കാണാതാകുന്ന കുട്ടികളെക്കുറിച്ചുള്ള വിവരങ്ങള്‍ ആളുകള്‍ക്ക് നേരിട്ട് റിപ്പോര്‍ട്ട് ചെയ്യാനും സ്വീകരിക്കേണ്ട നടപടികള്‍ അറിയാനും അവരെ കണ്ടത്തെുന്നതിന് സഹായം തേടാനും വഴിതെളിക്കുന്ന വെബ്സൈറ്റ് നിലവിൽ വന്നു. രാജ്യത്ത് ഓരോ മണിക്കൂറിലും 11 കുട്ടികള്‍ വീതം കാണാതാകുന്ന അവസ്ഥയിലാണ് ഇവരെ കണ്ടെത്താൻ വിവരസാങ്കേതിക വിദ്യ ഉപയോഗിക്കുന്നത്.
വിവരസാങ്കേതിക വകുപ്പിന്‍െറ സഹായത്തോടെ വനിത-ശിശുക്ഷേമ മന്ത്രാലയമാണ് വെബ്സൈറ്റിന് രൂപംനല്‍കുന്നത്.
www.khoyapaya.gov.in എന്നതാണ് വെബ്സൈറ്റ് വിലാസം.
‘എന്‍െറ കുട്ടിയെ കാണാതായി’, ‘ഞാന്‍ ഒരു കുട്ടിയെ കണ്ടുമുട്ടി’, ‘കാണാതായ കുട്ടിക്കുവേണ്ടി തിരയുക’ എന്നിങ്ങനെ മൂന്നു ഭാഗമാണ് സൈറ്റിനുണ്ടാകുക.
കുട്ടിയെ കാണാതായാല്‍ പൊലീസ് സ്വീകരിക്കേണ്ട നടപടികളെക്കുറിച്ചും ലഭിക്കേണ്ട സഹായങ്ങളെക്കുറിച്ചും ഉള്ള വിശദ റിപ്പോര്‍ട്ടുകള്‍, ഇത്തരം കേസുകളില്‍ മുന്‍ കോടതി വിധികള്‍ തുടങ്ങിയ കാര്യങ്ങളും വെബ്സൈറ്റിലൂടെ അറിയാനാകും.
0 Comments