Origami Jumping Frog

The Origami Jumping Frog is really easy to make... To make the frog jump to its best potential, use paper that's a bit thicker. You will need to use rectangular paper for this model

1. Start with a rectangular sheet of paper, white side up. Fold it in half, and open out again	2. fold both top corners to the opposite edge of the paper. Your creases should look like this.	3. Where the diagonal creases meet in the middle, fold the paper backwards, crease well and open.

 

4. Hold the paper at the sides, bring these points down to the centre line, then flatten. The creases should do most of the work here!	5. Fold the uppermost triangles up to the top point.

 

6. Fold sides in to the centre line.	7. Fold bottom of model upwards so the end sits in the centre of the top diamond.

 

8. Now fold the same part downwards, in half.	Turn over, your Jumping Frog is finished! To make him jump, press down on his back as shown.

Share:

Read More

കശുമാങ്ങ

വേനല്‍ക്കാലത്ത്‌ ദാഹശമനത്തിനായും, രോഗപ്രതിരോധ ശേഷിനല്‍കാനും പ്രകൃതിയൊരുക്കിയ മറ്റൊരു അത്ഭുത ഫലമാണ്‌ കശുമാങ്ങ. കശുമാങ്ങയ്‌ക്ക്‌ അത്യുഷ്‌ണ കാലത്തുണ്ടാകാവുന്ന പല അസുഖങ്ങളെയും സുഖപ്പെടുത്തുവാനുള്ള ശക്‌തിയുണ്ട്‌. വിറ്റാമിന്‍ സി വേണ്ടുവോളമുള്ളതിനാല്‍ ഇത്‌ ശരീരത്തിന്‌ രോഗപ്രതിരോധ ശക്‌തിനല്‌കുകയും പകര്‍ച്ച വ്യാധികളെ ചെറുക്കുകയും ചെയ്യും. കശുമാവിന്റെ ജന്മദേശം ബ്രസീലാണ്‌. പോര്‍ച്ചുഗീസുകാര്‍ പ്രചരിപ്പിച്ചതുകൊണ്ട്‌ പറങ്കിമാങ്ങ എന്നും അറിയപ്പെടുന്നു. മറ്റ്‌ ഇന്ത്യന്‍ സംസ്‌ഥാനങ്ങളെ അപേക്ഷിച്ച്‌ കശുമാവു കൃഷി കൂടുതലും കേരളത്തിലാണ്‌. വളരെ കൂടുതല്‍ പഴനീരും തീരെ കുറച്ചുമാത്രം ചണ്ടിയുമുള്ള കശുമാങ്ങ നല്ലൊരു ദാഹശമനി കൂടിയാണ്‌. നിറം, മണം, രുചി എന്നിവയിലും അത്‌ മറ്റൊന്നിനും പിറകിലല്ല. കശുമാമ്പഴത്തില്‍ നല്ലൊരളവ്‌ പഞ്ചസാര (ഫ്രൂട്ട്‌ഷുഗര്‍) അടങ്ങിയിട്ടുണ്ട്‌. ഒരൗണ്‍സ്‌ പഴനീരില്‍ ഏതാണ്ട്‌ 120മി.ഗ്രാം ജീവകം സി, 0.2 മാംസ്യം, 0.1 കൊഴുപ്പ്‌, 11.6 അന്നജം,0.2 ധാതുലവണങ്ങള്‍, എന്നിവയ്‌ക്കുപുറമെ 0.09 കരോട്ടിന്‍, 0.53ടാനിന്‍, കാത്സ്യം, ഇരുമ്പ്‌ എന്നിവയും അടങ്ങിയിരിക്കുന്നു. കശുമാമ്പഴത്തിന്റെ ഒൗഷധഗുണവും അളവറ്റതാണ്‌. കുട്ടികള്‍ക്കുണ്ടാകുന്ന ഗ്രഹണിക്ക്‌ കശുമാങ്ങ ഫലവത്താണ്‌. കോളറായുടെ ആരംഭഘട്ടത്തില്‍ ഇതിന്റെ നീര്‌ കാച്ചിയെടുക്കുന്ന ദ്രാവകം രോഗശമനത്തിന്‌ വളരെ ഗുണകരമാണ്‌. ഛര്‍ദിക്കും അതിസാരത്തിനും ഇൗ നീര്‌ വളരെ ഫലവത്താണ്‌. മാവിന്റെ സസ്യകുടുംബമായ അനാക്കാര്‍ഡിയേസിയില്‍ പെട്ട കശുമാവിന്റെ ശാസ്‌ത്രനാമം അനാകാര്‍ഡിയം ഓക്‌സിഡെന്‍ഡേല്‍ (Anacardium occidentale) എന്നാണ്‌. കശുമാമ്പഴത്തിന്റെ മറ്റ്‌ ഉപയോഗങ്ങള്‍ കശുമാമ്പഴം കൊണ്ട്‌ സ്വാദിഷ്‌ഠമായ പലതരം പദാര്‍ത്ഥങ്ങളും ഉണ്ടാക്കാം. കാഷ്യു ആപ്പിള്‍ ജൂസ്‌, ജാം, വിനാഗിരി, ചട്ട്‌ണി, അച്ചാര്‍ എന്നിവ ഉണ്ടാക്കാന്‍ ഇത്‌ വളരെ നല്ലതാണ്‌.

Share:

Read More

ചക്കയും മാങ്ങയും പിന്നെ...

ചക്ക ലോകത്തെ ഏറ്റവും വലിയ പഴമാണ്‌ ചക്കപ്പഴം. ഒരു കാലത്ത്‌ മലയാളിയുടെ വിശപ്പ്‌ മാറ്റിയിരുന്ന ഒരു പ്രധാന ഫലമായിരുന്നു ഇത്‌. ഇന്ന്‌ കേരളത്തില്‍ ഏറ്റവും കൂടുതല്‍ പാഴാക്കപ്പെടുന്ന ഫലങ്ങളിലൊന്നാണ്‌ ചക്ക. പതിനാലാം നൂറ്റാണ്ടില്‍ കേരളം സന്ദര്‍ശിച്ച വിദേശ സഞ്ചാരിയായ മറിഹ്‌നൊള്ളി ചക്ക കണ്ട്‌ ഒരാടിന്റെ മുഴുപ്പുള്ള ഫലം! എന്ന്‌ അന്തംവിട്ടതായി രേഖപ്പെടുത്തിയിട്ടുണ്ട്‌. ചക്കപ്പഴം സാധാരണയായി രണ്ടു തരമുണ്ട്‌. ബലം കുറഞ്ഞതും മാര്‍ദവമേറിയതുമായ ചുളകളുള്ള കൂഴയും കട്ടികൂടിയ മാര്‍ദവമില്ലാത്ത വരിക്കയും. പഴുത്ത തേന്‍ വരിക്കയുടെ സുഗന്ധമേറ്റാല്‍ കൊതിവരാത്തവരാരാണുള്ളത്‌. കൂഴച്ചക്ക കറിവയ്‌ക്കാന്‍ നല്ലതാണ്‌. നല്ല തേന്‍ വരിക്കയുടെ കുരു പാകിമുളപ്പിച്ചാല്‍ കിട്ടുന്ന മരത്തില്‍ ചിലപ്പോള്‍ കൂഴയായിരിക്കും ഉണ്ടാവുക. പ്ലാവ്‌ ഒരു പരപരാഗണ വൃക്ഷമായതിനാലാണ്‌ മാതൃവൃക്ഷത്തിന്റെ ഗുണമുള്ള തൈച്ചെടികള്‍ ഉണ്ടാവാത്തത്‌. ഏതാണ്ട്‌ 54 ഇനത്തോളം പ്ലാവിനങ്ങള്‍ ഇന്ത്യയില്‍ വളരുന്നുണ്ട്‌. സഫേദ, ഘാജാ, ഭൂസില, ബടിയാ, ഹാന്‍ഡിസ എന്നിവ മറ്റ്‌ സംസ്‌ഥാനങ്ങളില്‍ കാണപ്പെടുന്ന ഇനങ്ങളാണ്‌. ടി-നഗര്‍ ജാക്ക്‌, മാമത്ത്‌, എവര്‍ബിയാറര്‍, റോസ്‌ സെന്റസ്‌ എന്നിവ വിശേഷപ്പെട്ട ചില ഇനങ്ങളാണ്‌. കേരളത്തില്‍ വളര്‍ത്താന്‍ പറ്റിയ രണ്ടിനങ്ങളാണ്‌ മുട്ടം വരിക്കയും ശ്രീലങ്കന്‍ വരിക്കയും. നട്ട്‌ മൂന്നാം വര്‍ഷം ഇൗ രണ്ടിനങ്ങളും കായ്‌ക്കുന്നു. പ്ലാവിന്റെ ശാസ്‌ത്രനാം ആര്‍ട്ടോകാര്‍പ്പസ്‌ ഹെട്ടരോഫിലസ്‌ (Artocarpus hetero phyllus) എന്നാണ്‌. കുടുംബം മോറേസിയേ (moraceae) ഇംഗ്ലീഷില്‍ ജാക്ക്‌ ട്രീ എന്നും പറയുന്നു.  ചക്കയിലെ പോഷകങ്ങള്‍ പഴുത്ത ചക്കയുടെ ഭക്ഷ്യയോഗ്യമായ 100 ഗ്രാമില്‍ 1.3 മുതല്‍ 1.9 ഗ്രാം വരെ മാംസ്യം, 0.1 മുതല്‍ 0.3 ഗ്രാം കൊഴുപ്പ്‌, 18.9 മുതല്‍ 25.4 ഗ്രാം കാര്‍ബോഹൈഡ്രേറ്റുകള്‍, ഒരു ഗ്രാം ഭക്ഷ്യനാര്‌, 22 മില്ലിഗ്രാം കാത്സ്യം, 0.13 മുതല്‍ 0.23 മില്ലിഗ്രാം വരെ ഫോസ്‌ഫറസ്‌, 0.2 മുതല്‍ 1.2 മില്ലി ഗ്രാം വരെ ഇരുമ്പ്‌, എന്നിവയുണ്ട്‌. ജീവകം ബി-1, ബി-2 എന്നിവയുടെ ഭേദപ്പെട്ട ശേഖരമാണ്‌ ചക്കക്കുരു. ************************* മാമ്പഴം പഴങ്ങളിലെ രാജാവാണ്‌ മാമ്പഴം. ഇന്ത്യയിലെ അസോം ആണ്‌ മാവിന്റെ ജന്മദേശമെന്നറിയപ്പെടുന്നത്‌. ലോകത്തില്‍ ഏറ്റവുമധികം മാമ്പഴം ഉല്‌പാദിപ്പിക്കുന്ന രാജ്യവും ഇന്ത്യതന്നെ. അല്‍ഫോന്‍സ, പൈരി, നീലം, ബങ്കനപ്പള്ളി, മല്‍ഗോവ, സുവര്‍ണരേഖ, ലംഗര, ദുസെഹറി, ഗുലിബ്‌ ഖാസ്‌, കലെപ്പാടി, മുണ്ടപ്പ, ബാംഗളോറ തുടങ്ങി ഏതാണ്ട്‌ അഞ്ഞൂറിലധികം മാവിനങ്ങള്‍ ഇന്ത്യയില്‍ വളരുന്നു. ഒരു കാലത്ത്‌ കേരളത്തില്‍ സമൃദ്ധമായിരുന്ന പല മാവിനങ്ങളും ഇന്ന്‌ വംശനാശത്തിന്റെ വക്കിലാണ്‌. കേരളത്തിന്റെ സ്വന്തമായ ഒരിനമാണ്‌ ഒളോര്‍. കോഴിക്കോടന്‍ പ്രദേശങ്ങളില്‍ സുലഭമായിരുന്ന ഒളോര്‍, ചേലന്‍-മാങ്ങകള്‍ ഇന്നു കണികാണാനില്ല. വേനല്‍ ചൂടില്‍ കളിച്ചു തിമിര്‍ത്തുവരുന്ന കുഞ്ഞുങ്ങള്‍ക്ക്‌, മാമ്പഴക്കുലകളില്‍ നിന്നും പഴുത്ത തേന്‍ കനികള്‍ എറിഞ്ഞുകൊടുത്തിരുന്ന കിഴവന്‍ നാട്ടുമാവുകളും അപ്രത്യക്ഷമായി. നാടന്‍ മാവുകളിലെ കമ്പില്‍ നല്ല ഇനങ്ങളുടെ ശാഖകള്‍ പിടിപ്പിച്ചാണ്‌ ഒട്ടുമാവുകളുണ്ടാക്കുന്നത്‌. 1889ല്‍ ഇന്ത്യയില്‍ ആദ്യമായി ഉല്‍പ്പാദിപ്പിച്ച ഒട്ടുമാവാണ്‌ മല്‍ഗോവ. മറ്റ്‌ ഒട്ടു മാവുകള്‍-ഹൈബ്രിഡ്‌ നമ്പര്‍ - 45, ഹൈബ്രിഡ്‌ നമ്പര്‍ - 87, ഹൈബ്രിഡ്‌ നമ്പര്‍ - 151. മാവിന്റെ ശാസ്‌ത്രനാമം - മാന്‍ജിഫെറ ഇന്‍ഡിക്ക (mangifera indica) കുടുംബം അനികാര്‍ഡിയേസിയേ (Ana cardiaceae) പോഷക സമ്പുഷ്‌ടം 100 ഗ്രാം മാമ്പഴത്തില്‍ 2743 അന്തര്‍ ദേശീയ യൂണിറ്റ്‌ വിറ്റാമിന്‍ - എ അടങ്ങിയിരിക്കുന്നു. 16 മില്ലിഗ്രാം വിറ്റാമിന്‍-സി, 14 മില്ലിഗ്രാം കാത്സ്യം, 16 മില്ലിഗ്രാം ഫോസ്‌ഫറസ്‌, 0.6 ശതമാനം മാംസ്യം, 0.4 ശതമാനം കൊഴുപ്പ്‌, 16.9 ശതമാനം കാര്‍ബോഹൈഡ്രേറ്റ്‌, 0.7 ശതമാനം ഭക്ഷ്യനാരുകള്‍ എന്നിവ കൂടാതെ ബി-ഗ്രൂപ്പ്‌ ജീവകങ്ങള്‍ ചെറിയ തോതിലും ഇവയിലുണ്ട്‌.

Share:

Read More

വാജ്‌പേയിയുടെ റെക്കോഡ്‌

നാല് വ്യത്യസ്ത സംസ്ഥാനങ്ങളില്‍നിന്ന് ലോക്‌സഭയിലേക്ക് തിരഞ്ഞെടുക്കപ്പെട്ട ഏക വ്യക്തി എന്ന റെക്കോഡ് മുന്‍ പ്രധാനമന്ത്രി അടല്‍ ബിഹാരി വാജ്‌പേയിക്കാണ്. ഉത്തര്‍പ്രദേശ്, ഗുജറാത്ത്, മധ്യപ്രദേശ്, ഡല്‍ഹി എന്നിവിടങ്ങളില്‍നിന്നെല്ലാം അദ്ദേഹം പാര്‍ലമെന്റിലേക്ക് തിരഞ്ഞെടുക്കപ്പെട്ടു. അതുപോലെത്തന്നെ, ആറ് വ്യത്യസ്ത മണ്ഡലങ്ങളില്‍നിന്ന് പാര്‍ലമെന്റിലേക്ക് തിരഞ്ഞെടുക്കപ്പെട്ട ഏക വ്യക്തിയും വാജ്‌പേയിയാണ്. ബല്‍റാംപുര്‍ (1957, 1967), ഗ്വാളിയോര്‍ (1971), ന്യൂഡല്‍ഹി (1977, 1980), വിദിശ (1991), ഗാന്ധി നഗര്‍ (1996), ലഖ്‌നൗ (1991, 1996, 1998) എന്നിവിടങ്ങളിലാണ് അദ്ദേഹം വിജയിച്ചത്.

ഭൂരിപക്ഷത്തില്‍ റെക്കോഡ് അനില്‍ ബസു

ലോക്‌സഭാ തിരഞ്ഞെടുപ്പില്‍ ഏറ്റവുമുയര്‍ന്ന ഭൂരിപക്ഷം നേടി വിജയിച്ചിട്ടുള്ളത് സി.പി.എമ്മിലെ അനില്‍ ബസുവാണ്. 2004ലെ തിരഞ്ഞെടുപ്പില്‍ പശ്ചിമബംഗാളിലെ ആരംബാഗ് (എിമൗയമഷസ), മണ്ഡലത്തില്‍നിന്ന് 5,92,502 വോട്ടിന്റെ ഭൂരിപക്ഷത്തിലാണ് ബസു വിജയിച്ചത്. ബി.ജെ.പി.യിലെ സ്വപന്‍കുമാര്‍ നാന്ദിയായിരുന്നു തൊട്ടടുത്ത എതിര്‍സ്ഥാനാര്‍ത്ഥി.

കടപ്പാട്:മാത്രുഭൂമി ജനവിധി 2009

Share:

Read More

അപൂര്‍വ റെക്കോഡുമായി അമ്മുസ്വാമിനാഥന്‍

റെക്കോഡുകള്‍ തകര്‍ക്കപ്പെടേണ്ടതാണ്. കാലങ്ങള്‍ പിന്നിടുമ്പോള്‍ റെക്കോഡുകള്‍ പഴംകഥയാകുന്നതും പുതിയവ സൃഷ് ടിക്കപ്പെടുകയും ചെയ്യുന്നത് ഏത് മത്സരരംഗത്തും പതിവുള്ളതാണ്. എന്നാല്‍ ഇനിയും ഒരിക്കലും ഭേദിക്കാനാവാത്ത ഒരു റെക്കോര്‍ഡുണ്ട് ഒരു മലയാളിക്ക്. സ്വാതന്ത്ര്യ പ്രസ്ഥാനത്തിനും കോണ്‍ഗ്രസിനും ചെറുതല്ലാത്ത സംഭാവന നല്‍കിയ അമ്മുസ്വാമിനാഥനാണ് അപൂര്‍വ്വമായ റെക്കോഡിന്റെ അവകാശി- ഇന്ത്യന്‍ പാര്‍ലമെന്റിന്റെ എല്ലാ സഭകളിലും അംഗമായ ഏക വനിതയും ഏക മലയാളിയും അമ്മുസ്വാമിനാഥന്‍ മാത്രമാണ്. 

പതിനഞ്വു വര്‍ഷത്തെ പാര്‍ലമെന്ററി ജീവിതത്തിനിടെ അവര്‍ സെന്‍ട്രല്‍ ലെജിസ്ലേറ്റീവ് അസംബ്ലിയിലും (1945-46), കോണ്‍സ്റ്റിറ്റൂവന്റ് അസംബ്ലിയിലും (1946-50) ഇടക്കാലപാര്‍ലമെന്റിലും(1950-52), ഒന്നാം ലോക്‌സഭയിലും (1957-60) അംഗമായി.

പഴയ മദ്രാസിലെ ദിണ്ഡിഗല്‍ മണ്ഡലത്തില്‍ നിന്നാണ് അവര്‍ ഒന്നാം ലോക്‌സഭയിലേക്കു തിരഞ്ഞെടുക്കപ്പെട്ടത്. പുതിയ മദ്രാസില്‍ നിന്ന് ഉപതിരഞ്ഞെടുപ്പിലൂടെ അവര്‍ രാജ്യസഭയിലെത്തിയ ഈ ഒറ്റപ്പാലത്തുകാരിയുടെ കര്‍മരംഗം മദ്രസ് സംസ്ഥാനമായിരുന്നു. 

തമിഴ്‌നാട്ടുകാരനായ ഡോ.എസ് സ്വാമിയായിരുന്നു ഭര്‍ത്താവ്. ഇവരുടെ പുത്രിയാണ് ക്യാപ്റ്റന്‍ ലക്ഷമി സൈഗള്‍. അവരുടെ മകള്‍ സുഭാഷിണി അലി ഒന്‍പതാം ലോക്‌സഭയില്‍ കാണ്‍പൂരിനെ പ്രതിനിധീകരിച്ചു. 
കോണ്‍സ്റ്റിറ്റുവന്റ് അസംബ്ലിയിലും ഇടക്കാല പാര്‍ലമെന്റിലും അംഗമായിരുന്ന മറ്റൊരു മലയാളി വനിതയാണ് ദിക്ഷായണി വേലായുധന്‍. 

ഗിന്നസ് ബുക്കില്‍ ഇടംനേടിയ രംഗസ്വാമി

ഏറ്റവും കൂടുതല്‍ തിരഞ്ഞെടുപ്പുകളില്‍ സ്ഥാനാര്‍ത്ഥിയായി ഗിന്നസ് ബുക്കില്‍ ഇടംനേടിയ വ്യക്തിയാണ് 'ഹോട്ടെ പക്ഷ രംഗസ്വാമി'. കര്‍ണാടക സ്വദേശിയായ രംഗസ്വാമി ഒട്ടാകെ 86 തിരഞ്ഞെടുപ്പുകളില്‍ സ്ഥാനാര്‍ത്ഥിയായി. പ്രമുഖ നേതാക്കള്‍ക്കെതിരെ മത്സരിച്ചുകൊണ്ടാണ് അദ്ദേഹം ശ്രദ്ധേയനായത്. അദ്ദേഹം രൂപംകൊടുത്ത രാഷ്ട്രീയ കക്ഷിയാണ് 'ഹോട്ടെ പക്ഷ'.
1967ല്‍ മുന്‍ കര്‍ണാടക മുഖ്യമന്ത്രിയായിരുന്ന ഹനുമന്തയ്യയ്‌ക്കെതിരെയായിരുന്നു അദ്ദേഹത്തിന്റെ ആദ്യ മത്സരം. ഇന്ദിരാഗാന്ധി, രാജീവ് ഗാന്ധി, നരസിംഹറാവു എന്നിവര്‍ക്കെതിരെയും മത്സരിച്ചിട്ടുണ്ട്. 2007 ജനവരിയില്‍ അദ്ദേഹം അന്തരിച്ചു.

479 സ്ഥാനാര്‍ഥികള്‍ അണിനിരന്ന മണ്ഡലം നല്‍ഗൊണ്ട

ലോക്‌സഭാ തിരഞ്ഞെടുപ്പ് ചരിത്രത്തില്‍ ഒരു മണ്ഡലത്തില്‍ ഏറ്റവും അധികം സ്ഥാനാര്‍ഥികള്‍ ഏറ്റുമുട്ടിയതിന്റെ റെക്കോര്‍ഡ് ആന്ധ്രാപ്രദേശിലെ നല്‍ഗൊണ്ട മണ്ഡലത്തിലാണ്. 1996 ലെ തിരഞ്ഞെടുപ്പില്‍ ഈ മണ്ഡലത്തില്‍ ഭാഗ്യപരീക്ഷണത്തിനിറങ്ങിയത് 480 സ്ഥാനാര്‍ഥികളായിരുന്നു. 479 പേരെ പിന്തള്ളി ഒടുവില്‍ സി.പി.ഐയിലെ ബൊമ്മാഗനി ദര്‍മഭിക്ഷാം വിജയം കണ്ടു. രണ്ടും മൂന്നും സ്ഥാനത്തെത്തിയത് ബി.ജെ.പി. കോണ്‍ഗ്രസ് സ്ഥാനാര്‍ഥികളായിരുന്നു. അവര്‍ക്കും കെട്ടിവച്ച തുക തിരികെക്കിട്ടിയപ്പോള്‍ 
മത്സരാര്‍ഥികളില്‍ 477 പേര്‍ക്കും ജാമ്യത്തുകനഷ്ടപ്പെട്ടു. ഏറ്റവും കുറവു വോട്ടുമായി 480 - ാം സ്ഥാനത്തായ വങ്കാരു ലിങ്കയ്യാത്തിനും ലഭിച്ചത് 20 വോട്ട്. അതിന് ശേഷം മൂന്ന് തിരഞ്ഞെടുപ്പുകള്‍ നടന്നിട്ടും ധര്‍മഭിക്ഷാമിന്റെയും നല്‍ഗൊണ്ടയുടെയും റെക്കോര്‍ഡു തകര്‍പ്പെട്ടില്ല. സ്ഥാനാര്‍ഥികളുടെ എണ്ണത്തിന്റെ കാര്യത്തില്‍ രണ്ടാം സ്ഥാനം കര്‍ണാടത്തിലെ ബല്‍ഗാമിന്റെ പേരിലാണ് 1996 ലെ തിരഞ്ഞെടുപ്പില്‍ 456 സ്ഥാനാര്‍ഥികളാണ് ബല്‍ഗാമില്‍ ഏറ്റുമുട്ടിയത്

കടപ്പാട്:മാത്രുഭൂമി ജനവിധി 2009

Share:

Read More

രണ്ട് മണ്ഡലങ്ങളില്‍ നിന്ന് ആദ്യമായി തിരഞ്ഞെടുക്കപ്പെട്ടത് ദേശ് പാണ്ഡെ

ഒന്നാം ലോക്‌സഭാ തിരഞ്ഞെടുപ്പില്‍(1952) ഹിന്ദുമഹാസഭ നേതാവ് വി.ജി. ദേശ്പാണ്ഡെ ഒരേ സമയം രണ്ടു മണ്ഡലത്തില്‍ ജയിച്ചു ദേശ്പാണ്ഡെ തന്നെയാണു ലോക്‌സഭാ തിരഞ്ഞെടുപ്പു ചരിത്രത്തിലെ ആദ്യ ഇരട്ടജയത്തിന്റെ ഉടമയായി ദേശ്പാണ്ഡെ. ഗ്വാളിയര്‍, ഗുണ മണ്ഡലങ്ങളില്‍നിന്നാണ് അദ്ദേഹം വിജയിച്ചത്. ഗ്വാളിയര്‍ ഉപേക്ഷിച്ച അദ്ദേഹം ഗുണ മണ്ഡലം നിലനിര്‍ത്തുകയായിരുന്നു.

1980 ലെ പൊതു തിരഞ്ഞെടുപ്പില്‍ ഇന്ദിരാഗാന്ധി രണ്ടു മണ്ഡലങ്ങളില്‍ നിന്നു വിജയിച്ചു. ഉത്തര്‍ പ്രദേശിലെ റായ്ബറേലി, ആന്ധ്രയിലെ മേഡക്ക് എന്നീ മണ്ഡലങ്ങളില്‍ നിന്നാണ് അവര്‍ ജയിച്ചത്. ജനതാതരംഗത്തില്‍ 1977 ല്‍ റായ്ബറേലിയില്‍ ഇന്ദിര തോല്‍വിയറിഞ്ഞിരുന്നു. ഈ അനുഭവത്തില്‍ നിന്നാണ് വടക്കുനിന്നും തെക്കുനിന്നും ജനവിധി തേടാന്‍ അവരെ പ്രേരിപ്പിച്ചത്. 

മുന്‍ പ്രധാനമന്ത്രിമാരായ എ.ബി.വാജ്‌പേയിയും. പി.വി.നരസിംഹറാവും എല്‍.കെ.അഡ്വാനിയും രണ്ടുമണ്ഡലങ്ങളില്‍നിന്നും ജയിച്ച ചരിത്രമുണ്ട്. 1996 ല്‍ ആന്ധ്രപ്രദേശിലെ നന്ദ്യലില്‍നിന്നും ഒറീസയിലെ ബേറാംപൂരില്‍ നിന്നും നരസിംഹറാവു തിരഞ്ഞെടുക്കപ്പെട്ടു. 1999 ലെ ലോക്‌സഭാ തിരഞ്ഞെടുപ്പില്‍ സോണിയാഗാന്ധിയും(കര്‍ണാടകത്തിലെ ബെല്ലാരിയില്‍ നിന്നും ഉത്തര്‍പ്രദേശിലെ അമേത്തിയില്‍ നിന്നും) മുലായം സിങ് യാദവുമാണ്(ഉത്തര്‍പ്രദേശിലെ സംഭാല്‍, കനൗജ് ) ഇരട്ട വിജയം നേടിയത്. 

ചെറിയ മണ്ഡലം ചാന്ദ്‌നി ചൗക്ക്‌

ഡല്‍ഹിയിലെ ചാന്ദ്‌നി ചൗക്കാണ് ( 105 ചതുരശ്ര കിലോമീറ്റര്‍ ) ഏറ്റവും ചെറിയ പാര്‍ലമെന്ററി നിയോജമണ്ഡലം രണ്ടാമത്തെ ചെറിയത് 1323 ചതുരശ്ര കിലോമീറ്റര്‍ വിസ്തീര്‍ണ്ണമുള്ള കൊല്‍ക്കത്ത വടക്ക് പടിഞ്ഞാറ് നിയോജകമണ്ഡലവും, മൂന്നാം സ്ഥാനം 13,73 ചതുരശ്ര കിലോമീറ്റര്‍ വിസ്തീര്‍ണ്ണമുള്ള മുംബൈ തെക്ക് നിയോജകമണ്ഡലമാണ്.

മണ്ഡലങ്ങളില്‍ ഭീമന്‍ ലഡാക്ക്‌

പി.എ. ജയന്‍ 
ന്യൂഡല്‍ഹി: വിസ്തൃതിയില്‍ രാജ്യത്തെ ഏറ്റവും വലിയ ലോക്‌സഭാമണ്ഡലമെന്ന ബഹുമതി ഇനി ലഡാക്കിന്. ഏറ്റവും കുറവ് വോട്ടര്‍മാരുള്ള മണ്ഡലം ലക്ഷദ്വീപാണ്. മണ്ഡല പുനര്‍നിര്‍ണയത്തിന് ശേഷം തിരഞ്ഞെടുപ്പ് കമ്മീഷന്‍ പുറത്തുവിട്ടതാണ് ഈ വിവരങ്ങള്‍. 

ജമ്മുകശ്മീരില്‍ ഹിമാലയ മലനിരകളിലായി 172374.108 ചതുരശ്ര കിലോമീറ്റര്‍ പരന്നുകിടക്കുകയാണ് ലഡാക് ലോക്‌സഭാമണ്ഡലം. രാജസ്ഥാനിലെ ബാര്‍മിര്‍, ഗുജറാത്തിലെ കച്ച്, അരുണാചല്‍ പ്രദേശിലെ അരുണാചല്‍ ഈസ്റ്റ്, വെസ്റ്റ് മണ്ഡലങ്ങള്‍ എന്നിവയാണ് വലിപ്പത്തിന്റെ കാര്യത്തില്‍ ലഡാക്കിന്റെ തൊട്ടുപിന്നിലുള്ളത്. 

കടപ്പാട്:മാത്രുഭൂമി ജനവിധി 2009

Share:

Read More

ചിഹ്നം വിളികളുടെ ചരിത്രം

ആല്‍മരം തൊട്ട് കറ്റയേന്തിയ സ്ത്രീ വരെ

പി.എസ്. രാകേഷ്‌ 
സോഷ്യലിസ്റ്റ് പാര്‍ട്ടികളുടെ ഭാവം മാറുന്നത് രാജ്യം പലതവണ കണ്ടു. അതനുസരിച്ച് തിരഞ്ഞെടുപ്പുചിഹ്നങ്ങളും മാറിക്കൊണ്ടേയിരുന്നു. 
കോണ്‍ഗ്രസ്സിലെ സോഷ്യലിസ്റ്റ് ആശയക്കാര്‍ പുറത്തുവന്ന് 1948ലാണ് ഇന്ത്യന്‍ സോഷ്യലിസ്റ്റ് പാര്‍ട്ടി (ഐ.എസ്.പി.)ക്കു രൂപം നല്‍കുന്നത്. ജയപ്രകാശ് നാരായണ്‍, അച്യുത് പട്‌വര്‍ധന്‍, റാംമനോഹര്‍ ലോഹ്യ തുടങ്ങി പ്രഗല്ഭരുടെ ഒരു നിര തന്നെയുണ്ടായിരുന്നു നേതൃത്വത്തില്‍. 'ആല്‍മരം' ചിഹ്നത്തില്‍ മത്സരിച്ച ഐ.എസ്.പിക്ക് ആദ്യതിരഞ്ഞെടുപ്പില്‍ 12 സീറ്റു ലഭിച്ചു. തിരഞ്ഞെടുപ്പ് കഴിഞ്ഞയുടന്‍ കിസാന്‍ മസ്ദൂര്‍ പ്രജാപക്ഷും ഐ.എസ്.പി.യും ലയിച്ച് നപ്രജാ സോഷ്യലിസ്റ്റ് പാര്‍ട്ടി (പി.എസ്.പി.) എന്ന പുതിയ കക്ഷിയുണ്ടാക്കി. കിസാന്‍ മസ്ദൂറിന്റെ ചിഹ്നമായ 'കുടില്‍' പുതിയ പാര്‍ട്ടിചിഹ്നമായി തീരുമാനിച്ചു.
കോണ്‍ഗ്രസ്സുമായുള്ള സഖ്യതീരുമാനത്തെച്ചൊല്ലി 1955ല്‍ പി.എസ്.പി. പിളര്‍ന്നു. കോണ്‍ഗ്രസ് സഖ്യത്തെ എതിര്‍ത്ത ലോഹ്യയും കൂട്ടരും സോഷ്യലിസ്റ്റ് പാര്‍ട്ടിയുണ്ടാക്കി. ഒമ്പതുവര്‍ഷം കഴിഞ്ഞ് 1964ല്‍ ഇരുകക്ഷികളും വീണ്ടുമൊന്നിച്ച് സംയുക്ത സോഷ്യലിസ്റ്റ് പാര്‍ട്ടിയുണ്ടാക്കി. 'കുടില്‍' തന്നെയായിരുന്നു ചിഹ്നം. ഒരുവര്‍ഷമേ അതിന് ആയുസ്സുണ്ടായിരുന്നുള്ളൂ. '65ല്‍ സംയുക്ത സോഷ്യലിസ്റ്റ് പാര്‍ട്ടിയും പ്രജാ സോഷ്യലിസ്റ്റ് പാര്‍ട്ടിയുമായി അവ വീണ്ടും വഴിപിരിഞ്ഞു. രണ്ടു പാര്‍ട്ടികളായി 1971ലെ തിരഞ്ഞെടുപ്പിനെ നേരിട്ട സോഷ്യലിസ്റ്റുകള്‍ തിരഞ്ഞെടുപ്പ് കഴിഞ്ഞതോടെ വീണ്ടുമൊന്നിച്ചു. ഇത്തവണ സോഷ്യലിസ്റ്റ് പാര്‍ട്ടി ഓഫ് ഇന്ത്യ എന്നാണ് പുതിയ കക്ഷിക്ക് പേരിട്ടത്. എട്ടു മാസത്തിനുള്ളില്‍ വീണ്ടും പിളര്‍പ്പ്. പാര്‍ട്ടി വിട്ട രാജ്‌നാരായണും കര്‍പ്പൂരി ഠാക്കൂറും പഴയ സംയുക്ത സോഷ്യലിസ്റ്റ് പാര്‍ട്ടി പുനരുജ്ജീവിപ്പിച്ചു. ആ സമയത്ത് കോണ്‍ഗ്രസ് വിട്ട് ചരണ്‍സിങ് രൂപവത്കരിച്ച ഭാരതീയ ക്രാന്തിദളില്‍ ലയിച്ച് ഭാരതീയ ലോക്ദളുണ്ടാക്കി. 
സോഷ്യലിസ്റ്റ് പ്രസ്ഥാനങ്ങള്‍ എല്ലാംമറന്ന് ഒന്നിച്ചത് അടിയന്തരാവസ്ഥക്കാലത്തായിരുന്നു. അവര്‍ അടിയന്തരാവസ്ഥയ്ക്കു ശേഷം ഒരു പാര്‍ട്ടിയില്‍ അണിനിരക്കാനും മടിച്ചില്ല. ഭാരതീയ ലോക്ദള്‍, സോഷ്യലിസ്റ്റ് പാര്‍ട്ടി, സംഘടനാ കോണ്‍ഗ്രസ്, ജനസംഘം എന്നിവയെല്ലാം ഈ പാര്‍ട്ടിയില്‍ ഒന്നായി. ഭാരതീയ ലോക്ദളിന്റെ 'കലപ്പയേന്തിയ കര്‍ഷകന്‍' ചിഹ്നത്തിലാണ് പുതിയ ജനതാപാര്‍ട്ടി മത്സരിച്ചത്. വന്‍ഭൂരിപക്ഷത്തോടെ 1977ലെ തിരഞ്ഞെടുപ്പില്‍ അധികാരത്തിലെത്താനും അവര്‍ക്കായി. 
1979ല്‍ ജോര്‍ജ് ഫെര്‍ണാണ്ടസും ചരണ്‍സിങ്ങും ചേര്‍ന്ന് ജനതാപാര്‍ട്ടി-എസ്സിനു രുപം നല്‍കി. ചന്ദ്രശേഖറിന്റെ നേതൃത്വത്തിലുള്ള ജനതാപാര്‍ട്ടി ചക്രം ചിഹ്നവുമായി തുടര്‍ന്നു. വാജ്‌പേയിയും അദ്വാനിയുമടക്കമുള്ള ജനസംഘക്കാര്‍ ഭാരതീയ ജനതാപാര്‍ട്ടിയുണ്ടാക്കി. ജനതാപാര്‍ട്ടി-എസ്സില്‍നിന്ന് രാജ്‌നാരായണ്‍ വിഭാഗം വഴിപിരിഞ്ഞു. ബാക്കിയുള്ളവര്‍ ചരണ്‍സിങ്ങിന്റെ നേതൃത്വത്തില്‍ ലോക്ദളുണ്ടാക്കി. ജോര്‍ജ് ഫെര്‍ണാണ്ടസ് ലോക്ദള്‍ വിട്ട് ജനതാപാര്‍ട്ടിയില്‍ തിരിച്ചെത്തി. ലോക്ദള്‍ പിന്നെയും രണ്ടായി. ചരണ്‍സിങ്ങിന്റെ മകന്‍ അജിത്‌സിങ്ങിന്റെ ലോക്ദള്‍ എ.യും എച്ച്.എന്‍. ബഹുഗുണയുടെ ലോക്ദള്‍ ബി.യും. ലോക്ദളും ജനതാപാര്‍ട്ടിയും വീണ്ടും ഒന്നിക്കുന്നത് 1989ലായിരുന്നു. കോണ്‍ഗ്രസ് വിട്ടെത്തിയ വി.പി.സിങ്ങുമായി ചേര്‍ന്ന് ജനതാദള്‍ എന്ന പുതിയ കക്ഷി നിലവില്‍ വന്നു. ചക്രമായിരുന്നു ചിഹ്നം. പത്തുമാസം പൂര്‍ത്തിയായപ്പോള്‍ ജനതാദള്‍ പിളര്‍ത്തി സമാജ്‌വാദി ജനതാദള്‍ രൂപവത്കരിച്ച് ചന്ദ്രശേഖര്‍ പുറത്തുപോയി. 'ചക്രത്തിനുള്ളിലെ കര്‍ഷകന്‍' ആയിരുന്നു ചന്ദ്രശേഖറിന്റെ പാര്‍ട്ടിയുടെ ചിഹ്നം. 
ഇതിനിടയില്‍ ജനതാദള്‍ പല കഷണങ്ങളായി പിരിഞ്ഞുതുടങ്ങി. ലാലുപ്രസാദ് യാദവിന്റെ രാഷ്ട്രീയ ജനതാദള്‍, മുലായം സിങ് യാദവിന്റെ സമാജ്‌വാദി ജനതാപാര്‍ട്ടി, നവീന്‍ പട്‌നായിക്കിന്റെ ബിജു ജനതാദള്‍, ശരത് യാദവിന്റെ ജനതാദള്‍ യു., ദേവഗൗഡയുടെ ജനതാദള്‍-എസ്., ജോര്‍ജ് ഫെര്‍ണാണ്ടസിന്റെ സമതാ പാര്‍ട്ടി എന്നിവയെല്ലാം ഇതിന്റെ പിന്തുടര്‍ച്ചകളാണ്. സമതാ പാര്‍ട്ടി പിന്നീട് ജനതാദള്‍ യു.വില്‍ ലയിച്ചു. ഗൗഡയുടെ ജനതാദള്‍ എസ്സിനാണ് ചക്രം ചിഹ്നം ലഭിച്ചത്. ജനതാദള്‍-എസ്. വീണ്ടും പിളര്‍ന്നപ്പോള്‍ ചിഹ്നം ട്രാക്ടറായും പിന്നെ കറ്റയേന്തിയ സ്ത്രീയായും മാറി. 
പിളര്‍പ്പിന്റെ ട്രാക്ക് റെക്കോഡ് പരിശോധിക്കുമ്പോള്‍ ഭേദം കമ്യൂണിസ്റ്റ് പാര്‍ട്ടികളാണെന്ന് വ്യക്തമാകും. 1952ലെ ആദ്യതിരഞ്ഞെടുപ്പ് മുതല്‍ അരിവാള്‍നെല്‍ക്കതിര്‍ ചിഹ്നത്തിലാണ് കമ്യൂണിസ്റ്റ് പാര്‍ട്ടി മത്സരിച്ചത്. 1964ല്‍ പാര്‍ട്ടി പിളര്‍ന്നതോടെ നിലവില്‍ വന്ന കമ്യൂണിസ്റ്റ് പാര്‍ട്ടി ഓഫ് ഇന്ത്യ (മാര്‍ക്‌സിസ്റ്റ്) അരിവാള്‍ ചുറ്റിക നക്ഷത്രത്തിലും കമ്യൂണിസ്റ്റ് പാര്‍ട്ടി ഓഫ് ഇന്ത്യ (സി.പി.ഐ.) അരിവാള്‍ നെല്‍ക്കതിര്‍ ചിഹ്നത്തിലും മത്സരിക്കാന്‍ തുടങ്ങി. അതിനുശേഷം ഇന്നുവരെ അതേ ചിഹ്നത്തില്‍ത്തന്നെയാണ് ഇരുപാര്‍ട്ടികളും വോട്ടു തേടുന്നത്. 

അവലംബം :മാത്രുഭൂമി ജനവിധി 2009

Share:

Read More

ഒരേ മണ്ഡലത്തെ പ്രതിനിധാനംചെയ്ത പിതാവും പുത്രനും

1. മാധവ്‌റാവു സിന്ധ്യ, ജ്യോതിരാദിത്യ സിന്ധ്യ: ഗ്വാളിയോര്‍ (മധ്യപ്രദേശ്)
2. ചൗധരി ചരണ്‍സിങ്, അജിത് സിങ്: ബാഗ്‌പെട്ട് (യു.പി)
3. രാജീവ് ഗാന്ധി, രാഹുല്‍ ഗാന്ധി: അമേഠി (യു.പി.)
4. കെ. അനിരുദ്ധന്‍, എ. സമ്പത്ത്: ചിറയിന്‍കീഴ് (കേരളം)
5. മുരശൊലി മാരന്‍, ദയാനിധി മാരന്‍: മദ്രാസ് നോര്‍ത്ത് (തമിഴ്‌നാട്)

Share:

Read More

ചിഹ്നം വിളികളുടെ ചരിത്രം

ദീപത്തില്‍നിന്ന് വിരിഞ്ഞത് താമര

പി.എസ്. രാകേഷ്‌ 
ഭാരതീയജനസംഘത്തില്‍ നിന്നാണ് ഇപ്പോഴത്തെ ഭാരതീയജനതാപാര്‍ട്ടിയുടെ ആവിര്‍ഭാവം. 1952 ലെ ആദ്യതിരഞ്ഞെടുപ്പില്‍ 'ദീപം' ചിഹ്നത്തിലാണ് ജനസംഘം മത്സരിച്ചത്. അന്ന് മൂന്നിടത്തുമാത്രമേ പാര്‍ട്ടിസ്ഥാനാര്‍ഥികള്‍ വിജയിച്ചുള്ളൂ. 1971 വരെ ദീപം ചിഹ്നത്തില്‍ ജനവിധി തേടിയ ജനസംഘം ഓരോ തിരഞ്ഞെടുപ്പിലും നില മെച്ചപ്പെടുത്തിക്കൊണ്ടിരുന്നു.അടിയന്തരാവസ്ഥയ്ക്കു ശേഷമുള്ള 1977ലെ പൊതുതിരഞ്ഞെടുപ്പ് നിര്‍ണായകമായ പല രാഷ്ട്രീയസഖ്യങ്ങള്‍ക്കും ലയനങ്ങള്‍ക്കും വഴിതുറന്നു. ഭാരതീയജനസംഘവും സംഘടനാകോണ്‍ഗ്രസും ഭാരതീയ ലോക്ദളും ചേര്‍ന്ന് ജനതാപാര്‍ട്ടിക്ക് രുപംനല്‍കി. കോണ്‍ഗ്രസ്സ് വിട്ട ജഗ്ജീവന്റാം-ബഹുഗുണ വിഭാഗത്തിന്റെയും കോണ്‍ഗ്രസ്സിലെ യുവതുര്‍ക്കിയെന്നറിയപ്പെട്ട ചന്ദ്രശേഖറിന്റെയും പിന്തുണയോടെയാണ് ജനതാപാര്‍ട്ടി ഇന്ദിരാകോണ്‍ഗ്രസിനെതിരെ പോരിനിറങ്ങിയത്. സി.പി.എം. പിന്തുണയും ജനതാപാര്‍ട്ടിക്കുണ്ടായിരുന്നു. ആ തിരഞ്ഞെടുപ്പില്‍ ഭാരതീയ ലോക്ദളിന്റെ 'കലപ്പയേന്തിയ കര്‍ഷകന്‍' ചിഹ്നത്തിലാണ് ജനതാപാര്‍ട്ടി സ്ഥാനാര്‍ഥികള്‍ മത്സരിച്ചത്. വന്‍വിജയം നേടിയ ആ തിരഞ്ഞെടുപ്പിനുശേഷം ജനതാപാര്‍ട്ടിക്ക് അതേ ചിഹ്നം തിരഞ്ഞെടുപ്പുകമ്മീഷന്‍ അനുവദിക്കുകയും ചെയ്തു.

ജനതാപാര്‍ട്ടിയിലെത്തിയ പഴയ ജനസംഘം പ്രവര്‍ത്തകര്‍ ആര്‍.എസ്.എസ്സില്‍ അംഗത്വം തുടരുന്നതിനെച്ചൊല്ലിയുള്ള തര്‍ക്കം ജനതാപാര്‍ട്ടിയുടെ ആദ്യപിളര്‍പ്പിന് വഴിവെച്ചു. 1979ല്‍ ചരണ്‍സിങ്ങും രാജ്‌നാരായണനും പാര്‍ട്ടിവിട്ട് പുറത്തുപോയി. ചന്ദ്രശേഖറിന്റെ നേതൃത്വത്തിലുള്ള മുന്‍കോണ്‍ഗ്രസ്സുകാരും വാജ്‌പേയിയും അദ്വാനിയുമുള്‍പ്പെടുന്ന പഴയ ജനസംഘക്കാരും പാര്‍ട്ടിയില്‍ത്തന്നെ തുടര്‍ന്നു. 1980ല്‍ കോണ്‍ഗ്രസ് വീണ്ടും അധികാരത്തിലെത്തിയപ്പോഴായിരുന്നു ജനതാപാര്‍ട്ടിയിലെ രണ്ടാംപിളര്‍പ്പ്. വാജ്‌പേയിയും അദ്വാനിയും ജനതാപാര്‍ട്ടിയില്‍നിന്ന് പുറത്തുവന്ന് ഭാരതീയ ജനതാപാര്‍ട്ടി രൂപവത്കരിച്ചു. പഴയ ജനസംഘക്കാര്‍ ഇവരുടെ കൂടെപോയതോടെ ജനതാപാര്‍ട്ടിയില്‍ ചന്ദ്രശേഖറും അനുയായികളും മാനത്രമായി. ബി.ജെ.പി.ക്ക് താമര ചിഹ്നമാണ് തിരഞ്ഞെടുപ്പ് കമ്മീഷന്‍ അനുവദിച്ചത്. 1984ലെ ആദ്യതിരഞ്ഞെടുപ്പില്‍ രണ്ടു സീറ്റ് മാത്രം നേടിയ ബി.ജെ.പി. 1989ല്‍ 85 സീറ്റുകള്‍ സ്വന്തമാക്കിക്കൊണ്ട് ദേശീയരാഷ്ട്രീയത്തില്‍ നിര്‍ണായകശക്തിയായി.

ജനതാപാര്‍ട്ടിയാകട്ടെ സുബ്രഹ്മണ്യന്‍ സ്വാമിയിലൂടെ ഇപ്പോള്‍ മദ്യരാജാവ് വിജയ് മല്യയുടെ കൈകളിലെത്തിനില്‍ക്കുകയാണ്. ദീപത്തില്‍നിന്ന് കലപ്പയേന്തിയ കര്‍ഷകനിലൂടെ താമരയിലേക്ക് രൂപാന്തരം പ്രാപിച്ച ബി.ജെ.പി.ക്ക് പുതിയ ചിഹ്നത്തെക്കുറിച്ചുള്ള തര്‍ക്കം കാരണം കോടതി കയറേണ്ടിയും വന്നു. ദേശീയപുഷ്പമായ താമരയെ ഒരു പാര്‍ട്ടിക്ക് തിരഞ്ഞെടുപ്പ് ചിഹ്നമായി നല്‍കിയതിന്റെ സാധുത ചിലര്‍ ചോദ്യം ചെയ്തതിനെത്തുടര്‍ന്നായിരുന്നു അത്. എന്നാല്‍ തിരഞ്ഞെടുപ്പു കമ്മീഷന്റെ ഈ നടപടിയില്‍ ഇടപെടാന്‍ വിസമ്മതിക്കുകയാണ് കോടതികള്‍ ചെയ്തത്. 

അവലംബം :മാത്രുഭൂമി ജനവിധി 2009

Share:

Read More

ചിഹ്നം വിളികളുടെ ചരിത്രം

കാള മറഞ്ഞു; കൈപ്പത്തി തെളിഞ്ഞു

പി.എസ്. രാകേഷ് 
''നിങ്ങളുടെ വിലയേറിയ വോട്ടുകള്‍ .............. ചിഹ്നത്തില്‍ രേഖപ്പെടുത്തണമെന്ന് വിനീതമായി.....''
പൊതുതിരഞ്ഞെടുപ്പിനെ നേരിടാന്‍ രാജ്യമൊരുങ്ങുമ്പോള്‍ എല്ലാ രാഷ്ട്രീയപ്പാര്‍ട്ടികളും 'ചിഹ്നംവിളി'ക്ക് തയ്യാറെടുക്കുകയാണ്. തങ്ങളുടെ നയവും നിലപാടുകളും പ്രചരിപ്പിക്കുന്നതിനേക്കാള്‍ സ്വന്തം തിരഞ്ഞെടുപ്പുചിഹ്നം ജനമനസ്സുകളിലെത്തിക്കാനാണ് ഓരോ പാര്‍ട്ടിയും ഇനിയുള്ള ദിവസങ്ങളില്‍ ശ്രദ്ധിക്കുക. ചിഹ്നം മാത്രം നോക്കി വോട്ടിങ് യന്ത്രത്തില്‍ വിരലമര്‍ത്തുന്ന പതിനായിരങ്ങള്‍ ഇപ്പോഴുമുണ്ടെന്നതുതന്നെ കാരണം. പാര്‍ട്ടികളില്‍ പിളര്‍പ്പിനുള്ള തിരയിളക്കം തുടങ്ങുമ്പോള്‍ ചിഹ്നത്തിന്റെ അവകാശമുറപ്പിക്കാന്‍ ഗ്രൂപ്പുനേതാക്കള്‍ പരക്കംപായുന്നതിന്റെ കാരണവും മറ്റൊന്നല്ല.

ഇന്ത്യ പോലെ തിരഞ്ഞെടുപ്പുചിഹ്നങ്ങള്‍ക്ക് ഇത്രയധികം പ്രാധാന്യം നല്‍കുന്ന മറ്റൊരു ജനാധിപത്യരാജ്യമുണ്ടാകില്ല. 1952-ലെ ആദ്യപൊതുതിരഞ്ഞെടുപ്പ് മുതല്‍ തുടങ്ങുന്നു ഇന്ത്യയിലെ ചിഹ്നങ്ങളുടെ ചരിത്രവും. നില്‍ക്കുന്ന സിംഹം (ഫോര്‍വേഡ് 
ബ്ലോക്ക്- മാര്‍ക്‌സിസ്റ്റ് പാര്‍ട്ടി), കുതിരയും സവാരിക്കാരനും (ഹിന്ദുമഹാസഭ), ഉദയസൂര്യന്‍ (രാമരാജ്യ പരിഷത്ത്), ആന (പട്ടികജാതി ഫെഡറേഷന്‍), കത്തുന്ന പന്തം (റവല്യൂഷനറി കമ്യൂണിസ്റ്റ് പാര്‍ട്ടി), നക്ഷത്രം (ബോള്‍ഷെവിക് പാര്‍ട്ടി) എന്നിങ്ങനെ തിരഞ്ഞെടുപ്പ് കമ്മീഷന്‍ വിവിധ ചിഹ്നങ്ങള്‍ അനുവദിച്ചു. പൂട്ടിയ കാള ചിഹ്നത്തിലാണ് ഇന്ത്യന്‍ നാഷണല്‍ കോണ്‍ഗ്രസ് അന്നു മത്സരിച്ചത്. സ്വാതന്ത്ര്യാനന്തരഭാരതത്തിലെ കാര്‍ഷികപുരോഗതിയുടെ പ്രതീകമായി വിലയിരുത്തപ്പെട്ട ആ ചിഹ്നം പാര്‍ട്ടിക്ക് ഭാഗ്യം മാത്രം സമ്മാനിച്ചു.

15 വര്‍ഷം മാത്രമേ അതു നിലനിന്നുള്ളൂവെന്നു മാത്രം. 1969-ല്‍ ഇന്ദിരാഗാന്ധിയെ അനുകുലിക്കുന്നവരും എതിര്‍ക്കുന്നവരുമായി കോണ്‍ഗ്രസ് രണ്ടായപ്പോള്‍ 'പൂട്ടിയ കാള' ചിഹ്നം തിരഞ്ഞെടുപ്പ് കമ്മീഷന്‍ മരവിപ്പിച്ചു. ഇന്ദിരയെ അനുകൂലിക്കുന്ന വിഭാഗത്തിന് ഇന്ത്യന്‍ നാഷണല്‍ കോണ്‍ഗ്രസ് എന്ന പേരും 'പശുവും കിടാവും' എന്ന ചിഹ്നവും ലഭിച്ചു. സംഘടനാ കോണ്‍ഗ്രസ് എന്നറിയപ്പെട്ട മറുപക്ഷത്തിന് കിട്ടിയത് 'ചര്‍ക്ക തിരിക്കുന്ന സ്ത്രീ'. 

അടിയന്തരാവസ്ഥക്കാലത്ത് സംഘടനാകോണ്‍ഗ്രസ് ജനസംഘത്തിനും സോഷ്യലിസ്റ്റുകള്‍ക്കും ഭാരതീയ ലോക്ദളിനുമൊപ്പം ചേര്‍ന്ന് ജനതാപാര്‍ട്ടി എന്ന ഒറ്റകക്ഷിയായി. അതോടെ 'ചര്‍ക്ക തിരിക്കുന്ന സ്ത്രീ'യെയും നഷ്ടപ്പെട്ടു. അടിയന്തരാവസ്ഥയ്ക്കുശേഷം 1977-ല്‍ നടന്ന പൊതുതിരഞ്ഞെടുപ്പില്‍ ജനതാപാര്‍ട്ടി സ്ഥാനാര്‍ഥികള്‍ ഭാരതീയ ലോക്ദളിന്റെ ചിഹ്നത്തിലാണ് മത്സരിച്ചത്. 
പശുവും കിടാവും ചിഹ്‌നത്തില്‍ മത്സരിച്ച കോണ്‍ഗ്രസ്സിന് ദയനീയതോല്‍വി േനരിടേണ്ടിവന്നു ആ തിരഞ്ഞെടുപ്പില്‍. അതോടെ കോണ്‍ഗ്രസ്സില്‍ വീണ്ടും പിളര്‍പ്പിന് വഴിയൊരുങ്ങി. 

ഒരുപക്ഷത്ത് ഇന്ദിരാഗാന്ധി. മറുഭാഗത്ത് ബ്രഹ്മാനന്ദറെഡ്ഡിയും പിന്നീട് ദേവരാജ് അറസുമായിരുന്നു നേതാക്കള്‍. ഇരുവിഭാഗവും പശുവും കിടാവും ചിഹ്നത്തിനായി അവകാശമുന്നയിച്ചപ്പോള്‍ തിരഞ്ഞെടുപ്പ് കമ്മീഷന്‍ അതും മരവിപ്പിച്ചു. ഇന്ദിരയുടെ നേതൃത്വത്തിലുള്ള വിഭാഗത്തിന് ഇന്ത്യന്‍ നാഷണല്‍ കോണ്‍ഗ്രസ് (ഇന്ദിര) എന്ന പേരും കൈപ്പത്തി ചിഹ്നവും ലഭിച്ചു. ദേവരാജ് അറസിന്റെ ഇന്ത്യന്‍ നാഷണല്‍ കോണ്‍ഗ്രസ്-യുവിന് ചര്‍ക്ക ചിഹ്നം കിട്ടി. 1978-ലായിരുന്നു അത്. അന്നുതൊട്ടാണ് കോണ്‍ഗ്രസ് കൈപ്പത്തിചിഹ്നത്തില്‍ തിരഞ്ഞെടുപ്പുകളെ നേരിടാന്‍ തുടങ്ങിയത്.

1978-നുശേഷം വി.പി. സിങ്ങും എന്‍.ഡി. തിവാരിയും അര്‍ജുന്‍സിങ്ങും ശരത്പവാറും തൊട്ട് ജി.കെ.മൂപ്പനാരും കെ. കരുണാകരനും വരെ കോണ്‍ഗ്രസ് വിട്ടുപോയെങ്കിലും അവര്‍ക്കൊന്നും കൈപ്പത്തിചിഹ്നത്തില്‍ അവകാശമുന്നയിക്കാനായില്ല. 
പുറത്തുപോയവരില്‍ പലരും പിന്നീട് പാര്‍ട്ടിയിലേക്ക് തിരച്ചെത്തി. കൈപ്പത്തി ചിഹ്നത്തെ അമൂല്യസമ്പത്തായി കോണ്‍ഗ്രസ് ഇന്നും കൈവെള്ളയില്‍ കൊണ്ടുനടക്കുന്നു. 

അവലംബം :മാത്രുഭൂമി ജനവിധി 2009

Share:

Read More

ഭൗമദിനം - ചരിത്രവും സന്ദേശവും

ഏപ്രില്‍ 22 ആണ് ഭൗമദിനം. ഭൂമി നേരിടുന്ന പ്രശ്‌നങ്ങളെപ്പറ്റി ജനങ്ങളെ ബോധവത്ക്കരിക്കാന്‍ 1970-ല്‍ ആരംഭിച്ച ഭൗമദിനാചരണം, ഒരര്‍ഥത്തില്‍ ആധുനിക പരിസ്ഥിക്യാമ്പയിനുകളുടെ തുടക്കമായിരുന്നു. 1969 സപ്തംബറില്‍ അമേരിക്കയിലെ സിയാറ്റിലില്‍ നടന്ന സമ്മേളനത്തില്‍വെച്ച്, യു.എസ്.സെനറ്റര്‍ ഗേലോര്‍ഡ് നെല്‍സണ്‍ ആണ് ഇതു സംബന്ധിച്ച ആദ്യ പ്രഖ്യാപനം നടത്തുന്നത്. പരിസ്ഥിതി ബോധവത്ക്കരണം ലക്ഷ്യംവെച്ച് 1970-ലെ വസന്തകാലത്ത് ദേശീയതലത്തില്‍ പ്രകടനങ്ങള്‍ നടക്കുമെന്ന് അദ്ദേഹം പ്രഖ്യാപിച്ചു. 

അമേരിക്കയിലും മറ്റും ജനപ്പെരുപ്പം ഉത്ക്കണ്ഠാജനകമായ പ്രശ്‌നമായി മാറിയ സമയമായിരുന്നു അത്. 'പൂജ്യം ജനസംഖ്യ വര്‍ധന'യ്ക്കുവേണ്ടിയുള്ള പ്രവര്‍ത്തനങ്ങളും ശക്തമായിരുന്നു. ജനപ്പെരുപ്പം തടയുകയെന്നത് പരിസ്ഥിതിയെ സംബന്ധിച്ച് പ്രധാനമാണെന്ന് നെല്‍സണ്‍ മനസിലാക്കി. 'ജനസംഖ്യ എത്ര വര്‍ധിക്കുന്നോ, പ്രശ്‌നങ്ങളും അതിനനുസരിച്ച് വര്‍ധിക്കും..', അദ്ദേഹം പ്രസ്താവിച്ചു. ദേശീയതലത്തില്‍ നടക്കുന്ന ബോധവത്ക്കരണ പ്രവര്‍ത്തനങ്ങള്‍ ഏകോപിപ്പിക്കാന്‍, ഹാര്‍വാഡ് സര്‍വകലാശാലയിലെ ഗ്രാഡ്വേറ്റ് വിദ്യാര്‍ഥിയായിരുന്ന ഡെന്നീസ് ഹയെസിനെ നെല്‍സണ്‍ നിയോഗിച്ചു. 

സുസ്ഥിരവും ആരോഗ്യകരവുമായ ഒരു പരിസ്ഥിതിയെന്ന ലക്ഷ്യം മുന്നില്‍ കണ്ട്, 1970 ഏപ്രില്‍ 22 ആദ്യ ഭൗമദിനമായി ആചരിക്കപ്പെട്ടു. ഏതാണ്ട് 200 ലക്ഷം അമേരിക്കക്കാര്‍ ആ ദിനാചരണത്തില്‍ പങ്കുകൊണ്ടു. തീരപ്രദേശങ്ങളില്‍ റാലികള്‍ നടന്നു. ആയിരക്കണക്കിന് സര്‍വകലാശാലകളും കോളേജുകളും പരിസ്ഥിതിനാശത്തിനെതിരെ പ്രതിഷേധവുമായി രംഗത്തെത്തി. എണ്ണച്ചോര്‍ച്ച, ഫാക്ടറികളില്‍നിന്നും വൈദ്യുതിനിലയങ്ങളില്‍ നിന്നുമുള്ള മലിനീകരണം, വിഷവസ്തുക്കളുടെയും കീടനാശിനികളുടെയും ഉപയോഗം, വന്യജീവികളുടെ നാശം തുടങ്ങിയവയ്‌ക്കെതിരെ ഒറ്റപ്പെട്ട പ്രവര്‍ത്തനം നടത്തിയിരുന്ന ഗ്രൂപ്പുകള്‍ക്ക് ആ ഭൗമദിനാചരണം ഒരു കാര്യം വ്യക്തമാക്കി - ഒരേ മൂല്യങ്ങള്‍ കാത്തുസൂക്ഷിക്കാനുള്ള പ്രവര്ത്തനമാണ് തങ്ങളെല്ലാം നടത്തുന്നത്. 

മുഖ്യമായും അമേരിക്കയില്‍ ഒതുങ്ങി നിന്ന ഭൗമദിനാചരണം പിന്നീട് ആഗോളതലത്തില്‍ ശ്രദ്ധയാകര്‍ഷിച്ചു. 1990-ഓടെ ദിനാചരണം ലോകവേദിയിലെത്തി. പരിസ്ഥിതിയെ സഹായിക്കാന്‍ പുനരുപയോഗം എന്ന ആശയം മുന്‍നിര്‍ത്തി, 1990 ഏപ്രില്‍ 22 -ന് ലോകവ്യാപകമായി ഭൗമദിനം ആചരിക്കപ്പെട്ടു. 141 രാജ്യങ്ങളിലായി 20 കോടിപേര്‍ അതില്‍ പങ്കുചേര്‍ന്നു. 1992-ല്‍ യു.എന്നിന്റെ നേതൃത്വത്തില്‍ റിയോ ഡി ജെനീറോയില്‍ നടന്ന 'ഭൗമഉച്ചകോടി'ക്ക് മുന്നോടിയായി ആയിരുന്നു ആ ക്യാമ്പയിന്‍. 

2000 എത്തിയപ്പോഴേക്കും ലോകം ആഗോളതാപനത്തിന്റെ കഠിന ഭീഷണയിലായി. അതിനെതിരെയും ക്ലീന്‍ഊര്‍ജത്തിനും വേണ്ടിയായിരുന്നു 2000 ഏപ്രില്‍ 22-ലെ ദിനാചരണം. അപ്പോഴേക്കും ഇന്റര്‍നെറ്റ് സഹായത്തിനെത്തി. പ്രചാരണം കൂടുതല്‍ ശക്തമായി. 184 രാജ്യങ്ങളിലായി ഏതാണ്ട് 5000 പരിസ്ഥിതി സംഘടനകള്‍ വഴി കോടിക്കണക്കിന് ആളുകളിലേക്ക് ഭൗമദിന സന്ദേശവും പ്രവര്‍ത്തനങ്ങളും എത്തിക്കാന്‍ 2000 ആയപ്പോഴേക്കും കഴിഞ്ഞത് ഇന്റര്‍നെറ്റ് മൂലമാണ്. 

2007 ആയപ്പോഴേക്കും നൂറുകോടിയിലേറെപ്പേര്‍ ഭൗമദിനാചരണത്തില്‍ പങ്കെടുക്കുന്ന സ്ഥിതിയായി. 1970-ല്‍ അമേരിക്കയില്‍ വളരെ ലളിതമായി ആരംഭിച്ച ഈ ക്യാമ്പയിന്‍, ഇന്ന് 174 രാജ്യങ്ങളിലായി 17,000 സംഘടകളും ഗ്രൂപ്പുകളും ചേര്‍ന്ന് നടത്തുന്ന വലിയൊരു പ്രസ്ഥാനമായി മാറിയിരിക്കുന്നു. ജാതിയും മതവും ദേശീയതയുമൊന്നും ഭൗമദിനാചരണത്തിന് തടസ്സമാകുന്നില്ല. ഭൂമിയെ രക്ഷിക്കേണ്ടത് മനുഷ്യകുലത്തിന്റെ പൊതുലക്ഷ്യമാണെന്ന ബോധം ശക്തിപ്പെട്ടിരിക്കുന്നു എന്ന ശുഭസൂചനയാണിത്. (കടപ്പാട്: വിക്കിപീഡിയ).

Share:

Read More

Treehouse

Share:

Read More

ഏറ്റവും കൂടുതല്‍ സ്‌ഥാനാര്‍ത്ഥികള്‍

ഏറ്റവും കൂടുതല്‍ സ്‌ഥാനാര്‍ത്ഥികള്‍

ഇന്ത്യയില്‍ നടന്നിട്ടുള്ള തെരഞ്ഞെടുപ്പുകളില്‍ വച്ചേറ്റവും കൂടുതല്‍ സ്‌ഥാനാര്‍ത്ഥികള്‍ മത്സരിച്ചിട്ടുള്ള അസംബ്ലി മണ്ഡലമേതാണെന്നറിയാമോ? തമിഴ്‌നാട്ടിലെ മോദക്കുറിച്ചി. 1996ല്‍ നടന്ന പൊതുതെരഞ്ഞെടുപ്പില്‍ ഈ മണ്ഡലത്തില്‍നിന്ന്‌ മത്സരിച്ചത്‌ 1033 സ്‌ഥാനാര്‍ത്ഥികളാണ്‌. വോട്ടുചെയ്യാനുള്ള ബാലറ്റ്‌പേപ്പര്‍ ഒരു ബുക്ക്‌ലെറ്റ്‌പോലെയായിരുന്നു തയാറാക്കിയിരുന്നത്‌.

Share:

Read More

word power

Share:

Read More

വിരലിലെ മഷിയടയാളം

മഷി മൈസൂറില്‍നിന്ന്‌

നാം വോട്ടു രേഖപ്പെടുത്തിയെന്നതിനുള്ള തെളിവാണ്‌ വിരലിലെ മഷിയടയാളം. ഇതെവിടെയാണ്‌ നിര്‍മ്മിക്കുന്നതെന്നോ? കര്‍ണാടകത്തിലെ മൈസൂര്‍ പെയ്‌ന്റ്സ്‌ ആന്‍ഡ്‌ വാര്‍ണിഷ്‌ ലിമിറ്റഡ്‌ എന്ന എഴുപത്തിരണ്ടുവര്‍ഷം പഴക്കമുള്ള കമ്പനിയാണിതിന്റെ നിര്‍മ്മാതാക്കള്‍. ഇന്ത്യയിലെ 28 സംസ്‌ഥാനങ്ങള്‍ക്കും ഏഴു കേന്ദ്രഭരണപ്രദേശങ്ങള്‍ക്കും ആവശ്യമായ 20,140 ലിറ്റര്‍ വയലറ്റ്‌ മഷിയാണ്‌ ഇവിടെ നിര്‍മ്മിക്കുന്നത്‌. രാസവസ്‌തുക്കള്‍, ഡൈകള്‍, വാസനാവസ്‌തുക്കള്‍, സില്‍വര്‍ നൈട്രേറ്റ്‌ എന്നിവയടങ്ങിയ ഈ മഷിക്ക്‌ ഇന്ത്യക്കു പുറത്തും ഉപഭോക്‌താക്കളുണ്ട്‌. കാനഡ, കമ്പോഡിയ, മാല്‍ദീവ്‌സ്, നേപ്പാള്‍, നൈജീരിയ, ദക്ഷിണാഫ്രിക്ക, തുര്‍ക്കി എന്നിവിടങ്ങളിലേക്കും മഷി കയറ്റുമതി ചെയ്യുന്നു. ഒരു പോളിംഗ്‌ സേ്‌റ്റഷനില്‍ 10മില്ലിയുടെ രണ്ട്‌ ബോട്ടില്‍ മഷിയാണ്‌ സാധാരണയായി നല്‍കുന്നത്‌. 700 വോട്ടര്‍മാരില്‍ കൂടുതല്‍ ഉണ്ടെങ്കില്‍ ബോട്ടിലിന്റെ എണ്ണം കൂടും. ഏറ്റവും കൂടുതല്‍ ബോട്ടിലുകള്‍ വാങ്ങുന്ന സംസ്‌ഥാനം ഉത്തര്‍പ്രദേശാണ്‌. 2,86,000 ബോട്ടിലുകള്‍. കുറവ്‌ ലക്ഷദ്വീപിലും. വെറും 120 എണ്ണം മാത്രം. ഇങ്ങനെ മഷിക്കുവേണ്ടി സര്‍ക്കാര്‍ ചെലവാക്കുന്ന തുക എത്രയെന്നോ? ഏകദേശം 12 കോടി രൂപ.

Share:

Read More

ബാലറ്റ്‌ പേപ്പറിനെ മറന്നേക്കൂ

ബാലറ്റ്‌ പേപ്പറിനെ മറന്നേക്കൂ

ബാലറ്റ്‌ പേപ്പറില്‍ വോട്ട്‌ രേഖപ്പെടുത്തി പെട്ടിയിലിട്ടിരുന്ന കാലം ഒരോര്‍മ്മ മാത്രമായി മാറിയിരിക്കുന്നു. ഇന്ന്‌ വോട്ടിംഗിനായി ഇലക്‌ട്രോണിക്‌ വോട്ടിംഗ്‌ യന്ത്രമാണ്‌ സര്‍വ്വസാധാരണമായി ഉപയോഗിക്കുന്നത്‌. അഞ്ച്‌ മീറ്റര്‍ നീളമുള്ള ഒരു കേബിള്‍ ഉപയോഗിച്ച്‌ ബന്ധിപ്പിക്കപ്പെട്ട ഒരു കണ്‍ട്രോള്‍ യൂണിറ്റും ഒരു ബാലറ്റിംഗ്‌ യൂണിറ്റും അടങ്ങുന്നതാണ്‌ വോട്ടിംഗ്‌ യന്ത്രം. യന്ത്രം പ്രവര്‍ത്തിക്കുന്നത്‌ 6 വോള്‍ട്ടുള്ള ഒരു ബാറ്ററിയിലാണ്‌. കണ്‍ട്രോള്‍ യൂണിറ്റ്‌ പോളിംഗ്‌ ആഫീസറുടെ പക്കലും ബാലറ്റിംഗ്‌ യൂണിറ്റ്‌ വോട്ട്‌ ചെയ്യുന്നസ്‌ഥലത്തുമാണ്‌ സൂക്ഷിക്കുന്നത്‌. പോളിംഗ്‌ ആഫീസര്‍ കണ്‍ട്രോള്‍ യൂണിറ്റിലെ ബാലറ്റ്‌ ബട്ടണ്‍ അമര്‍ത്തുന്നതോടെയാണ്‌ വോട്ട്‌ ചെയ്യാന്‍ പാകത്തില്‍ യന്ത്രം സജ്‌ജമാകുന്നത്‌. വോട്ടിംഗ്‌ യന്ത്രം ആദ്യമായി നിര്‍മ്മിച്ചത്‌ 1989-90 കാലത്തായിരുന്നു. ഒരു പരീക്ഷണാടിസ്‌ഥാനത്തില്‍ മധ്യപ്രദേശ്‌, രാജസ്‌ഥാന്‍, ഡല്‍ഹി എന്നിവിടങ്ങളിലെ 16 മണ്ഡലങ്ങളില്‍ 1998 നവംബറില്‍ ഇത്‌ ഉപയോഗിച്ചു. വോട്ടിംഗ്‌ യന്ത്രമുപയോഗിച്ച്‌ സംസ്‌ഥാനത്തെ മുഴുവന്‍ അസംബ്ലി മണ്ഡലങ്ങളിലും തെരഞ്ഞെടുപ്പു നടത്തിയ ആദ്യ സംസ്‌ഥാനം ഗോവയാണ്‌. ഒരു യന്ത്രത്തില്‍ മൊത്തം 3840 വോട്ടുകളെ രേഖപ്പെടുത്താനാവൂ. സാധാരണയായി ഒരു പോളിംഗ്‌ സേ്‌റ്റഷനില്‍ 1500ല്‍ കൂടുതല്‍ വോട്ടര്‍മാര്‍ ഉണ്ടാകാറില്ല. അതുപോലെ ഒരു ബാലറ്റിംഗ്‌ യൂണിറ്റില്‍ 16 സ്‌ഥാനാര്‍ത്ഥികളെ ഉള്‍ക്കൊള്ളാനാവൂ. ഇതിന്‍പ്രകാരം നാലു യൂണിറ്റുകളിലായി ഒരു വോട്ടിംഗ്‌ യന്ത്രത്തില്‍ ഉള്‍ക്കൊള്ളാവുന്ന സ്‌ഥാനാര്‍ത്ഥികളുടെ പരമാവധി എണ്ണം 64 ആണ്‌. ഒരു മിനിട്ടില്‍ 5 വോട്ട്‌ മാത്രമാണ്‌ യന്ത്രത്തില്‍ രേഖപ്പെടുത്താനാവുക. പരമ്പരാഗത രീതിയില്‍നിന്ന്‌ വ്യത്യസ്‌തമായി 2-3 മണിക്കൂറിനുള്ളില്‍ തന്നെ ഫലമറിയാന്‍ കഴിയും. തെരഞ്ഞെടുപ്പു ഫലം പത്തുവര്‍ഷം വരെ ഇതിന്റെ മെമ്മറിയില്‍ സൂക്ഷിക്കാനും കഴിയും. അസാധുവോട്ടുകള്‍ ഉണ്ടാകുന്നില്ല എന്നതാണ്‌ ഇതിന്റെ ഏറ്റവും വലിയ നേട്ടം. ഒരാള്‍ക്ക്‌ ഒരു വോട്ട്‌ എന്ന ആശയമാണിവിടെ നടപ്പാകുന്നത്‌.

Share:

Read More

വോട്ട്‌

മനസില്ലെങ്കില്‍ വേണ്ട!

വോട്ട്‌ ചെയ്യുന്നതില്‍ താല്‍പ്പര്യമില്ലാതെ തെരഞ്ഞെടുപ്പില്‍നിന്നും വിട്ടുനില്‍ക്കുന്നവരെക്കുറിച്ചും നാം കേട്ടിട്ടുണ്ട്‌. എന്നാല്‍ പോളിംഗ്‌ സേ്‌റ്റഷനില്‍ ചെല്ലുകയും തനിക്ക്‌ വോട്ട്‌ ചെയ്യാന്‍ താല്‍പ്പര്യമില്ലാത്ത കാര്യം പോളിംഗ്‌ ഓഫീസറെ അറിയിക്കുകയും ചെയ്യുന്ന ഒരു സംവിധാനം കൂടി നമ്മുടെ നിമയചട്ടക്കൂടിനുള്ളിലുണ്ട്‌. ഇലക്ഷന്‍ നടത്തിപ്പുമായി ബന്ധപ്പെട്ട 1961ലെ 49- o നിയമം ആണിത്‌ സൂചിപ്പിക്കുന്നത്‌. ഇതിന്‍ പ്രകാരം ഒരു വ്യക്‌തി പോളിംഗ്‌ സേ്‌റ്റഷനില്‍ എത്തുകയും വോട്ടര്‍ രജിസ്‌റ്ററില്‍പേരു രേഖപ്പെടുത്തുകയും അതിനുശേഷം വോട്ട്‌ ചെയ്യാന്‍ താല്‍പ്പര്യമില്ല എന്നറിയിക്കുകയും ചെയ്‌തുവെന്നിരിക്കട്ടെ. ഇത്തരം അവസരത്തില്‍ പ്രിസൈഡിംഗ്‌ ആഫീസര്‍ അത്‌ രജിസ്‌റ്ററില്‍ അയാളുടെ പേരിനെതിരായി രേഖപ്പെടുത്തുകയും ആ വ്യക്‌തിയുടെ ഒപ്പ്‌/ വിരലടയാളം പതിപ്പിക്കേ ണ്ടതുമാണ്‌. ഇനി ഒരാളുടെ വോട്ട്‌ മറ്റൊരാള്‍ ചെയ്‌തു പോയെങ്കിലോ? അതിനുമുണ്ട്‌ പരിഹാരം. അതിന്‌ പ്രിസൈഡിംഗ്‌ ഓഫീസര്‍ നല്‍കുന്ന പ്രത്യേക ബാലറ്റ്‌ പേപ്പറില്‍ വോട്ട്‌ ചെയ്യാം. ടെന്റേഡ്‌ വോട്ട്‌ എന്നാണിതിനു പേര്‌. ഇത്തരം വോട്ടുകള്‍ പ്രത്യേക കവറിലിട്ടു സൂക്ഷിക്കുകയാണു പതിവ്‌

Share:

Read More

തെരഞ്ഞെടുപ്പില്‍ സ്‌ഥാനാര്‍ത്ഥി

കാശും വേണം കണക്കും വേണം

തെരഞ്ഞെടുപ്പില്‍ സ്‌ഥാനാര്‍ത്ഥിയായി മത്സരിക്കാമെന്ന്‌ വെറുതെയങ്ങ്‌ വിചാരിച്ചാല്‍ നടക്കില്ല. അതിനുമുണ്ട്‌ ചില പണസംബന്ധമായ ചിട്ടവട്ടങ്ങള്‍. ലോക്‌സഭ, അസംബ്ലി തെരഞ്ഞെടുപ്പുകളില്‍ മത്സരിക്കുന്നതിന്‌ നിശ്‌ചിത തുക ഓരോ സ്‌ഥാനാര്‍ത്ഥിയും കെട്ടിവെക്കേണ്ടതായിട്ടുണ്ട്‌. ലോക്‌സഭാ തെരഞ്ഞെടുപ്പിന്‌ കെട്ടിവെക്കേണ്ട തുക 10000/- രൂപയും നിയമസഭാ തെരഞ്ഞെടുപ്പിന്‌ 5000/- രൂപയുമാണ്‌. എസ്‌.സി, എസ്‌.ടി വിഭാഗങ്ങള്‍ക്ക്‌ ഇത്‌ നേര്‍പകുതിയായിരിക്കും. ഇനി കെട്ടിവച്ച തുക തിരിച്ചുകിട്ടാനുമുണ്ട്‌ ഒരു കടമ്പ. മൊത്തം സാധുവായ വോട്ടിന്റെ ആറിലൊന്ന്‌ വോട്ട്‌ ലഭിച്ചില്ലെങ്കില്‍ കെട്ടിവച്ച കാശ്‌ കിട്ടില്ല. അതേപോലെതന്നെ ഓരോ സ്‌ഥാനാര്‍ത്ഥിയും തങ്ങളുടെ തെരഞ്ഞെടുപ്പ്‌ ചെലവ്‌ കൃത്യമായി ഇലക്ഷന്‍ കമ്മീഷന്‌ നല്‍കുകയും വേണം. ഓരോ സ്‌ഥാനാര്‍ത്ഥിക്കും ചെലവഴിക്കാവുന്ന തുകയ്‌ക്ക് പരിധിയും ഇലക്ഷന്‍ കമ്മീഷന്‍ നിശ്‌ചയിച്ചിട്ടുണ്ട്‌. അതില്‍ കൂടുതല്‍ ചെലവഴിക്കുന്നതും ചട്ടലംഘനമായിത്തീരും. വലുതും ചെറുതുമായ സംസ്‌ഥാനങ്ങളില്‍ പാര്‍ലമെന്റ്‌, നിയമസഭാ തെരഞ്ഞെടുപ്പുകള്‍ക്കുള്ള ചെലവ്‌ ഓരോ തവണയും വ്യത്യസ്‌തമാണ്‌. ഒന്നിലേറെ മണ്ഡലങ്ങളില്‍ മത്സരിക്കുന്നവര്‍ പ്രത്യേകം പ്രത്യേകം കണക്കുകള്‍ സമര്‍പ്പിക്കണം. ഇനി ഇതില്‍ വീഴ്‌ചവരുത്തിയാല്‍ അയാളെ മൂന്നുവര്‍ഷത്തേക്കുവരെ അയോഗ്യനായി പ്രഖ്യാപിക്കാനുള്ള അധികാരം കമ്മീഷനുണ്ട്‌.

Share:

Read More

സുകുമാര്‍ സെന്നിനെ ആരോര്‍ക്കുന്നു?

സുകുമാര്‍ സെന്നിനെ ആരോര്‍ക്കുന്നു?

രാജേന്ദ്രന്‍ 
ഇന്ത്യന്‍ ജനാധിപത്യത്തെ ലോകത്തിന്റെ എട്ടാമത്തെ അത്ഭുതമാക്കി വളര്‍ത്തുന്നതിന് അടിത്തറയിട്ട സുകുമാര്‍ സെന്‍ എന്ന ആദ്യ ഇലക്ഷന്‍ കമ്മീഷണര്‍ ഇന്നും അജ്ഞാതനാണ്. 
അന്നും അദ്ദേഹത്തിന്റെ പേര് പത്രങ്ങളില്‍ ഉണ്ടാകാറില്ലായിരുന്നു. ടി.വി.ക്യാമറക്കാരുടെ വെള്ളിവെളിച്ചവും അന്നില്ല



ഇന്ത്യന്‍ പൊതുതിരഞ്ഞെടുപ്പിനെ ലോകം ഇന്നും അമ്പരപ്പോടെയാണ് നോക്കിക്കാണുന്നത്. അപ്പോള്‍ അറുപതോളം വര്‍ഷം മുമ്പ് ആദ്യത്തെ പൊതുതിരഞ്ഞെടുപ്പ് നടന്നപ്പോഴത്തെ അവസ്ഥ എന്തായിരിക്കും? അക്ഷരാഭ്യാസമില്ലാത്തവര്‍ ഉള്‍പ്പെടെയുള്ള പ്രായപൂര്‍ത്തിയായ എല്ലാവര്‍ക്കും വോട്ടവകാശം നല്‍കി ലോക്‌സഭയിലേക്കും ഇരുപത്താറ് സംസ്ഥാനങ്ങളിലെ നിയമസഭകളിലേക്കും ഒന്നിച്ച് തിരഞ്ഞെടുപ്പ് നടത്തുമെന്ന പ്രധാനമന്ത്രി പണ്ഡിറ്റ് ജവാഹര്‍ലാല്‍ നെഹ്‌റുവിന്റെ പ്രഖ്യാപനം, ഒരിക്കലും നടക്കാത്ത മറ്റൊരു നെഹ്‌റുവിയന്‍ സ്വപ്നമായാണ് മിക്കവര്‍ക്കും തോന്നിയത്. 

ഉയര്‍ന്നുവന്നത് എണ്ണിയാല്‍തീരാത്ത വിഷമമേറിയ ചോദ്യങ്ങളാണ്. മുമ്പാരും ചോദിച്ചിട്ടില്ലാത്ത ചോദ്യങ്ങള്‍. എല്ലാറ്റിനും ഉത്തരം കണ്ടെത്താന്‍ പ്രധാനമന്ത്രി നിയോഗിച്ചത് ഒരു ഐ.സി.എസ്. ഉദ്യോഗസ്ഥനെ- സുകുമാര്‍ സെന്‍. പില്‍ക്കാലത്തെ ചീഫ് ഇലക്ഷന്‍ കമ്മീഷണര്‍മാരില്‍ ചിലര്‍ രാഷ്ട്രപതിസ്ഥാനത്തേക്ക് മത്സരിക്കാന്‍മാത്രം പ്രശസ്തരായെങ്കിലും ഇന്ത്യന്‍ ജനാധിപത്യത്തെ ലോകത്തിന്റെ എട്ടാമത്തെ അത്ഭുതമാക്കി വളര്‍ത്തുന്നതിന് അടിത്തറയിട്ട സുകുമാര്‍ സെന്‍ എന്ന ആദ്യ ഇലക്ഷന്‍ കമ്മീഷണര്‍ ഇന്നും അജ്ഞാതനാണ്. അന്നും അദ്ദേഹത്തിന്റെ പേര് പത്രങ്ങളില്‍ ഉണ്ടാകാറില്ലായിരുന്നു. ടി.വി.ക്യാമറക്കാരുടെ വെള്ളിവെളിച്ചവും അന്നില്ല.

1950 ജനവരിയില്‍ രാജ്യത്തിന്റെ ഭരണഘടന നിലവില്‍വന്നു. പ.ബംഗാളില്‍ ചീഫ് സെക്രട്ടറിയായിരുന്ന സുകുമാര്‍ സെന്‍ മാര്‍ച്ചിലാണ് ചീഫ് ഇലക്ഷന്‍ കമ്മീഷണറായി നിയമിതനാകുന്നത്. ഏപ്രിലില്‍ പാര്‍ലമെന്റ് ജനപ്രാതിനിധ്യനിയമം പാസ്സാക്കി. 21 വയസ്സുള്ള എല്ലാവര്‍ക്കും വോട്ട്. മൊത്തം 17.6 കോടി വോട്ടര്‍മാര്‍. ഉടനെ ആദ്യപൊതുതിരഞ്ഞെടുപ്പ് നടക്കുമെന്ന് പ്രധാനമന്ത്രി പ്രഖ്യാപിച്ചപ്പോഴാണ് അതിന്റെ അതിഭീമന്‍ ബാധ്യതയെക്കുറിച്ച് സകലരും ഓര്‍ത്തത്. ലോകത്തൊരു രാജ്യവും അതിന് മുമ്പ് അഭിമുഖീകരിച്ചിട്ടില്ലാത്ത വെല്ലുവിളി. നിശ്ശബ്ദനായി സുകുമാര്‍ സെന്‍ പണിതുടങ്ങി.

1899 ല്‍ ബംഗാളില്‍ ജനിച്ച് കല്‍ക്കത്ത പ്രസിഡന്‍സി കോേളജിലും യൂണിവേഴ്‌സിറ്റി ഓഫ് ലണ്ടനിലും പഠിച്ച് 1921 ല്‍ ഐ.സി.എസ്. നേടിയ സെന്നിന് ഗണിതശാസ്ത്രത്തിലായിരുന്നു കണ്ണും മനസ്സും. 1958 വരെ ചീഫ് ഇലക്ഷന്‍ കമ്മീഷണറായി തുടര്‍ന്നതുകൊണ്ട് ഒന്നും രണ്ടും പൊതുതിരഞ്ഞെടുപ്പുകള്‍ക്ക് നേതൃത്വം നല്‍കാനായി. അതുകൊണ്ടുതന്നെ നമ്മുടെ തിരഞ്ഞെടുപ്പ് സമ്പ്രദായത്തിന്റെ തറക്കല്ലുകള്‍ സ്ഥാപിക്കുക മാത്രമല്ല മേല്‍ക്കൂര വരെ പണിതത് സെന്‍ ആയിരുന്നു. സെന്‍ ഓര്‍മക്കുറിപ്പുകള്‍ ഒന്നും എഴുതിയില്ല. അദ്ദേഹത്തെക്കുറിച്ച് കാര്യമായ രേഖകള്‍ പോലും ലഭ്യമല്ലെന്ന് ചരിത്രകാരനായ രാമചന്ദ്രഗുഹ എഴുതുകയുണ്ടായി. പ്രശസ്ത ബാരിസ്റ്ററും കേന്ദ്രനിയമമന്ത്രിയുമായിരുന്ന എ.കെ. സെന്നിന്റെ സഹോദരന്‍ എന്നതായിരുന്നു അക്കാലത്ത് സുകുമാര്‍ സെന്നിന്റെ പ്രശസ്തി.

മനുഷ്യചരിത്രത്തിലെ ഏറ്റവുംവലിയ ജനാധിപത്യപരീക്ഷണം ആണിതെന്ന് വോട്ടെടുപ്പ് ആരംഭിക്കുന്നതിന് മുമ്പ് സുകുമാര്‍ സെന്‍ നിരീക്ഷിക്കുകയുണ്ടായി.ഒരുപാട് ആളുകള്‍ തികഞ്ഞ വിഡ്ഢിത്തമാണിതെന്ന് പരിഹസിച്ചു. ചരിത്രത്തിലെ വലിയ ചൂതുകളിയാണെന്ന് പ്രശസ്ത പത്രാധിപര്‍ സി.ആര്‍.ശ്രീനിവാസന്‍ വിമര്‍ശിച്ചു. തന്റെ അബദ്ധം നെഹ്‌റുവിന് തന്റെ ജീവിതകാലത്തുതന്നെ ബോധ്യപ്പെടുമെന്ന് ആര്‍. എസ്.എസ്. മുഖപത്രമായ ഓര്‍ഗനൈസര്‍ എഴുതിയതായി ചരിത്രകാരന്‍ രാമചന്ദ്രഗുഹ ചൂണ്ടിക്കാട്ടുന്നു. വിമര്‍ശനങ്ങളെയും പരിഹാസത്തെയും നെഹ്‌റു ഒട്ടും വകവെച്ചില്ല. 

85 ശതമാനം വരുന്ന നിരക്ഷരര്‍ എങ്ങനെ സ്ഥാനാര്‍ഥികളെയും പാര്‍ട്ടിയെയും തിരിച്ചറിയും? സ്ഥാനാര്‍ഥികള്‍ക്ക് ചിഹ്നം നല്‍കുക എന്ന ആശയം ആ പ്രതിസന്ധിയില്‍നിന്നാണ് ഉയര്‍ന്നുവന്നത്. ഓരോ പാര്‍ട്ടിക്കും വ്യത്യസ്തചിഹ്നങ്ങള്‍ അനുവദിക്കപ്പെട്ടു. കോണ്‍ഗ്രസ്സിന്‍േറത് നുകംവെച്ച കാളകളായിരുന്നു. കോണ്‍ഗ്രസ്സും സോഷ്യലിസ്റ്റ്പാര്‍ട്ടിയും തമ്മില്‍ ഇക്കാര്യത്തില്‍ തര്‍ക്കമുണ്ടായി. രണ്ടുകാളയും കലപ്പയുമായിരുന്നു കോണ്‍ഗ്രസ് ആവശ്യപ്പെട്ടിരുന്നത്. കലപ്പ സോഷ്യലിസ്റ്റ് പാര്‍ട്ടി ആവശ്യപ്പെട്ടു. ഒടുവില്‍ ചര്‍ച്ചയ്ക്ക് ശേഷം അവര്‍ കലപ്പ ഉപേക്ഷിച്ച് വൃക്ഷം സ്വീകരിച്ചു. സി.പി.ഐ. ചിഹ്നം അന്നും ഇന്നും അരിവാളോടുകൂടിയ ധാന്യക്കതിര്‍ .

ഒരാള്‍ ഒന്നിലേറെത്തവണ വോട്ട് ചെയ്യുന്നത് തടയാന്‍ എന്തുവഴി? വോട്ട് ചെയ്യുന്ന എല്ലാവരുടെയും വിരലില്‍ അടയാളം കുത്തുക, അതിന് മായാത്ത മഷി ഉണ്ടാക്കുക. അത്തരമൊരു ആശയം അക്കാലം വരെ ഒരു രാജ്യത്തും നടപ്പാക്കിയിരുന്നില്ല. ഇന്ത്യന്‍ ശാസ്ത്രജ്ഞര്‍ ആ വെല്ലുവിളി വിജയകരമായി നേരിട്ടു. ഒരുപാട് ആഫ്‌റോ-ഏഷ്യന്‍ നാടുകളിലേക്ക് ആ കണ്ടുപിടിത്തം പില്‍ക്കാലത്ത് പടര്‍ന്നിട്ടുണ്ട്.

മൊത്തം 4500 മണ്ഡലങ്ങളിലാണ് വോട്ടെടുപ്പ് നടക്കേണ്ടിയിരുന്നത്. അതിനായി 2,24,000 ബൂത്തുകള്‍... 20 ലക്ഷം സ്റ്റീല്‍ ബാലറ്റ് പെട്ടികള്‍... ബാലറ്റ് പേപ്പര്‍ അച്ചടിക്കാന്‍ മൂന്നേമുക്കാല്‍ ലക്ഷം റീം പേപ്പര്‍... മൊട്ടുസൂചി വരെ എല്ലാറ്റിന്റെയും കണക്കുകള്‍ ഗണിതശാസ്ത്രജ്ഞന്റെ കൃത്യതയോടെ സുകുമാര്‍ സെന്നും സഹപ്രവര്‍ത്തകരും തയ്യാറാക്കിയതുകൊണ്ട് പില്‍ക്കാലതിരഞ്ഞെടുപ്പുകളില്‍ എല്ലാം എളുപ്പമായി. ആദ്യതിരഞ്ഞെടുപ്പില്‍ ഓരോരോ സ്ഥാനാര്‍ഥിക്കും വെവ്വേറെ ബാലറ്റുപെട്ടിയാണ് ഉണ്ടായിരുന്നത്. പിന്നീടാണ് ബാലറ്റ്‌പേപ്പറില്‍ സീല്‍കുത്തി ഒരേ പെട്ടിയില്‍ നിക്ഷേപിക്കുന്ന സമ്പ്രദായം വന്നത്. ബാലറ്റ് ബോക്‌സ് ഇന്ന് തീര്‍ത്തും അപ്രത്യക്ഷമായിട്ടുണ്ട്. 

അന്ന് അഭിമുഖീകരിച്ച പല പ്രശ്‌നങ്ങളും ഇന്ന് കേട്ടാല്‍ തമാശയായിത്തോന്നും. വോട്ടേഴ്‌സ് ലിസ്റ്റില്‍ ഭാര്യമാര്‍ അവരുടെ പേര് ചേര്‍ക്കാന്‍ വിസമ്മതിച്ചത് അത്തരത്തില്‍ പെട്ട ഒരു പ്രശ്‌നമായിരുന്നു. പേര് കൊടുക്കരുത്, ഇന്നയാളുടെ ഭാര്യ എന്നേ ചേര്‍ക്കാവൂ എന്ന് 28 ലക്ഷം സ്ത്രീകള്‍ വാശിപിടിച്ചു. അവരുടെ പേരുകള്‍ മുഴുവന്‍ വോട്ടേഴ്‌സ് ലിസ്റ്റില്‍ നിന്ന് മാറ്റാന്‍ ഇലക്ഷന്‍ കമ്മീഷണര്‍ സുകുമാര്‍ സെന്നിന് ഉത്തരവ് നല്‍കേണ്ടിവന്നു. 

സ്ഥാനാര്‍ഥികള്‍ക്ക് ചെലവഴിക്കാവുന്ന പരമാവധി പണമെത്ര എന്നതുസംബന്ധിച്ച് അന്നേ ഉണ്ട് വ്യവസ്ഥ. പതിനഞ്ചായിരം രൂപയാണ് ലോക് സഭാസീറ്റിലെ സ്ഥാനാര്‍ഥിക്ക് ചെലവഴിക്കാവുന്നത്. വോട്ടര്‍മാര്‍ രണ്ടുലക്ഷത്തിലേറെയുണ്ടെങ്കില്‍ 25000 രൂപയും നാലുലക്ഷത്തിലേറെയുണ്ടെങ്കില്‍ 35000 രൂപയും ചെലവാക്കാം. പൊതുതിരഞ്ഞെടുപ്പ് നടത്താന്‍ സര്‍ക്കാര്‍ നീക്കിവെച്ചത് പത്ത് കോടിരൂപയാണ് (2009 ലെ തിരഞ്ഞെടുപ്പിന് നീക്കിവെച്ചത് പതിനായിരം കോടിയും!)

ആദ്യ ലോക് സഭാതിരഞ്ഞെടുപ്പുകാലത്ത് ലോക് സഭ എന്ന പദപ്രയോഗംതന്നെ മലയാളത്തില്‍ ഉണ്ടായിരുന്നില്ല. അര്‍ഥം ഒന്നുതന്നെയാണെങ്കിലും അന്ന് പത്രങ്ങള്‍ ഉപയോഗിച്ചിരുന്നത് ജനസഭ എന്നായിരുന്നു. പിന്നീടെപ്പോഴോ ആണ് മലയാളം കളഞ്ഞ് ഹിന്ദിയാക്കിയത്.
1951 ല്‍ നടന്ന ആദ്യ പൊതുതിരഞ്ഞെടുപ്പ് അതികായന്മാരുടെ ഏറ്റുമുട്ടലായിരുന്നു. കോണ്‍ഗ്രസ് പക്ഷത്ത് അത് പണ്ഡിറ്റ് നെഹ്‌റുവിന്റെ ഒറ്റയാന്‍ നേതൃത്വം. ഒമ്പതാഴ്ച കൊണ്ട് നെഹ്‌റു 25000 മൈല്‍ സഞ്ചരിച്ചു. അതില്‍ 18000 മൈല്‍ വിമാനത്തിലും ബാക്കി കരയിലും. നെഹ്‌റുവോളം തലയെടുപ്പുള്ള ആചാര്യ ജെ.ബി. കൃപലാനി കിസാന്‍ മസ്ദൂര്‍ പ്രജാ പാര്‍ട്ടിയെയും ജയപ്രകാശ് നാരായണന്‍, അശോക് മേത്ത എന്നിവര്‍ സോഷ്യലിസ്റ്റ് പാര്‍ട്ടിയെയും നയിച്ചു. അടുത്തിടെ മാത്രം രൂപംകൊണ്ട ഭാരതീയ ജനസംഘത്തെ കേന്ദ്രമന്ത്രിസഭയില്‍ നിന്ന് രാജിവെച്ചിറങ്ങിവന്ന ശ്യാം പ്രസാദ് മുഖര്‍ജി നയിച്ചു.

നാലോ അഞ്ചോ ഘട്ടങ്ങളിലായി വോട്ടെടുപ്പ് നടത്തി ഒറ്റ ദിവസം വോട്ടെണ്ണി വൈകുന്നേരത്തിന് മുമ്പ് ഫലപ്രഖ്യാപനം പൂര്‍ത്തിയാക്കുന്ന ഇന്നത്തെ രീതിയുമായി താരതമ്യപ്പെടുത്താനാകാത്തവിധം സങ്കീര്‍ണമായിരുന്നു അന്നത്തെ വോട്ടെടുപ്പും വോട്ടെണ്ണലും. ഒരു വശത്ത് ഫലപ്രഖ്യാപനം നടക്കുമ്പോള്‍ മറ്റൊരിടത്ത് വോട്ടെടുപ്പ് നടക്കുന്നുണ്ടായിരുന്നു. മൂന്നുമാസത്തോളമെടുത്തു വോട്ടെണ്ണല്‍ പൂര്‍ത്തിയാക്കി ലോക്‌സഭയിലെ അവസാനകക്ഷിനില അറിയാന്‍. കേരളത്തിലെ ഒരു മണ്ഡലം ആദ്യ തിരഞ്ഞെടുപ്പില്‍ ഒരു കാര്യത്തില്‍ സ്ഥാനം നേടി. ഏറ്റവും ഉയര്‍ന്ന പോളിങ് രേഖപ്പെടുത്തിയത് കോട്ടയം മണ്ഡലത്തിലായിരുന്നു. 80.9 ശതമാനം. അന്ന് കേരളം ഉണ്ടായിരുന്നില്ല എന്നുമാത്രം! 
പ്രതിപക്ഷത്ത് പ്രഗത്ഭര്‍ ഏറെ ഉണ്ടായിരുന്നെങ്കിലും കോണ്‍ഗ്രസ് വന്‍ജയമാണ് നേടിയത്. 489 സീറ്റില്‍ കോണ്‍ഗ്രസ് 328 നേടി. രണ്ടാം സ്ഥാനം സ്വതന്ത്രന്മാര്‍ക്കായിരുന്നു - 34 സീറ്റ്. സോഷ്യലിസ്റ്റ് പാര്‍ട്ടി പന്ത്രണ്ടും കൃപലാനിയുടെ പാര്‍ട്ടി പത്തും കമ്യൂണിസ്റ്റ് പാര്‍ട്ടി 27 ഉം ജനസംഘം മൂന്നും സീറ്റുമാണ് നേടിയത്. 

ഇത്തവണ ആദ്യമായി വോട്ട് ചെയ്യുന്ന പുതിയ വോട്ടര്‍മാര്‍ ഓര്‍ക്കാനിടയില്ലാത്ത ഒരു കാര്യമുണ്ട്. വോട്ടിങ് പ്രായം 21 ല്‍ നിന്ന് 18 ആയി കുറച്ചിട്ട് 21 വര്‍ഷം പിന്നിട്ടിരിക്കുന്നു. പ്രധാനമന്ത്രി രാജീവ് ഗാന്ധി 1988 ലാണ് ആ നടപടി സ്വീകരിച്ചത്.

കടപ്പാട്:മാത്രുഭൂമി ജനവിധി 2009

Share:

Read More

തെരഞ്ഞെടുപ്പും വോട്ടിംഗും

പരിചമുട്ട്‌ മുതല്‍ ബാലറ്റ്‌ വരെ

കൃത്യമായ ഒരു ചരിത്രമില്ലെങ്കിലും പല പ്രാചീന സംസ്‌കാരങ്ങളിലും തെരഞ്ഞെടുപ്പിന്റെ ആദിമ രൂപങ്ങള്‍ നിലനിന്നിരുന്നുവെന്നു വിശ്വസിക്കുന്നു. ഗ്രീക്ക്‌ നഗരരാഷ്ര്‌ടങ്ങളിലും റോമന്‍ സെനറ്റിലുമൊക്കെ ഇത്‌ നിലനിന്നിരുന്നതായി പറയപ്പെടുന്നു. ആ.ഇ. 4-ാം ശതകത്തില്‍ സ്‌പാര്‍ട്ടയിലെ ജനങ്ങള്‍ ഒരു പ്രത്യേകശബ്‌ദം മുഴക്കി വോട്ട്‌ ചെയ്‌തിരുന്നു. ഓരോ കാലത്തും വോട്ടുചെയ്യുന്നതിന്‌ വ്യത്യസ്‌തരീതികളാണ്‌ സ്വീകരിച്ചിരുന്നത്‌. കൈപൊക്കിയും എഴുന്നേറ്റുനിന്നും വിളിച്ചു പറഞ്ഞും കുന്തം പരിചയില്‍ മുട്ടിച്ചുമൊക്കെ വോട്ട്‌ ചെയ്‌തിരുന്നു. 1872ലാണ്‌ രഹസ്യബാലറ്റ്‌ സമ്പ്രദായം നിലവില്‍ വന്നത്‌. പഴയകാലത്ത്‌ കേരളത്തിലും ഭരണകാര്യത്തിനായി തെരഞ്ഞെടുക്കപ്പെട്ട സമിതികള്‍ ഉണ്ടായിരുന്നു. 1888ല്‍ ശ്രീമൂലം തിരുനാളിന്റെ കാലത്ത്‌ തിരുവിതാംകൂറില്‍ നിയമനിര്‍മ്മാണസഭ രൂപീകരിക്കുകയും അതിലേക്ക്‌ തെരഞ്ഞെടുപ്പ്‌ നടത്തുകയും ചെയ്‌തിരുന്നു. കൊച്ചിയില്‍ നിയമനിര്‍മ്മാണസഭ നിലവില്‍ വന്നതാകട്ടെ 1925ലും. എന്നാല്‍ നിശ്‌ചിത നികുതി നല്‍കുന്നവര്‍ക്കെ വോട്ടവകാശം ഉണ്ടായിരുന്നുള്ളൂ. 1858ല്‍ ആസ്‌ട്രേലിയയിലാണ്‌ ബാലറ്റ്‌ പേപ്പര്‍ ഉപയോഗിച്ചു തുടങ്ങിയത്‌. ഇത്‌ ആസ്‌ട്രേലിയന്‍ ബാലറ്റ്‌ എന്നറിയപ്പെട്ടു. ചെറിയഉണ്ട എന്നര്‍ത്ഥമുള്ള ഇറ്റാലിയന്‍ പദമായ ബാലറ്റ യില്‍ നിന്നാണ്‌ ബാലറ്റ്‌ എന്ന പദമുണ്ടായത്‌. വര്‍ഗം, വര്‍ണം, സമ്പത്ത്‌ എന്നിവയുടെ അടിസ്‌ഥാനത്തില്‍ പലയിടത്തും വോട്ടവകാശം നിഷേധിച്ചിരുന്നു. ബ്രിട്ടനില്‍ 1918വരെയും യു.എസില്‍ 1920വരെയും സ്വിറ്റ്‌സര്‍ലന്‍ഡില്‍ 1971വരെയും സ്‌ത്രീകള്‍ക്ക്‌ വോട്ടവകാശം ഉണ്ടായിരുന്നില്ല. 1892ല്‍ ബ്രിട്ടീഷുകാര്‍ ഇന്ത്യയില്‍ തെരഞ്ഞെടുപ്പ്‌ നടത്തിയിരു ന്നെങ്കിലും ജനപങ്കാളിത്തം ഉണ്ടായിരുന്നില്ല. ജനകീയ തെരഞ്ഞെടുപ്പ്‌ തത്വം ആദ്യമായി അംഗീകരിക്കപ്പെട്ടത്‌ 1909-ലാണ്‌. സ്വതന്ത്ര ഇന്ത്യയില്‍ പ്രായപൂര്‍ത്തി വോട്ടവകാശ ത്തിന്റെ അടിസ്‌ഥാനത്തില്‍ ആദ്യ പൊതുതെരഞ്ഞെടുപ്പ്‌ നടന്നത്‌ 1952-ലാണ്‌. വോട്ടം എന്ന ലാറ്റിന്‍ പദത്തില്‍നിന്നാണ്‌ വോട്ട്‌ എന്ന ഇംഗ്ലീഷ്‌ പദമുണ്ടായത്‌. അഭിപ്രായം എന്നാണിതിനര്‍ത്ഥം. ചിട്ടവട്ടങ്ങള്‍ പലത്‌ ഒരു ജനാധിപത്യ ഭരണക്രമത്തിന്റെ ജീവനാഡിയാണ്‌ തെരഞ്ഞെടുപ്പും വോട്ടിംഗും. വോട്ട്‌ ചെയ്‌ത് പ്രതിനിധികളെ നിശ്‌ചയിക്കുകയോ തീരുമാനങ്ങളെടുക്കുകയോ ചെയ്യുന്ന പ്രക്രിയയാണ്‌ തെരഞ്ഞെടുപ്പ്‌. ഇന്ത്യയില്‍ തെരഞ്ഞെടുപ്പിന്‌ ചുക്കാന്‍ പിടിക്കുന്നത്‌ ഇലക്ഷന്‍ കമ്മീഷനാണ്‌. ഭരണഘടനയുടെ 324-ാം അനുചേ്‌ഛദപ്രകാരം 1950 ജനുവരി 25നാണ്‌ കമ്മീഷന്‍ നിലവില്‍വന്നത്‌. മുഖ്യ തെരഞ്ഞെടുപ്പ്‌ കമ്മീഷണറും രണ്ടംഗങ്ങളുമാണിതിലുള്ളത്‌. രാഷ്ര്‌ടപതി, ഉപരാഷ്ര്‌ടപതി എന്നീ സ്‌ഥാനങ്ങളിലേക്കും പാര്‍ലമെന്റ്‌, സംസ്‌ഥാനനിയമസഭകള്‍ എന്നിവിടങ്ങളിലേക്കുമുള്ള തെരഞ്ഞെടുപ്പ്‌ നടത്തുന്നതും കമ്മീഷനാണ്‌. ഇലക്ഷന്‍ കമ്മീഷന്‍ ഓഫീസ്‌ നിര്‍വാചന്‍ സദന്‍ എന്നാണറിയപ്പെടുന്നത്‌. തെരഞ്ഞെടുപ്പില്‍ മത്സരിക്കുന്നതിനും ചില ചിട്ടവട്ടങ്ങളൊക്കെയുണ്ട്‌.  അസംബ്ലി, ലോക്‌സഭ തെരഞ്ഞെടുപ്പുകളില്‍ മത്സരിക്കുന്നതിനുള്ള പ്രായം 25 വയസാണ്‌. നിശ്‌ചിതപ്രായപൂര്‍ത്തിയായ വോട്ടറായി രജിസ്‌റ്റര്‍ചെയ്യപ്പെട്ടിട്ടുള്ള ഇന്ത്യന്‍ പൗരനുമാത്രമെ മത്സരിക്കാന്‍ കഴിയൂ. ലോക്‌സഭ തെരഞ്ഞെടുപ്പില്‍ ഏതൊരു വ്യക്‌തിക്കും എവിടെ നിന്നും മത്സരിക്കാം. എന്നാല്‍ അസം, ലക്ഷദ്വീപ്‌, സിക്കിം എന്നിവിടങ്ങളില്‍നിന്നും മത്സരിക്കാനാവില്ല. ഏതെങ്കിലും കേസില്‍ കുറ്റവാളിയായി പ്രഖ്യാപിക്കപ്പെടുകയും 2 വര്‍ഷത്തില്‍ കൂടുതല്‍ ജയില്‍ ശിക്ഷ അനുഭവിക്കുകയും ചെയ്‌ത വ്യക്‌തിക്ക്‌ ഇലക്ഷനില്‍ മത്സരിക്കാനാവില്ല. ലോക്‌സഭാതെരഞ്ഞെടുപ്പില്‍ രണ്ടില്‍ കൂടുതല്‍ മണ്ഡലങ്ങളില്‍ നിന്ന്‌ ഒരു വ്യക്‌തിക്ക്‌ മത്സരിക്കാനാവില്ല.

Share:

Read More

എബ്രഹാം ലിങ്കണ്‍

എബ്രഹാം ലിങ്കണ്‍

അടിമകള്‍ക്ക്‌ സ്വാതന്ത്ര്യം നല്‍കിയ വിമോചന നായകന്‍, അമേരിക്കന്‍ ആഭ്യന്തരയുദ്ധകാലത്ത്‌ രാജ്യം ചിഹ്നഭിന്നമാക്കാതെ സംരക്ഷിച്ച രാഷ്‌ട്രസാരഥി, ജനാധിപത്യത്തിന്റെ ഉജ്‌ജ്വല വക്‌താവ്‌. എബ്രഹാം ലിങ്കണ്‌ വിശേഷണങ്ങള്‍ ഏറെയുണ്ട്‌. എളിയ ജീവിതസാഹചര്യങ്ങളില്‍നിന്ന്‌ സ്‌ഥിരോത്സാഹത്തിലൂടെ അമേരിക്കന്‍ പ്രസിഡന്റ്‌ പദം വരെ എത്തിയ ലിങ്കണ്‍, ജനഹൃദയങ്ങളില്‍ ചിരപ്രതിഷ്‌ഠ നേടിയ മഹാനാണ്‌. ജനാധിപത്യത്തെയും പൗരാവകാശങ്ങളെയും ഉയര്‍ത്തിപ്പിടിച്ച ലിങ്കന്റെ പ്രസംഗങ്ങള്‍ ലോകജനതയെ ഒന്നടങ്കം ഉണര്‍ത്തുകയും ആവേശം കൊള്ളിക്കുകയും ചെയ്‌തു. ജനാധിപത്യത്തിന്റെ പുതുയുഗപ്പിറവിക്ക്‌ അവ പ്രചോദനമായി. 2009 ഈ വിശ്വപൗരന്റെ 200-ാം ജന്മവാര്‍ഷികമായി ലോകമെങ്ങും ആചരിക്കുകയാണ്‌. 1809 ഫെബ്രുവരി 12ന്‌ അമേരിക്കയിലെ കെന്റക്കിയില്‍ ഹോഡ്‌ജന്‍ വില്ല എന്ന സ്‌ഥലത്താണ്‌ എബ്രഹാം ലിങ്കണ്‍ ജനിച്ചത്‌. ദരിദ്രരും വിദ്യാഹീനരുമായ തോമസ്‌ ലിങ്കണ്‍, നാന്‍സി ഹാങ്ക്‌സ് ദമ്പതികളുടെ മകനായി. കുടിലില്‍ നിന്ന്‌ കൊട്ടാരത്തിലേക്ക്‌ എന്ന പ്രയോഗം അന്വര്‍ത്ഥമാക്കിക്കൊണ്ട്‌ ഒരു ഒറ്റമുറിയുള്ള മരക്കുടിലിലായിരുന്നു അമേരിക്കയുടെ ചരിത്രത്തിലെ ഏറ്റവും മഹാനായ പ്രസിഡന്റായിത്തീര്‍ന്ന എബ്രഹാം ലിങ്കണ്‍ പിറന്നുവീണത്‌. സാമ്പത്തിക പരാധീനതകള്‍ കാരണം അവര്‍ നൂറുകിലോമീറ്റര്‍ അകലെയുള്ള ഇന്ത്യാനയിലേക്കു താമസം മാറ്റി. ചെറുപ്പത്തിലെ ആഹാരത്തിനുള്ള വകയുണ്ടാക്കാനായി അച്‌ഛനോടൊപ്പം കൃഷിപ്പണിയില്‍ സഹായിയായി ചേര്‍ന്ന എബ്രഹാമിന്‌ സ്‌കൂളില്‍ പോകാന്‍ കഴിഞ്ഞില്ല. അമ്മ നാന്‍സിയാണ്‌ എബ്രഹാമിനെ എഴുത്തും വായനയും പഠിപ്പിച്ചത്‌. ഈസോപ്പുകഥകള്‍ പോലുള്ള സന്മാര്‍ഗ കഥകള്‍ അവര്‍ എബ്രഹാമിനു പറഞ്ഞുകൊടുക്കുമായിരുന്നു. ചെറുപ്പത്തിലേ ശീലമാക്കിയ പരന്ന വായന അദ്ദേഹത്തിന്റെ വളര്‍ച്ചയില്‍ പ്രധാന പങ്കുവഹിച്ചു. അമ്മയുടെ മരണശേഷം മറ്റൊരു വിവാഹം കഴിച്ച പിതാവ്‌ ഇല്ലിനോയിയിലേക്കു താമസം മാറ്റി. വഞ്ചിയില്‍ ചരക്കുകള്‍ കയറ്റി ആയിരത്തി നാനൂറോളം മൈല്‍ തുഴഞ്ഞ്‌ ന്യൂ ഓര്‍ലിയന്‍സില്‍ എത്തിക്കുന്ന ഒരു ജോലി സ്വീകരിച്ച ലിങ്കണ്‍ കെന്റക്കിയില്‍ തന്നെ തുടര്‍ന്നു. ഇക്കാലത്ത്‌ ന്യൂ ഓര്‍ലിയന്‍സില്‍വെച്ച്‌ കാണാനിടയായ അടിമച്ചന്ത അദ്ദേഹത്തിന്റെ മനസ്സിനെ അഗാധമായി സ്വാധീനിച്ചു. അടിമത്തത്തി നെതിരേ പൊരുതാനുള്ള ഉറച്ച തീരുമാനവുമായാണ്‌ അദ്ദേഹം അവിടുന്ന്‌ മടങ്ങിയത്‌. ഗുസ്‌തിക്കാരനായും കച്ചവടക്കാരനായും പോസ്‌റ്റുമാനായുമൊക്കെ ജോലിചെയ്‌ത എബ്രഹാം തന്റെ പ്രവര്‍ത്തനമേഖലകളിലെല്ലാം കാണിച്ച ആത്മാര്‍ത്ഥതമൂലം പതുക്കെ ജനശ്രദ്ധ നേടാന്‍ തുടങ്ങി.1832-ല്‍ രാഷ്‌ട്രീയത്തിലിറങ്ങിയ എബ്രഹാം ലിങ്കണ്‍ ഇലിനോയ്‌ സംസ്‌ഥാനത്തെ ജനപ്രതിനിധിസഭയിലേക്ക്‌ തിരഞ്ഞെടുക്കപ്പെട്ടു. ഇക്കാലത്ത്‌ സ്വയം നിയമപഠനം തുടര്‍ന്ന്‌ 1837-ല്‍ അഭിഭാഷകനായി. പുതുതായി രൂപവത്‌ക്കരിക്കപ്പെട്ട റിപ്പബ്ലിക്കന്‍ പാര്‍ട്ടിയില്‍ അംഗത്വമെടുത്ത എബ്രഹാം ലിങ്കണ്‍ 1860-ലെ പ്രസിഡന്റ്‌ തെരഞ്ഞെടുപ്പില്‍ മത്സരിച്ചു ജയിച്ചു. ലിങ്കണ്‍ പ്രസിഡന്റായി തെരഞ്ഞെടുക്കപ്പെട്ടു. 1861 മാര്‍ച്ച്‌ 4ന്‌ എബ്രഹാം ലിങ്കണ്‍ ഐക്യനാടുകളുടെ പ്രസിഡന്റായി സ്‌ഥാനമേറ്റു. ഏറെ താമസിയാതെ 1861 ഫെബ്രുവരി യില്‍ ഏഴു തെക്കന്‍ സംസ്‌ഥാനങ്ങള്‍ സ്വയം വിഘടിച്ചുപോയി കോണ്‍ഫെഡറേറ്റ്‌ സ്‌റ്റേറ്റ്‌സ് ഓഫ്‌ അമേരിക്ക എന്ന പേരില്‍ രാജ്യം പ്രഖ്യാപിച്ചു. അവിടെ അടിമസമ്പ്രദായത്തിന്‌ നിയമ സാധുത നല്‍കി.ഈ നടപടി അമേരിക്കന്‍ ആഭ്യന്തര യുദ്ധത്തിനു കാരണമായി. വിഘടിത സംസ്‌ഥാനങ്ങളെ വീണ്ടും യൂണിയനില്‍ ചേര്‍ക്കുന്നതിനുള്ള യുദ്ധത്തിന്‌ ലിങ്കണ്‍ സമര്‍ത്ഥമായ നേതൃത്വം നല്‍കി. 1865 ഏപ്രില്‍ 9ന്‌ കോണ്‍ഫെഡറേഷന്‍ സൈന്യം കീഴടങ്ങി. വിഘടിത സംസ്‌ഥാനങ്ങളെ യൂണിയനില്‍ ലയിപ്പിച്ചു.യുദ്ധാനന്തരം അമേരിക്കയില്‍ അടിമത്തം അവസാനിച്ചു. 1865-ല്‍ അടിമത്തം അവസാനിപ്പിക്കുന്ന ഭരണഘടനാ ഭേദഗതി നിലവില്‍ വന്നു. അതേ വര്‍ഷം തന്നെ ലിങ്കണ്‍ വീണ്ടും യു.എസ്‌. പ്രസിഡന്റായി തെരഞ്ഞെടുക്കപ്പെട്ടു. 1865 ഏപ്രില്‍ 14-ന്‌ വാഷിംഗ്‌ടണിലെ ഒരു തിയേറ്ററില്‍ ഔവര്‍ അമേരിക്കന്‍ കസിന്‍ എന്ന നാടകം കണ്ടുകൊണ്ടിരിക്കെ തെക്കന്‍പക്ഷപാതിയായ ജോണ്‍ വില്‍ക്കിസ്‌ ബൂത്ത്‌ എന്ന നടന്‍ ലിങ്കനുനേരെ വെടിയുതിര്‍ത്തു. ലോകത്തെ ഞെട്ടിച്ചുകൊണ്ട്‌! അമേരിക്കക്കാരെ മുഴുവന്‍ ദുഃഖത്തിലാഴ്‌ത്തിക്കൊണ്ട്‌ പിറ്റേന്ന്‌ രാവിലെ 7.22ന്‌ എബ്രഹാം ലിങ്കണ്‍  ഈ ലോകത്തോട്‌ യാത്ര പറഞ്ഞു.

Share:

Read More

ഭാരതീയ സംഗീതം

ഭാരതീയ സംഗീതം

അതി സമ്പുഷ്‌ടമായ ഒരു സംഗീത പാരമ്പര്യം ഉള്ള രാജ്യമാണ്‌ നമ്മുടെ ഭാരതം. വൈദിക കാലത്തുതന്നെ ഭാരതത്തില്‍ രൂപം പ്രാപിച്ച കലയാണ്‌ സംഗീതം. ആ കാലത്ത്‌ സംഗീതത്തെ മൊത്തത്തില്‍ മാര്‍ഗിസംഗീതം, ദേശി സംഗീതം എന്ന്‌ രണ്ടായി വിഭജിച്ചിരുന്നു. മതാനുഷ്‌ടാനങ്ങള്‍ക്കും യാഗങ്ങള്‍ക്കും പ്രയോഗിച്ചിരുന്ന സംഗീതം മാര്‍ഗിസംഗീതമാണ്‌. ഇത്‌ ശ്രുതി, സ്വരം, താളം എന്നിവയെ ആധാരമാക്കിയുള്ളതും പ്രാദേശിക വ്യതിയാനങ്ങള്‍ക്കു വശംവദമാകാത്തതുമാണ്‌. സാധാരണ ജനങ്ങള്‍ കൈകാര്യം ചെയ്യുന്ന സംഗീതമാണ്‌ ദേശി. അതതു ദേശങ്ങളിലെ ചിട്ടകളും പ്രത്യേകതകളും അനുസരിച്ച്‌ ദേശിസംഗീതത്തില്‍ മാറ്റങ്ങള്‍ സംഭവിക്കുന്നു.  പേര്‍ഷ്യന്‍ അഫ്‌ഗാന്‍ സംഗീതശൈലികളുടെ സ്വാധീനതയില്‍ ഉത്തരേന്ത്യയില്‍ ഒരു സംഗീത പദ്ധതി ഉരുത്തിരിഞ്ഞു. അതാണ്‌ ഹിന്ദുസ്‌ഥാനി സംഗീതം. ഭാരതീയ സംഗീതത്തിന്റെയും പേര്‍ഷ്യന്‍ മുഗള്‍ശൈലിയുടെയും സമഗ്രരൂപമാണ്‌ ഇത്‌.  ഹിമാലയം മുതല്‍ കന്യാകുമാരിവരെ പരന്നുകിടക്കുന്ന ആര്‍ഷഭൂമിയിലെ ഓരോ പ്രദേശവും തനതായ സംഭാവനകള്‍ നല്‍കി നമ്മുടെ സംഗീതത്തെ പരിപോഷിപ്പിച്ചു. രണ്ടായി പിരിഞ്ഞൊഴുകിയ ഭാരതീയ സംഗീതത്തിന്റെ മറ്റൊരു പ്രധാന ശാഖയാണ്‌ കര്‍ണാടക സംഗീതമെന്നറിയപ്പെടുന്ന ദക്ഷിണേന്ത്യന്‍ സംഗീതം.  രണ്ട്‌ സംഗീതരീതികളുടെയും അടിസ്‌ഥാന ശാസ്‌ത്രതത്വങ്ങള്‍ രാഗവും താളവുമാണ്‌. സരിഗമപധനി എന്ന സപ്‌തസ്വരങ്ങളും സ്‌ഥായിഭേദങ്ങളും ഹിന്ദുസ്‌ഥാനി സംഗീതത്തിലും കര്‍ണ്ണാടക സംഗീതത്തിലും പരമപ്രധാനമായ അടിസ്‌ഥാനമാണ്‌. ആലാപനരീതിയിലെ വ്യത്യാസം കൊണ്ടാണ്‌ രണ്ട്‌ സംഗീതരീതികള്‍ക്കും തനതായ വ്യക്‌തിത്വം കൈവന്നത്‌. ************************* കര്‍ണാടക സംഗീതം കര്‍ണ്ണത്തിന്‌ (ചെവിക്ക്‌) അടകമായ (സ്വീകാര്യമായ) സംഗീതം എന്ന അര്‍ത്ഥത്തിലാണ്‌ ഈ പേരുവന്നതെന്ന്‌ ഒരു അഭിപ്രായമുണ്ട്‌. അതല്ല പശ്‌ചിമഘട്ടത്തിനും ബംഗാള്‍ ഉള്‍ക്കടലിനുമിടയ്‌ക്കുള്ള സമതല പ്രദേശങ്ങളെ ബ്രിട്ടീഷുകാര്‍ കര്‍ണാട്ടിക്‌ എന്നു വിളിച്ചു. അതില്‍നിന്നാണ്‌ കര്‍ണാട്ടിക്‌ മ്യൂസിക്‌ (കര്‍ണാടകസംഗീതം) എന്ന പേരുണ്ടായതെന്നും പറയപ്പെടുന്നു. കര്‍ണാടകദേശത്ത്‌ ജനിച്ച പുരന്ദരദാസനാണ്‌ കര്‍ണാടക സംഗീതലോകത്തെ പ്രഥമാചാര്യന്‍. കര്‍ണാടകസംഗീതത്തിന്‌ ചിട്ടയായ ഒരു പഠനക്രമം നിര്‍ദ്ദേശിച്ചത്‌ പുരന്ദരദാസരത്രേ. സംഗീത വിദ്യാര്‍ത്ഥികള്‍ ഇന്നും അഞ്ഞൂറുവര്‍ഷം മുമ്പ്‌ പുരന്ദരദാസര്‍ നിശ്‌ചയിച്ച അതേ ക്രമത്തിലാണ്‌ സംഗീതം അഭ്യസിക്കുന്നത്‌. അതുകൊണ്ടായിരിക്കാം വൈദേശിക സ്വാധീനങ്ങള്‍ക്കു വഴങ്ങാതെ തനിമ കാത്തുസൂക്ഷിക്കാന്‍ കര്‍ണാടക സംഗീതത്തിന്‌ ഇന്നും കഴിയുന്നത്‌. പുരന്ദരദാസ്‌, ശ്യാമശാസ്‌ത്രികള്‍, ത്യാഗരാജ സ്വാമികള്‍, മുത്തുസ്വാമി ദീക്ഷിതര്‍, സ്വാതിതിരുനാള്‍ മഹാരാജാവ്‌, ഷട്‌കാല ഗോവിന്ദമാരാര്‍, ചെമ്പൈ വൈദ്യനാഥ ഭാഗവതര്‍, എം.ഡി. രാമനാഥന്‍, ശെമ്മാങ്കുടി ശ്രീനിവാസയ്യര്‍, എം. ബാലമുരളീകൃഷ്‌ണ, എം.എസ്‌. സുബ്ബലക്ഷ്‌മി, ഡി.കെ.പട്ടാമ്മാള്‍, എം.എല്‍.വസന്തകുമാരി തുടങ്ങിയവര്‍ കര്‍ണാടകസംഗീതചരിത്രത്തില്‍ ശ്രദ്ധേയവ്യക്‌തികളാണ്‌. ************************* ഹിന്ദുസ്‌ഥാനി സംഗീതം പൂര്‍വ്വഘട്ടത്തിനു കിഴക്കുള്ള പ്രദേശങ്ങളിലെ സംഗീതം പൊതുവെ, ഹിന്ദുസ്‌ഥാനി സംഗീതം എന്നറിയപ്പെടുന്നു. വിദേശസംഗീതത്തിന്റെ അംശങ്ങള്‍ കൂടിച്ചേര്‍ത്ത്‌ ഉത്തരേന്ത്യയില്‍ രൂപം കൊണ്ടതാണ്‌ ഈ സംഗീതരീതി. കര്‍ണാടകസംഗീതത്തില്‍ കൃതികള്‍ക്ക്‌ വളരെ പ്രാധാന്യമുണ്ട്‌. എന്നാല്‍ കൃതികള്‍ക്ക്‌ ഒട്ടുംതന്നെ പ്രാധാന്യം ഹിന്ദുസ്‌ഥാനി സംഗീതം കല്‌പിക്കുന്നില്ല. രാഗത്തിന്റെ വിസ്‌താരത്തിനും അതിന്റെ ഛായകള്‍ പുറത്തുകൊണ്ടുവരാനുതകുന്ന മനോധര്‍മ്മത്തിനുമാണ്‌ കൂടുതല്‍ ഊന്നല്‍. സാഹിത്യത്തിന്റെ പിന്തുണയില്ലാതെ സംഗീതമെന്ന കല ഒരു സംവേദന മാധ്യമമാകുന്നതിന്റെ പ്രത്യേക്ഷ ഉദാഹരണം കൂടിയാണ്‌ ഹിന്ദുസ്‌ഥാനി സംഗീതം. മല്ലികാര്‍ജുന്‍ മന്‍സൂര്‍, ബിസ്‌മില്ലാഖാന്‍, ഭീംസെന്‍ ജോഷി, കുമാര്‍ ഗന്ധര്‍വ, അംജത്‌ അലിഖാന്‍, രവിശങ്കര്‍, കിശോരി അമോങ്കര്‍, സാദത്ത്‌ ഹുസൈന്‍ ഖാന്‍, ഗംഗുഭായ്‌ ഹംഗാല്‍, അലി അക്‌ബര്‍ഖാന്‍, വിജയരാഘവറാവു, ഹരിപ്രസാദ്‌ ചൗരസിയ, പര്‍വീണ്‍ സുല്‍ത്താന, എന്‍.ജെ.ജോഗ്‌, ഗിരിജാ ദേവി, നസീര്‍ ഹുസൈന്‍ ഖാന്‍ തുടങ്ങിയവരാണ്‌ ആധുനികകാലത്തെ പ്രശസ്‌ത ഹിന്ദുസ്‌ഥാനി സംഗീതജ്‌ഞര്‍. ഷെഹനായ്‌, സരോദ്‌, സിതാര്‍, സാരങ്‌ഗി, വിചിത്രവീണ, പുല്ലാങ്കുഴല്‍, വയലിന്‍, തബല തുടങ്ങിയവയാണ്‌ ഹിന്ദുസ്‌ഥാനി സംഗീതത്തിലെ പ്രമുഖ വാദ്യങ്ങള്‍. ************************* നാടോടി സംഗീതം നാടോടി എന്നതിന്‌ നാട്ടിലൊക്കെ ഓടുന്നത്‌ അഥവാ പ്രചരിക്കുന്നത്‌ എന്നര്‍ത്ഥം. സാധാരണ ജനങ്ങളുടെ ജീവിതവുമായി ബന്ധപ്പെട്ടുള്ള പ്രാദേശിക സംഗീതമാണ്‌ നാടോടി സംഗീതം. ശാസ്‌ത്രീയ നിബന്ധനങ്ങള്‍ ഒട്ടുംതന്നെ പാലിക്കാത്ത ഒരു സംഗീതവിഭാഗമാണിത്‌. പാടുന്നത്‌ ആരാണോ അക്കൂട്ടരുടെ വാമൊഴിയില്‍ത്തന്നെയാണ്‌ പാട്ടുകളുണ്ടാവുക. നാടന്‍പാട്ടുകളുടെ ആകര്‍ഷകത്വത്തിന്റെ പ്രധാന കാരണങ്ങളിലൊന്ന്‌ ഈ വാമൊഴികളുടെ സാന്നിധ്യം കൂടിയാണ്‌. കേള്‍വിക്കാരനെ അങ്ങേയറ്റം ആകര്‍ഷിക്കുന്ന ലളിതവും ഇമ്പമേറിയതുമായ ശൈലി ഈ സംഗീതവിഭാഗത്തിന്റെ പ്രത്യേകതയാണ്‌. ************************* സോപാനസംഗീതം സോപാനമെന്ന പദത്തിന്റെ അര്‍ത്ഥം ക്ഷേത്രത്തിലെ ശ്രീകോവിലിലേക്കുള്ള ചവിട്ടുപടി എന്നാണ്‌. സോപാനത്തിന്റെ സമീപത്തുനിന്ന്‌ പാടുന്നതിനാലാണ്‌ ഇതിന്‌ ഈ പേരു വന്നത്‌. കേരളത്തിന്റെ തനതായ ഒരു സംഗീതശൈലിയാണ്‌ സോപാനസംഗീതം. ക്ഷേത്രത്തിലെ വിശേഷാല്‍ പൂജകള്‍ക്കും ചടങ്ങുകള്‍ക്കും ഇടയ്‌ക്ക കൊട്ടി പ്രത്യേക രീതിയിലാണ്‌ ഇത്‌ പാടുന്നത്‌. ഇന്ന പൂജയ്‌ക്ക് ഇന്ന രാഗം, താളം എന്ന വ്യവസ്‌ഥയുണ്ട്‌. ദേശാക്ഷി, ശ്രീകണ്‌ഠി, നളത്ത, മലഹരി, ആഹരി, ഭൂപാളി, നാട്ട, സാമന്തലഹരി, അന്തരി, അന്ധാളി എന്നിവയാണ്‌ അവ. കൊട്ടിനും പാട്ടിനും ആരാധനയോടുള്ള ഗാഢബന്ധത്തിനു നിദര്‍ശനമാണ്‌ സോപാനസംഗീതം. ************************* കഥകളിസംഗീതം കഥകളിയിലെ സംഗീതം ഭാവസംഗീതമാണ്‌. കഥകളിയുടെ ഉത്ഭവകാലത്ത്‌ പാട്ടും അഭിനയവുമെല്ലാം ഒരാള്‍ തന്നെയാണ്‌ ചെയ്‌തിരുന്നത്‌. പില്‌ക്കാലത്ത്‌ ഇവ രണ്ടും രണ്ടായി. ഈ വിധം കഥകളിയിലെ വാചികാഭിനയമാണ്‌ കഥകളി സംഗീതം എന്നറിയപ്പെടുന്നത്‌. മദ്ദളം, ചേങ്ങില, ഇലത്താളം, ചെണ്ട എന്നിവയാണ്‌ കഥകളിയിലെ വാദ്യോപകരണങ്ങള്‍. കേരളീയ സംഗീതപാരമ്പര്യത്തിന്‌ ദ്രുതവികാസമുണ്ടാക്കിയത്‌ കഥകളിയെന്ന കലാരൂപമാണ്‌. വിഖ്യാതരായ അനവധി കഥകളി സംഗീതവിദഗ്‌ദ്ധരെ സൃഷ്‌ടിക്കാന്‍ കേരളത്തിനു കഴിഞ്ഞു. പ്രതികൂല സാഹചര്യങ്ങളോടു പൊരുതി വിജയം വരിച്ച്‌ അകാലത്തില്‍ പൊലിഞ്ഞുപോയ ഹൈദരാലി ഇക്കൂട്ടത്തില്‍ വിശേഷ പരാമര്‍ശം അര്‍ഹിക്കുന്നു. ************************* അഷ്‌ടപദി ഗീതാഗോവിന്ദം എന്ന പ്രശസ്‌ത കൃതിയിലെ ഗാനങ്ങള്‍ക്ക്‌ പൊതുവില്‍ നല്‌കിയിട്ടുള്ള പേരാണ്‌ അഷ്‌ടപദി. ഓരോ ഗാനത്തിനും എട്ടു പാദങ്ങള്‍ വീതമുള്ളതിനാലാണ്‌ ഇവയ്‌ക്ക് അഷ്‌ടപദി എന്ന പേരുവന്നത്‌. ജയദേവകവിയാണ്‌ ഈ കൃതിയുടെ രചയിതാവ്‌. രാധ-കൃഷ്‌ണ പ്രണയമാണ്‌ ഗീതോഗോവിന്ദത്തിലെ ഇതിവൃത്തം. ************************* പുള്ളുവന്‍ പാട്ട്‌ സര്‍പ്പംതുള്ളലിന്റെ പശ്‌ചാത്തല സംഗീതമാണ്‌ പുള്ളുവന്‍പാട്ട്‌, പുള്ളുവ ദമ്പതികള്‍ പാടുന്നതിനാല്‍ പുള്ളുവന്‍പാട്ട്‌ എന്ന പേരു ലഭിച്ചു. പുള്ളുവന്‍കുടവും വീണയും ആണ്‌ പശ്‌ചാത്തല വാദ്യങ്ങള്‍. ************************* രബീന്ദ്രസംഗീതം ബംഗാളി-ബാബുല്‍ സംഗീതത്തോടൊപ്പം ആംഗല സംഗീതവും ചേര്‍ത്തു രബീന്ദ്ര നാഥ ടാഗോര്‍ രൂപം നല്‌കിയതാണ്‌ രബീന്ദ്രസംഗീതം. ************************* പാശ്‌ചാത്യസംഗീതം താളത്തിനും ലയത്തിനും പ്രാധാന്യമുള്ളതാണ്‌ പാശ്‌ചാത്യസംഗീതം. ഈശ്വരനുമായി സംവേദിക്കാനുള്ള ഒരു മാധ്യമം എന്നതിനുപരിയായി സഹജീവികളോട്‌ തന്റെ വികാരങ്ങളെ അറിയിക്കാനുള്ള ഒരു കലയായാണ്‌ പാശ്‌ചാത്യസംഗീതം വളര്‍ന്നത്‌. പോപ്പ്‌, റോക്ക്‌ എന്നിവയെല്ലാം പാശ്‌ചാത്യസംഗീതത്തിലെ വിവിധ ശൈലികളാണ്‌. സാധാരണക്കാരന്‌ മനസ്സിലാകത്തക്കവിധത്തില്‍ ലളിതമായ ഭാഷയിലാണ്‌ ഇതിലെ ഗാനങ്ങള്‍ മിക്കതും രചിച്ചിരിക്കുന്നത്‌. ************************* പോപ്പും റോക്കും ജാസും യുവജനങ്ങളുടെ ഹരമായി തീര്‍ന്നിട്ടുള്ള പോപ്പ്‌ സംഗീതം പാശ്‌ചാത്യസംഗീതത്തിലെ വിവിധ ശൈലികളുടെ സമ്മിശ്രമാണ്‌. റോക്ക്‌ ആന്‍ഡ്‌ റോള്‍ സംഗീതം ഉടലെടുത്തത്‌ പോപ്‌ സംഗീതത്തില്‍നിന്നാണ്‌ എന്നു കരുതപ്പെടുന്നു. 1954-ല്‍ റെക്കോര്‍ഡുചെയ്‌ത് റോക്ക്‌ എറൗണ്ട്‌ ദി ക്ലോക്ക്‌ എന്ന ഗാനമാണ്‌ റോക്ക്‌ ആന്‍ഡ്‌ റോളില്‍ പ്രചാരം നേടിയ ആദ്യ ഗാനം. പോപ്‌ സംഗീതത്തിന്റെ ഒരു വിഭാഗമാണ്‌ റോക്ക്‌ സംഗീതം. ലോകസംഗീതത്തിന്‌ അമേരിക്കയുടെ വിലപ്പെട്ട സംഭാവനയാണ്‌ ജാസ്‌ സംഗീതം. ആഫ്രിക്കന്‍ യൂറോപ്യന്‍ സംഗീതങ്ങളുടെ സമ്മിശ്രമാണ്‌ ജാസ്‌. നീഗ്രോകളാണ്‌ ജാസ്‌ സംഗീതത്തിന്റെ ഉപജ്‌ഞാതാക്കളെന്നു കരുതപ്പെടുന്നു.

Share:

Read More