശ്യം ഏറ്റുമുട്ടി. ഒരിക്കൽ രണ്ടുപേരും ഏറ്റുമുട്ടിയ യുദ്ധത്തിനിടയിൽ പോംബി പരാജയപ്പെട്ടപ്പോൾ ജൂലിയസ്  സീസറിന്റെ  പടയാളികൾ പോംബിയുടെ തല വെട്ടിയെടുത്ത് സീസറിന്റെ  മുൻപിൽ ഹാജരാക്കുകയാണ്. അതുകണ്ട് സീസർ  പൊട്ടിക്കരഞ്ഞു കൊണ്ട് പറയുകയാണ് ഞാൻ വിജയമാണ് ആഗ്രഹിച്ചത് പ്രതികാരം അല്ല. ന്യായമായ മാർഗ്ഗങ്ങളിലൂടെ പോംബിയെ    എതിർത്ത് തോല്പിക്കണം  എന്നല്ലാതെ പോംബിയുടെ തലവെട്ടിയെടുത്തൊരു പ്രതികാരം സീസർ ഒരിക്കലും ആഗ്രഹിച്ചിരുന്നില്ല.

വാസ്തവത്തിൽ സീസറിന്റെ  വിജയ പ്രയാണത്തിൽ പലപ്പോഴും വിലങ്ങു തടിയായിരുന്നു പോംബി. എങ്കിൽപോലും പോംബിയെ  പ്രതികാരചിന്തയോടെ നശിപ്പിക്കണം എന്നുള്ളത്  സീസറിൻറെ മനസ്സിൻറെ ഒരുകോണിൽ പോലുമുണ്ടായിരുന്നില്ല

പ്രിയമുള്ളവരെ പ്രതികാരം കൊണ്ട് ചരിത്രത്തിൽ ആരുംതന്നെ മഹാന്മാരായിട്ടില്ല. പ്രതികാര വഴിയിലൂടെ സഞ്ചരിച്ച് ഇനി ആരും മഹാന്മാരായിത്തീരുകയുമില്ല.പ്രതികാരം നമ്മുടെ ജീവിതത്തിൽ പ്രത്യേകമായി ഒന്നും നേടിതരുന്നില്ല മറിച്ച് നമ്മുടെ ജീവിതത്തിൻറെ സമാധാനവും, ശാന്തിയും പലപ്പോഴും നഷ്ടപ്പെടുത്തുകയും ചെയ്യും. അതുകൊണ്ടുതന്നെ പ്രതികാരം ചെയ്യണം എന്നുള്ള പ്രലോഭനത്തെ നാം അതിജീവിച്ചേ തീരു. ആണത്വത്തിന്റെയും നട്ടെല്ലിന്റെയുമൊക്കെ   പേരുപറഞ്ഞാണ്  കൗമാരപ്രായക്കാർതൊട്ട്  പ്രതികാരം ചെയ്യാൻ ഒരുങ്ങുന്നത്. പക്ഷേ ഞാൻ ഒന്ന് ഓർമിപ്പിക്കട്ടെ ആണത്വവും,നട്ടെല്ലും  ആത്മനിയന്ത്രണവുമൊക്കെ ഉള്ളവർക്കെ പ്രതികാരം ചെയ്യാതിരിക്കാൻ സാധിക്കുകയുള്ളൂ. നമ്മുടെ ഇഷ്ടങ്ങൾക്ക് വിലങ്ങുതടി ആകുന്നവർ അല്ലെങ്കിൽ നമ്മെ കബളിപ്പിച്ചു കടന്നുപോകുന്നവർ അല്ലെങ്കിൽ നമുക്ക് വൻ  നഷ്ടങ്ങളും നാണക്കേടും  വരുത്തി വയ്ക്കുന്നവർ  ഇവരോടൊക്കെ പ്രതികാരം ചെയ്യാൻ നമുക്ക് ഭയങ്കരമായ പ്രലോഭനം തോന്നാറുണ്ട്. പക്ഷേ അവയെ അതിജീവിക്കണമെങ്കിൽ നമുക്ക് നല്ല തന്റെടം വേണം ആത്മ നിയന്ത്രണം വേണം ധൈര്യം വേണം എല്ലാത്തിനുമുപരി ഈശ്വരാ അനുഗ്രഹം വേണം അതുകൊണ്ട് എപ്പോഴെങ്കിലും ചെറുതോ വലുതോ ആയിക്കൊള്ളട്ടെ പ്രതികാരം ചെയ്യണം എന്നുള്ള പ്രലോഭനം വരുമ്പോൾ ഈശ്വരന്റെ  മുമ്പിൽ പ്രാർത്ഥിക്കുക പ്രതികാരം ചെയ്യാതിരിക്കാനുള്ള ആത്മ നിയന്ത്രണത്തിനു വേണ്ടി മനോ ബലത്തിനു വേണ്ടി.

Share:

Read More

കുറുക്കന്റെ കണ്ണ് കോഴിക്കൂട്ടിൽ

കുറുക്കന്റെ കണ്ണ് കോഴിക്കൂട്ടിൽ
(തൻറെ നേട്ടത്തിൽ മാത്രമായിരിക്കും സൂത്രശാലികളുടെ ശ്രദ്ധ)

കുറുക്കൻ മഹാ സൂത്രശാലി ആണല്ലോ. അവന്  കോഴിയിറച്ചിയിലാണ് കൂടുതൽ താല്പര്യം. എങ്ങോട്ട് പോകുമ്പോഴും അവൻ ശ്രദ്ധിക്കുക കോഴിയെയായിരിക്കും. നാട്ടിൻപുറങ്ങളിൽ ആകട്ടെ കോഴിയെ സംരക്ഷിക്കുന്നത് കൂട്ടിലാണ്. അത്തരം സ്ഥലങ്ങളിൽ കോഴിക്കൂട്ടിൽ ആകും അവന്റെ ശ്രദ്ധ. പോക്കറ്റടിക്കാരൻ ആളുകളുടെ പോക്കറ്റിലേക്കാണ്  നോക്കുക. സൂത്രശാലികളായ ആളുകൾ എല്ലായിപ്പോഴും തനിക്ക് നേട്ടമുണ്ടാകുന്ന കാര്യത്തിൽ ആയിരിക്കും ശ്രദ്ധ പതിപ്പിക്കുക. എവിടെ ഏത് സാഹചര്യത്തിലായാലും അയാൾ സ്വന്തം നേട്ടങ്ങളിൽ ശ്രദ്ധിക്കുന്നു.

Share:

Read More

എന്തുകൊണ്ടാണ് തൂവെള്ള ബൾബിലൂടെ നോക്കുമ്പോൾ സൂര്യൻ ചുവന്നതായി കാണുന്നത്?

സാധാരണ ചില്ലിൽ വെളുത്ത പദാർത്ഥം പൂശിയുണ്ടാക്കുന്നതാണ് തൂവെള്ള ബൾബ്(Milky Bulb). ഈ ബൾബിലൂടെ സൂര്യ പ്രകാശം കടന്നു പോകുമ്പോൾ വെളുത്ത പദാർത്ഥത്തിലെ ചെറിയ തരികൾ സൂര്യപ്രകാശത്തിലെ തരംഗദൈർഘ്യം കുറഞ്ഞ തരംഗങ്ങളെ കൂടുതൽ വികീർണനം(Scattering) ചെയ്യിക്കുന്നു. അതായത് വയലറ്റ്, നീല മുതലായ നിറങ്ങൾക്ക് കൂടുതൽ വികീർണനം സംഭവിക്കുന്നു. ബാക്കി അവശേഷിക്കുന്നതിൽ  മുഖ്യമായത് ചുവന്ന നിറമാണ്. ഈ ചുവന്ന നിറത്തെ  കടത്തിവിടുമ്പോൾ ബൾബ് അതിന്റെ ആകൃതി മൂലം ഒരു ലെൻസ് പോലെ പ്രവർത്തിക്കുന്നു. തൽഫലമായി സൂര്യനെ കാണുന്നത് ഒരു ചുവന്ന ഗോളമായാണ്. മിൽക്കി ബൾബിനുള്ളിലെ ചൂടായ ഫിലമെൻഡും ചുവപ്പായാണ് കാണുക എന്നും ഓർക്കുക. യഥാർത്ഥത്തിൽ സൂര്യന്റെ  നിറം വെള്ളയല്ലെന്ന കാര്യം മറക്കരുത്.

Share:

Read More

നാളെ നാളെ, നീളെ നീളെ...

എന്തുകൊണ്ടാണ് ചില കാര്യങ്ങള്‍ നമ്മളിങ്ങനെ മാറ്റിമാറ്റി വയ്ക്കുന്നത്? മടിയും അലസതയുമാണ് കാരണമെന്ന് ഒഴുക്കന്‍മട്ടില്‍ പറയാം. പക്ഷെ മറ്റുകാര്യങ്ങള്‍ നമ്മള്‍ ഉത്സാഹത്തോടെ ചെയ്യുന്നുണ്ടാകും. അപ്പോള്‍ മടിയല്ല പ്രശ്‌നം, പിന്നെ...?

ഞങ്ങളുടെ നാട്ടില്‍ നല്ലൊരു കാര്‍ മെക്കാനിക് ഉണ്ടായിരുന്നു. ഓട്ടോമൊബൈല്‍ എന്‍ജിനീയര്‍മാരേക്കാള്‍ വിദഗ്ദ്ധന്‍. അയാളുടെ കഴിവുകള്‍ എല്ലാവര്‍ക്കും അറിയാം. പക്ഷെ ചുരുക്കംചിലര്‍ മാത്രമേ സ്വന്തം വാഹനം അയാളെ ഏല്പിക്കൂ. നന്നായി പണിതുകിട്ടും, പക്ഷെ സമയത്തിന് കിട്ടില്ല-ഇതായിരുന്നു അയാളെക്കുറിച്ചുള്ള പരാതി. പറഞ്ഞദിവസം ചെല്ലുമ്പോള്‍ പലപ്പോഴും വണ്ടിയില്‍ തൊട്ടിട്ടുപോലും ഉണ്ടാകില്ല. ആള്‍ പാട്ടുംകേട്ട് വര്‍ക്‌ഷോപ്പിലെ കസേരയിലുണ്ടാകും. ചിലപ്പോള്‍ ഒന്നുരണ്ടാഴ്ച അഴിച്ചിട്ടപടി വാഹനം കിടക്കും. ക്ഷുഭിതരാകുന്ന കസ്റ്റമേഴ്‌സിനോട് നാളെ തരാം എന്ന് ഒഴുക്കന്‍മട്ടില്‍ പറയും. നാളെകള്‍ നീണ്ടുപോകും. എന്തായാലും വൈകാതെ അയാളുടെ വര്‍ക്ക്‌ഷോപ്പ് പൂട്ടി.

കാര്യങ്ങള്‍ തുടങ്ങിവെക്കാനുള്ള അമാന്തം നല്ലൊരു ശതമാനം മനുഷ്യര്‍ക്കുമുണ്ട്. അല്പം കുഴഞ്ഞുമറിഞ്ഞ കാര്യമാണെങ്കില്‍ പറയുകയുംവേണ്ട. ബുദ്ധിമുട്ടേറിയ പാഠഭാഗങ്ങള്‍ പിന്നീട് പഠിക്കാമെന്ന് കരുതി മാറ്റിവെക്കുന്ന വിദ്യാര്‍ഥികള്‍ ധാരാളമുണ്ട്. കുഴപ്പംപിടിച്ച ഫയലുകളില്‍ തൊടാന്‍ മടിക്കുന്ന ഉദ്യോഗസ്ഥര്‍ മുതല്‍ കുഴഞ്ഞുകിടക്കുന്ന അലമാര അടുക്കിവെക്കാന്‍ പല ദിവസങ്ങളായി സമയം കിട്ടാത്ത വീട്ടമ്മമാര്‍ വരെ ഈ ഗണത്തിലുണ്ടാകും.
എന്തുകൊണ്ടാണ് ചില കാര്യങ്ങള്‍ നമ്മളിങ്ങനെ മാറ്റിമാറ്റി വയ്ക്കുന്നത്? മടിയും അലസതയുമാണ് കാരണമെന്ന് ഒഴുക്കന്‍മട്ടില്‍ പറയാം. പക്ഷെ മറ്റുകാര്യങ്ങള്‍ നമ്മള്‍ ഉത്സാഹത്തോടെ ചെയ്യുന്നുണ്ടാകും. അപ്പോള്‍ മടിയല്ല പ്രശ്‌നം, പിന്നെ...?
കുഴഞ്ഞുമറിഞ്ഞതും നൂലാമാല പിടിച്ചതുമായ കാര്യങ്ങളാണ് നാം തൊടാന്‍ മടിക്കുന്നതെന്ന് പരിശോധിച്ചാല്‍ മനസ്സിലാകും. എന്താണിതിനു കാരണം? അത് വേണ്ടവിധം ചെയ്യാനാവില്ലെന്ന ഭയംതന്നെയാണ് മുഖ്യം. മാനസികമായുള്ള താത്പര്യക്കുറവാണ് മറ്റൊരുകാരണം. പരാജയഭീതി, മറ്റുള്ളവര്‍ തന്റെ കഴിവുകേട് തിരിച്ചറിയുമെന്ന ആശങ്ക... തുടങ്ങി നിരവധി കാരണങ്ങള്‍ ഇതിനോടുചേര്‍ത്തുവക്കാം. എല്ലാറ്റിലുമുപരി നമ്മുടെ സുഖവും സ്വച്ഛന്ദവുമായ അവസ്ഥയെ ഇത് ഭംഗപ്പെടുത്തുമെന്ന ഭയവും നമുക്കുണ്ടാകും.
ഇത്തരം അവസ്ഥയെ അതിജീവിക്കാന്‍ മാനസികമായ ഒരു ഊര്‍ജം നമുക്ക് ആവശ്യമാണ്. ഇത് ഞാന്‍ ചെയ്യേണ്ടതാണ്, ചെയേ്ത തീരൂ. ഇന്ന് ചെയ്യുന്നതിനെക്കാള്‍ ബുദ്ധിമുട്ടാകും നാളെ ചെയ്യുമ്പോള്‍, അതിനാല്‍ ഇത് ഞാന്‍ ഇപ്പോള്‍ത്തന്നെ പൂര്‍ത്തിയാക്കും-ഇങ്ങനെ ചിന്തിച്ച് ഉത്സാഹപൂര്‍വം അതിലേക്ക് കടന്നാല്‍ കാര്യങ്ങള്‍ എളുപ്പമാകും.
ചെയ്തുതീര്‍ക്കാനുള്ള ജോലി തീരുംവരെ മനസ്സില്‍ ഒരു ഭാരമായി കിടക്കും. അത് തീര്‍ത്താല്‍ മനസ്സ് സ്വതന്ത്രമാകും. ഉള്ളുതുറന്ന് ചിരിക്കാനും ഉല്ലസിക്കാനും അപ്പോള്‍ മാത്രമേ കഴിയൂ, അതുകൊണ്ട് ഇത് കഴിവതും വേഗം തീര്‍ത്ത് ഞാന്‍ മാനസികസമ്മര്‍ദത്തില്‍നിന്ന് സ്വതന്ത്രനാകുമെന്ന് സ്വയം ഉറപ്പിക്കുക.

പെട്ടന്ന് പൂര്‍ത്തിയാക്കാനാവാത്ത കാര്യങ്ങളാണെങ്കില്‍ ഇന്നുതന്നെ അതിനുള്ള ശ്രമം തുടങ്ങുക. എത്രഘട്ടമായി ഇത് പൂര്‍ത്തീകരിക്കാനാകുമെന്ന് മനസ്സില്‍ തീരുമാനിക്കുക. അതിന് ഒരു സമയപ്പട്ടിക തയ്യാറുക്കുക. അതനുസരിച്ച് കാര്യങ്ങള്‍ നടത്താന്‍ ഉത്സാഹിക്കുക. കാര്യങ്ങള്‍ പൂര്‍ത്തിയാക്കുന്നുണ്ടെന്ന് ഉറപ്പാക്കുക. അങ്ങനെ നീണ്ടകാലമായി നിങ്ങള്‍ തലയിടാതിരുന്ന പ്രശ്‌നം നിശ്ചിതകാലത്തിനുള്ളില്‍ പൂര്‍ത്തിയാക്കും.
ചില കാര്യങ്ങള്‍ പൂര്‍ത്തീകരിക്കാനുള്ള കഴിവ് നിങ്ങള്‍ക്കില്ലെങ്കില്‍ വിദഗ്ദ്ധരുടെയോഇ  സുഹൃത്തുക്കളുടേയോ സഹായം തേടാം. ഇതില്‍ ലജ്ജിക്കേണ്ട കാര്യമില്ല. കാരണം മറ്റുചില കാര്യങ്ങളില്‍ നമ്മള്‍ വിദഗ്ദ്ധരാകും. മറ്റുള്ളവരെ സഹായിക്കാന്‍ നമുക്കും കഴിയും.
നമ്മള്‍ ഏറ്റെടുക്കാന്‍ വൈമുഖ്യം കാട്ടിയ പലതും പിന്നീട് പൂര്‍ത്തിയാക്കുമ്പോള്‍ നമ്മള്‍ ഉദ്ദേശിച്ചത്ര കടുപ്പമൊന്നുമുണ്ടായിരുന്നില്ല എന്നു നാം തിരിച്ചറിയും. മാത്രമല്ല നൂലാമാല പിടിച്ച ഒരു സംഗതി ശ്രദ്ധയോടെ പൂര്‍ത്തീയാക്കുമ്പോള്‍ നമുക്ക് ലഭിക്കുന്ന പരിശീലനവും പരിജ്ഞാനവും വിലമതിക്കാനാവാത്തതായിരിക്കും. പിന്നീടിതേ കാര്യം നമ്മള്‍ക്ക് നിസ്സാരമായി ചെയ്യാനാകുമെന്ന തനതുവിശ്വാസവും നമുക്കുണ്ടാകും. എല്ലാറ്റിലുമുപരി കാര്യങ്ങള്‍ ഭംഗിയായി പൂര്‍ത്തിയാക്കിയതിന്റെ ആഹ്‌ളാദം മനസ്സില്‍ അലതല്ലും.

എന്നാല്‍ ഇപ്പോള്‍തന്നെ നമുക്ക് തുടങ്ങാം. എന്തൊക്കെ കാര്യങ്ങളാണ് നാം പിന്നീട് ചെയ്യാമെന്നുകരുതി മാറ്റിവെച്ചിരിക്കുന്നത്. വീട്ടില്‍, ഓഫീസില്‍ നമ്മുടെ വ്യക്തിജിവിതത്തില്‍... ഒട്ടും അമാന്തം വേണ്ട... തുടങ്ങാതെ ഒന്നും പൂര്‍ത്തിയാവില്ലെന്ന് ഓര്‍മിക്കുക.

Share:

Read More