ഓണവുമായി ബന്ധപ്പെട്ട ഐതിഹ്യകഥകൾ ഏറെയാ ണ്. മഹാബലിയുടെ കാലത്തെ ദേശീയ സമൃദ്ധിയെ ഓർമപ്പെടുത്തുകയാണ് ഓണം എന്നതാണ് ഇതിൽ മുഖ്യം. വർഷം തോറും ചിങ്ങമാസത്തിലെ തിരുവോണനാളിൽ മഹാബ ലി തന്റെ പ്രജകളെ കാണാനെത്തുന്നു എന്നതാണ് ഇതിനു പിന്നിലെ സങ്കല്പം. തൃക്കാക്കര ക്ഷേത്രത്തിലെ പ്രതിഷ്ഠയായ മഹാദേവന്റെ തിരുനാളായ തിരുവോണം കൊണ്ടാടാൻ തൃക്കാക്കര വാണ മഹാബലിപ്പെരുമാൾ കല്പ്പിച്ചുവെന്നതാണ് മറ്റൊരു കഥ. പരശുരാമൻ കേരളം സന്ദർശിക്കുന്നതിന്റെ ഓർമ പുതുക്കലാണ് ഓണമെന്ന് വിശ്വസിക്കുന്നവരുമുണ്ട്. കേരള ത്തിൽ ഒരുകാലത്ത് പ്രചരിച്ചിരുന്ന ബുദ്ധമതത്തിന്റെ സംഭാവനയാണ് ഓണമെന്നു മറ്റൊരു വാദമുണ്ട്. ചിങ്ങമാസത്തിലെ തിരുവോണ ദിവസമാണ് ചേരമാൻ പെരുമാൾ മക്കയിലേക്ക് തിരിച്ചതെന്നും അതിന്റെ സ്മരണയാണ് ഓണമെന്നും മറ്റൊരു കൂട്ടർ അഭിപ്രായപ്പെടുന്നു. കേരളത്തിന്റെ വിളവെടുപ്പുത്സവമാണ് ഓണമെന്നും മലബാറിൽ കൊല്ലവർഷപ്പിറവി കുറിക്കുന്ന ദിവസമാണ് ഓണമെന്നുമുള്ള വ്യത്യസ്ത അഭിപ്രായങ്ങൾ ഓണാഘോഷവുമായി ബന്ധപ്പെട്ടു ചരിത്രകാരന്മാർ മുന്നോട്ടുവയ്ക്കുന്നു.
ഐതിഹ്യകഥകളെന്തുമാവട്ടെ ഓണം മലയാളിയുടെ പ്രിയപ്പെട്ട ഉത്സവമാണ്. ലോകമെങ്ങുമുള്ള മലയാളികൾ ഓണത്തെ അത്യാഹ്ലാദത്തോടെ വരവേൽക്കുന്നു. മാലോകരെല്ലാരും ഒന്നുപോലെ കഴിഞ്ഞ ഇന്നലെകളെ ഓർമിപ്പിക്കുകയാണ് ഓണക്കാഴ്ച കൾ. ഓണക്കാലത്ത് അണി ഞൊരുങ്ങുന്ന പ്രകൃതിയും ഈ മഹോത്സവത്തിന്റെ മാറ്റുകുട്ടുന്നു.
നിങ്ങളുടെ ബ്ലോഗിൽ പരസ്യങ്ങൾ പ്രസ്സിദ്ധീകരിക്കാൻ നിങ്ങൾക്ക് താത്പര്യം ഉണ്ടോ? ഉണ്ടെങ്കിൽ ഇൻഫൊലിങ്ക് നിങ്ങൾക്ക് അതിനുള്ള അവസരം നൽകുന്നു :- പരസ്യം പ്രസിദ്ധീകരിക്കാനുള്ള അപേക്ഷ ഇവിടെ നൽകാം
Post A Comment:
0 comments: