ചരിത്രത്തിൽ ഇന്ന് - ജനുവരി 18

ദിനാചരണങ്ങൾ

🔹 മഞ്ഞു മനുഷ്യർക്കായുള്ള ലോക ദിനം(World Day Of Snow Man)

🔹 തായ്‌ലൻഡിൽ സായുധ സേനാ ദിനം

ഇന്നത്തെ പ്രത്യേകതകൾ ഒറ്റനോട്ടത്തിൽ

🔹1911 - സാൻഫ്രാൻസിസ്കോ ഉൾക്കടലിലെ അമേരിക്കൻ കപ്പലിൽ വിമാനം ഇറക്കി കൊണ്ട് യൂജിൻ എലൈ എന്ന വൈമാനികൻ ചരിത്രം സൃഷ്ടിച്ചു.

🔹1912 - ബ്രിട്ടീഷ് നാവികൻ റോബർട്ട് ഫാൽക്കൺ സ്കോട്ടിന്റെ  നേതൃത്വത്തിലുള്ള സംഘം ദക്ഷിണ ദ്രുവത്തിൽ എത്തി മടക്കയാത്രയിൽ കൊടുംതണുപ്പിലും പട്ടിണിയിലും അദ്ദേഹം മരിച്ചു.

🔹1927 - ന്യൂഡൽഹിലെ  പാർലമെൻറ് മന്ദിരം വൈസ്രോയി ഇർവിൻ പ്രഭു ഉദ്ഘാടനം ചെയ്തു.

🔹1946 - ദേശാഭിമാനി ദിനപത്രമായി പ്രസിദ്ധീകരണം ആരംഭിച്ചു.

🔹1959 - ഗാന്ധിജിയുടെ സെക്രട്ടറി ആയിരുന്ന മീരാബെൻ ഇന്ത്യ വിട്ട് വിയന്നയിലേക്കു താമസം മാറ്റി. ഇംഗ്ലണ്ടിലെ പ്രഭുകുടുംബത്തിൽ ജനിച്ച മഡലൈനേ സ്ലേഡ് പിൽക്കാലത്ത് ഭാരതത്തിൻറെ സ്വന്തം മീരാബെഹൻ  ആകുകയായിരുന്നു.

🔹1982 - ദത്താസാമന്തിന്റെ നേതൃത്വത്തിൽ ബോംബെയിലെ തുണിമിൽ തൊഴിലാളികൾ പണിമുടക്ക് ആരംഭിച്ചു.

🔹2010 - ജോൺപോൾ രണ്ടാമൻ മാർപാപ്പയെ വധിക്കാൻ ശ്രമിച്ച മെഹമ്മദ് അലി അഗ്കാ 29 വർഷത്തെ ജയിൽവാസത്തിനുശേഷം മോചിതനായി.

ചരിത്രസംഭവങ്ങൾ

🔹1993 – ആദ്യമായി അമേരിക്കയിലെ 50 സംസ്ഥാനങ്ങളിലും മാർട്ടിൻ ലൂഥർ കിംഗ്  അവധിദിനം ആചരിക്കുന്നു.

🔹1998 – ബിൽ ക്ലിന്റൺ – മോണിക്ക ലെവിൻസ്കി അപവാദം പുറത്താവുന്നു. മാറ്റ് ഡ്രഡ്ജ് എന്ന പത്രപ്രവർത്തകൻ ഡ്രഡ്ജ് റിപ്പോർട്ട് എന്ന തന്റെ വെബ് വിലാസത്തിൽ ഇത് പ്രസിദ്ധീകരിക്കുന്നു.

ജനനം

🔹അന്നാ ബുനീന - അന്നാ ബുനീന എന്ന അന്നാ പെട്രോവ്ന ബുനീന(January 18, 1774 – December 16, 1829) റഷ്യയിലെ ഒരു കവിയായിരുന്നു. അവരായിരുന്നു ആദ്യമായി സാഹിത്യപ്രവർത്തനം കൊണ്ടു മാത്രം ജീവിച്ച റഷ്യയുടെ കവിയായിരുന്നു.

🔹അലക്സാണ്ടർ ഖലിഫ്മൻ - റഷ്യൻ ഗ്രാൻഡ്മാസ്റ്ററൂം മുൻ ലോക ചെസ്സ്  ചാമ്പ്യനുമാണ് (ഫിഡെ-1999) അലക്സാണ്ടർ വലേറിയേവിച്ച് ഖലിഫ്മൻ (ജനനം :ജനുവരി18, 1966,- ലെനിൻഗ്രാദ്).1990 ൽ ഗ്രാൻഡ് മാസ്റ്റർ പദവി ലഭിച്ചു.

🔹എ.എ. മിൽനെ - അലൻ അലക്സാണ്ടർ മിൽനെ (ജീവിതകാലം: 18 ജനുവരി 1882 മുതൽ 31 ജനുവരി 1956 വരെ) ഒരു ഇംഗ്ലീഷ് എഴുത്തുകാരനായിരുന്നു.

🔹കെ.എം. ജോർജ്ജ് (രാഷ്ട്രീയനേതാവ്) - കേരളാ കോണ്ഗ്രസിന്റെ സ്ഥാപകനേതാവാണ് മൂവാറ്റുപുഴക്കടുത്ത് വാഴക്കുളത്ത് 1919-ൽ ജനിച്ച കെ.എം. ജോർജ്ജ്. ഇന്ത്യൻ നാഷണൽ കോൺഗ്രസിലൂടെയാണ് ജോർജ്ജ് രാഷ്ട്രീയത്തിൽ സജീവമായത്.

🔹ഗില്ലെസ് ഡെല്യൂസ് - ഗില്ലെസ് ഡെല്യൂസ് (18 ജനുവരി 1925 – 4 നവംബർ 1995) പ്രശസ്തനായ ഫ്രഞ്ച് തത്ത്വചിന്തകനായിരുന്നു.കാപ്പിറ്റലിസം ആന്റ് സ്കിറ്റ്സെഫ്രീനിയ: ആന്റി ഈഡിപ്പസ്, എ തൗസൻഡ് പ്ലാടൗസ് എന്നിവ പ്രശസ്ത ഗ്രന്ഥങ്ങളാണ്.

🔹നഫീസ അലി - ഇന്ത്യയിലെ വിഖ്യാത ചലച്ചിത്രനടിയും സാമൂഹ്യപ്രവർത്തകയുമാണ് നഫീസ അലി. പ്രസിദ്ധ ഫോട്ടോഗ്രാഫർ അഹ്‌മദ് അലിയുടെ മകളാണ് നഫീസ.
1972-74 സീസണിൽ ദേശീയ നീന്തൽ ചാമ്പ്യനായിരുന്ന നഫീസ 1976-ൽ പത്തൊൻപതാം വയസിൽ ഫെമിന മിസ്സ് ഇന്ത്യയായി തെരഞ്ഞെടുക്കപ്പെട്ടു.

🔹എം.പി. പരമേശ്വരൻ - ശാസ്ത്രജ്ഞൻ(Nuclear Scientist), ശാസ്ത്രപ്രചാരകൻ, വൈജ്ഞാനിക സാഹിത്യകാരൻ, രാഷ്ട്രീയപ്രവർത്തകൻ, ചിന്തകൻ എന്നീ നിലകളിൽ പ്രശസ്തനായ വ്യക്തിയാണു് എം.പി. പരമേശ്വരൻ. പരിസ്ഥിതി, മാലിന്യസംസ്കരണം തുടങ്ങി വിവിധ വിഷയങ്ങളിൽ അദ്ദേഹത്തിന്റെ പഠനങ്ങൾ ശ്രദ്ധേയമാണ്.

🔹അബ്ദുന്നാസർ മഅദനി - കേരളത്തിലെ രാഷ്ട്രീയ കക്ഷിയായ പീപ്പിൾസ് ഡെമോക്രാറ്റിക് പാർട്ടിയുടെ (പി.ഡി.പി.) നേതാവ്. 1998-ലെ കോയമ്പത്തൂർ ബോംബ് സ്ഫോടന പരമ്പരയുമായി ബന്ധപ്പെട്ട് അറസ്റ്റിലായി ഒൻപതു വർഷം വിചാരണത്തടവുകാരനായി തമിഴ്‌നാട്ടിൽ  ജയിലിൽ കഴിഞ്ഞു.

🔹മിനിഷ ലാംബ - ബോളിവുഡ് ചലച്ചിത്ര രംഗത്തെ ഒരു അഭിനേത്രിയാണ് മിനിഷ ലാംബ (ജനനം: ജനുവരി 18, 1985 - ന്യൂ ഡെൽഹി)

🔹മോണിക്ക ബേദി - ഇന്ത്യൻ ചലച്ചിത്ര മേഖലയിലെ ഒരു നടിയാണ് മോണിക്ക ബേദി (ജനനം: ജനുവരി 18, 1975). അധോലോക നായകനായ അബു സലീമിന്റെ ഭാര്യയുമാണ് മോണിക്ക.

🔹റേ ഡോൾബി - ശബ്ദസാങ്കേതികരംഗത്തെ അതികായനും ശബ്ദസാങ്കേതികരംഗത്ത് വിപ്ലവകരമായ മാറ്റത്തിന് തുടക്കമിട്ട 'ഡോൾബി' ശബ്ദസംവിധാനത്തിന്റെ ഉപജ്ഞാതാവുമാണ്‌ റേ ഡോൾബി (January 18, 1933 – September 12, 2013)

🔹വാറൻ ഡി ലാ റു - ബ്രിട്ടിഷ് ജ്യോതിശ്ശാസ്ത്രജ്ഞനായ വാറൻ ഡി ലാ റു 1815 ജനുവരി 18-ന് ചാനൽ ദ്വീപിലെ ഗ്വേൺസെ(Guernsey)യിൽ ജനിച്ചു

🔹വിനോദ് കാംബ്ലി - വിനോദ് ഗണപത് കാബ്ലി അഥവാ വിനോദ് കാംബ്ലി (ജനനം. ജനുവരി18, 1972 മുംബൈ,മഹാരാഷ്ട്ര,ഇന്ത്യ) മുൻ ഇന്ത്യൻ ക്രിക്കറ്റ് താരമാണ്‌.

🔹ഹെൻട്രി ഓസ്റ്റിൻ ഡോബ്സൻ - ഹെൻട്രി ഓസ്റ്റിൻ ഡോബ്സൻ (1840 ജനുവരി 18 – 1921 സെപ്റ്റംബർ 2) ഇംഗ്ലീഷ് കവിയും ഗദ്യകാരനുമായിരുന്നു.

മരണം

🔹എൻ.ടി. രാമറാവു - പ്രധാനമായും തെലുഗു ചലച്ചിത്രമേഖലയിലെ ഒരു നടനും, സംവിധായകനും, നിർമ്മാതാവും കൂടാതെ തെലുഗുദേശം പാർട്ടി  പ്രവർത്തകനുമായിരുന്നു എൻ.ടി.ആർ എന്ന പേരിൽ അറിയപ്പെടുന്ന നന്ദമുറി താരകരാമ റാവു

🔹കെ.എൽ. സൈഗാൾ - കുന്ദൻലാൽ സൈഗാൾ (കെ. എൽ. സൈഗാൾ) പ്രതിഭാശാലിയായ ഒരു നടനും ഗായകനുമായിരുന്നു. 15 വർഷം മാത്രം നീണ്ടുനിന്നാ അദ്ദേഹത്തിന്റെ സിനിമാജീവിതത്തിൽ 36 സിനിമകളിൽ അദ്ദേഹം അഭിനയിച്ചു.

🔹ടി.എ. രാജലക്ഷ്മി - ആത്മനിഷ്ഠയും ഭാവതീവ്രതയും വിഷയമാക്കി കഥകളെഴുതിയ കഥാകാരിയും നോവലിസ്റ്റുമാണ്‌ രാജലക്ഷ്മി. സ്വന്തം പീഡകളെ അടിസ്ഥാനമാക്കിയായിരുന്നു അവരുടെ കൃതികൾ. ജീവിതപ്രശ്നങ്ങൾ മൂലം 34-ആം വയസ്സിൽ രാജലക്ഷ്മി ആത്മഹത്യചെയ്തു.

🔹റുഡ്യാർഡ് കിപ്ലിംഗ് - ഇന്ത്യയിൽ ജനിച്ച ബ്രിട്ടീഷ് എഴുത്തുകാരനും  കവിയുമാണ് ജോസഫ് റുഡ്യാർഡ് കിപ്ലിംഗ്  (ജനനം - 1865 ഡിസംബർ 30, മരണം - 1936 ജനുവരി 18).

🔹ഹരിവംശ്റായ് ബച്ചൻ - പ്രശസ്ത ഹിന്ദി കവിയായിരുന്നു ഹരിവംശ്റായ് ബച്ചൻ (നവംബർ 27, 1907– ജനുവരി 18, 2003). മധുശാല എന്ന കൃതിയുടെ പേരിലാണ് ഹരിവംശറായ് ബച്ചൻ ഓർമ്മിക്കപ്പെടുന്നത്
Share:

എന്താണ് ശരിയായ സേവനം?

രാത്രി. കനത്തമഴ. കൊച്ചു വീട്ടിന്റെ കതകില്‍ ആരോ തട്ടുന്ന ശബ്ദം. ആരോ മഴ നനഞ്ഞു വരുന്നതാ, തുറക്കണ്ട നമുക്ക് രണ്ടു പേര്‍ക്ക് കിടക്കാനല്ലേ ഇതിലിടമുള്ളു ശബ്ദം കേട്ട് ഭാര്യ പറഞ്ഞു.

“സാരമില്ല തുറക്കൂ മൂന്നുപേര്‍ക്ക് ഇരിക്കാന്‍ ഇതില്‍ ഇടമുണ്ടല്ലോ.” ഭാര്യ വാതില്‍ തുറന്നു. നന‍ഞ്ഞ് കുളിച്ച് ഒരു ചെറുപ്പക്കാരന്‍. അയാള്‍ അകത്തു കയറി‌. അരമണിക്കൂര്‍ കഴിഞ്ഞപ്പോള്‍ വീണ്ടും കതകിലാരോ മുട്ടുന്ന ശബ്ദം.

“ഇനി തുറക്കണ്ട, നമുക്ക് മൂന്നു പേര്‍‍ക്കിരിക്കാനല്ലേ ഇതിലിടമുള്ളൂ” ചെറുപ്പക്കാരന്‍ ഓര്‍മിപ്പിച്ചു.

“അത് സാരമില്ല. നമ്മുക്ക് നാലുപേര്‍ ഇതില്‍ നില്‍ക്കാന്‍ കഴിയുമല്ലോ.”ഗൃഹസ്ഥന്‍ പറഞ്ഞു. അയാള്‍ വാതില്‍ തുറന്നു. ഒരു വൃദ്ധന്‍ നനഞ്ഞ് കുതിര്‍ന്നിരിക്കുന്നു. ഗൃഹസ്ഥന്റെ അനുവാദത്തോടെ അയാള്‍ അകത്തു കയറി. കുറച്ചു കഴിഞ്ഞപ്പോള്‍ വീണ്ടും കതകിലാരോ മുട്ടി.

“യ്യോ… തുറക്കല്ലേ, ഇതിനുള്ളില്‍ കയറാന്‍ പോലും ഇനിയാര്‍ക്കും ഇടമില്ല.” ഒടുവില്‍ കയറിയ വൃദ്ധന്‍ പറഞ്ഞു.

“സാരമില്ല കതകു തുറക്കൂ” ഗൃഹസ്ഥന്‍ പറഞ്ഞു കതക് തുറന്നു. ഒരാള്‍ നനഞ്ഞ് വിറയ്ക്കുന്നു വീട്ടുടമ പറഞ്ഞു.

“സുഹൃത്തേ, ഇനി ഇതിനുള്ളില്‍ ഒരാള്‍ക്ക് നില്ക്കാന്‍ പോലും ഇടമില്ല. വിഷമിക്കണ്ട. ഞാനിത്രനേരം മഴനനയാതെ ഇതിനകത്തിരുന്നല്ലോ. ഇനിതാങ്കള്‍ ഇവിടെയിരിക്കൂ. ഞാന്‍ പുറത്തു നില്‍ക്കാം.”

ഒരാളെ സഹായിക്കാന്‍ ഒരു കാരണമെങ്കിലും കണ്ടെത്തുന്നതാണ്, സഹായിക്കാതിരിക്കാന്‍ ആയിരം തടസ്സങ്ങള്‍ കണ്ടേത്തുന്നതിനേക്കാള്‍ നന്ന്. അതാണ്. ശരിയായ സേവനം.
Share:

സോമ്നാബുലിസം എന്താണ്?

'സോമ്നാബുലിസം' ആണിവന് എന്ന സിനിമ ഡയലോഗ് കേട്ടിട്ടില്ലേ. ഉറക്കത്തിൽ എഴുന്നേറ്റ് നടക്കുന്നതിനെയാണ് പറയുന്നത്. ഇതെന്തുകൊണ്ടാണ് ?

തലച്ചോറിലെ ഉറക്കകേന്ദ്രത്തിന്റെ പ്രവർത്തനം അതിസങ്കീർണമാണ്. ഉറക്കം, നടത്തം ഒക്കെ നിയന്ത്രിക്കുന്നത് ഈ ഭാഗമാണ്. പ്രധാനമായും രക്തത്തിൽ അടങ്ങിയിട്ടുള്ള കാത്സ്യമാണ് ഈ ഭാഗത്തിന്റെ പ്രവർത്തനം നിയന്ത്രിക്കുന്നത്.

ഉണർന്നിരിക്കുമ്പോൾ ശരീരത്തിൽ ലാക്ടിക് അമ്ലം, കാത്സ്യം മറ്റു പദാർത്ഥങ്ങൾ എന്നിവ നിർമ്മിക്കപ്പെടുന്നു. രക്തത്തിൽ വരുന്ന കാത്സ്യം പിന്നീട് ഉറക്കകേന്ദ്രത്തിലേക്ക് നയിക്കപ്പെടുന്നു. അങ്ങനെ ഉറക്കകേന്ദ്രം സജീവമാക്കുകയും നാം ഉറങ്ങുകയും ചെയ്യുന്നു.

ഉറക്കകേന്ദ്രത്തിൽ 2 പ്രവർത്തനങ്ങൾ നടക്കും. തലച്ചോറിന്റെ ഒരു ഭാഗത്തെ ബ്ലോക്ക് ചെയ്യുന്നത് മൂലം ശാരീരികപ്രവർത്തനങ്ങളൊന്നും നാം അറിയുന്നില്ല എന്നതാണ് ഒന്ന്. ചില ഞരമ്പുകളുടെ പ്രവർത്തനത്തെ തടയുന്നതാണ് മറ്റൊന്ന്. തൻമൂലം ആന്തരാവയവങ്ങൾ, കൈകാലുകൾ എന്നിവയുടെ പ്രവർത്തനം മന്ദീഭവിക്കുന്നു.

ചില അവസരങ്ങളിൽ തലച്ചോറ് മാത്രം ഉറക്കത്തിലാവുകയും ശരീരം ഉണർന്നിരിക്കുകയും ചെയ്യും. നാഡീസംബന്ധമായ തകരാർ ഉള്ളവരിലാണ് ഈ അസുഖം കണ്ടുവരുന്നത്. അവർ ഉറങ്ങുകയും ഒപ്പം നടക്കുകയും ചെയ്യുന്നു.

നല്ല മാനസിക സമ്മർദ്ദമുള്ളവർ, അമിതമായി മദ്യപിക്കുന്നവർ, ചില സൈക്യാട്രിക് മരുന്നുകൾ സ്ഥിരമായി കഴിക്കുന്നവർ ഒക്കെ ഇങ്ങനെ ഉറക്കത്തിൽ എണീറ്റ് നടക്കാനുള്ള സാധ്യത കൂടുതലാണ്.
Share:

അങ്ങാടിയിൽ തോറ്റതിന്‌ അമ്മയോട്‌

അങ്ങാടിയിൽ തോറ്റതിന്‌ അമ്മയോട്‌.
~~~~~~~~~~~~~~~~~~~~~~~~~~
ഒരുപാട് ആളുകളുടെ മുന്നിലോ അല്ലെങ്കിൽ കൂടുതൽ ശക്തരായവരുടെ അടുത്തോ ജയിക്കാനാകാതെ വരുമ്പോൾ ആ ദേഷ്യം, ദുർബലരായവരുടേയൊ അല്ലെങ്കിൽ എതിർക്കില്ലെന്നറിയുന്നവരുടെയോ മുന്നിൽ പ്രകടിപ്പിക്കുക. വേണ്ടസ്ഥാനത്ത് പൗരുഷം കാണിക്കാതെ അസ്ഥാനത്തും അനവസരത്തിലും കാണിക്കുക.
Share:

ചരിത്രത്തിൽ ഇന്ന് - ജനുവരി 17

ദിനാചരണങ്ങൾ

🔹 ബെഞ്ചമിൻ ഫ്രാങ്ക്ളിൻ ദിനം(Benjamin Franklin Day)

🔹കുട്ടി കണ്ടുപിടുത്തക്കാരുടെ ദിനം (Kid Inventors Day)

ഇന്നത്തെ പ്രത്യേകതകൾ ഒറ്റനോട്ടത്തിൽ

🔹1706 - ഇടിമിന്നലിനെ കുറിച്ച് ശാസ്ത്രീയ പഠനങ്ങൾ നടത്തിയ ബെഞ്ചമിൻ ഫ്രാങ്ക്ലിൻ ബോസ്റ്റണിലെ മിൽക്ക്സ്ട്രീറ്റിൽ ജനിച്ചു.

🔹1906 - കെ. രാമകൃഷ്ണപിള്ള സ്വദേശാഭിമാനി വാരികയുടെ പത്രാധിപരായി.

🔹1932 - ഇ.എം.എസ്. നമ്പൂതിരിപ്പാട് കോഴിക്കോട് കടപ്പുറത്ത് നിയമംലംഘിച്ച് അറസ്റ്റ് വരിച്ചു.

🔹1987 - ഏഴിമല നാവിക അക്കാദമിക്ക്‌ പ്രധാനമന്ത്രി രാജീവ് ഗാന്ധി തറക്കല്ലിട്ടു.

🔹1999 - കായംകുളം താപവൈദ്യുത നിലയം ഒന്നാംഘട്ടം പ്രധാനമന്ത്രി എ.ബി. വാജ്പേയ് ഉദ്ഘാടനം ചെയ്തു.

🔹2017 - കാണാതായ മലേഷ്യൻ വിമാനത്തിനു  വേണ്ടി മൂന്ന് വർഷമായി നടത്തിവന്ന ആഴക്കടൽ തിരച്ചിൽ അവസാനിപ്പിച്ചു.

ചരിത്രസംഭവങ്ങൾ

🔹1605 – ഡോൺ ക്വിക്സോട്ട് പ്രസിദ്ധീകൃതമായി.

🔹1809 – സിമോൺ ബൊളിവാർ  കൊളംബിയയെ റിപ്പബ്ലിക്കായി പ്രഖ്യാപിച്ചു.

🔹1916 – പ്രൊഫഷണൽ ഗോൾഫേഴ്സ് അസോസിയേഷൻ (പിജി‌എ) രൂപീകൃതമായി.

🔹1948 – ഐക്യരാഷ്ട്രസഭയുടെ  സുരക്ഷാസമിതിയുടെ ആദ്യ സമ്മേളനം.

🔹1973 – ഫെർഡിനാൻഡ് മാർക്കോ ഫിലിപ്പീൻസിന്റെ ആജീവനാന്ത പ്രസിഡന്റായി.


ജനനം

🔹മിഷേൽ ഒബാമ - മിഷേൽ ലാവാഗൻ റോബിൻസൺ ഒബാമ ബറാക് ഒബാമയുടെ പത്നിയും, അമേരിക്കൻ ഐക്യനാടുകളിലെ പ്രഥമവനിതയുമാണ്.

🔹എം.ജി. രാമചന്ദ്രൻ - എം.ജി.ആർ എന്നപേരിൽ പ്രശസ്തനായ മരത്തൂർ ഗോപാല രാമചന്ദ്രൻ(ജനുവരി 17, 1917–ഡിസംബർ 24, 1987), (പുരൈട്ചി തലൈവർ (വിപ്ലവ നായകൻ) എന്നും അറിയപ്പെട്ടു) തമിഴ് സിനിമയിലെ പ്രമുഖ നടന്മാരിൽ ഒരാളും 1977 മുതൽ തന്റെ മരണം വരെ തമിഴ്നാടിന്റെ മുഖ്യമന്ത്രിയുമായിരുന്നു. 1988-ലെ ഭാരത രത്നം ലഭിച്ചത് അദ്ദേഹത്തിനായിരുന്നു.

🔹എം.ജി. ശശി - മലയാളത്തിലെ ഒരു ചലച്ചിത്രസംവിധായകനും നാടകസംവിധായകനുമാണ് എം.ജി. ശശി. 2007-ലെ മികച്ച സംവിധായകനുള്ള കേരള സർക്കാറിന്റെ പുരസ്കാരം അടയാളങ്ങൾ  എന്ന ചലച്ചിത്രത്തിലുടെ ഇദ്ദേഹം നേടിയിട്ടുണ്ട്

🔹ജാവേദ് അക്തർ - ഉറുദു കവി,ചലച്ചിത്രഗാന രചയിതാവ്, തിരക്കഥാകൃത്ത് എന്നീ നിലകളിൽ‍ പ്രശസ്തനാണ്‌ ജാവേദ് അക്തർ.

🔹ജിം ക്യാരി - ജെയിംസ് യൂജീൻ "ജിം" ക്യാരി ഒരു കനേഡിയൻ-അമേരിക്കൻ ചലച്ചിത്ര നടനും ഹാസ്യകലാകാരനുമാണ്‌.ഏസ് വെഞ്ചുറ: പെറ്റ് ഡിക്ടറ്റീവ് എന്ന സിനിമയിലൂടെയാണ് ജിം ചലച്ചിത്രലോകത്ത് ശ്രദ്ധിക്കപ്പെടുന്നത്.

🔹പള്ളിയറ ശ്രീധരൻ - ഗണിതശാസ്ത്ര പുസ്തകങ്ങളുടെ രചനയിലൂടെ പ്രശസ്തനായ എഴുത്തുകാരൻ ആണു് പള്ളിയറ ശ്രീധരൻ. മിക്കവാറും ഗ്രന്ഥങ്ങൾ ഒക്കെ തന്നെ മലയാളത്തിലാണു് പ്രസിദ്ധീകരിച്ചിരിക്കുന്നത്.

🔹മുഹമ്മദ് അലി - ഒരു അമേരിക്കൻ ബോക്സിംഗ് താരമായിരുന്നു മുഹമ്മദ് അലി(കാഷ്യസ് മേർ‌സിലസ് ക്ലേ ജൂനിയർ ജനനം:ജനുവരി 17 1942)

🔹ഹെയ്സ്നം കനൈലാൽ - പ്രമുഖ മണിപ്പൂരി നാടക പ്രവർത്തകനും സംവിധായകനുമാണ് ഹെയ്സ്നം കനൈലാൽ (17 January 1941 – 6 October 2016).

മരണം

അലക്സാണ്ടർ
ആൻഡേഴ്സൺ - ഒരു അമേരിക്കൻ ശില്പിയായിരുന്നു അലക്സാണ്ടർ ആൻഡേഴ്സൺ (ഏപ്രിൽ 21, 1775 – ജനുവരി 17, 1870). അമേരിക്കയിൽ ആദ്യമായി ദാരുശില്പങ്ങൾ നിർമിച്ചത് ഇദ്ദേഹമായിരുന്നു.

🔹ആങ്ക്വെറ്റി ദ്യൂപറോ - ഭാരതീയ സംസ്കാരത്തെക്കുറിച്ച് ആഴത്തിൽ പഠിച്ച ഒരു ഫ്രഞ്ച് പണ്ഡിതനാണ് ആങ്ക്വെറ്റി ദ്യൂപറോ

🔹കാർലോ ഡോൾസി - കാർലോ ഡോൾസി ഇറ്റാലിയൻ  ചിത്രകാരനായിരുന്നു. ഇദ്ദേഹം 1616 മേയ് 25-ന് ഫ്ലോറൻസിൽ ജനിച്ചു. ജീവിതകാലം മുഴുവൻ സ്വന്തനാട്ടിൽ താമസിച്ച ഡോൾസി കർമനിരതനായിരുന്നു.

🔹ജ്യോതി പ്രസാദ് അഗർവാല - ജ്യോതി പ്രസാദ് അഗർവാല, ഇന്ത്യയിലെ വടക്കുകിഴക്കൻ സംസ്ഥാനമായ ആസ്സമിലെ  സ്വാതന്ത്ര്യസമരസേനാനിയും, കവിയും, നാടകൃത്തും, സംഗീത സംവിധായകനുമാണ്. 'രൂപ്കൺവർ' എന്ന് വിളിക്കുന്ന ജ്യോതി പ്രസാദ് അഗർവാല ആസാമീസ് സിനിമയുടെ പിതാവാണ്.1935-ൽ നിർമ്മിച്ച 'ജോയ്മതി' ആണ് ആസാമിലെ ആദ്യചിത്രമായി കണക്കാക്കപ്പെടുന്നത്.

🔹ജ്യോതി ബസു - ജ്യോതി ബസു(ബംഗാളി: জ্যোতি বসু) ( ജൂലൈ 8,1914- ജനുവരി 17 2010) പശ്ചിമബംഗാളിൽ  നിന്നുള്ള ഒരു കമ്യൂണിസ്റ്റ് പാർട്ടി പ്രവർത്തകനാണ്‌. ഇന്ത്യയിൽ ഏറ്റവും കൂടുതൽ കാലം മുഖ്യമന്ത്രിയായിരുന്നതിനുള്ള ബഹുമതിയും ബസുവിനാണ്‌.

🔹നന്ദിത കെ.എസ്. - മലയാള സാഹിത്യരംഗത്തെ ഒരു കവയിത്രിയായിരുന്നു കെ.എസ്. നന്ദിത എന്ന നന്ദിത. 1969 മെയ് 21ന് വയനാട് ജില്ലയിലെ  മടക്കിമലയിലാണ് നന്ദിത ജനിച്ചത്.

🔹പണ്ഡിറ്റ് ഗോപാലൻനായർ - ബഹുഭാഷാ പണ്ഡിതനും എഴുത്തുകാരനുമായിരുന്ന പണ്ഡിറ്റ് ഗോപാലൻനായർ പാലക്കാട് ജില്ലയിലെ കൊല്ലങ്കോട്ട് ആണ് ജനിച്ചത്

🔹പാട്രിസ് ലുമുംബ - കോംഗോ ജനാധിപത്യ റിപ്പബ്ലിക്കിന്റെ  ആദ്യത്തെ പ്രധാനമന്ത്രിയായിരുന്നു പാട്രിസ് ലുമുംബ(1925-1961) ബെൽജിയത്തിന്റെ  കോളനിയായിരുന്ന കോംഗോ, ലുമുംബയുടെ പരിശ്രമഫലമായാണ്ഒരു സ്വതന്ത്ര റിപ്പബ്ലിക്കായി മാറിയത്. സ്വാതന്ത്ര്യലബ്ധിയെ തുടർന്നുണ്ടായ അരാജകത്വത്തിന്റെ ഫലമായി 1961-ൽ ലുമുംബ കൊല്ലപ്പെട്ടു.

🔹പി.ആർ. കുറുപ്പ് - കേരളത്തിലെ മുൻമന്ത്രിയും മുതിർന്ന സോഷ്യലിസ്റ്റ് പാർട്ടി നേതാവുമായിരുന്നു പുത്തൻപുരയിൽ രാവുണ്ണിക്കുറുപ്പ് എന്ന പി.ആർ. കുറുപ്പ് (30 സെപ്റ്റംബർ 1915 - 17 ജനുവരി 2001).

🔹ബോബി ഫിഷർ - അമേരിക്കയിൽ ജനിച്ച ഒരു ചെസ്  ഗ്രാൻഡ്മാസ്റ്ററാണ് റോബർട്ട് ജെയിംസ് "ബോബി" ഫിഷർ. (മാർച്ച് 9, 1943 - ജനുവരി 17, 2008).

🔹യോസ ബുസോൺ - ജപ്പാനിൽ എദോ കാലഘട്ടത്തിലെ പ്രസിദ്ധനായ ഒരു കവിയായിരുന്നു യോസ ബുസോൺ

🔹രോഹിത് വെമുലയുടെ ആത്മഹത്യ - ഹൈദരാബാദ് സർവ്വകലാശാലയിലെ ഒരു ഗവേഷക വിദ്യാർത്ഥി ആയിരുന്നു ദളിതനായ [1] രോഹിത് വെമുല (Rohith Vemula) (ജനനം 30 ജനുവരി 1989 മരണം 17 ജനുവരി 2016).

🔹ലിയോനാർഡ് യൂജീൻ ഡീക്സൺ - അമേരിക്കൻ ഗണിതശാസ്ത്രജ്ഞനായ ലിയോനാർഡ് യൂജീൻ ഡീക്സൺ 1874 ജനുവരി 22-ന് അയോവയിലെ ഇൻഡിപെൻഡൻസിൽ ജനിച്ചു.

🔹ലൂയിസ് കംഫർട്ട് ടിഫാനി - ഒരു അമേരിക്കൻ ചിത്രകാരനാണ് ലൂയിസ് കംഫർട്ട് ടിഫാനി. കരകൗശലരംഗത്തും അലങ്കാരരംഗത്തും ഇദ്ദേഹം പ്രശസ്തനാണ്.

🔹സുചിത്ര സെൻ - സുചിത്ര സെൻ എന്ന രമ ദാസ്ഗുപ്ത ബംഗാളി ചലച്ചിത്ര നടിയായിരുന്നു (6 ഏപ്രിൽ 1931 - 17 ജനുവരി 2014).

🔹സുനന്ദ പുഷ്കർ - മുന്മന്ത്രിയും കോൺഗ്രസ് എം പിയുമായ ശശി തരൂരിന്റെ പത്നിയായിരുന്നു സുനന്ദ പുഷ്കർ  (ജനനം: 1962 ജനുവരി 1 – മരണം: 2014 ജനുവരി 17).
Share:

ഭയം പരാജയത്തിലേക്കേ നയിക്കൂ....

സാമൂഹിക ശാസ്ത്രജ്ഞര്‍ നടത്തിയ ഒരു പരീക്ഷണം കേള്‍ക്കൂ.പത്തു കുട്ടികള്‍ വീതമുള്ള രണ്ടു സംഘം. മാഷ് രണ്ടു സംഘത്തേയും രണ്ടു മുറിയിലാക്കി. ഓരോ മുറിയിലും ഇരുപതു കാര്‍ഡ്ബോര്‍ഡ് പെട്ടികള്‍. ഒന്നാം വിഭാഗത്തോട് മാഷ് നിര്‍ദ്ദേശിച്ചു, “ഈ പെട്ടികള്‍ ഒന്നിനു മുകളില്‍ ഒന്നായി പത്തു മിന്നിട്ടിനകം എടുത്തു വെയ്ക്കുക. പെട്ടി താഴെ വീണാല്‍ അടിയും കിട്ടും ഫൈനും അടക്കണം.” കുട്ടികള്‍ ഭയത്തോടെ അതില്‍ ഏര്‍പ്പെട്ടു.

രണ്ടാമത്തെ മുറിയിലെ കുട്ടികള്‍ക്ക് നിര്‍ദ്ദേശം കൊടുത്തതിങ്ങനെ, “എല്ലാവരു കൂടി പത്തു മിന്നിട്ടിനകം ഈ പെട്ടികള്‍ ഒന്നിനു മുകളില്‍ ഒന്നായി കയറ്റിവെയ്ക്കാമോ എന്ന് ശ്രമിക്കൂ. ഈ തമാശകളില്‍ വിജയിക്കുന്നവര്‍ക്ക് സമ്മാനം ഉറപ്പാണ്.” കുട്ടികള്‍ ഉത്സാഹത്തോടെ പെട്ടികള്‍ എടുക്കാന്‍ തുടങ്ങി.

പത്തുമിന്നിട്ടു കഴിഞ്ഞു. മാസ്സര്‍ ഇരുമുറിയും പരിശോധിച്ചു. അടിയും, പിഴയും പറഞ്ഞ മുറിയില്‍ എട്ട് പെട്ടികള്‍ കയറ്റി വെച്ചിരിക്കുന്നു. രണ്ടാമത്തെ മുറിയില്‍ പതിനേഴും.

ഭയം പരാജയത്തിലേക്കേ നയിക്കൂ ഉത്സാഹം വിജയത്തിലേക്കും. അതുകൊണ്ട് ഭയം എന്ന ഭീകരനെ ആദ്യം അകറ്റുക. ഒന്നാം സംഘത്തിലുള്ള കുട്ടികള്‍ പിന്നോക്കം പോയത് ഭയത്തോടുകൂടിയുള്ള പ്രവര്‍ത്തനം കൊണ്ടാണ്. രണ്ടാം സംഘത്തിലെ കുട്ടികളാകട്ടെ ശരിക്കും ഒരു വിനോദത്തിലേര്‍പ്പെടുകയായിരുന്നു. അതിനാല്‍ അവര്‍ക്ക് നന്നായി പ്രവര്‍ത്തിക്കാനും വിജയിക്കാനും കഴിഞ്ഞു.

ജീവിതം ഭയത്തോടെ കഴിയാനുള്ളതല്ല. ഇരുട്ടുള്ള മുറിയിലെ ഇല്ലാത്ത കറുത്ത പൂച്ചയാണ് ഭയം. ഇല്ലാത്ത ഒന്നിനെ ഭയക്കരുത്. ഭയം ഉണ്ടാക്കുന്നവയെ സധൈര്യം നേരിടണം. അതിനു കഴിയുന്നില്ല എന്നു തോന്നിയാല്‍ ഉത്തമരായ സുഹൃത്തുക്കളുടെ/മുതിര്‍ന്നവരുടെ സഹായത്തോടെ മുന്നോട്ടു പോകുക. ഈശ്വരവിശ്വാസം പോഷിപ്പിക്കുക. അപ്പോള്‍ ഭയം അകലുകതന്നെ ചെയ്യും.
Share:

വെള്ളമൊഴിച്ചാൽ തീ കെടുന്നത് നമ്മൾ കണ്ടിട്ടുണ്ട്. എങ്ങനെ എന്ന് ആലോചിച്ചിട്ടുണ്ടോ?

ആദ്യം തീ കത്തുന്നത് എങ്ങനെ എന്ന് നോക്കാം. കത്താന്‍ ഒരു ഇന്ധനവും, കത്താന്‍ സഹായിക്കാന്‍ ഓക്സിജനും പിന്നെ താപവും ഉണ്ടാവുമ്പോള്‍ ആണ് തീ ഉണ്ടാവുന്നത്. കത്താനുള്ള സാഹചര്യം ഉണ്ടാവുന്നത് ഇന്ധനം ജ്വലനതാപനിലയില്‍ ആവുമ്പോള്‍ ആണ്. അതുകൊണ്ടാണ് വിറകോ, മണ്ണെണ്ണയോ വെറുതെ തുറന്നു വച്ചാല്‍ തീ പിടിക്കാത്തത്.             

വെള്ളമൊഴിക്കുമ്പോള്‍ കത്താന്‍ ആവശ്യമായ ഓക്സിജന്‍ ലഭിക്കാതെ വരുന്നു എന്നതാണ് തീ അണയാനുള്ള ഒരു കാരണം. വെള്ളമൊഴിക്കുന്നതോടെ കത്തിക്കൊണ്ടിരിക്കുന്ന വസ്തുവിന്‍റെ താപനില ജ്വലനതാപനിലയില്‍ നിന്നും വളരെ താഴ്ന്നുപോകുന്നു എന്നതാണ് രണ്ടാമത്തെ കാരണം. വെള്ളം കത്തുന്ന വസ്തുവിന്‍റെ താപം വലിച്ചെടുത്തു സ്വയം ആവിയായി മാറുന്നു. ഇങ്ങനെ വെള്ളം കുറെയേറെ താപം വലിച്ചെടുക്കുന്നതിനാല്‍ ആണ് കത്തുന്ന വസ്തുവിന്‍റെ താപനില താഴുന്നത്.                   

വെള്ളമോഴിച്ചാലും കെടുത്താനാവാത്ത തീപിടുത്തങ്ങളും ഉണ്ട്. എണ്ണക്ക് തീ പിടിക്കുന്നത്‌ ഉദാഹരണം. വെള്ളം എണ്ണയെ കൂടുതല്‍ പരക്കാനും തീ പടരാനും മാത്രമേ സഹായിക്കു. ചില രാസവസ്തുക്കള്‍, വൈദുതിക്കമ്പികള്‍ എന്നിവ ഉള്‍പെട്ട തീപിടുത്തവും വെള്ളം ഉപയോഗിച്ച് നിയന്ത്രിക്കാന്‍ ആവില്ല. ഇത്തരം സന്ദര്‍ഭങ്ങളില്‍ മണലോ, പ്രത്യേകതരം അഗ്നിശമനികളോ ഉപയോഗിച്ചാണ്‌ തീ അണക്കുന്നത്.
Share:

തുള്ളൽക്കാരനെ എല്ലാവരുമറിയും, തുള്ളൽക്കാരനാരേയും അറിയില്ല

തുള്ളൽക്കാരനെ എല്ലാവരുമറിയും, തുള്ളൽക്കാരനാരേയും അറിയില്ല.
***************************************

കുഞ്ചൻ നമ്പ്യാരുടെ തുള്ളൽ എന്ന കലപ്രസ്ഥാനവുമായി ബന്ധപ്പെട്ട് ഉരുത്തിരിഞ്ഞ ചൊല്ലാണിത്. മഹന്മാരെ എല്ലാരുമറിയും; പക്ഷെ മഹാന്മാർ എല്ലാവരേയും അറിഞ്ഞിരിക്കില്ല എന്നാണർഥമാക്കുന്നത്. വെളിച്ചപ്പാടിനെ എല്ലാവരുമറിയും എന്നാൽ വെളിച്ചപ്പാടിനാരേയുമറിയില്ല എന്നത് കൂടുതൽ പ്രചാരത്തിലുള്ള രൂപം.
Share:

Total Pageviews

Recent Posts

Popular Posts

Labels

Blog Archive

ടോള്‍ഫ്രീയായ 1098 നമ്പറില്‍ വിളിച്ച് ആര്‍ക്കും കുട്ടികള്‍ക്കു വേണ്ടി സഹായം അഭ്യര്‍ത്ഥിക്കാം.നിങ്ങളുടെ ഒരു ഫോണ്‍‌വിളിയില്‍ രക്ഷപ്പെടുന്നത് ഒരു പിഞ്ചുബാല്യമാണെന്ന് മറക്കാതിരിക്കുക.