ദീര്‍ഘ ചതുരാകൃതിയിലാണ്‌ നാടന്‍ പന്തുകളിക്കളം . സാധാരണ രീതിയില്‍ ഏഴു പേരാകും ടീമുകളിലുണ്ടാകുക. അഞ്ച്‌ വരകളും(ഇന്നിംഗ്‌സുകള്‍) ഉണ്ടാകും. അംഗങ്ങളുടെ എണ്ണവും ഇന്നിംഗ്‌സുകളുടെ എണ്ണവും ടൂര്‍ണമെന്റുകള്‍ക്കു മാത്രമാണ്‌ ബാധകം.
ഗോളാകൃതിയില്‍ വശങ്ങള്‍ പതിഞ്ഞ തുകല്‍ പന്തുകളാണ്‌ മത്സരത്തിന്‌ ഉപയോഗിക്കുക. കളിക്കളത്തില്‍ ഇരുവശമായാകും ടീമുകള്‍ അണിനിരക്കുക. ടെന്നീസിന്‌ സമാനമായി എതിര്‍ടീമിനെ വെട്ടിച്ച്‌ പന്ത്‌ അതിര്‍ത്തികടത്തുകയാകും ഇരു ടീമുകളുടെയും ലക്ഷ്യം. എന്നാല്‍ കുത്തിത്തിരിഞ്ഞ്‌ ഇടത്തോട്ടോ വലത്തോട്ടോ പന്ത്‌ കളത്തിനു പുറത്തു പോയാല്‍ ആ പന്ത്‌ നയിച്ച ടീമിനെതിരേ പോയിന്റു കുറിക്കപ്പെടും.
എന്നാല്‍ ടെന്നീസിന്‌ വിരുദ്ധമായി എതിര്‍കളിക്കാരന്റെ തലയ്‌ക്കു മുകളിലൂടെ പറത്തുന്ന പന്തുകള്‍ നിയപരമാണ്‌ . ടെന്നീസിലെ സര്‍വീസുകള്‍ക്ക്‌ തുല്യമായി നാടന്‍ പന്തുകളിയിലെ 'വെട്ടുകളെ' കണക്കാക്കും. മൂന്നു എണ്ണങ്ങള്‍(പോയിന്റ്‌) ഉള്ള യൂണിറ്റായാണ്‌ വെട്ടുകള്‍ വേര്‍തിരിക്കപ്പെട്ടിട്ടുള്ളത്‌ .
കളി തുടങ്ങും മുമ്പ്‌ ഒരു കാര്യം കൂടി. ഈ കളിയില്‍ പാദരക്ഷകളും കൈയുറകളും പാടില്ല.
ഒറ്റ
 |
പെട്ട
 |
പിടിയന്‍
ഒരു കൈ പുറകോട്ട്‌ കെട്ടി മറുകൈകൊണ്ടാണ്‌ പിടിയന്‍ വെട്ടുക.
താളം
പന്ത്‌ അല്‍പം ഉയര്‍ത്തിയിട്ട്‌ , അന്തരീക്ഷത്തിലായിരിക്കുന്ന സമയം തുടയില്‍ തട്ടിയ ശേഷമാകും താളം വെട്ടുക. ഈ വെട്ടിനും ഒരു കൈമാത്രമേ ഉപയോഗിക്കാനാകൂ.
കീഴ്‌
പന്ത്‌ തുടയുടെ അടിയിലൂടെ മുകളിലേക്കെറിഞ്ഞ ശേഷമാകും കീഴ്‌ വെട്ട്‌ നടത്തുക.
ഇണ്ടന്‍
ഫുട്‌ ബോളിലെ ഗോള്‍ കിക്കിനോട്‌ ഇതിന്‌ സാദൃശ്യുണ്ട്‌ . പന്ത്‌ ഉയര്‍ത്തിയിട്ടശേഷം നിലത്തു തൊടുംമുമ്പ്‌ കാലുകൊണ്ട്‌ തൊഴിക്കുകയാകും ചെയ്യുക.
ഇത്രയും ഘട്ടങ്ങള്‍ വിജയകരമായി പൂര്‍ത്തിയാക്കുന്ന ടീമിന്‌ 'ചക്കര' പോയിന്റ്‌ ലഭിക്കും. തുടര്‍ന്ന്‌ അടുത്ത ചക്കരയിലെത്താന്‍ ഒറ്റ, പെട്ട, ... രീതിയില്‍ തുടങ്ങാം.
ഒരു കളിക്കാരന്‍ നിര്‍ത്തിയതില്‍ നിന്നാണ്‌ അടുത്ത കളിക്കാരന്‍ തുടങ്ങേണ്ടത്‌ . ഉദാഹരണമായി ഒരാള്‍ പെട്ട ഒന്നില്‍ പുറത്തായാല്‍ അടുത്തയാളും പെട്ട ഒന്നാണ്‌ വെട്ടേണ്ടത്‌ .
ടീമിലെ എല്ലാവരും 'വെട്ട്‌' നിര്‍വഹിക്കേണ്ടതുണ്ട്‌ .
 |
കളിക്കിടെ ബോള്‍ നിന്നു പോയാല്‍ എതിര്‍ ടീമിന്‌ തൊഴിക്കാന്‍('കൊത്ത്‌') അവസരം ലഭിക്കും. കളിക്കിടെ പന്തു കൈയിലും കാലിലുമൊഴികെയുള്ള ശരീര ഭാഗങ്ങളില്‍ തൊടാനാകില്ല. തൊട്ടാല്‍ 'ഫൗള്‍'. കാച്ച്‌ 'മിസാ'കുന്നത്‌ പോയിന്റ്‌ നഷ്‌ടത്തിനിടയാക്കും. കാലില്‍ തട്ടി പന്ത്‌ പുറകോട്ട്‌ പോയാലും പോയിന്റ്‌ നഷ്‌ടമാകും.
ടീമിലെ എല്ലാവരും പുറത്തായാല്‍ അടുത്ത ഇന്നിംഗ്‌സ്(വര) അവസാനിക്കും. എല്ലാ ഇന്നിംഗ്‌സുകള്‍ക്കു ശേഷം കൂടുതല്‍ എണ്ണം(പോയിന്റ്‌) ലഭിക്കുന്ന ടീം വിജയിയാകും.
 |
0 Comments