സങ്കടേ രക്ഷിക്കുന്ന മാനുഷനല്ലോ ബന്ധു

സങ്കടേ  രക്ഷിക്കുന്ന മാനുഷനല്ലോ ബന്ധു

(ആപത്തിൽ സഹായിക്കുന്നവനാണ് ബന്ധു)

ആപത്ഘട്ടങ്ങളിൽ സഹായിക്കുന്ന മനുഷ്യരാണ് "ബന്ധു" എന്ന പേരിന് അർഹരാകുന്നത്. സമ്പദ്ഘട്ടങ്ങളിൽ പിന്നാലെ കൂടി പലതും തട്ടി വിഴുങ്ങുന്ന ഒരു കൂട്ടം ആളുകളുണ്ട്. അവരൊന്നും ബന്ധുക്കളോ സുഹൃത്തുക്കളോ അല്ല. അവർ തട്ടിച്ചു തിന്നാൻ വേണ്ടി മാത്രം കൂട്ടുകൂടുന്നവരാണ്. വിഷമാവസരങ്ങളിലാണ് ബന്ധുക്കളുടെ തനിനിറം കാണപ്പെടുക. ആ സന്ദർഭങ്ങളിൽ  സഹായിക്കാനും ആശ്വസിപ്പിക്കാനും ഓടിയടുക്കുന്നവരാണ് യഥാർത്ഥ ബന്ധുക്കൾ. ഇത്തരം ഘട്ടങ്ങളിൽ സഹായിക്കാത്തവർ ബന്ധു വർഗ്ഗത്തിൽപ്പെട്ടവരായാൽപ്പോലും ബന്ധുക്കളായി പരിഗണിക്കാൻ പാടുള്ളതല്ല.