ബാഗിന് വീതികൂടിയ പാഡ് വച്ച സ്ട്രാപ്പുകൾ ഉണ്ടാകണം. ചുമലിലെയും നട്ടെല്ലിലേയും മർദ്ദം ഇത് കുറയ്ക്കും.
കനം കൂടിയ പുസ്തകങ്ങൾ കുട്ടിയുടെ ശരീരത്തോട് ചേർന്നും കനം കുറഞ്ഞവ ബാഗിന്റെ പുറം ഭാഗത്തേക്കും ഇരിക്കണം. ഭാരം കൂടിയവ ശരീരത്തിൽ നിന്ന് വിട്ട് നിൽക്കുമ്പോൾ ബാഗ് കൂടുതൽ തൂങ്ങുകയും അത് നട്ടെല്ലിനെ ബാധിക്കുകയും ചെയ്യും.
ബാഗ് പരമാവധി ശരീരത്തോട് ചേർന്ന് നിൽക്കത്തക്കവിധം സ്ട്രപ്പിന്റെ വലുപ്പം ക്രമീകരിക്കണം. ഇല്ലെങ്കിൽ ഭാരം തൂങ്ങുന്നത് നട്ടെല്ലിനും തോളിനും സ്ഥാനചലനത്തിനിടയാക്കും. രണ്ടു സ്ട്രാപ്പും ഒരേ വലുപ്പമായിരിക്കണം.
ബാഗ് അരയോട് ചേർത്ത് സ്ട്രാപ്പ് ചെയ്യാനുള്ള സ്ട്രപ്പും ഉണ്ടായിരിക്കണം. ഇത് ഭാരത്തെ ചേർത്ത് നിരത്തുകയും നട്ടെല്ലിലെ മർദ്ദം കുറയ്ക്കുകയും ചെയ്യും.
ബാഗുമായി ഓടുന്നത് ഒഴിവാക്കാൻ സമയക്രമം പാലിക്കുക. ബാഗുമായി ഓടിയാൽ തോളിൽ ഭാരം കിടന്നാടുകയും തോളിനെ ബാധിക്കുകയും ചെയ്യും.
കഴിവതും ഭാരം കുറഞ്ഞ ബാഗ് വാങ്ങിക്കുക. പുസ്തകങ്ങളുടെ എണ്ണം അനുസരിച്ച് അവ തിരഞ്ഞെടുക്കുക.
ആവശ്യമില്ലാത്ത അറകളുള്ള ബാഗ് ഉപയോഗിക്കത്തിരിക്കുക, ഇത് ഭാരക്കൂടുതലിനു മാത്രമേ ഉപകരിക്കൂ.
വാഹനങ്ങളിൽ കയറുമ്പോൾ മുതിർന്നവരോ മുതിർന്ന കുട്ടികളോ ചെറിയ കുട്ടികളുടെ ബാഗ് എടുക്കാൻ സഹായിക്കണം.
0 Comments