കടങ്കഥകള്‍ (ജീവികൾ)

ജീവികളുടെ പേരുകള്‍ ഉത്തരമായി വരുന്ന ചില കടങ്കഥകള്‍ നമുക്കിവിടെ പരിചയപ്പെടാം.

1. അമ്മയ്ക്ക് വാലില്ല, മകൾക്ക് വാലുണ്ട്.-തവള
2. ആ പോയി, ഈ പോയി, കാണാനില്ല- മിന്നാമിനുങ്ങ്
3. ഇടവഴിയിലൂടെ ഒരു കരിവടിയോടി-പാമ്പ്
4. എന്റച്ഛൻ ഒരു കാളയെ വാങ്ങി, കെട്ടാൻ ചെന്നപ്പോൾ തലയില്ല- ആമ
5. കറുത്ത പാറയ്ക്ക് വെളുത്തവേര്-ആനക്കൊമ്പ്
6. കറുത്ത മതിലിന് നാല് കാല്- ആന
7. ചില്ലിക്കൊമ്പിൽ ഗരുഡൻതൂക്കം- വവ്വാൽ
8. ജനനം ജലത്തിൽ, സഞ്ചാരം വായുവിൽ- കൊതുക്
9. ഞാൻ പെറ്റകാലം മീൻ പെറ്റപോലെ വാലറ്റകാലം ഞാൻ പെറ്റകാലം -തവള
10. വലവീശും ഞാൻ മുക്കുവനല്ല, നൂല് നൂൽക്കും ഞാൻ വിൽക്കാറില്ല- ചിലന്തി