1933 ഡോ സാലിം അലി കേരളത്തില്‍ വരികയുണ്ടായി. തിരുവിതാംകൂറിലും കൊച്ചിയിലും ആറുമാസത്തോളം പര്യടനം നടതിയശേഷം ഇവിടത്തെ പക്ഷികളെക്കുറിച്ച്‌ ഒരു റിപ്പോര്‍ട്ട്‌ തയാറാക്കുകയുണ്ടായി. ജേര്‍ണല്‍ ഓഫ്‌ ദ ബോംബെ നാച്വറല്‍ ഹിസ്‌റ്ററി സൊസൈറ്റി എന്ന മാസികയില്‍ എട്ടു ഭാഗങ്ങളിലായി ഇത്‌ അച്ചടിച്ചുവന്നു. കേരള സര്‍വകലാശാല ചുമതലപ്പെടുത്തിയതനുസരിച്ച്‌ ദ ബേര്‍ഡ്‌സ് ഓഫ്‌ ട്രാവന്‍കൂര്‍ ആന്‍ഡ്‌ കൊച്ചിന്‍ എന്ന പുസ്‌തകം 1953 ല്‍ അദ്ദേഹം പ്രസിദ്ധപ്പെടുത്തി. ബേഡ്‌സ് ഓഫ്‌ കേരള എന്ന്‌ പേരുമാറ്റി ഈ പുസ്‌തകം വീണ്ടും അച്ചടിച്ചു. കേരളത്തിലെ തട്ടേക്കാട്‌ പക്ഷിസങ്കേതത്തിന്റെ ശില്‌പികൂടിയാണ്‌ ഡോ. സാലിം അലി. 1987 ജൂലൈ 27ന്‌ അദ്ദേഹം ഈ ലോകത്തോട്‌ വിടപറഞ്ഞു.
വംശനാശത്തിന്റെ വക്കില്‍
 |
സഞ്ചാരിപ്രാവ്‌
രണ്ടു നൂറ്റാണ്ടു മുമ്പുവരെ ലോകത്ത്‌ മറ്റേതൊരു പക്ഷികളേക്കാളും കൂടുതലുണ്ടായിരുന്നവയാണ്‌ സഞ്ചാരിപ്രാവുകള്‍. വടക്കേ അമേരിക്കയിലെ ഉള്‍ക്കാടുകള്‍ വെട്ടിനശിപ്പിച്ച്‌ മനുഷ്യവാസയോഗ്യമാക്കി തീര്‍ത്തതോടുകൂടി ഇവയുടെ വാസസ്‌ഥലങ്ങള്‍ ഇല്ലാതായിത്തുടങ്ങി. 19-ാം നൂറ്റാണ്ടില്‍ അടിമകളുടെയും ദരിദ്രരുടെയും പ്രധാന ഭക്ഷണം ഇവയുടെ ഇറച്ചിയായിരുന്നു. 1914 ഓടെ അവസാനത്തെ സഞ്ചാരിപ്രവും ഭൂമുഖത്ത്‌നിന്ന്‌ അപ്രത്യക്ഷമായി. അമേരിക്കയിലെ, സിന്‍സിനാറ്റി മൃഗശാലയില്‍ സംരക്ഷിക്കപ്പെട്ട, മാര്‍ത്ത എന്ന അവസാനത്തെ സഞ്ചാരിപ്രാവ്‌ 1914 സെപ്‌റ്റംബര്‍ ഒന്നിന്‌ മരണത്തിനു കീഴടങ്ങിയതോടെ.
ഡോഡോ
ഇന്ത്യന്‍ മഹാസമുദ്രത്തിലുള്ള മൗറീഷ്യസ്‌ ദ്വീപില്‍ മാത്രം കണ്ടിരുന്ന പറക്കാന്‍ കഴിയാത്ത പക്ഷിയായിരുന്നു ഡോഡോ. കപ്പല്‍യാത്രക്കാരായ സഞ്ചാരികള്‍ യാത്രാമധ്യേ ദ്വീപിലിറങ്ങി ഇവയെ വേട്ടയാടിപ്പിടിച്ചു. രുചികരമായ ഇവയുടെ ഇറച്ചിയെക്കുറിച്ചുള്ള വര്‍ണനകള്‍ ധാരാളം വേട്ടക്കാരെ ഇങ്ങോട്ടാകര്‍ഷിച്ചു. 1681- ഓടുകൂടി അവസാനത്തെ ഡോഡോ പക്ഷിയും ഭൂമുഖത്ത്‌നിന്ന്‌ വിടപറഞ്ഞു. ബ്രിട്ടീഷ്‌ മ്യൂസിയത്തിലും ഓക്‌സ്ഫര്‍ഡിലും ഇവയുടെ ഫോസിലുകള്‍ സംരക്ഷിച്ചിട്ടുണ്ട്‌. ദക്ഷിണാഫ്രിക്കയിലുള്ള ഈസ്‌റ്റ് ലണ്ടന്‍ മ്യൂസിയത്തില്‍ ഒരു മുട്ടയും! സ്‌റ്റീവന്‍ സ്‌പില്‍ബര്‍ഗിന്റെ ജുറാസിക്‌ പാര്‍ക്കിലെ സ്വപ്‌നം പൂവണിയുന്ന ഒരു കാലത്തിനുവേണ്ടി നമുക്ക്‌ കാത്തിരിക്കാം.
വൈറ്റ്‌ ഫെയ്‌സ്ഡ്‌ ഔള്‍
 |
പിങ്ക്‌ തലയന്‍ താറാവ്‌
 |
1 Comments
thanks...
ReplyDelete